kalama nasa wawa

Pichismo Jun 26, 2007

{"/":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"},"next":{"id":"2005/12/wan-taso","data":{"title":"wan taso","description":"dark teenage poetry","authors":["Ackadi"],"proofreaders":null,"date":"2005-12-15T00:00:00.000Z","date-precision":"day","original":null,"tags":null,"license":"CC BY-SA 3.0","sources":["https://en.wikipedia.org/w/index.php?title=Toki_Pona&oldid=31099251"],"archives":null,"preprocessing":null,"accessibility-notes":null,"notes":null},"body":"ijo li moku e mi. \\\nmi wile pakala. \\\npimeja li tawa insa kon mi. \\\njan ala li ken sona e pilin ike mi. \\\ntoki musi o, sina jan pona mi wan taso. \\\ntelo pimeja ni li telo loje mi, li ale mi. \\\ntenpo ale la pimeja li lon.","filePath":"poki/plaintext/2005/12/wan-taso.md","digest":"e2011aa2b89faa55","rendered":{"html":"ijo li moku e mi. \nmi wile pakala. \npimeja li tawa insa kon mi. \njan ala li ken sona e pilin ike mi. \ntoki musi o, sina jan pona mi wan taso. \ntelo pimeja ni li telo loje mi, li ale mi. \ntenpo ale la pimeja li lon.","metadata":{"headings":[],"localImagePaths":[],"remoteImagePaths":[],"frontmatter":{"title":"wan taso","description":"dark teenage poetry","authors":["Ackadi"],"proofreaders":null,"date":"2005-12-15T00:00:00.000Z","date-precision":"day","tags":null,"original":null,"license":"CC BY-SA 3.0","sources":["https://en.wikipedia.org/w/index.php?title=Toki_Pona&oldid=31099251"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/music":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"},"next":{"id":"2021/11/jan-esun-li-kalama","data":{"title":"jan esun li kalama","description":null,"authors":["jan Ke Tami"],"proofreaders":null,"date":"2001-01-01T00:00:00.000Z","date-precision":"none","original":{"title":"Soon May the Wellerman Come","authors":null},"tags":["music"],"license":"All Rights Reserved","sources":["https://www.youtube.com/watch?v=_etwTlHjhBI"],"archives":null,"preprocessing":null,"accessibility-notes":null,"notes":null},"body":"tenpo pini wan la, tomo li lon telo. \\\nnimi ona li Poki Seli Telo. \\\ntomo li tawa. \\\nkon li wawa. \\\njan pali o pali.\n\ntenpo pi jan esun la, \\\nona li esun e moku mi. \\\ntenpo pali li pini \\\nla mi tawa weka.\n\ntenpo lili tawa la kala suli li lon poka ona. \\\njan lawa tomo li toki: \\\n“mi wile e ona.”\n\ntomo lili li kama anpa la, monsi kala li pakala e ni. \\\njan li alasa e kala \\\nkepeken ilo linja\n\nlinja ilo li pakala ala la, kala suli li tawa e tomo. \\\njan lawa li ike ala, \\\ntaso ona li nasin alasa.\n\ntenpo suno mute la, linja ilo li awen, li lawa. \\\ntomo lili ale li weka ale. \\\nkala suli li awen tawa\n\ntoki la, linja en kala en alasa li awen. \\\njan esun li awen toki \\\ntawa jan tomo, tawa alasa!","filePath":"poki/plaintext/2021/11/jan-esun-li-kalama.md","digest":"c59d3d9eed0951cb","rendered":{"html":"tenpo pini wan la, tomo li lon telo. \nnimi ona li Poki Seli Telo. \ntomo li tawa. \nkon li wawa. \njan pali o pali.\ntenpo pi jan esun la, \nona li esun e moku mi. \ntenpo pali li pini \nla mi tawa weka.\ntenpo lili tawa la kala suli li lon poka ona. \njan lawa tomo li toki: \n“mi wile e ona.”\ntomo lili li kama anpa la, monsi kala li pakala e ni. \njan li alasa e kala \nkepeken ilo linja\nlinja ilo li pakala ala la, kala suli li tawa e tomo. \njan lawa li ike ala, \ntaso ona li nasin alasa.\ntenpo suno mute la, linja ilo li awen, li lawa. \ntomo lili ale li weka ale. \nkala suli li awen tawa\ntoki la, linja en kala en alasa li awen. \njan esun li awen toki \ntawa jan tomo, tawa alasa!","metadata":{"headings":[],"localImagePaths":[],"remoteImagePaths":[],"frontmatter":{"title":"jan esun li kalama","description":null,"authors":["jan Ke Tami"],"proofreaders":null,"date":"2001-01-01T00:00:00.000Z","date-precision":"none","tags":["music"],"original":{"title":"Soon May the Wellerman Come","authors":null},"license":"All Rights Reserved","sources":["https://www.youtube.com/watch?v=_etwTlHjhBI"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/original":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"},"next":{"id":"2003/04/pilin-ike","data":{"title":"pilin ike","description":"Even angst-ridden, mediocre teenage poetry can be expressed in Toki Pona. As a universal language of simplicity, Toki Pona must lend itself to every genre, good and bad.","authors":["jan Sonja"],"proofreaders":null,"date":"2003-04-23T00:00:00.000Z","date-precision":"day","original":null,"tags":["original","poetry","angst"],"license":"All Rights Reserved","sources":["http://www.tokipona.org/lit-angst.php"],"archives":["https://archive.is/b9Sjt","http://web.archive.bibalex.org/web/20030423115357/http://www.tokipona.org/lit-angst.php","https://archive.is/o/b9Sjt/web.archive.bibalex.org/web/20030423115357/http://www.tokipona.org/kalama/pilinike.mp3"],"preprocessing":null,"accessibility-notes":null,"notes":null},"body":"# pilin ike\n\nmi lon pimeja. \\\nwaso ike li tawa sike lon lawa mi. \\\npipi jaki li moku lili e noka mi. \\\nmi wile e pini.\n\n","filePath":"poki/plaintext/2003/04/pilin-ike.md","digest":"7afe9ea0a931f733","rendered":{"html":"<h1 id=\"pilin-ike\">pilin ike</h1>\nmi lon pimeja. \nwaso ike li tawa sike lon lawa mi. \npipi jaki li moku lili e noka mi. \nmi wile e pini.\n","metadata":{"headings":[{"depth":1,"slug":"pilin-ike","text":"pilin ike"}],"localImagePaths":[],"remoteImagePaths":[],"frontmatter":{"title":"pilin ike","description":"Even angst-ridden, mediocre teenage poetry can be expressed in Toki Pona. As a universal language of simplicity, Toki Pona must lend itself to every genre, good and bad.","authors":["jan Sonja"],"proofreaders":null,"date":"2003-04-23T00:00:00.000Z","date-precision":"day","tags":["original","poetry","angst"],"original":null,"license":"All Rights Reserved","sources":["http://www.tokipona.org/lit-angst.php"],"archives":["https://archive.is/b9Sjt","http://web.archive.bibalex.org/web/20030423115357/http://www.tokipona.org/lit-angst.php","https://archive.is/o/b9Sjt/web.archive.bibalex.org/web/20030423115357/http://www.tokipona.org/kalama/pilinike.mp3"],"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/esperanto":{"prev":{"id":"2022/05/jan-keta-li-weka","data":{"title":"jan Keta li weka!","description":null,"authors":["jan Tepo"],"proofreaders":["soweli nata","jan Lakuse","jan Pensa","jan Peton"],"date":"2022-05-29T00:00:00.000Z","date-precision":"day","original":{"title":"Gerda malaperis!","authors":["Claude Piron"]},"tags":["translation","book","story","esperanto"],"license":null,"sources":["https://docs.google.com/document/d/e/2PACX-1vTPNbOI0bcy31sRnziHm0urd__61l2-N7952qNG3WXxOTzMn8NAXmouv0uzTY5eiBip4vTA1ThRTxRc/pub","https://www.reddit.com/r/tokipona/comments/v057bl/jan_keta_li_weka_a_translation_of_the_esperanto/"],"archives":null,"preprocessing":"For dialogue, change the tab between the characters name and speech with a colon.","accessibility-notes":null,"notes":null},"body":"## jan Keta li weka!\n\nlipu li tan jan Claude Piron \\\nante toki li tan jan Tepo \\\nkepeken soweli nata \\\nkepeken jan Lakuse \\\nkepeken jan Pensa \\\nkepeken jan Peton\n\no sona e ken ike lipu:\n\n* ike sijelo\n* jan ike li pakala e sijelo pi jan ante\n* pilin ni: meli li nasa, mije li wawa\n* nasin Epelanto\n\n### \\#1) lon tomo moku lon tomo sona\n\njan Ton: toki, jan Linta o. \\\njan Linta: toki, jan Ton o. \\\njan Ton: o toki e ni tawa mi: jan ni li seme? \\\njan Linta: jan seme? \\\njan Ton: ona li suli sama palisa suli. linja lawa ona li jelo. ona li majuna ala. ona li mije. \\\njan Linta: jan seme? \\\njan Ton: ona li moku lon poka ni: sinpin tomo tu li kama wan. \\\njan Linta: a, jan ni! \\\njan Ton: lon, jan ni.\n\njan Linta: mi sona ala. mi sona ala e ni: ona li seme. ken suli la ona li sin tawa tomo sona ni. \\\njan Ton: jan ala li lon poka ona. ona taso a li lon. \\\njan Linta: ala. o lukin: meli suwi li tawa ona. \\\njan Ton: ona li suwi ala. ken la ona li ike lukin ala, taso ona li suwi ala. sina taso li suwi, jan Linta o. \\\njan Linta: jan pona Ton o! seme nasa li kama tawa sina? ken la sina pali pi suli ike li wile lape lon tenpo ni... \\\njan Ton: mi kama ala nasa. kin la mi pali ala pi suli ike. lon la mi pali lili lon tenpo ni. wile sona lon li ni: seme nasa li kama tawa sina, jan Linta o? sina taso li suwi lon. \\\njan Linta: n... \\\njan Ton: toki mi li lon. sina taso li suwi, jan Linta o. mi toki lon a. o kama lon poka mi! \\\njan Linta: taso... \\\njan Ton: o kama. o tawa lon poka mi tawa sinpin lukin. o lukin e sina lon sinpin. ni li jan Linta, li meli pi suwi nanpa wan lon ma, li meli pi suwi nanpa wan lon ale ma a. \\\njan Linta: kin la ni li jan Ton, li mije lili pi nasa musi nanpa wan lon ale pi tomo sona.\n\n### \\#2) seme li lon?\n\njan Linta: jan Ton o! \\\njan Ton: seme li lon sina? selo sina li walo! suwi, taso walo. \\\njan Linta: jan Ton o! o lukin ala! \\\njan Ton: seme li lon? \\\njan Linta: nasa! ijo nasa li kama, ijo pi nasa mute. jan ni, jan sin ni... ala, ala, sina o lukin ala. jan ni o sona ala e lukin sina. \\\njan Ton: seme a! o toki e ni tawa mi: nasa ni li seme? \\\njan Linta: luka ona li pali e ijo nasa. sina wile la o lukin, taso ona o sona ala. o tawa lili e lawa sina, taso tawa sina o nasa lukin ala. ona o lukin ala e ni: sina lukin e ona.\n\njan Ton: sina toki lon. ijo nasa li lon. meli li lukin ala e mije—li lukin tawa sinpin lukin—la luka mije li tawa lili, kepeken tenpo suli suli, tawa poki telo meli... \\\njan Linta: ijo li lon luka ona... \\\njan Ton: mi lukin ala e ni. ona li lon weka la mi lukin pona ala tan ni. pakala! tenpo ni la jan suli li kama li pini e lukin mi. mi kama ken ala lukin e mije. \\\njan Linta: taso *mi* lukin. mi lukin pona. mi lukin pi pona mute. mi lukin pi pona ale. a!\n\njan Ton: seme li lon? \\\njan Linta: meli li lukin e mije lon tenpo ni la luka mije li kama tawa ala. \\\njan Ton: seme ante li lon? o toki! \\\njan Linta: tenpo ni la mije li toki tawa meli. luka ante mije li tawa lupa tomo li toki sama ni kepeken palisa luka: \"o lukin e lupa.\" luka nanpa wan li awen lon poka pi poki telo. \\\njan Ton: ken la mije li wile e ni: meli li kama lukin e ante, li kama lukin ala e mije. \\\njan Linta: lon, lon a. tenpo ni la meli li lukin e lupa. mije li toki li awen toki. meli li lukin ala e mije la, luka li kama lon poka pi poki telo. a! \\\njan Ton: seme? seme li kama? \\\njan Linta: luka li tawa weka tan poki telo, kepeken tenpo suli. tawa luka li nasa lukin ala. \\\njan Ton: ijo li lon ala lon luka? \\\njan Linta: tenpo ni la ala. taso pilin mi la ijo li lon poki telo lon tenpo ni.\n\n### \\#3) toki olin\n\njan Po: a! seme li lon? lukin la sina alasa len e sona. mi ken ala ken kama lon poka sina? \\\njan Linta: toki, jan Po o. \\\njan Ton: suno pona, jan Po o. \\\njan Po: suno pona, jan Linta o. suno pona, jan Ton o. mi pakala, mi toki ala e \"suno pona\" lon tenpo pini. \\\njan Linta: ale li pona. sina toki e \"suno pona\" lon tenpo ni la ale li pona. \\\njan Po: mi ken ala ken moku lon poka sina? \\\njan Linta: sina ken a. o kama lon poka mi. \\\njan Po: a taso mi wile ala pakala e tenpo pona sina. ken la jan Ton li toki olin li wile lon poka pi sina taso.\n\njan Ton: mi toki olin ala. \\\njan Linta: ona li toki e ni taso: mi meli pi suwi nanpa wan lon ma ale. \\\njan Po: ona li toki e lon. ni li toki olin ala li toki lon taso. \\\njan Ton: lon. ni li lon a. \\\njan Po: lon la jan Linta li suwi mute, taso ni li suli ala lon tenpo ni. \\\njan Linta: suwi mi li suli ala tawa sina! ike a! \\\njan Po: a, mi toki ala e ni. mi wile toki e ijo suli ante. \\\njan Ton: ijo ni li seme? sina toki e seme? seme ante li suli? \\\njan Po: mi kama tawa poka sina la sina lukin ala e mi. taso mi lukin e sina. \\\njan Linta: mi sona ala e wile toki sina.\n\njan Po: mi toki e ijo pi sinpin lawa sina. \\\njan Linta: seme pi sinpin mi? ona li suwi ala anu seme? \\\njan Po: ona li suwi a. ona li suwi nanpa wan lon ma ale. taso ona li nasa lukin sama ni: ijo len li lon. \\\njan Linta: len? sinpin mi li nasa anu seme? \\\njan Po: lon. sinpin sina li nasa lukin. \\\n lon la sinpin tu pi sina tu li nasa lukin. \\\n meli pi alasa sona la sinpin nasa li lon. \\\n poka la mije pi alasa sona la sinpin nasa li lon. \\\n lukin la sina nasa. \\\n lukin la sina len e sona. \\\n mi kama tawa sina la, \\\n mi lukin pona e sina la, \\\n sinpin sina li sama sona len tawa mi, \\\n jan Linta o. \\\n sinpin sina kin li sama, jan Ton o. \\\n sama toki pini mi la, \\\n sina sama jan pi alasa sona tawa lukin mi.\n\n### \\#4) jan Keta li seme?\n\njan Po: o toki lon tawa mi: sina toki e ijo seme? \\\njan Ton: mi toki e jan ni. \\\njan Po: jan seme? \\\njan Ton: jan ni li lon poka tomo. jan ni li majuna ala. \\\njan Po: sina toki lon jan seme? linja lawa pi jan ni li jelo anu seme? ona li lon poka pi jan Keta anu seme? \\\njan Linta: jan Keta! ni la sina sona e ni: nimi ona li jan Keta! sina sona e jan Keta! \\\njan Po: a, lon la mi sona ala e jan Keta. mi sona e nimi ona e pali ona. ni li ante. \\\njan Linta: ni la ona li seme? \\\njan Po: taso sina toki ala tawa wile sona mi. lon la sina toki ala toki lon jan ni pi linja jelo pi majuna ala? \\\njan Ton: toki. lon ona. \\\njan Po: mi sona ala e ona. mi lukin e ona lon tenpo ala.\n\njan Linta: taso, o toki tawa mi, jan Keta li seme?\n\njan Po: ona li kama tawa tomo sona ni li pana e sona. sona ona li nasa a li sama sona len. ona li sona pi toki len.\n\njan Linta: seme? sina toki e seme? so-na-pi-to-ki-len anu seme? ni li seme? \\\njan Po: tan seme la sina sona ala e ni? nimi ante ken li nasin sitelen pi toki len. \\\njan Linta: ala. mi sona ala. mi sona ala a. jan Ton o, sina sona ala sona? \\\njan Ton: toki len la, jan li sitelen e toki kepeken nasin nasa li wile e ni: jan ante li sona ala. jan sona pi toki len li lukin sona e ijo tan toki len, li lukin weka e len, anu seme? \\\njan Po: lon. ona li sona mute e ni. lon la ona li sona mute e nasin toki len majuna. \\\njan Ton: ni li nasa tawa mi. tomo sona la, jan seme li wile kama sona e nasin toki len majuna? \\\njan Po: mi kin li sona ale ala. jan Keta li kama tan wile pi jan sona Lonka. jan Lonka li jan sona li pana e sona toki. ona li pilin e ni: toki len li toki, la sona pi toki len li sama sona toki. \\\njan Linta: ken la pilin ni li lon. taso ona li nasa lili tawa mi. ona li nasa ala nasa tawa sina? \\\njan Po: nasa. jan li toki e ona tawa mi la, ona li nasa tawa mi kin.\n\njan Linta: ken la jan sona Lonka li wile e ni taso: meli suwi li pali lon poka ona. jan li ken pali lon poka pi meli suwi la ona li wile e ni, anu seme? \\\njan Ton: mi toki e ni tawa sina lon tenpo pini: jan Keta li suwi ala. sina taso li suwi. \\\njan Po: pilin mi li sama ala. lon la, jan Linta li suwi mute, li suwi nanpa wan lon ma ale. taso kin la jan Keta li suwi. ona li suwi lili tawa suwi pi jan Linta, taso ona li suwi. sina pilin ala pilin sama? \\\njan Ton: sama ala a. ken la ni li lon tawa sina. taso ni li lon ala tawa mi. mi la, jan Linta taso li meli suwi. \\\njan Po: sina wile toki e ni anu seme: tawa sina la, meli suwi wan taso li lon ma ale li jan Linta, anu seme? \\\njan Ton: lon. mi la, meli suwi wan taso li lon ma ale li jan Linta. \\\njan Po: nasa! ken suli la sina olin e ona.\n\n### \\#5) ijo nasa\n\njan Po: awen la, sina toki ala e ni tawa mi: sina lukin e jan tu ni la sina kama lukin e pali seme ona? \\\njan Linta: ijo pi nasa mute li kama. \\\njan Ton: nasa mute a. luka mije la ijo li lon. \\\njan Po: ijo seme? \\\njan Linta: mi tu li ken ala lukin e ona. ona li lili mute a. ijo pi lili mute. \\\njan Ton: kin la jan Keta li lukin ala la, luka li kama tawa poka pi poki telo pi jan Keta. \\\njan Linta: jan Keta li kama lukin e mije la, luka li kama pini e tawa. \\\njan Ton: ni la mije li luka tawa ijo ante. ona li wile e ni: jan Keta li lukin e ijo ante. \\\njan Linta: luka ni li pali pona e ni. pali pi pona mute. jan Keta li lukin e lupa tomo. jan Keta li lukin ala e mije la, luka mije li kama lon sewi pi poki telo ona, li awen lon tenpo lili taso, li tawa sin tawa weka. tawa luka li pini la luka li nasa lukin ala. kin la ijo ala li lon luka.\n\njan Po: ijo li lon luka lon tenpo pini anu seme? \\\njan Ton: ijo wan li lon luka. luka li lon sewi poki lon tenpo lili la, luka li weka sin la, ala li lon. \\\njan Linta: ona li ijo nasa. \\\njan Ton: ken la ona li ko nasa li nasa e sijelo. \\\njan Po: tan seme la sina pilin e ni: ona li pona ala? ken la ona li suwi leko pona. \\\njan Linta: ona li suwi leko taso la mije li wile ala len e pali ona sama ni. \\\njan Ton: kin la tomo moku ni la suwi li leko ala. suwi li ko, li lon poki pi ko suwi. \\\njan Po: ken la ona li jo e suwi leko lon poki len ona... \\\njan Ton: sina jo e suwi leko lon len sina lon tenpo mute anu seme? \\\njan Po: a, toki mi li nasa. taso... \\\njan Linta: o lukin! jan Keta li kama tawa sewi tan supa li kama tawa weka. \\\njan Po: ona li nasa ala lukin. ken suli la sina tu li toki insa e ijo pi nasa mute lon tenpo pi nasa ala.\n\n### \\#6) jan Keta li kama anpa pakala lon nasin tomo\n\njan Po: sina kute ala kute e ijo? ona li seme? \\\njan Ton: mi kute a. mi kute e ijo. \\\njan Linta: mi kin li kute e ijo nasa, sama ni: jan li tawa anpa li pakala lon nasin tomo. \\\njan Ton: sama ni: jan Keta li anpa pakala. \\\njan Po: pilin mi li sama pilin sina. mi kin li pilin e ni: jan Keta li anpa pakala lon nasin tomo. \\\njan Linta: mi mute li wile ala wile lukin e nasin e pakala ken? \\\njan Ton: wile a. mi mute o tawa lon tenpo ni.\n\njan Po: mi en jan Ton o tawa, taso sina o awen lon ni, jan Linta o. o awen lukin e mije ni: ken la ona li pana e ko nasa tawa telo wawa pi jan Keta. \\\njan Linta: sina tu li tawa la mi o wan taso lon awen anu seme? mi pilin ike lili tan ni. \\\njan Po: mi ken ala toki tawa sina. tenpo lili li lon. mi o tawa lon tenpo ni. o awen lon ni o pilin ike ala. ala li kama ike e sina. o kama, jan Ton o. tenpo li weka.\n\n### \\#7) lon nasin tomo\n\njan Ton: jan Keta li lon ni. mi en jan Linta li toki lon. ona li tawa lon tenpo lili taso, ona li weka tan lukin mi la ona li kama anpa. lukin la ona li pilin ala sama lape. pilin ona li weka la ona li tawa anpa. \\\njan Po: ona li moli ala moli? \\\njan Ton: moli ala. o pilin ike ala. lawa li lape, taso sijelo li awen. pilin insa ona li awen pali. pilin li pali pi wawa ala, taso pilin li pali. ni la ona li moli ala. ken la ona li kama moli, taso ona li moli ala lon tenpo ni. \\\njan Po: mi o pali e seme? \\\njan Ton: pilin sina li seme? \\\njan Po: lukin la, ona li lape.\n\njan Ton: mi o toki e ni tawa jan lawa utala—lon tenpo ni a. mi tawa. ken la jan lawa li wile kama e jan pi pona sijelo. jan pi pona sijelo li lon tomo sona ni, anu seme? \\\njan Po: ken suli la ona li lon, taso mi sona pona ala. mi lon tomo sona ni lon tenpo suno pi mute lili. \\\njan Ton: tenpo ni la mi tawa li toki tawa jan lawa. o awen lon ni lon poka pi jan Keta. taso nanpa wan la mi o nasin pona e sijelo ona. ona o pilin pona lon lape. noka o sewi tawa lawa. \\\njan Po: seme? sina wile e ni tan seme? noka li sewi tawa lawa la ni li pilin pona ala. \\\njan Ton: lon, taso, lawa jan li lape sama ni la, nasin ni li pona. jan li pana e sona tawa mi lon tenpo pini, sona mi li pakala ala la ni li nasin.\n\n### \\#8) jan Linta li sona ala e ni: ona o pali e seme\n\ntomo moku pi tomo sona la, jan Linta li awen li toki insa. ona li pilin e ken ike. lon la toki insa li kama suli e pilin pi ken ike. \\\nona li lukin e mije ni pi linja jelo: ona li pana e ijo tawa telo pimeja pi jan Keta. \\\npilin pi ken ike li kama suli. \\\njan Ton en jan Po li weka lon tenpo suli. ona li kama sin ala. ijo li kama ala kama tawa jan Keta? ijo ni li seme? ijo li ike ala ike? \\\njan Linta li lukin e jan pi linja jelo li toki insa: \\\n\"ona li weka tan supa li tawa weka la mi pali e seme? \\\n\"mi tawa ala tawa lon nasin sama ona? mi wile ala wile e ni: mi tawa lon monsi ona li awen lukin e ona? \\\n\"ona li tawa weka tomo la mi wile pali e seme? mi wile ala wile tawa monsi ona lon weka tomo? mi sona ala e ni: mi wile pali e seme. mi sona ala e ni: mi pali e seme. mi sona ala e ni: mi wile ala wile tawa monsi ona. \\\n\"ona li tawa weka kepeken tomo tawa la seme? mi wile ala wile tawa monsi ona kepeken tomo tawa kin?\n\n\"tenpo ni la pimeja li kama lon sewi. tenpo kama lili la suno li weka. lon. tenpo pimeja li kama. mi wile ala wile tawa monsi ona lon tenpo pimeja? \\\n\"kin la ona li weka ala tan tomo sona, la mi wile ala wile tawa monsi ona lon tomo sona? \\\n\"ona li tawa weka tomo kepeken lupa tomo ni la, ona li tawa lon nasin li tawa tomo ante. mi wile ala wile tawa ona lon nasin tomo? mi wile ala wile tawa ona lon tomo ante? ala. mi ken ala. mi awen lon nasin. taso ijo ala li kama ante la seme? ona li awen lon tomo lon tenpo suli la seme? \\\n\"ona li weka kepeken lupa, li tawa weka tomo, li tawa ma tomo, la mi tawa ala tawa ona lon ma tomo? \\\n\"ona en mi li tawa kepeken noka la, ken la ona li lukin e mi. ken suli la ona li lukin e mi. ona li kama pilin e ni: mi tawa lon nasin sama ona. ona li tawa sike li lukin e mi. mi kama pilin monsuta. sinpin mi li kama walo. ken la sinpin mi li kama loje sama kili. a, mi sona e mi. sinpin li kama walo lon tenpo nanpa wan, li kama loje lon tenpo nanpa tu. suli la mi kama pilin monsuta. tenpo lon a la mi kama pilin monsuta. \\\n\"ona li tawa kepeken tomo tawa kulupu la, ken suli la ona li lukin e mi, tan ni: mi tu o awen lon poka lon ma awen pi tomo tawa kulupu.\"\n\njan Linta li kama ala sona e ni: ona li wile pali e seme? \\\nona li pilin ike tan ken ike. pilin insa ona li pali wawa. ona li wile e ni: jan Ton en jan Po li lon poka ona, li pana e pona, li pana e sona ni: ona o pali e seme. taso jan Linta taso a li lon. ona li pilin e ni: pali pi pilin insa li kama wawa. taso ona li sona ala e ni: ona o pali e seme. \\\nona li awen sona ala e wile ona, li awen pilin ike, la jan pi linja jelo li tawa sewi tan supa. ona li lukin e lupa pi nasin tomo. ona li tawa ala tawa lupa? jan li ken tawa ma tomo kepeken lupa ni. ona li tawa ala tawa? tawa. ona li tawa lupa. \\\njan Linta li tawa sewi tan supa, tan wile ona ala, li kama tawa lupa sama. ona li awen sona ala e wile. lukin la, sijelo li lawa e tawa. noka ona li pali tan wile ala. tenpo ni la, jan Linta li tawa jan pi linja jelo. ona li tawa ma seme?\n\n### \\#9) jan Keta li weka\n\n\"ona li awen lon monsi ona lon insa pi nasin tomo! o kama tawa ona, o kama lon tenpo ni. ni li suli, o kepeken tenpo lili.\" jan Ton li toki. \\\njan Ton li lukin e jan pi pona sijelo. ona li meli li suli sijelo. lukin ona li laso sama telo. linja lawa ona li loje. sinpin ona li sike. tenpo suli la jan Ton li lukin toki e ni tawa ona: seme li lon jan Keta. taso lukin la jan pi pona sijelo li kama ala sona. lukin la ona li sona ala e kon pi nimi \"tenpo lili\". \\\n\"ona li awen ala awen lon monsi ona, lon insa pi nasin tomo? nasa a!\" jan pi pona sijelo li toki. \\\nlukin la ona li pilin e ni: ni li ken ala lon. \\\n\"tan seme a la ona li awen lon monsi ona lon insa pi nasin tomo?\" jan pi pona sijelo li toki. \\\n\"o kama, o kepeken tenpo lili! mi sona ala e ni: ona li awen lon ni tan seme. mi toki e sona mi taso tan lukin mi. mi en jan pona mi li kama lukin e ona lon ni. ken la ike li lon sijelo ona. mi sona ala. pilin ona li weka sama lape. ona li tawa anpa tan lape nasa ni. jan o tawa ona kepeken tenpo lili o pana e pona tawa ona.\"\n\n\"ijo ni li nasa!\" \\\n\"n. mi sona ala e nasin sijelo. sina sona. pali sina la sina pana e pona tawa ike sijelo, anu seme? o kama lon tenpo ni. o kepeken tenpo lili!\" \\\n\"n n n. tan seme a la ona li anpa lape lon nasin tomo? ni li tomo nasa tawa anpa lape! tenpo ala la jan li anpa lape lon ni.\" \\\n\"ni li lon ala lon? jan li anpa lape lon seme lon tomo sona ni? mi sona ala e nasin pi tomo sona ni. mi sin. mi lon tomo sona ni lon tenpo suno pi mute lili.\" \\\n\"jan lili o. tomo sona ni la, jan li anpa lape lon tomo pi pana sona. jan li anpa lape lon tomo moku. jan li anpa lape lon tomo lape. jan li anpa lape lon tomo telo. ken la jan li anpa lape lon tomo pi jan sona lawa a. taso anpa lape pi nasin tomo la, mi kute ala e sama lon tenpo mi. ale li kama nasa anu seme?\" \\\n\"sina toki li toki li toki, la jan pi ike sijelo li awen lon monsi lon nasin tomo, la jan ala li pana e pona!\" \\\n\"a, o pilin ike ala, jan lili o. mi tawa ona lon tenpo lili li pana e pona.\"\n\nona li tawa kepeken tenpo lili tawa nasin tomo, tawa jan Keta, tawa jan Po. \\\ntaso ona li kama lon nasin tomo la jan Ton li pini e tawa ona lon tenpo lili. \\\n\"seme li lon? sina pini e tawa tan seme?\" jan pi pona sijelo li wile sona. \\\n\"jan Keta li lon ni lon tenpo pini, li awen ala lon, li lon ala lon tenpo ni, taso...\" \\\n\"taso jan ante li lon. ona kin li anpa lape. sina sona ala sona e ona?\" \\\n\"ni li jan pona mi. ona li jan Po. seme li kama tawa ona?\" \\\njan pi pona sijelo li tawa jan Po, li tawa anpa lili, li pilin e lawa pi jan Po. \\\n\"pakala! jan li pakala e lawa ona!\" \\\n\"pakala! jan Po o! o toki tawa mi! sina kute ala kute e mi? o toki e ijo! seme li kama tawa sina?\" \\\ntaso jan Po li toki ala. pilin pi ken ike li kama tawa jan Ton li kama suli.\n\n### \\#10) jan pi pona sijelo li ken pona ala\n\nlon la jan Ton li pilin e ni: ken la jan ni pi pona sijelo li pali pona ala. tan seme? jan lukin o, sina lukin e toki ale lon lipu mi. sina sona ala sona e ni: jan Ton li pilin e ken ike tan jan pi pona sijelo tan seme? \\\nala. sina sona ala. mi kin li sona ala. taso mi sona ala e ijo lon la ona li awen lon. ijo lon li ni: jan Ton li pilin ala e ken pona tan jan pi pona sijelo. \\\njan Ton li wile pali e ijo la tenpo mute la ona li awen ala li pali. ijo li ken ike li monsuta la ona li awen wile pali a. taso jan ni pi pona sijelo li toki li toki mute li toki pi mute ike li pali ala. ken la ona li ike tawa jan Ton tan ni. ken la ike li tan ijo ante. \\\njan Po li jan pona tawa jan Ton. jan Po li pona mute tawa jan Ton. lon la jan Ton li olin e jan Po. ona tu li lon ma tomo suli lon tenpo pini suli la ona tu li kama poka. tenpo la ona li tawa tomo sona lili sama a. taso jan Ton li wile tawa ma tomo ante li tawa la, ona tu li kama lukin ala e ona ante. tenpo suno pini pi mute lili la ona li kama lukin sin e ona ante lon tomo sona suli la ona tu li pona mute pilin tan ni.\n\nale li pona mute tawa ona. ona li pona mute pilin tan ale. pali li pona tawa ona tu. kin la meli li wawa lili li ken pilin monsuta tan ijo mute la meli li pona mute tawa ona tu. meli li wawa la meli li sama monsuta, li pona mute ala tawa ona. sina sona ala sona e toki ni? \\\ntaso jan Ton li wile ala e musi lon tenpo ni. ona li lukin sona e ni: ona li pilin e ken ike tan jan pi pona sijelo tan seme? jan pi toki mute ala pi musi ala lukin li pona tawa ona. lukin la jan ni li lukin ala pali e pakala ala. kin la jan ni li toki pona ala tawa wile sona ona. lon la jan Ton li pilin e ken ni, li pilin ike tan ken ni: jan ni li pakala mute lon pali ona. ale la jan mute li pali wawa ala li pali pakala mute tan weka wawa, tan wile ike ala. jan ni pi pona sijelo pi toki mute ike li ken sama, anu seme? jan Ton li kama toki tawa jan ni la jan Ton li pakala ala pakala? taso jan ante seme li ken pona? jan ni taso li jan pi pona sijelo lon ale pi tomo sona. alasa la ona li kama sona e ni. taso ni li lon ala lon? \\\nkin la tenpo ni la ona li pilin ike tan ni: ike li ken kama tawa jan Linta. ona li olin mute a e jan Linta, la jan ike li ken lon poka li ken ike e jan Linta la, ona li ike mute pilin. tenpo ni la ijo ale li kama nasa li kama ike mute pilin tawa ona.\n\n### \\#11) jan Linta li sona e nasin sin\n\njan Linta li kama sona e ken sin. jan pi linja jelo li kama tawa tomo tawa ona la jan Linta li tawa ona li toki e ni: \"jan pona o, o pana e pona tawa mi.\" \\\njan pi linja jelo li lukin tawa jan Linta. lukin la ona li pilin pona ala tan ni. ona li awen lukin li toki ala lon tenpo suli. \\\n\"sina wile e pona seme tan mi?\" ona li kama toki e ni, li toki e ni kin lon tenpo lili: \"ken la mi ken ala pana e pona. tenpo mi li weka. mi o tawa ma tomo lon tenpo kama lili.\" \\\n\"a pona! tomo tawa mi li kama pakala. ijo li pakala lon insa ona. mi ken ala tawa kepeken ona.\" \\\n\"ike la mi ken ala pona e tomo tawa sina. mi sona ala a e ilo tawa. tenpo ale la ni li nasa tawa mi: ilo ni li ken tawa. mi lukin e ilo tawa la ijo lili nasa mute li lon nasin pi nasa mute, la mi pilin nasa tan ni: ilo li ken tawa kepeken ni. mi...\"\n\n\"a mi wile e ni ala: sina pona e ilo tawa mi. sina sona ala e toki mi. mi wile e ni taso: o tawa e mi lon tomo tawa sina tawa ma tomo.\" \\\npilin pi jan Linta li ni: mi tawa lon monsi pi jan ni li wile lon lukin ona ala la ike mute li ken. taso ona li tawa kepeken tomo tawa la, mi tawa lon poka ona la, mi ken toki tawa ona lon tenpo tawa. mi toki tawa ona lon ijo pi suli ala, li kute e ona. ni la mi ken kama sona mute e ona. \\\n\"a, pona.\" jan pi linja jelo li toki. \"o kama.\" ona li open e lupa pi tomo tawa ona. \\\n\"a, sina pona. sina jan pi pona mute. ni li pana e pona mute tawa mi.\" \\\n\"pona.\" ona li toki, kepeken pilin mute ala. ona li open e ilo tawa.\n\n\"ni li pona ala tawa mi: tomo tawa li pakala la mi wile kama e jan pi pona ilo.\" jan Linta li toki. \"tomo tawa li pona ala a tawa mi a. mi jo e tomo tawa tan ni: tenpo mute la tawa li wile e tomo tawa. taso ona li ike tawa mi.\" \\\njan pi linja jelo li toki ala. \\\n\"ona li toki ala; mi ken ala kama e toki tan ona.\" jan Linta li toki insa, li pilin lili e ken ike. \"mi pana e mi tawa ken ike la mi pakala ala pakala?\" ona li wile toki tawa jan pi linja jelo, taso ona li wile ala ike e pilin ona. jan Linta li sona ala e pali pona lon tenpo ni. \\\n\"mi toki la ni li ike ala ike tawa sina?\" jan Linta li toki. \"ken la sina jan pi toki mute ala.\" \\\n\"mi pilin ike tan ijo. mi wile ala toki e ijo.\" ona li toki. \\\n\"mi wile ala ike tawa sina. sina tawa e mi la sina pona mute. mi pilin pona mute tawa sina.\" \\\n\"pona.\" ona li toki e ni, li pini e toki. lukin la ona li toki insa mute.\n\n### \\#12) jan Po li wile mute e telo\n\njan Po li open lili e lukin, li pini e lukin, li open lili sin, li pini sin, li mu tan pilin ike, li open ale e lukin. \\\n\"o pana e telo tawa mi. mi wile moku e telo.\" ona li toki. \\\n\"sina wile moku e telo seme?\" jan Ton li wile sona. \\\n\"telo ale li pona. telo nasa. o pana e telo nasa tawa mi.\" \\\n\"sina pilin seme?\" jan Mata li toki. ona li jan pi pona sijelo. \\\n\"lawa mi li pilin ike.\" jan Po li mu li toki. \"mi toki sin. o pana e telo tawa mi.\" \\\n\"jan Mata o, sina pona la, o tawa o kama e telo nasa tawa ona.\" jan Ton li toki. \\\njan Mata li awen lili li kama toki. \\\n\"pona. mi tawa. mi wile ala wile kama e jan lawa kin? lukin la jan ike li pakala wawa e lawa ona. pakala li wawa la ona li anpa lape. pilin mi la, jan ike li ken lon la, mi o kama e jan lawa. ni li lon anu seme?\"\n\n\"o kama e telo pi nasa ala kin.\" jan Po li toki lon tenpo lili. \"mi wile mute e telo. telo nasa li pona, taso telo pi nasa ala li nanpa wan. o pana e telo mute pi nasa ala e telo lili nasa.\" \\\n\"lon. o kama e jan lawa.\" jan Ton li toki tawa jan Mata. \\\n\"sina pana ala e telo tawa mi la, mi tawa.\" jan Po li toki. \"mi wile mute e telo. sina ken ala sona e suli pi wile mi. mi wile tawa li wile moku e telo pi nasa ala lon tenpo ni. ni li pini la mi wile esun e telo nasa. telo nasa li lon ala lon tomo moku pi tomo sona ni?\" \\\n\"ala a.\" jan Mata li toki. \"taso mi jo e telo nasa lon tomo mi. mi tawa li kama e ona. ante la sina wile la sina ken tawa tomo mi li ken kama jo. sina ken ala ken sewi e sijelo sina?\" \\\n\"mi ken.\" jan Po li toki, li sewi e ona kepeken tenpo suli, kepeken jan Ton kepeken jan Mata. \"taso sijelo mi li pilin ike tan ni.\" \\\nona ale li tawa tomo pali pi jan Mata. \\\n\"o moku e telo pi nasa ala kin.\" jan Mata li toki. \"sina pini la mi pana e telo nasa tawa sina. o awen lon supa monsi ni. ona li pona pilin mute a.\" \\\njan Po li kama awen lon supa, li mu lili. ona li kama jo e telo la jan ante li ken lukin e ni: telo li pona mute tawa jan Po. \\\n\"lawa mi li pakala pilin.\" ona li toki. \\\njan Ton li toki. \"o toki e ni: seme li kama li pakala e sina? sina wile toki e ni lon tenpo ni anu seme? mi tu li wile mute e sona ni.\" \\\njan Po li toki insa lili, li moku lili e telo, li pana e luka ona tawa lawa, li pana e pilin ike lon sinpin, li toki e ni: \\\n\"mi ken ala. mi sona ala. mi lon poka pi jan Keta. mi kute ala e ijo. mi kute e kalama ala. tan ala la ale li pakala lon lawa mi. mi moli.\"\n\n### \\#13) jan pona pi alasa sona o!\n\njan ala li toki lon tawa suli la nasin tawa li suli mute pilin. jan Linta li jan pi wile toki; kin la, ona li wile sona e jan poka ona, la ona li wile ala e weka toki ni. ona li kama wile lukin open sin e toki. jan pi linja jelo li awen wile ala toki lon tenpo ni la, ona li toki e wile ala, ona tu li awen tawa li toki ala, nasin tawa li awen suli mute pilin. ni li ike ala. \\\n\"sina toki...\" jan Linta li toki e open toki, li sona ala e pini toki. pona la ijo li kama. \"sina toki e ni: sina pilin ike tan ijo. tenpo mute la jan li toki e pilin ike tawa jan ante la, pilin ona li ken kama pona.\" \\\n\"a, sina jan pi wile sona mute, anu seme? mi wile ala pona ala tawa meli pi suwi mute sama sina. mi wile jan pona, taso ike la mi ken ala toki e pilin ike mi.\" \\\n\"ken la sina ken li sona ala e ken sina. tenpo mute la jan li pilin pi ken ala, tan ni: ona li sona ala open e pali. taso...\" \\\n\"ala. pilin mi la ni li lon ala lon tenpo ni. mi ken ala toki e pilin ike mi tan ni: jan ante li lon pilin ni. ken la mi toki e jan ni la ni li pona ala tawa jan ni. jan o toki ala e sona len tawa jan ale, anu seme? jan pona sina li toki e ale sina tawa jan sin pi sona ala la, ni li ike tawa sina anu seme?\" \\\n\"ike. mi sona e toki sina. lon la mi jan pi wile sona mute ala. mi open e toki tan ni taso: toki li lon ala la tenpo tawa li suli ike pilin. mi wile ala e sona len sina.\"\n\n\"lon la, jan li tawa lon poka la, ona li toki. ni li nasin. ken suli la mi pakala tan ni: weka toki li awen li kama suli tawa sina la mi toki ala. lon la mi sona ala e weka toki. mi toki insa mute lon pilin ike mute, li lukin mute e nasin kin. jan li lawa e tomo tawa la ona o lukin e nasin, anu seme? nasa la, sina meli pi suwi mute, li lon poka mi, lon poka a, taso mi awen ala sona e ni: sina lon. mi lukin e nasin taso lon sinpin mi e pilin ike taso lon lawa mi.\" \\\n\"pali mi li ante. mi awen lukin e sina. lukin mi la pilin sina li pona ala. mi toki insa e ni: mi ken ala ken pana e pona tawa sina? sina tawa e mi la sina pona mute. mi pilin pona mute tan ni. mi wile pana e pona sama tawa sina. ken la sina ante e pilin ike sina tawa nimi tawa toki la, ni li ken pona e pilin sina. mi pilin e ni: mi ken e ni la mi pana e pona. ken la ni li nasa, taso tenpo ale la mi wile pana e pilin pona tawa jan.\" \\\n\"a, wile sina li pona mute. mi pilin ike tan ni: mi ken ala e pana pona sina. taso, mi toki e pilin ike la mi ike tawa jan pi pilin ni. mi toki sama lon tenpo pini. a, o lukin, mi kama lon ma tomo. mi o pana e sina lon seme?\" \\\n\"sina tawa seme? tawa sina li pini lon seme? sina awen e tomo tawa lon seme? sina ken pana e mi lon ni. ni li pali lili tawa sina.\" \\\n\"a, sina alasa e sona lon tenpo ale, anu seme? sina wile sona e ni: mi tawa seme.\" ona li toki e ni, li mu musi. sinpin pi jan Linta li kama loje! toki ni li nasa tawa ona. ona li pilin ala e ni: jan ni li ken kama toki sama ni. tenpo lili la, ona li sona ala e ni: ona li ken toki e seme. ona li pilin e ni: lawa ona li wawa lili. \\\n\"ala a.\" ona li kama toki e ni. ni li lon ala. \"sona ni li suli ala tawa mi. mi toki tan ni taso: pilin mi la nasin ni li pali lili tawa sina. taso mi ken kama sona e tawa sina tan ni, la ni li ike tawa sina la o pana e mi lon insa pi ma tomo. tomo suli mute li lon poka ni. sina ken pana e mi lon poka pi tomo lape suli pi jan mute pi ma ale, tomo musi suli li pona kin. suli la sina pona mute. mi sona e nasin mi lon tenpo ni. a, lon ni. ni li pona. o awen pona, jan pona o!\" \\\n\"o awen pona, jan pona pi alasa sona o!\" \\\ntomo tawa li tawa weka. jan Linta li awen lukin e ona. jan pona pi alasa sona a! ona li toki e ni tan seme? ona li sona ala sona e wile lon pi jan Linta? jan Linta li sona ala.\n\n### \\#14) tomo weka pi jan ala\n\n\"pakala! mi lon seme a?\" jan Keta li kama lape ala li toki insa e ni. ona li awen lon supa lape. supa li ike pilin li lili mute. ona li lon tomo sin nasa. \\\nwawa ona li weka. ale sijelo li ike pilin. ona li wawa lili. sama ni: ona li pali mute lon ma pan lon ale pi tenpo suno. sama ni: ona li tawa e kiwen suli mute lon tenpo suno mute, li lape ala lon tenpo ale pi pali suli ni. sama ni: ona li tawa suli lon nasin pi nena ma suli lon tenpo suno mute. \\\nkepeken nimi lili la mi ken toki e ni: ona li wawa ala a. sijelo li toki wawa e pilin ike tan pali ike, sama ni: pali li suli ike li wile e wawa suli ike. \\\ntaso ona li sona e ni: pali sijelo ala li lon tenpo pini. ni li lon pilin taso. pilin ona li ike. lukin ona li kama pana e telo. telo li kama tan lukin. \\\nsuno mute ala li lon tomo. wawa li lili la ona li wile awen lon supa. taso ona li wile sona e poka e tomo. wile sona li wawa. ona li weka e telo tan lukin li tawa sewi tan supa, li tawa lupa lili tomo. sinpin kiwen li len e lupa. suno li ken ala tawa insa. jan Keta li lukin open e lupa. ona li wile lukin e suno. kin la, tomo li seli mute la lupa o open. lupa open li ken e kon pona lete. taso sinpin len li ken ala weka. ijo li lon li ken ala e ni: sinpin li tawa.\n\nlupa ante li lon. jan li ken tawa insa tomo kepeken lupa ni. jan Keta li tawa lupa tomo ni. taso ilo li pini e lupa. ken la ilo ante li lon li ken open e lupa. taso ilo open li lon tomo ala. \\\ntomo li jaki lukin. insa tomo la supa pali en supa monsi li lon poka. ona li tawa supa monsi, li pana e luka tawa supa pali, li pana e lawa tawa luka, li pana e telo tan lukin. \"mi lon poki.\" ona li toki insa. \"jan li poki e mi!\" \\\ntenpo pini la ona li poki ala, li pali tan wile ona. ijo ala li ken ala e ni. ona li ken! tenpo ni la jan li poki e ona lon tomo li pini e lupa. ona li jan pi pilin musi; tenpo pini la ona li musi mute, li kalama musi mute, li tawa musi mute lon suno sewi pona. taso tenpo ni la musi li weka. ona li ken ala lukin e suno pi weka tomo. sama la suno pi pilin musi li weka tan pilin ona. \\\ntenpo ni la ona li tawa sinpin pi lupa tomo li utala wawa e ona kepeken wawa mute; ni li kama e kalama wawa mute. taso ijo sin ala li kama. ona li kalama wawa mute kepeken uta, li utala e sinpin kepeken noka lon tenpo sama. taso jan ala li kama toki. ala li kama. pona li kama ala. ona li pilin ike li tawa sin tawa supa lape li anpa sin lon ona. wawa li weka mute. tenpo suli la ona li awen lon supa. tenpo kama suli la lape li kama. \\\nkalama uta pi jan lili li pini e lape. kalama ni li tan tomo ante pi tomo suli sama, li toki e ni: \"tenpo ale la o toki ala e ni tawa mama mije sina tawa mama meli sina: mi tawa tomo weka pi jan ala. ona li wile ala e ni: mi musi li lon ni. ona li kama sona la...\" uta ante li toki e ni: \"mi toki lon tenpo ala. mi toki tawa mama mije mi ala tawa mama meli mi ala. ike li ken ala. tenpo ale la ona li sona ala e musi mi ni.\" \\\njan Keta li toki: \"jan lili o, sina ken ala ken kute e mi?\" \\\n\"jan li toki.\" jan lili wan li toki e ni. taso ona li toki tawa jan Keta ala, tawa jan poka ona taso. \"sina kute ala kute?\" \\\n\"ona li sama kalama uta pi jan meli.\" jan lili ante li toki e ni. \\\n\"jan lili o! o kama, o pana e pona! jan ike li poki e mi! ona li pini e lupa! mi ken ala weka! o kama, o kama a! o weka e mi tan poki!\" jan Keta li toki mute e wile suli. taso jan lili li kute pona ala. \\\n\"mi o weka!\" jan lili li kalama suli. \"kon pi jan moli li lon!\" \\\n\"sina toki lon.\" jan lili nanpa tu li toki. \"jan li toki e ni: kon jan li awen lon tomo pakala ni. kalama uta ona li meli. mi o weka wawa!\" \\\n\"mi pilin monsuta.\" jan lili nanpa wan li toki. toki ni la jan Keta li sona e ni: jan lili tu ni li weka. awen la ona li wan taso, taso, taso...\n\n### \\#15) sona ale\n\njan Ton: suno pona, meli pi suwi nanpa wan o! lape sina li pona ala pona? \\\njan Linta: suno pona, jan Ton o. mi lape mute ala. sina la lape li pona ala pona? \\\njan Ton: pona mute a. taso o toki e ni tawa mi: lape sina li pona ala tan seme? \\\njan Linta: sina ken sona e ni! mi pali pi mute ike kepeken lawa mi. tenpo pimeja ale la mi toki insa mute lon ijo pi tenpo suno pini. \\\njan Ton: lon la, mi weka lon poka pi jan Po li pona e jan Keta la, mi lukin sin ala e sina lon tenpo suno pini. sina awen lon tomo moku li awen lukin e jan pi linja jelo. mi kama sin tawa tomo moku la sina weka. sina tawa seme? o toki e sona ale pi pali sina tawa mi. \\\njan Linta: mi wile toki. taso mi pini la sina kin o toki e sona ale tawa mi, anu seme? mi tawa insa pi ma tomo lon poka pi jan ni. mi toki e ni tawa ona: tomo tawa mi li kama pakala. ona o tawa e mi tawa ma tomo. ona li sona ala e wile lon tenpo lili, li kama wile tawa e mi. mi lukin toki tawa ona. mi lukin sona mute e ona. taso mi kama ala sona e mute. mi tu li toki e ijo pi suli ala taso.\n\njan Ton: sina sona ala e ona la ken la sina sona e ni: ona li tawa seme lon ma tomo, li tawa lon nasin seme, li tawa tomo seme? \\\njan Linta: o awen. mi kama toki e ale. wile mi o nasa ala tawa jan ni. ni la mi toki e ni: o pana e mi lon insa pi ma tomo. ona li pana e mi lon poka pi tomo musi suli, li awen tawa. mi sona ala e ni: mi wile pali e seme. mi tawa noka lon ma tomo li toki insa e ni: nasin mi pi alasa sona li pona ala. mi kama sona e ijo ala tan jan ni, li kama lon insa pi ma tomo, li jo ala e tomo tawa. mi pali pakala a. mi awen tawa mute, li alasa e nasin sin. taso mi kama lukin e jan pi linja jelo! tomo esun li lon; jan li ken pana e lipu tawa ma ante kepeken esun ni. jan pi linja jelo li tawa tan tomo ni! pona la mi lon poka ala pi tomo ni. mi lon poka tomo la ona li kama li lukin e mi la ni li ike! taso mi kama lukin e ona la ona li lukin ala e mi, la mi ken tawa li ken len e mi. \\\njan Ton: ona li lukin ala e sina la pona a! \\\njan Linta: lon a. mi lukin e ona lon tenpo pona. ona li kama tawa noka, la mi kama tawa lon monsi ona. sina sona ala sona e esun suli? ona li esun e pan ante mute mute e suwi pimeja ante ale e suwi ante mute. poka ante nasin la tomo suli pi musi utala sijelo li lon. poka la esun suli pi supa tomo li lon. taso sina sona ala e esun ni la ni li suli ala. ona li tawa esun pan ni. tenpo lili la ona li kama tan esun li jo e poki suli. ijo mute li lon poki. lukin la ona li kama jo e pan ale tan esun. mi o toki e ni: ijo pi pona mute li lon esun ni. moku suwi li pona tawa mi la mi tawa esun ni lon tenpo mute li esun e suwi mute. tenpo la mi wile tawa li tawa ala tan ni: suwi li ken suli ike e sijelo mi. taso ni li suli ala tawa mi lon tenpo mute. a...mi toki e seme lon tenpo pini? \\\njan Ton: sina toki lon alasa sona, taso toki li kama weka tan ni li kama tawa pan suwi. sina wile e pan sin lon tenpo ni anu seme? sina moku e telo seme lon suno ni? a, telo seli li lon poka sina. mi o pana e telo sin tawa poki sina anu seme? \\\njan Linta: a mi wile. sina pona. telo seli sin li pona tawa mi. ni la...\n\n### \\#16) ken la ona li jan sina ala\n\njan Linta: mi lon seme lon toki suli mi? a! mi sona. ona li tawa tan esun li jo e poki suli. poki li jo e moku suwi mute. \\\njan Ton: ken la moku mute ni li pan. \\\njan Linta: lon, ni li ken. mi kama lukin e tomo tawa ona lon poka nasin. mi pilin e ni: ona li kama tawa weka kepeken tomo. mi ken ala awen lukin e tawa ona. taso ona li ni ala. ona li tawa tomo tawa, li pana e poki lon insa, li pini e lupa, li awen tawa noka. tenpo ni la mi kama sona e ken ni li wile ni: mi awen e nanpa pi tomo tawa. mi sitelen e nanpa. sitelen li pini la mi awen tawa monsi ona. ona li tawa lon poka nasin la mi tawa lon poka ante. ni la mi lon poka ona ala. \\\njan Ton: ona li lukin ala lukin e ni: sina lukin e ona? \\\njan Linta: ala a. ona li kama tawa insa pi tomo moku. mi awen li sona ala e ni: mi wile ala wile tawa insa kin? mi tawa insa la ken la ona li lukin e mi li sona e mi. mi wile sona e pali ona, taso ona li ken kama lukin e mi. ken ni li ike a tawa mi. mi awen li sona ala la jan mute pi kulupu utala li kama li tawa tomo moku. ona li tawa insa la, lupa tomo li open lili, la mi lukin e ni: tomo moku li suli. jan mute li lon. mi tawa insa tomo li alasa e supa pona tawa ni: jan mi pi linja jelo li ken ala lukin e mi.\n\njan Ton: a, ona li jan sina, anu seme? \\\njan Linta: o toki nasa ala. sina sona e wile toki mi. tomo moku ni li pali e moku sama ma Tuki. kalama musi nasa en len nasa li lon. jan pali li kepeken len pi kule mute. mi moku e telo moku pi pona mute. taso mi sona ala e ni: moku ni li tan ala tan soweli tomo. mi sona e ni taso: ona li tan waso ala. kin la moku kasi li pona mute. taso pan suwi li suwi wawa ike, li ike tawa mi. telo pimeja wawa pi ma Tuki li sama li suwi ike. suwi pi mute suli li lon ona. kin la ko lili li lon telo pimeja tan kili wawa. ni li ike moku. \\\njan Ton: moku li suli mute lon toki sina pi alasa sona. mi pilin e ni: mi kama kute e ijo musi. taso suli la mi kama kute e moku. \\\njan Linta: sina toki ike e mi la mi awen ala toki. a, ijo li kama. jan utala tu li pilin utala tan ni: jan pali li wile ala pana e telo nasa tawa ona. ona li kalama suli wawa ike. jan utala ante li lukin pini e kalama. ni la utala suli li open lon kulupu pi jan utala. jan ale li luka e jan ante kepeken wawa mute. supa moku li kama tawa lon kon sama waso. supa wan, tu, tu wan, tu tu, luka! poki telo wan li waso tawa sewi tomo...\n\njan Ton: pona wawa a! jan ni li wawa mute a! \\\njan Linta: suli la, kalama wawa a! sama ni: ona li pakala e poki telo ale ale ale lon tenpo sama. tenpo sama la jan mute mute mute mute mute li kalama wawa ike. tenpo sama la jan luka luka li kalama musi li lukin wawa suli tawa utala ni pi supa moku. \\\njan Ton: wawa a. sina awen lon tomo ni lon utala ni la sina wawa mute. \\\njan Linta: lon. pilin wawa! mi wawa a, sona ni li sin ala tawa sina anu seme? \\\njan Ton: mi sona pona ala e sina, taso ni li nasa ala tawa mi: sina wawa. sina suwi, sina wawa, sina musi, sina pona. ijo ala sina li ike. taso mi ken toki mute e ni lon tenpo ante. utala pi supa moku pi poki telo pi ma Tuki li pini la seme li kama? \\\njan Linta: mi lukin e ijo ike: utala li pini la jan pi linja jelo li lon tomo moku ala. ken suli la mi lukin e utala la jan ni li weka. mi pilin ike tan ni: mi weka e pali mi. taso seme li ken pona e ni? pilin ike li pona ala. mi pakala. mi ken lukin pakala ala lon tenpo ante. \\\njan Ton: a, ni li ken ike. sina pona sewi ala. taso mi pilin pona mute tan ijo wan: jan pi linja jelo li pona mute ala tawa sina. ken la sina toki lon. ken la ona li jan sina ala, la jan pona sina Ton li pona mute tawa sina. \\\njan Linta: ken, ken. taso sina sona ala sona lon e ni: mi wile sona mute e ona lon tenpo pini, la mi awen ala lukin e ona lon tomo moku tan seme? \\\njan Ton: a, tan... \\\njan Linta: tan ni: jan utala wan li mije pi suwi mute!\n\n### \\#17) la mi kama sona e ale\n\n\"taso tan seme, tan seme, tan seme?\" jan lawa li toki wawa tawa meli ona. meli ona li pana e pona tawa pali ona lon tenpo mute. \"o toki e ni tawa mi la mi kama sona e ale. jan li poki e jan ante tan musi taso ala! jan Keta li mani mute ala, la jan ike li poki e ona tan wile mani ala. tenpo ale la jan Keta li pona tawa ona sama tawa jan ante. ona li kama poki tan ike ona ala. ni la tan seme a?\" \\\n\"sina toki e ni: ona li jan pi pana sona. ona li pana e sona seme? ona li sona seme?\" \\\n\"ona li pana e sona pi tenpo pini, taso ona li sona mute e nasin toki len pi tenpo sike pini nanpa ale ale.\" \\\n\"pilin mi la ona li kama weka tan ni. taso mi ken ala sona pona tan pilin. mi o kepeken sona. mi o lukin e sona lon lawa mi o lukin sona e ale tan ni. seme la ale li open?\" \\\n\"mi sona mute ala. ni li sona mi: jan Ton en jan Linta li jan tu pi kama sona. ona li lukin e ni: jan pi linja jelo li pana e ijo tawa poki telo pi jan Keta. lukin la jan ni li pali sama ni: ona li wile len e pali. tenpo kama lili la jan Keta li tawa tan tomo moku tawa lupa tomo. tenpo lili la kalama li kama, sama ni: ijo li tawa anpa. jan Po en jan Ton li kute e kalama li tawa kalama. jan Po li lon tan ni: ona li kama lon tenpo pini lili, jan pi linja jelo li pali nasa la ona li kama. ona tu li tawa kalama la ona li lukin e ni: jan Keta li lon nasin tomo. ona li kama lape ike li tawa anpa. jan Ton li tawa li alasa e jan pi pona sijelo. jan Po li awen lon jan Keta. jan Ton li kama sin li kama e jan pi pona sijelo lon poka. taso ona li lon sin la jan Keta li weka. jan Po li anpa lape lon tenpo ni. ijo li utala li pakala e lawa ona lon tenpo pini. jan li pona e jan Keta lon nasin tomo lon tenpo pini la, jan pi linja jelo li tawa lupa ante pi tomo moku. jan Linta li tawa lon monsi ona li awen lukin e ona. jan Linta li tawa lon poka ona lon tomo tawa ona, taso ona li kama ala sona e ijo pona tan ona. taso ona li sitelen e nanpa e kulupu pali e kule tan tomo tawa...\"\n\n\"tomo tawa li ona ala ona? ona li kepeken ala kepeken tomo tawa pi jan ante?\" \\\n\"ala. ken suli la ona li sona ala e ni: jan ante li sona e ike ona. jan Linta li toki e wile tawa la, ni li pona mute ala tawa ona, taso ken la ona li pilin e ni: ona li tawa ala e jan Linta la jan ante li ken pilin e ni: ona li ike.\" \\\n\"ni la sina kama sona e ona anu seme?\" \\\n\"lon. mi kama alasa e sona. ona en jan Mata li tan mama sama. jan Mata li jan pi pona sijelo lon tomo sona. jan Ton li kama e ona tawa jan Keta.\" \\\n\"sona pona a! jan sama li pali ike lon poka. sina toki tawa ona tu la sina kama sona e seme?\" \\\n\"jan Mata li toki e sona sin ala; toki ona li sama jan Ton. mi toki ala tawa jan pi linja jelo.\" \\\n\"tan seme?\" \\\n\"ona o sona ala e ni: mi sona e ike ona. tan ona taso la mi ken kama sin e jan Keta. ike la, tenpo suno pini la ona li ike ala, li tawa tomo sin ala, li pali e ijo suli ala. ken la pali ike ona li pini. jan ante li weka e jan Keta li lape e jan Po - mi o alasa e jan ni. ona li ken ala lon ala, tan ni: jan pi linja jelo en jan Mata li ken ala weka e jan Keta. ken la jan pi linja jelo li pali e ni taso: ona li pana e ijo nasa lape tawa telo pi jan Keta. ni li lon la mi toki tawa ona. tenpo pini la mi pilin e ni: ken la ona li tawa jan Keta la mi ken lukin e tawa ona li ken kama lukin e jan Keta. taso lukin la ni li lon ala.\"\n\n### \\#18) o kute e jan lili sina!\n\n\"lon sina li pona ala tawa sina, anu seme? sina wile ante e ni, anu seme? sina ken ante e ni kepeken pali lili.” \\\n\"moku li pona tawa sina, anu seme? ken la sina wile e pan. ken la sina wile e kili. o lukin. mi jo e kili loje e kili jelo. ona li suwi mute lukin! sina pali e ijo lili tawa mi lon tenpo pini la, sina moku pona lon tenpo pini. ijo ante li lon: pan suwi. pan ni li pona mute li suwi mute anu seme? ona li seli pona, li kama pali lon tenpo pini lili. o luka e ona, o pilin e seli pona. ni li pona ala tawa sina la sina nasa. sina pona la, sina pali e ijo lili tawa mi, la sina kama jo e moku lon tenpo lili. ni li ike tawa mi: sina meli pi suwi mute li pilin ike tan wile moku. ni la mi pilin ike tan ni: sina wile ala. sina toki e nimi lili \"wile\" la moku ale ni li tawa sina.\" \\\njan ni li wile sama jan pona. taso lon la sinpin ona li sama jan ike tawa lukin. jan Keta li pilin e ni: wawa ona li kama lili mute. tomo ni li seli ike. kin la ona li wile mute e moku. taso ona li ken lukin taso e moku li ken ala moku a. taso awen la ona li wile toki e \"ala\". \\\n\"sina lukin ala lukin e lipu? sina sona ala sona e toki ona?\" jan ike li toki sin. \\\ntenpo pini la ona li lukin e lipu. ona li wile sona. suli la ona li wile sona e ni: jan ike li poki e ona tan seme? ni la ona li lukin e lipu. open la ni li pali suli. ona li ken ala sona e sitelen lipu. taso tenpo la sona ona li kama sin. ona li sona sin e nasin toki len majuna ni, li kama sona e kon toki. ni li pini la pali ante ala li lon. tenpo suli suli la ona en lipu li taso. taso ona li wile ala toki e sona. tenpo pini suli la jan sona Kosasi li pana e wile ni: ona o toki ala e sona ni. tenpo ale la sona o len. \\\n\"sina lukin ala lukin e lipu?\" kalama ike sin li kama tan jan ike.\n\njan Keta li awen toki ala. jan ike li pilin utala li tawa weka. ona li weka e pan ale e kili ale. pona la, ona li weka ala e telo. telo li seli ike, li mute ala, taso ona li telo. weka moku la jan li ken awen, taso weka telo li kama e moli. \\\ntenpo suli li kama li weka. tenpo pi suli seme? ona li sona ala. ilo tenpo ala li lon tomo. kin la jan ike li weka e ilo tenpo tan luka ona. len pi lupa tomo li ken ala tawa li awen lon tenpo ale la suno tomo li ante ala tan tenpo. ona li ken ala sona e tenpo. tenpo suno en tenpo pimeja en tenpo pi kama suno en tenpo pi weka suno li sama lon ni. suno li kama ala tan sewi. \\\njan ike li kama sin, li jo e ilo kalama. ona li pana e lipu kalama tawa ilo li open e ilo. kalama lili pi pilin ike li kama, li kama e pilin ike wawa lon jan Keta: \\\n\"mama mi o! o pali e wile ona. ona li poki e mi. mi sona ala e ni: mi lon seme. ale li ike. mi pilin ike. mi wile lon tomo mi. sina o pali e wile ona. sina pali ala la ona li ike e mi. ona li toki ala e ni: ike li seme. taso mi sona, mi pilin e ni: ike li mute. mama pona o, o kute. o kute e jan lili sina. mi pilin ike mute. sina pali lon tenpo lili la ona li weka e poki mi. ona li wile ala e ni: mi toki lon tenpo suli. taso mi jo e lipu e ilo sitelen. mi sitelen e lipu tawa sina. ni li suli: o pali e wile ona!\" \\\n\"ni li lipu.\" jan ike li toki. ona li mu musi lili li toki sin: \\\n\"pilin mi la ni li pona. tenpo lili la mi kama sin. pilin mi la sina kama wile pali e wile mi lon tenpo kama. a, o jo e ni. ni li pona tawa alasa wile sina.\" ona li toki la ona li pana e kili loje suwi tawa jan Keta lon kon kepeken wawa. jan Keta la pilin li sama ni: \"mi jan I[^1] li lon poka pi akesi linja.\"\n\n### \\#19) toki mi li musi ala\n\njan Peto: ken la mi tu li wile ala weka wawa. kon pi jan moli li lon ala anu seme? \\\njan La: sina wile toki e kalama uta ni tawa mama sina anu seme? sina wile la, sina ken ala jan pona mi. mama li ken ala e musi lon tomo ni, la ona li kama sona e musi mi, la... \\\njan Peto: ala. mi wile ala a toki e ni tawa mama. sona ni li lon mi tu taso. mi wile tas... \\\njan La: lon. sona len li wan e jan pona. sina awen len e sona la sina awen jan pona mi. taso sina toki e ni tawa jan suli la, mi... mi... mi ike e sina. mi pakala suli e sina. tenpo ale sina la tenpo suno pakala ni li weka ala tan sona. ni la ni li pali ike sina nanpa pini. seme? ni li musi tawa sina anu seme? \\\njan Peto: musi ala, mi wile tas... \\\njan La: mi kin la ni li musi ala. toki mi li musi ala. jan o pilin musi ala tan ike suli ken, anu seme? sina wile... \\\njan Peto: taso mi wile ala toki e ijo tawa mama. mi wile ta... \\\njan La: sina toki e ni lon tomo sona la ni kin li pona ala. mi pakala sama e sina. mi jaki e len sina, ni la sina kama tawa tomo la mama sina li toki utala tawa sina. mi pana e sina tawa telo li awen e monsi mi lon lawa sina. a, mi jo e ilo poki. ona li ken poki pi wawa mute e sina. mi kama jo e sina kepeken ilo poki mi, li tawa e sina lon tomo tawa tawa nena ma suli li weka e sina lon ni, la sina taso li lon tenpo kama ale, la sina pana e telo tan lukin.\n\njan Peto: sina sona ala lawa e tomo tawa. pilin mi la ilo poki wawa sina li lon ala. kin la, mi wile t... \\\njan La: mi sona lawa e tomo tawa. \\\njan Peto: lawa ma la sina jan lili la sina ken ala kepeken tomo tawa. kin la sina jo ala e tomo tawa. \\\njan La: lawa ma li suli ala tawa mi. lawa li ken ala e ijo mute. mi pali e ijo ken taso la mi pali e ala. mi kama jo e tomo tawa pi jan ante. a, mi ken jo tan jan pi pana sona. mi tawa e sina tawa nena ma suli li weka e sina lon ni. sina toki tawa jan poka pi kama sona tawa jan pi tomo sona sama la, jan ale pi tomo sona li kama sona e meli pi tomo pakala ni, la mama li kama sona lon tenpo lili. \\\njan Peto: sina toki e \"meli\" la, sina pilin ala e ni: kalama li tan kon pi jan moli. ni la, sina pilin... \\\njan La: pilin mi la kon moli li lon ala. sina kute e meli. mi kama e meli ni li awen poki e ona lon ni. wile mi la ona li kama jan pali mi. jan pali li pali e wile ale mi. ni la sina toki e ona la mi... a, mi wile ala toki e ni: mi seme e sina. tan ni: sina pilin monsuta suli...\n\n### \\#20) jan lawa!\n\nkalama noka. jan li tawa noka lon poka. jan Keta li kute wawa li pilin e ni: ken suli la ijo suli li kama. kalama pi jan mute. jan li kama. kute la, jan li mute a. kulupu pi jan ike li kama li ike e jan Keta lon poka anu seme? ilo open. kalama pi ilo open li kama tan lupa. jan li pana e ilo tawa lupa pi ilo pini lupa. ni li sama tenpo pini ala, ni li jan sama ala. jan ike pi kili mute li sama ni ala. jan lon li pana e ilo open tawa lupa, li tawa sike e ona. ala. ilo li open ala. ona li pali sin. ilo li awen open ala. kalama sin pi ilo open. tenpo sin la ona li kepeken ilo sin. tenpo mute la ona li lukin open e lupa kepeken ilo ante mute. kute la, ona li sona ala e ilo pini ni. ona li pana e ilo open la, ona li tawa sike e ilo lon nasin mute, tan ni: ona li lukin kama sona e ilo pini. \\\nona li kama open e ilo! ona li tawa insa. \\\n\"mi jan lawa!\" ona li toki. jan Keta li wile tawa wawa tawa jan lawa li wile uta e ona, li anpa e wile ni. jan ni li suli sama palisa suli. sijelo ona li lili. linja lawa ona li pimeja. lukin ona li laso sama kasi. ona li wawa lukin. \\\nona li kama insa la jan mute ante li kama. jan Keta li lukin e jan ni lon tenpo pini. ona li jan pi kama sona. lukin la ona li pilin wawa suli ala. ni li sama ala jan lawa. \\\n\"jan ni li pana e pona mute tawa pali mi.\" jan lawa li toki. \"jan lawa li mute ala, la pali ona li pona mute.\" ona li toki e nimi pi jan pona: jan Ton en jan Po en jan Linta. jan Keta li kute e kalama noka la ona li pilin e ni: ken la jan luka luka li kama. taso ona li tu tu taso. \\\n\"jan lili mi...?\" jan Keta li wile sona a. ona li pilin monsuta a, li ken toki e nimi tu wan ni taso. \\\n\"ona li awen. tenpo ni la ona li lon tomo sina lon poka pi mije sina. jan ike ni li pali pona ala li pakala mute. jan lili sina li poki lon poka pi mama sama pi jan Mata. mi kama sona e poki ona kepeken tenpo lili. ona li kama lon tomo li lukin e mama ona la ona li pilin pona a. \\\n\"a, sina pona mute a! toki sina li pona mute e pilin mi. taso o toki e ni: nasin seme la sina kama lukin e mi? nasin seme la sina kama sona e ni: ona li poki e mi lon tomo ike ni?\" \\\n\"jan lili tu li toki e ni: kalama toki li kama tan tomo ike ni pi jan ala. pona o tawa ona... taso tenpo ni la sina o toki. jan ike li wile e seme? wile ona li seme tan sina? ona li poki e sina tan seme?\" \\\n\"ona li wile e ni: mi ante toki e lipu majuna. mi wile ala, li toki e ni. ni la ona li pilin e ni: ona li ike e mi la mi kama wile. nanpa wan la ona li pana e moku ala tawa mi. nanpa tu la ona li pana e lipu tawa mi tan jan lili mi. wile moku li ike, taso ona li ike suli ala. mi awen wile ala ante e lipu. taso mi kute e jan lili...! lon la mi wile moku lon tenpo ni. jan pona o, sina wan o esun e moku tawa mi. moku ale li pona tawa mi lon tenpo ni. sina pona.\"\n\njan Linta li tawa esun moku. \\\n\"mi kama sin la sina tu li toki e sona ale tawa mi.\" ona li kama weka la ona li toki e ni. \\\njan Keta li toki tan lipu. ona li jo e lipu lon luka ona li ante e toki li toki e ona. toki lipu li nasa la ona li pana e sona. \\\njan lawa li sona e lipu. jan Keta li toki sin mute e poki e jan ike. ni la jan lawa li kama sona e nasin ken. \\\n\"jan Po o, ni li pona ala pona tawa sina: jan li kama lon tomo ni la sina tawa anpa pi supa lape li weka tan lukin?\" \\\n\"tan seme?\" \\\n\"nasin li ni: mi ale o weka, taso sina en jan Keta o awen. jan Keta o toki e ni tawa jan ike: ona li wile toki e ni: sona seme li lon toki lon lipu, lon lipu majuna ni. ni la jan ike li pali tan sona lipu. mi ken poki e jan ike kepeken pali lili. taso mi wile ala e ni: jan ike li pakala e jan Keta tan nasin ni. ken la, jan Keta li pini e pali la, jan ike li awen ala wile e ona la, jan ike li... n, sina sona. o awen lon ni. sina kute e kalama noka lon poka la, sina o anpa pi supa lape, o kute pona e ale. jan Keta li toki e ni: tenpo ale la jan wan taso li toki tawa ona. sijelo ona li lili li wawa ala, la sina wawa li ken anpa e ona, lon wile.\" \\\njan Po li toki e \"pona\". taso ona li pilin lili e ni: ken la nasin ni li pona ala.\n\n### \\#21) kulupu len\n\njan Keta li kama pilin pona. moku ona li kama pini. jan Linta en jan Ton en jan lawa li weka. ona li toki lon poka pi jan Po, kepeken kalama lili lili. ona o kute wawa. ken la ijo li kama. pona la, ona li ken kute pona. jan ike li kama kama la, ona li sona lon tenpo lili. jan Po li pona tawa ona. ona li suli li wawa. sinpin ona li sama soweli pi pona mute. \\\nona tu li toki e lon ona e pali ona pi tenpo pini poka. jan Keta li toki e mije ona la sinpin pi jan Po li ante lili. pilin ike lili li kama tawa ona. jan Po li kama ala kama olin e jan Keta? \\\ntenpo ni la kalama noka li kama. kepeken tenpo lili la jan Po li weka tawa anpa pi supa lape, li lukin awen e sijelo ona lon nasin pi ike pilin ala. \"o kalama ala!\" ona li toki tawa ona sama. \"ni li suli mute! kalama ala o lon!\" \\\njan ike li kama. tenpo pini la ona li ike e jan Keta kepeken toki moku. taso tenpo ni la jan Keta li ken pona tawa ona. pona a! \\\n\"mi wile!\" jan ike li open e lupa la jan Keta li toki wawa. \"mi pali e wile sina. mi ken ala awen lon ike ni. mi ante toki e fucking lipu sina. ni la o poki ala e jan lili, o pana e moku tawa mi.\" \\\n\"moku.\" jan ike li toki e ni taso li open e poki li pana e pan e soweli e kili e suwi e telo soweli kin. jan Keta li moku li kalama ala. ona li moku lon tenpo pini, taso ona li ken awen moku. jan Po li kute e ni li kama wile moku. taso ona li ken ala...\n\n\"ni la, o toki e ni tawa mi: seme li sitelen lon lipu ni?\" jan ike li toki e ni.\n\njan Keta li toki e mani weka pi kulupu alasa suno. kulupu alasa suno li kulupu len, ona li len e pali ona. ona li kama lon tenpo sike ale ale ale ale ale ale pini. tenpo suli la ona li awen, li wawa lili lon tenpo, li wawa mute lon tenpo. ona li kama weka lon tenpo sike ale ale ale pini. jan kulupu li mute li tan ma ante mute li tan nasin ante mute. nasin Katolika en nasin Potesan en nasin Ototosu en nasin Jejuta en nasin Isilan en nasin Puta en nasin ante mute la jan pi nasin ni li lon kulupu ni pi ma ale. ona li pali len tawa ni: jan ale pi ma ale pi nasin ale li wan li kulupu pona li ken sona e jan ante pi nasin ante. sona ona en nasin ona li sewi tawa nasin ante. ona li pali e toki sin len. kepeken toki ona la ona ale pi ma ale li ken toki tawa ona ante. lawa ma li kama sona e lon pi kulupu ni la kulupu li monsuta tawa ona. ona li sona ike e nasin kulupu, li utala e kulupu, li moli e ona. ni la kulupu li pana awen e mani ona lon ma weka. kulupu alasa suno la jan pi mani mute li lon. ni la, lipu ante mute li toki e ni: mani weka ona li mani mute. lipu ni li tan ilo pi sama lipu: ilo li pali e lipu sin ni tan lipu mama li pana e sitelen sama. lipu li toki pi pona mute e ni: mani weka li lon seme?\n\njan Keta li ante e toki li toki e sona. jan ike li sitelen e ale lon lipu lili ona. jan Keta li pini la ona li toki:\n\n\"sina pona. tenpo ni la mi sona e sona wile mi. mi weka. sina awen lon ni. mi o lukin sona e ni: mi wile pali e seme kepeken sina lon tenpo ni? awen pona.\"\n\nlupa tomo li pini la kalama noka li weka la kalama li tan anpa pi supa lape: \"pan suwi lili li awen ala awen tawa mi?\"\n\n### \\#22) lon lupa ma\n\ntenpo kama lili la jan lawa li kama la jan Keta en jan Po li weka tan tomo ike. jan Keta li kama sin tawa tomo ona, tawa jan lili tawa mije. taso jan Po li tawa wawa tawa tomo awen pi tomo tawa waso. ona li wile lon poka pi jan Linta pi jan Ton lon ni: jan lawa li kama poki e jan ike. \\\ntawa ni li wile e mani mute, taso kulupu mama pi jan Keta li mani mute li pana e mani tawa ni, tan ni: jan pona ni li pona e jan Keta. \\\njan lawa en jan pona li kama sona e ma pi mani weka la, jan ike li sona ala, li kama sona lon tenpo kama. ni la jan ike li awen sona ala la jan pona li ken alasa e nasin pona. ona li pilin wawa e ni: jan ike li wile tawa ma ni lon tenpo lili. kin la jan ike ale li wile lon poka. tenpo mute la jan ike li pilin e ni: \"ken la jan ike ante li weka e mani tawa ona taso li pana ala e mani pona tawa mi.\" ni la jan ike li wile lon poka li wile lukin e pali pi jan ike ante. \\\njan pona en jan lawa li kama lon ma pi mani weka. ma ni li lon noka pi nena suli, lon lupa ma lon insa kiwen nena. lukin la ijo ala li kama lon ni lon tenpo suli. \\\n\"pona la, ona li weka ala e mani lon telo suli, lon ma lili. mi ken tawa ma mani kepeken tomo tawa telo ala. toki pi jan Keta la ona li kulupu suli li lon ma ale, la ona li ken pana e mani tawa telo, anu seme?\" jan Linta li toki e ni. \\\n\"sina toki lon.\" jan Ton li toki e ni. \"tawa telo li ike mute tawa mi. tenpo ale la telo suli li ike e pilin sijelo mi. telo li pona lukin. lape li pona lon poka telo. taso tomo tawa telo li ike: tenpo ale la tomo li tawa nasa lon telo. tawa nasa li ike e mi. pona la, tenpo lon la jan li ken tawa ma ale kepeken tomo tawa waso. tomo tawa waso li tawa nasa mute ala. taso tawa waso kin li pona mute ala tawa mi. mi wile tawa lon ma, lon anpa. mi wile e ijo kiwen lon anpa mi. telo en kon li kiwen ala. ni li pona nanpa wan: mi tawa, kepeken noka, lon ma. mi...\" \\\ntaso jan Linta li pini e toki ona. ona li pilin e nasa lili lon tenpo ni. \\\n\"pilin sina la jan alasa mani li kama lon tenpo seme?\" ona li toki tawa jan lawa. \\\n\"tenpo suno kama. ona li ken ala kama lon tenpo suno ni, tan ni: tenpo suno ni la tomo waso pi mi mute li nanpa pini. tomo waso ante ala li kama. tomo tawa ma li wile e tenpo ale pimeja. ken suli la jan Po en jan alasa li lon tomo waso sama lon tenpo suno kama.\"\n\nkon li seli pona li pona lukin. jan pona li pali e tomo len lon ma poka. taso ona li pali e ni: jan li kama la ona li ken ala lukin e tomo. nasin wan taso la jan alasa li ken kama lon tenpo suno ni: tomo tawa waso lili li tawa e ona taso lon tenpo pi wile ona. taso ni la jan lawa pi tomo waso li wile e mani mute, la ken suli la ona li pali ala e ni. \\\ntenpo suno kama li open la, jan pona li pini e lape lon open suno, la ona li open e pali. jan sin ike li ken kama tawa ma ni kepeken nasin ma wan taso. jan pona li alasa e ma lukin pona ni: jan li lon ma lukin la ona li ken lukin pona e nasin kama. ma lukin li sewi lili. ni la ona li open e pali ni: tenpo ale la jan wan li lon ma lukin li lukin e nasin. tenpo la jan ante li kama jan lukin. kin la insa lupa la ona ale li alasa e len pona: wile la ona li ken tawa monsi kiwen li ken len e ona sama tawa jan kama. \\\ntenpo li kama. suno li kama sewi mute. ijo li kama. jan Linta li lon ma lukin li lukin e ijo, li tawa anpa tan ma lukin sewi li toki tawa jan pona ante. \\\n\"tomo tawa li kama!\" ona li toki suli. \\\nma ni li weka mute. jan seme li wile kama lon nasin ni kepeken tomo tawa? jan ike ni taso. jan pona li tawa monsi kiwen ona tawa len. \n\n### \\#23) mani li lon poki\n\ntenpo pi suli lili li tawa la, jan li kama. ona li jan Po! \\\n\"jan pi alasa suno li awen len lon seme a?\" jan Po li toki musi. \"lon pimeja anu seme?\" \\\njan pona ante li kama tan len. \\\n\"o len sin e sina! jan alasa li kama.\" jan Po li toki. \\\n\"nasin seme la sina kama lon tenpo lili? sina kama la jan ike li lon ala.\" \\\n\"jan Keta li pali pona. ona li kepeken ilo toki li kama e tomo tawa tawa tomo awen waso. mi kama tan tomo tawa waso la tomo tawa li lon li kama pana e mi tawa ma ni. mani li pona e ijo mute. jan Keta li mani mute, sina sona e ni. ona li toki pi pona mute e nasin tawa jan lawa pi tomo tawa. ni la mi lon ni lon tenpo ni. taso jan ike alasa li kama lon tenpo kama lili. ona en mi li lon tomo waso sama. mi alasa e tomo tawa mi la mi lukin e ona: ona kin li pana e mani tawa jan pi tomo tawa. \\\njan Ton li tawa ma lukin pi sewi lili. tenpo kama lili la jan pona ante li kute e jan Ton. \\\njan li kama tawa lupa: jan Mata li kama. kin la jan pi linja jelo li kama; jan ni li toki tawa jan Keta lon poki lon tomo ike. jan ante tu kin li kama. \\\n\"jan sona Lonka!\" jan pona tu wan pi kama sona li toki insa e ni, li toki sin: \"jan sona Peku kin!\" \\\njan Lonka li pana e sona pi nasin toki. jan Peku la sona pana ona li lipu pi toki Inli. \\\nlipu majuna li toki e ni: mani li lon poki lon lupa kiwen lili. kiwen lili mute li len e lupa ni. lipu la sitelen li lon li sama nasin pi kiwen len ni. lon la ijo mute mute li toki e lupa mani lon lupa ma ni. taso ona li len, sina lukin ala e lipu la sina ken ala sona e ona. sitelen li mute la tenpo suli li weka ala e ona ale. tan ni la ona li kama lukin e kiwen len lon tenpo lili. kulupu alasa li weka e kiwen len. ko mute li lon lupa, lukin la ona li lon tawa ni taso: telo kon li ike ala e poki e insa e mani. \\\nona li weka e poki tan ma. poki li suli mute ala, li pona mute lukin ala. ilo li pini e poki. jan alasa li kepeken ilo open pona li open e ona.\n\n### \\#24) mani pi kulupu suno\n\n\"lipu taso!\" jan Lonka li kalama. ona li toki tan lipu:\n\n*\"mani weka pi kulupu alasa suno li lon ni. lawa li utala la kulupu pona sewi pi alasa suno li kama moli. taso kon kulupu li awen. tenpo kama la, jan li kama lukin sin e nasin pona ona, li lon sin e ona. tawa jan kama ni la mani pi kulupu suno li lon ni.* \\\n*\"sitelen li kepeken toki len kulupu. taso ken suli la jan sona li awen lon li awen ken sona e toki len. mani li sona nasin ni: sona o pona. pali o pona. jan o pona tawa jan ante ale. toki o ken lon jan ale. toki o sona pona. olin o pona. jan o sona e ni: ona li lon tan seme li wile pali e seme?* \\\n*\"kulupu la, kon sewi li suli nanpa wan. ni la, mani ona li kon taso li lon lipu taso.* \\\n*\"sina kama lukin e ona la, tan tenpo suli weka la, mi toki: o pona!\"*\n\nona li awen lon supa monsi pona lon tomo pi jan Keta. \\\n\"ni la seme li kama?\" jan Keta li wile sona. \\\n\"mi mute li kama tan len. mi poki e jan ike.\" jan lawa li toki. \"tenpo pini la mi toki tawa jan lawa pi ma poka. jan lawa ni li tomo poki e jan ike.\" \\\n\"sina sona ala sona e ni: seme la pali pi jan ike li open?\" \\\n\"mi sona pi ike ala. jan Mata li lon tomo pi pona sijelo la, ona li lukin e ni: jan li pona e sijelo pi jan sona Kosasi kepeken kipisi. jan Kosasi li jan sona li sona e tenpo pini. tan pali sijelo la ona li lape li lape ala lon tenpo sama. lape lili la ona li toki e mani pi kulupu alasa suno, li sona ala e ni: ona li toki. toki la kulupu li lon tenpo pini suli, li sewi, li mani mute. jan Kosasi li alasa e sona ante la ona li kama sona e mani kulupu lon tomo lipu pi ma Wasikano.\" \\\n\"lon.\" jan Keta li awen e toki. \"mi sona e pali pi jan Kosasi. ona li alasa e sona pi tenpo pini lon tomo lipu pi ma Wasikano. lon insa pi lipu majuna la ona li kama lukin e lipu lili. ona li kepeken nasin toki len pi kulupu alasa suno. tenpo pini la ona li kama sona lili e kulupu ni, e toki ona. ona li sona e ni tan lipu: lipu li toki e mani kulupu e ma awen pi mani ni. taso ona li ken ala sona e toki mute li sona pona ala e ma. ona li kepeken ilo li pali e lipu pi sitelen sama. tenpo la, mi tu li kama toki la, ona li toki e ni tawa mi: lipu li lon. ken la jan mute li kama wile alasa e mani, tan ni: jan mute li kama wile sona e ijo pi kulupu len majuna. ona li sona e ni: ma ale la mi taso li sona pona e toki len majuna mute. ni la ona li toki e wile ni: jan li alasa e mani tan wile mani taso la mi o pali ala tawa ona. mi pilin sama.\" \\\n\"ni la jan Kosasi li wile seme e lipu?\" jan Linta li toki. \\\n\"lipu o tawa tomo pi awen ijo. ken la lipu o tawa jan lawa ma.\" \\\njan Ton li toki: \\\n\"nasin seme la jan Mata li kama jo e lipu?\" \\\n\"jan Mata li toki e ni tawa mi.\" jan lawa li toki. \"pali sijelo li open la nanpa wan la ijo li lape e jan Kosasi. ona li kama sona e ni: ijo li lape lili taso e jan la jan li ken kama ken toki e lon taso. pali sijelo li pini la, jan sona li lape lon tomo ona lon tomo pi pona sijelo. jan ante ala li lon tomo ona, tomo li tawa ona taso. jan Mata li pana e ijo tawa ona, li toki e wile sona mute. jan li lape tan ijo nasa, taso ona li kute li toki tawa wile sona, li toki e ijo lon taso. nasin ni la jan Mata li kama sona e ni tan jan sona: ma ale la jan wan taso li sona e toki len ni. nimi ona li jan Keta.\"\n\n### \\#25) pali suli ike\n\n\"taso sina toki ala e nasin! nasin seme la jan Mata li kama jo e lipu?\" \\\n\"a, mi pakala. jan Kosasi li jo e lipu lon poki lipu. pali sijelo li pini la sijelo ona li pilin ike suli. jan Mata li weka e lipu tan poki lipu lon tenpo lape ona. pilin mi la ona li sona e ni: jan Kosasi li kama moli. lon la ona li moli lon tenpo kama lili. ni la jan ala li lukin e weka lipu lon poki lipu.\" \\\n\"seme la jan sona Lonka li kama pali lon ni?\" \\\n\"ona li jan olin pi jan Mata. jan Mata li toki e ijo lipu tawa ona. nasin lon ona la ona li wile e mani mute lon tenpo ale. ona li kulupu e jan tawa ike. ona en jan Peku li weka e jan Keta li pakala e lawa pi jan Po. tomo pali pi jan Peku li lon poka. ona li tawa e jan Keta tawa ni, li awen lon ni. jan li weka tan nasin la ona li ken tawa e jan Keta tawa tomo weka.\" \\\njan Keta li toki: \\\n\"jan sama pi jan Mata pi linja jelo li kama tawa mi lon tenpo mute lon tenpo mun pini mute. ona li wile e ni: mi ante toki e lipu. mi toki e wile sona: ona li kama jo e lipu tan seme? ona li toki ala lon tenpo lili, sinpin ona li kama walo lili. ni la mi pilin e ni: ken la ona li ike. mi awen sona e wile pi jan Kosasi li toki e ni: mi wile ala. ona li kama sin lon tenpo nanpa wan, lon tenpo nanpa tu, lon tenpo nanpa tu wan. tenpo ale la mi wile ala. tenpo kama la jan Lonka li wile e mi tawa pana sona pi toki len majuna, la mi sona ala a e ken ni: ken la jan Lonka en jan pi linja jelo li pali poka.\" \\\n\"lon.\" jan Ton li toki. \"sina wile ala ante e lipu la ona li kepeken nasin ike. ona li poki e sina li lukin ante e wile sina kepeken wawa.\" \\\n\"pali ike suli ni li pini pona ala!\" jan Keta li toki e pilin. \"ona li kepeken lawa ona ala! nasa!\" \\\n\"lon. ona li sin tawa pali ike li sona ala e nasin pona.\" jan lawa li toki. \"tenpo ale la ona li pali nasa. tan ni la mi poki e ona kepeken pali lili. ni li pona mute. mi ken weka e sina tan poki. sina ken awen moli ala. jan ike li nasa ala li sona pona e nasin ike la ale li ante: sina pini e pali pi wile ona la ona li moli e sina.\" \\\n\"ni li lon ala lon?\" \\\n\"lon. sina sona e mute. sina awen lon la sina ken pakala e jan ike kepeken sona. pona mute la jan ike ni li sona pona ala.\" \\\njan Keta li kalama ala li toki insa. tenpo li tawa la ona li toki. \\\n\"ike a! sina pali pi pona mute. sina ale li pona mute. sina pona e mi e jan lili mi. taso, jan Po o, pilin sina li seme? sina toki ala lon tenpo pini.\" \\\njan Po li lukin e jan Keta. sinpin ona li nasa lili lukin. \\\n\"mi wile e telo nasa lili.\" ona li toki, li awen nasa pilin. jan ante ale li mu musi.\n\n### toki pini: sona len sin!\n\njan lukin pona o,\n\nsina awen lukin e lipu ni li kama pini. ni la sina pilin pona tan ni: ale li pona lon pini. taso sina lukin ala lukin e ni: pakala sona suli li lon lipu? pakala sona li sama ni: lipu li toki e ijo lon tenpo wan, li toki e ijo pi ante mute lon tenpo ante. ijo tu ni li ken ala lon lon tenpo sama. sina lukin ala e ni, anu seme? ike a! sina wile sona li wile lukin sin e ale lipu lon tenpo ni. o lukin wawa. sina lukin ala e pakala lon lukin nanpa wan la o lukin nanpa tu, o lukin nanpa tu wan. sina awen alasa la sina kama lukin e pakala. sina kama ala lukin e ona la, ni li ike ala, tan ni: sona sina pi toki <ins>Epelanto</ins> pona li kama wawa tan alasa...\n\n---\n\n[^1]: lipu sewi li toki e ni: jan Atan en jan I li mama pi jan ale. jan I li meli nanpa wan. meli ante ale li kama lon lon tenpo kama.","filePath":"poki/plaintext/2022/05/jan-keta-li-weka.md","digest":"965752588f1c190f","rendered":{"html":"<h2 id=\"jan-keta-li-weka\">jan Keta li weka!</h2>\nlipu li tan jan Claude Piron \nante toki li tan jan Tepo \nkepeken soweli nata \nkepeken jan Lakuse \nkepeken jan Pensa \nkepeken jan Peton\no sona e ken ike lipu:\n<ul>\n<li>ike sijelo</li>\n<li>jan ike li pakala e sijelo pi jan ante</li>\n<li>pilin ni: meli li nasa, mije li wawa</li>\n<li>nasin Epelanto</li>\n</ul>\n<h3 id=\"1-lon-tomo-moku-lon-tomo-sona\">#1) lon tomo moku lon tomo sona</h3>\njan Ton: toki, jan Linta o. \njan Linta: toki, jan Ton o. \njan Ton: o toki e ni tawa mi: jan ni li seme? \njan Linta: jan seme? \njan Ton: ona li suli sama palisa suli. linja lawa ona li jelo. ona li majuna ala. ona li mije. \njan Linta: jan seme? \njan Ton: ona li moku lon poka ni: sinpin tomo tu li kama wan. \njan Linta: a, jan ni! \njan Ton: lon, jan ni.\njan Linta: mi sona ala. mi sona ala e ni: ona li seme. ken suli la ona li sin tawa tomo sona ni. \njan Ton: jan ala li lon poka ona. ona taso a li lon. \njan Linta: ala. o lukin: meli suwi li tawa ona. \njan Ton: ona li suwi ala. ken la ona li ike lukin ala, taso ona li suwi ala. sina taso li suwi, jan Linta o. \njan Linta: jan pona Ton o! seme nasa li kama tawa sina? ken la sina pali pi suli ike li wile lape lon tenpo ni… \njan Ton: mi kama ala nasa. kin la mi pali ala pi suli ike. lon la mi pali lili lon tenpo ni. wile sona lon li ni: seme nasa li kama tawa sina, jan Linta o? sina taso li suwi lon. \njan Linta: n… \njan Ton: toki mi li lon. sina taso li suwi, jan Linta o. mi toki lon a. o kama lon poka mi! \njan Linta: taso… \njan Ton: o kama. o tawa lon poka mi tawa sinpin lukin. o lukin e sina lon sinpin. ni li jan Linta, li meli pi suwi nanpa wan lon ma, li meli pi suwi nanpa wan lon ale ma a. \njan Linta: kin la ni li jan Ton, li mije lili pi nasa musi nanpa wan lon ale pi tomo sona.\n<h3 id=\"2-seme-li-lon\">#2) seme li lon?</h3>\njan Linta: jan Ton o! \njan Ton: seme li lon sina? selo sina li walo! suwi, taso walo. \njan Linta: jan Ton o! o lukin ala! \njan Ton: seme li lon? \njan Linta: nasa! ijo nasa li kama, ijo pi nasa mute. jan ni, jan sin ni… ala, ala, sina o lukin ala. jan ni o sona ala e lukin sina. \njan Ton: seme a! o toki e ni tawa mi: nasa ni li seme? \njan Linta: luka ona li pali e ijo nasa. sina wile la o lukin, taso ona o sona ala. o tawa lili e lawa sina, taso tawa sina o nasa lukin ala. ona o lukin ala e ni: sina lukin e ona.\njan Ton: sina toki lon. ijo nasa li lon. meli li lukin ala e mije—li lukin tawa sinpin lukin—la luka mije li tawa lili, kepeken tenpo suli suli, tawa poki telo meli… \njan Linta: ijo li lon luka ona… \njan Ton: mi lukin ala e ni. ona li lon weka la mi lukin pona ala tan ni. pakala! tenpo ni la jan suli li kama li pini e lukin mi. mi kama ken ala lukin e mije. \njan Linta: taso mi lukin. mi lukin pona. mi lukin pi pona mute. mi lukin pi pona ale. a!\njan Ton: seme li lon? \njan Linta: meli li lukin e mije lon tenpo ni la luka mije li kama tawa ala. \njan Ton: seme ante li lon? o toki! \njan Linta: tenpo ni la mije li toki tawa meli. luka ante mije li tawa lupa tomo li toki sama ni kepeken palisa luka: “o lukin e lupa.” luka nanpa wan li awen lon poka pi poki telo. \njan Ton: ken la mije li wile e ni: meli li kama lukin e ante, li kama lukin ala e mije. \njan Linta: lon, lon a. tenpo ni la meli li lukin e lupa. mije li toki li awen toki. meli li lukin ala e mije la, luka li kama lon poka pi poki telo. a! \njan Ton: seme? seme li kama? \njan Linta: luka li tawa weka tan poki telo, kepeken tenpo suli. tawa luka li nasa lukin ala. \njan Ton: ijo li lon ala lon luka? \njan Linta: tenpo ni la ala. taso pilin mi la ijo li lon poki telo lon tenpo ni.\n<h3 id=\"3-toki-olin\">#3) toki olin</h3>\njan Po: a! seme li lon? lukin la sina alasa len e sona. mi ken ala ken kama lon poka sina? \njan Linta: toki, jan Po o. \njan Ton: suno pona, jan Po o. \njan Po: suno pona, jan Linta o. suno pona, jan Ton o. mi pakala, mi toki ala e “suno pona” lon tenpo pini. \njan Linta: ale li pona. sina toki e “suno pona” lon tenpo ni la ale li pona. \njan Po: mi ken ala ken moku lon poka sina? \njan Linta: sina ken a. o kama lon poka mi. \njan Po: a taso mi wile ala pakala e tenpo pona sina. ken la jan Ton li toki olin li wile lon poka pi sina taso.\njan Ton: mi toki olin ala. \njan Linta: ona li toki e ni taso: mi meli pi suwi nanpa wan lon ma ale. \njan Po: ona li toki e lon. ni li toki olin ala li toki lon taso. \njan Ton: lon. ni li lon a. \njan Po: lon la jan Linta li suwi mute, taso ni li suli ala lon tenpo ni. \njan Linta: suwi mi li suli ala tawa sina! ike a! \njan Po: a, mi toki ala e ni. mi wile toki e ijo suli ante. \njan Ton: ijo ni li seme? sina toki e seme? seme ante li suli? \njan Po: mi kama tawa poka sina la sina lukin ala e mi. taso mi lukin e sina. \njan Linta: mi sona ala e wile toki sina.\njan Po: mi toki e ijo pi sinpin lawa sina. \njan Linta: seme pi sinpin mi? ona li suwi ala anu seme? \njan Po: ona li suwi a. ona li suwi nanpa wan lon ma ale. taso ona li nasa lukin sama ni: ijo len li lon. \njan Linta: len? sinpin mi li nasa anu seme? \njan Po: lon. sinpin sina li nasa lukin. \nlon la sinpin tu pi sina tu li nasa lukin. \nmeli pi alasa sona la sinpin nasa li lon. \npoka la mije pi alasa sona la sinpin nasa li lon. \nlukin la sina nasa. \nlukin la sina len e sona. \nmi kama tawa sina la, \nmi lukin pona e sina la, \nsinpin sina li sama sona len tawa mi, \njan Linta o. \nsinpin sina kin li sama, jan Ton o. \nsama toki pini mi la, \nsina sama jan pi alasa sona tawa lukin mi.\n<h3 id=\"4-jan-keta-li-seme\">#4) jan Keta li seme?</h3>\njan Po: o toki lon tawa mi: sina toki e ijo seme? \njan Ton: mi toki e jan ni. \njan Po: jan seme? \njan Ton: jan ni li lon poka tomo. jan ni li majuna ala. \njan Po: sina toki lon jan seme? linja lawa pi jan ni li jelo anu seme? ona li lon poka pi jan Keta anu seme? \njan Linta: jan Keta! ni la sina sona e ni: nimi ona li jan Keta! sina sona e jan Keta! \njan Po: a, lon la mi sona ala e jan Keta. mi sona e nimi ona e pali ona. ni li ante. \njan Linta: ni la ona li seme? \njan Po: taso sina toki ala tawa wile sona mi. lon la sina toki ala toki lon jan ni pi linja jelo pi majuna ala? \njan Ton: toki. lon ona. \njan Po: mi sona ala e ona. mi lukin e ona lon tenpo ala.\njan Linta: taso, o toki tawa mi, jan Keta li seme?\njan Po: ona li kama tawa tomo sona ni li pana e sona. sona ona li nasa a li sama sona len. ona li sona pi toki len.\njan Linta: seme? sina toki e seme? so-na-pi-to-ki-len anu seme? ni li seme? \njan Po: tan seme la sina sona ala e ni? nimi ante ken li nasin sitelen pi toki len. \njan Linta: ala. mi sona ala. mi sona ala a. jan Ton o, sina sona ala sona? \njan Ton: toki len la, jan li sitelen e toki kepeken nasin nasa li wile e ni: jan ante li sona ala. jan sona pi toki len li lukin sona e ijo tan toki len, li lukin weka e len, anu seme? \njan Po: lon. ona li sona mute e ni. lon la ona li sona mute e nasin toki len majuna. \njan Ton: ni li nasa tawa mi. tomo sona la, jan seme li wile kama sona e nasin toki len majuna? \njan Po: mi kin li sona ale ala. jan Keta li kama tan wile pi jan sona Lonka. jan Lonka li jan sona li pana e sona toki. ona li pilin e ni: toki len li toki, la sona pi toki len li sama sona toki. \njan Linta: ken la pilin ni li lon. taso ona li nasa lili tawa mi. ona li nasa ala nasa tawa sina? \njan Po: nasa. jan li toki e ona tawa mi la, ona li nasa tawa mi kin.\njan Linta: ken la jan sona Lonka li wile e ni taso: meli suwi li pali lon poka ona. jan li ken pali lon poka pi meli suwi la ona li wile e ni, anu seme? \njan Ton: mi toki e ni tawa sina lon tenpo pini: jan Keta li suwi ala. sina taso li suwi. \njan Po: pilin mi li sama ala. lon la, jan Linta li suwi mute, li suwi nanpa wan lon ma ale. taso kin la jan Keta li suwi. ona li suwi lili tawa suwi pi jan Linta, taso ona li suwi. sina pilin ala pilin sama? \njan Ton: sama ala a. ken la ni li lon tawa sina. taso ni li lon ala tawa mi. mi la, jan Linta taso li meli suwi. \njan Po: sina wile toki e ni anu seme: tawa sina la, meli suwi wan taso li lon ma ale li jan Linta, anu seme? \njan Ton: lon. mi la, meli suwi wan taso li lon ma ale li jan Linta. \njan Po: nasa! ken suli la sina olin e ona.\n<h3 id=\"5-ijo-nasa\">#5) ijo nasa</h3>\njan Po: awen la, sina toki ala e ni tawa mi: sina lukin e jan tu ni la sina kama lukin e pali seme ona? \njan Linta: ijo pi nasa mute li kama. \njan Ton: nasa mute a. luka mije la ijo li lon. \njan Po: ijo seme? \njan Linta: mi tu li ken ala lukin e ona. ona li lili mute a. ijo pi lili mute. \njan Ton: kin la jan Keta li lukin ala la, luka li kama tawa poka pi poki telo pi jan Keta. \njan Linta: jan Keta li kama lukin e mije la, luka li kama pini e tawa. \njan Ton: ni la mije li luka tawa ijo ante. ona li wile e ni: jan Keta li lukin e ijo ante. \njan Linta: luka ni li pali pona e ni. pali pi pona mute. jan Keta li lukin e lupa tomo. jan Keta li lukin ala e mije la, luka mije li kama lon sewi pi poki telo ona, li awen lon tenpo lili taso, li tawa sin tawa weka. tawa luka li pini la luka li nasa lukin ala. kin la ijo ala li lon luka.\njan Po: ijo li lon luka lon tenpo pini anu seme? \njan Ton: ijo wan li lon luka. luka li lon sewi poki lon tenpo lili la, luka li weka sin la, ala li lon. \njan Linta: ona li ijo nasa. \njan Ton: ken la ona li ko nasa li nasa e sijelo. \njan Po: tan seme la sina pilin e ni: ona li pona ala? ken la ona li suwi leko pona. \njan Linta: ona li suwi leko taso la mije li wile ala len e pali ona sama ni. \njan Ton: kin la tomo moku ni la suwi li leko ala. suwi li ko, li lon poki pi ko suwi. \njan Po: ken la ona li jo e suwi leko lon poki len ona… \njan Ton: sina jo e suwi leko lon len sina lon tenpo mute anu seme? \njan Po: a, toki mi li nasa. taso… \njan Linta: o lukin! jan Keta li kama tawa sewi tan supa li kama tawa weka. \njan Po: ona li nasa ala lukin. ken suli la sina tu li toki insa e ijo pi nasa mute lon tenpo pi nasa ala.\n<h3 id=\"6-jan-keta-li-kama-anpa-pakala-lon-nasin-tomo\">#6) jan Keta li kama anpa pakala lon nasin tomo</h3>\njan Po: sina kute ala kute e ijo? ona li seme? \njan Ton: mi kute a. mi kute e ijo. \njan Linta: mi kin li kute e ijo nasa, sama ni: jan li tawa anpa li pakala lon nasin tomo. \njan Ton: sama ni: jan Keta li anpa pakala. \njan Po: pilin mi li sama pilin sina. mi kin li pilin e ni: jan Keta li anpa pakala lon nasin tomo. \njan Linta: mi mute li wile ala wile lukin e nasin e pakala ken? \njan Ton: wile a. mi mute o tawa lon tenpo ni.\njan Po: mi en jan Ton o tawa, taso sina o awen lon ni, jan Linta o. o awen lukin e mije ni: ken la ona li pana e ko nasa tawa telo wawa pi jan Keta. \njan Linta: sina tu li tawa la mi o wan taso lon awen anu seme? mi pilin ike lili tan ni. \njan Po: mi ken ala toki tawa sina. tenpo lili li lon. mi o tawa lon tenpo ni. o awen lon ni o pilin ike ala. ala li kama ike e sina. o kama, jan Ton o. tenpo li weka.\n<h3 id=\"7-lon-nasin-tomo\">#7) lon nasin tomo</h3>\njan Ton: jan Keta li lon ni. mi en jan Linta li toki lon. ona li tawa lon tenpo lili taso, ona li weka tan lukin mi la ona li kama anpa. lukin la ona li pilin ala sama lape. pilin ona li weka la ona li tawa anpa. \njan Po: ona li moli ala moli? \njan Ton: moli ala. o pilin ike ala. lawa li lape, taso sijelo li awen. pilin insa ona li awen pali. pilin li pali pi wawa ala, taso pilin li pali. ni la ona li moli ala. ken la ona li kama moli, taso ona li moli ala lon tenpo ni. \njan Po: mi o pali e seme? \njan Ton: pilin sina li seme? \njan Po: lukin la, ona li lape.\njan Ton: mi o toki e ni tawa jan lawa utala—lon tenpo ni a. mi tawa. ken la jan lawa li wile kama e jan pi pona sijelo. jan pi pona sijelo li lon tomo sona ni, anu seme? \njan Po: ken suli la ona li lon, taso mi sona pona ala. mi lon tomo sona ni lon tenpo suno pi mute lili. \njan Ton: tenpo ni la mi tawa li toki tawa jan lawa. o awen lon ni lon poka pi jan Keta. taso nanpa wan la mi o nasin pona e sijelo ona. ona o pilin pona lon lape. noka o sewi tawa lawa. \njan Po: seme? sina wile e ni tan seme? noka li sewi tawa lawa la ni li pilin pona ala. \njan Ton: lon, taso, lawa jan li lape sama ni la, nasin ni li pona. jan li pana e sona tawa mi lon tenpo pini, sona mi li pakala ala la ni li nasin.\n<h3 id=\"8-jan-linta-li-sona-ala-e-ni-ona-o-pali-e-seme\">#8) jan Linta li sona ala e ni: ona o pali e seme</h3>\ntomo moku pi tomo sona la, jan Linta li awen li toki insa. ona li pilin e ken ike. lon la toki insa li kama suli e pilin pi ken ike. \nona li lukin e mije ni pi linja jelo: ona li pana e ijo tawa telo pimeja pi jan Keta. \npilin pi ken ike li kama suli. \njan Ton en jan Po li weka lon tenpo suli. ona li kama sin ala. ijo li kama ala kama tawa jan Keta? ijo ni li seme? ijo li ike ala ike? \njan Linta li lukin e jan pi linja jelo li toki insa: \n“ona li weka tan supa li tawa weka la mi pali e seme? \n“mi tawa ala tawa lon nasin sama ona? mi wile ala wile e ni: mi tawa lon monsi ona li awen lukin e ona? \n“ona li tawa weka tomo la mi wile pali e seme? mi wile ala wile tawa monsi ona lon weka tomo? mi sona ala e ni: mi wile pali e seme. mi sona ala e ni: mi pali e seme. mi sona ala e ni: mi wile ala wile tawa monsi ona. \n“ona li tawa weka kepeken tomo tawa la seme? mi wile ala wile tawa monsi ona kepeken tomo tawa kin?\n“tenpo ni la pimeja li kama lon sewi. tenpo kama lili la suno li weka. lon. tenpo pimeja li kama. mi wile ala wile tawa monsi ona lon tenpo pimeja? \n“kin la ona li weka ala tan tomo sona, la mi wile ala wile tawa monsi ona lon tomo sona? \n“ona li tawa weka tomo kepeken lupa tomo ni la, ona li tawa lon nasin li tawa tomo ante. mi wile ala wile tawa ona lon nasin tomo? mi wile ala wile tawa ona lon tomo ante? ala. mi ken ala. mi awen lon nasin. taso ijo ala li kama ante la seme? ona li awen lon tomo lon tenpo suli la seme? \n“ona li weka kepeken lupa, li tawa weka tomo, li tawa ma tomo, la mi tawa ala tawa ona lon ma tomo? \n“ona en mi li tawa kepeken noka la, ken la ona li lukin e mi. ken suli la ona li lukin e mi. ona li kama pilin e ni: mi tawa lon nasin sama ona. ona li tawa sike li lukin e mi. mi kama pilin monsuta. sinpin mi li kama walo. ken la sinpin mi li kama loje sama kili. a, mi sona e mi. sinpin li kama walo lon tenpo nanpa wan, li kama loje lon tenpo nanpa tu. suli la mi kama pilin monsuta. tenpo lon a la mi kama pilin monsuta. \n“ona li tawa kepeken tomo tawa kulupu la, ken suli la ona li lukin e mi, tan ni: mi tu o awen lon poka lon ma awen pi tomo tawa kulupu.”\njan Linta li kama ala sona e ni: ona li wile pali e seme? \nona li pilin ike tan ken ike. pilin insa ona li pali wawa. ona li wile e ni: jan Ton en jan Po li lon poka ona, li pana e pona, li pana e sona ni: ona o pali e seme. taso jan Linta taso a li lon. ona li pilin e ni: pali pi pilin insa li kama wawa. taso ona li sona ala e ni: ona o pali e seme. \nona li awen sona ala e wile ona, li awen pilin ike, la jan pi linja jelo li tawa sewi tan supa. ona li lukin e lupa pi nasin tomo. ona li tawa ala tawa lupa? jan li ken tawa ma tomo kepeken lupa ni. ona li tawa ala tawa? tawa. ona li tawa lupa. \njan Linta li tawa sewi tan supa, tan wile ona ala, li kama tawa lupa sama. ona li awen sona ala e wile. lukin la, sijelo li lawa e tawa. noka ona li pali tan wile ala. tenpo ni la, jan Linta li tawa jan pi linja jelo. ona li tawa ma seme?\n<h3 id=\"9-jan-keta-li-weka\">#9) jan Keta li weka</h3>\n“ona li awen lon monsi ona lon insa pi nasin tomo! o kama tawa ona, o kama lon tenpo ni. ni li suli, o kepeken tenpo lili.” jan Ton li toki. \njan Ton li lukin e jan pi pona sijelo. ona li meli li suli sijelo. lukin ona li laso sama telo. linja lawa ona li loje. sinpin ona li sike. tenpo suli la jan Ton li lukin toki e ni tawa ona: seme li lon jan Keta. taso lukin la jan pi pona sijelo li kama ala sona. lukin la ona li sona ala e kon pi nimi “tenpo lili”. \n“ona li awen ala awen lon monsi ona, lon insa pi nasin tomo? nasa a!” jan pi pona sijelo li toki. \nlukin la ona li pilin e ni: ni li ken ala lon. \n“tan seme a la ona li awen lon monsi ona lon insa pi nasin tomo?” jan pi pona sijelo li toki. \n“o kama, o kepeken tenpo lili! mi sona ala e ni: ona li awen lon ni tan seme. mi toki e sona mi taso tan lukin mi. mi en jan pona mi li kama lukin e ona lon ni. ken la ike li lon sijelo ona. mi sona ala. pilin ona li weka sama lape. ona li tawa anpa tan lape nasa ni. jan o tawa ona kepeken tenpo lili o pana e pona tawa ona.”\n“ijo ni li nasa!” \n“n. mi sona ala e nasin sijelo. sina sona. pali sina la sina pana e pona tawa ike sijelo, anu seme? o kama lon tenpo ni. o kepeken tenpo lili!” \n“n n n. tan seme a la ona li anpa lape lon nasin tomo? ni li tomo nasa tawa anpa lape! tenpo ala la jan li anpa lape lon ni.” \n“ni li lon ala lon? jan li anpa lape lon seme lon tomo sona ni? mi sona ala e nasin pi tomo sona ni. mi sin. mi lon tomo sona ni lon tenpo suno pi mute lili.” \n“jan lili o. tomo sona ni la, jan li anpa lape lon tomo pi pana sona. jan li anpa lape lon tomo moku. jan li anpa lape lon tomo lape. jan li anpa lape lon tomo telo. ken la jan li anpa lape lon tomo pi jan sona lawa a. taso anpa lape pi nasin tomo la, mi kute ala e sama lon tenpo mi. ale li kama nasa anu seme?” \n“sina toki li toki li toki, la jan pi ike sijelo li awen lon monsi lon nasin tomo, la jan ala li pana e pona!” \n“a, o pilin ike ala, jan lili o. mi tawa ona lon tenpo lili li pana e pona.”\nona li tawa kepeken tenpo lili tawa nasin tomo, tawa jan Keta, tawa jan Po. \ntaso ona li kama lon nasin tomo la jan Ton li pini e tawa ona lon tenpo lili. \n“seme li lon? sina pini e tawa tan seme?” jan pi pona sijelo li wile sona. \n“jan Keta li lon ni lon tenpo pini, li awen ala lon, li lon ala lon tenpo ni, taso…” \n“taso jan ante li lon. ona kin li anpa lape. sina sona ala sona e ona?” \n“ni li jan pona mi. ona li jan Po. seme li kama tawa ona?” \njan pi pona sijelo li tawa jan Po, li tawa anpa lili, li pilin e lawa pi jan Po. \n“pakala! jan li pakala e lawa ona!” \n“pakala! jan Po o! o toki tawa mi! sina kute ala kute e mi? o toki e ijo! seme li kama tawa sina?” \ntaso jan Po li toki ala. pilin pi ken ike li kama tawa jan Ton li kama suli.\n<h3 id=\"10-jan-pi-pona-sijelo-li-ken-pona-ala\">#10) jan pi pona sijelo li ken pona ala</h3>\nlon la jan Ton li pilin e ni: ken la jan ni pi pona sijelo li pali pona ala. tan seme? jan lukin o, sina lukin e toki ale lon lipu mi. sina sona ala sona e ni: jan Ton li pilin e ken ike tan jan pi pona sijelo tan seme? \nala. sina sona ala. mi kin li sona ala. taso mi sona ala e ijo lon la ona li awen lon. ijo lon li ni: jan Ton li pilin ala e ken pona tan jan pi pona sijelo. \njan Ton li wile pali e ijo la tenpo mute la ona li awen ala li pali. ijo li ken ike li monsuta la ona li awen wile pali a. taso jan ni pi pona sijelo li toki li toki mute li toki pi mute ike li pali ala. ken la ona li ike tawa jan Ton tan ni. ken la ike li tan ijo ante. \njan Po li jan pona tawa jan Ton. jan Po li pona mute tawa jan Ton. lon la jan Ton li olin e jan Po. ona tu li lon ma tomo suli lon tenpo pini suli la ona tu li kama poka. tenpo la ona li tawa tomo sona lili sama a. taso jan Ton li wile tawa ma tomo ante li tawa la, ona tu li kama lukin ala e ona ante. tenpo suno pini pi mute lili la ona li kama lukin sin e ona ante lon tomo sona suli la ona tu li pona mute pilin tan ni.\nale li pona mute tawa ona. ona li pona mute pilin tan ale. pali li pona tawa ona tu. kin la meli li wawa lili li ken pilin monsuta tan ijo mute la meli li pona mute tawa ona tu. meli li wawa la meli li sama monsuta, li pona mute ala tawa ona. sina sona ala sona e toki ni? \ntaso jan Ton li wile ala e musi lon tenpo ni. ona li lukin sona e ni: ona li pilin e ken ike tan jan pi pona sijelo tan seme? jan pi toki mute ala pi musi ala lukin li pona tawa ona. lukin la jan ni li lukin ala pali e pakala ala. kin la jan ni li toki pona ala tawa wile sona ona. lon la jan Ton li pilin e ken ni, li pilin ike tan ken ni: jan ni li pakala mute lon pali ona. ale la jan mute li pali wawa ala li pali pakala mute tan weka wawa, tan wile ike ala. jan ni pi pona sijelo pi toki mute ike li ken sama, anu seme? jan Ton li kama toki tawa jan ni la jan Ton li pakala ala pakala? taso jan ante seme li ken pona? jan ni taso li jan pi pona sijelo lon ale pi tomo sona. alasa la ona li kama sona e ni. taso ni li lon ala lon? \nkin la tenpo ni la ona li pilin ike tan ni: ike li ken kama tawa jan Linta. ona li olin mute a e jan Linta, la jan ike li ken lon poka li ken ike e jan Linta la, ona li ike mute pilin. tenpo ni la ijo ale li kama nasa li kama ike mute pilin tawa ona.\n<h3 id=\"11-jan-linta-li-sona-e-nasin-sin\">#11) jan Linta li sona e nasin sin</h3>\njan Linta li kama sona e ken sin. jan pi linja jelo li kama tawa tomo tawa ona la jan Linta li tawa ona li toki e ni: “jan pona o, o pana e pona tawa mi.” \njan pi linja jelo li lukin tawa jan Linta. lukin la ona li pilin pona ala tan ni. ona li awen lukin li toki ala lon tenpo suli. \n“sina wile e pona seme tan mi?” ona li kama toki e ni, li toki e ni kin lon tenpo lili: “ken la mi ken ala pana e pona. tenpo mi li weka. mi o tawa ma tomo lon tenpo kama lili.” \n“a pona! tomo tawa mi li kama pakala. ijo li pakala lon insa ona. mi ken ala tawa kepeken ona.” \n“ike la mi ken ala pona e tomo tawa sina. mi sona ala a e ilo tawa. tenpo ale la ni li nasa tawa mi: ilo ni li ken tawa. mi lukin e ilo tawa la ijo lili nasa mute li lon nasin pi nasa mute, la mi pilin nasa tan ni: ilo li ken tawa kepeken ni. mi…”\n“a mi wile e ni ala: sina pona e ilo tawa mi. sina sona ala e toki mi. mi wile e ni taso: o tawa e mi lon tomo tawa sina tawa ma tomo.” \npilin pi jan Linta li ni: mi tawa lon monsi pi jan ni li wile lon lukin ona ala la ike mute li ken. taso ona li tawa kepeken tomo tawa la, mi tawa lon poka ona la, mi ken toki tawa ona lon tenpo tawa. mi toki tawa ona lon ijo pi suli ala, li kute e ona. ni la mi ken kama sona mute e ona. \n“a, pona.” jan pi linja jelo li toki. “o kama.” ona li open e lupa pi tomo tawa ona. \n“a, sina pona. sina jan pi pona mute. ni li pana e pona mute tawa mi.” \n“pona.” ona li toki, kepeken pilin mute ala. ona li open e ilo tawa.\n“ni li pona ala tawa mi: tomo tawa li pakala la mi wile kama e jan pi pona ilo.” jan Linta li toki. “tomo tawa li pona ala a tawa mi a. mi jo e tomo tawa tan ni: tenpo mute la tawa li wile e tomo tawa. taso ona li ike tawa mi.” \njan pi linja jelo li toki ala. \n“ona li toki ala; mi ken ala kama e toki tan ona.” jan Linta li toki insa, li pilin lili e ken ike. “mi pana e mi tawa ken ike la mi pakala ala pakala?” ona li wile toki tawa jan pi linja jelo, taso ona li wile ala ike e pilin ona. jan Linta li sona ala e pali pona lon tenpo ni. \n“mi toki la ni li ike ala ike tawa sina?” jan Linta li toki. “ken la sina jan pi toki mute ala.” \n“mi pilin ike tan ijo. mi wile ala toki e ijo.” ona li toki. \n“mi wile ala ike tawa sina. sina tawa e mi la sina pona mute. mi pilin pona mute tawa sina.” \n“pona.” ona li toki e ni, li pini e toki. lukin la ona li toki insa mute.\n<h3 id=\"12-jan-po-li-wile-mute-e-telo\">#12) jan Po li wile mute e telo</h3>\njan Po li open lili e lukin, li pini e lukin, li open lili sin, li pini sin, li mu tan pilin ike, li open ale e lukin. \n“o pana e telo tawa mi. mi wile moku e telo.” ona li toki. \n“sina wile moku e telo seme?” jan Ton li wile sona. \n“telo ale li pona. telo nasa. o pana e telo nasa tawa mi.” \n“sina pilin seme?” jan Mata li toki. ona li jan pi pona sijelo. \n“lawa mi li pilin ike.” jan Po li mu li toki. “mi toki sin. o pana e telo tawa mi.” \n“jan Mata o, sina pona la, o tawa o kama e telo nasa tawa ona.” jan Ton li toki. \njan Mata li awen lili li kama toki. \n“pona. mi tawa. mi wile ala wile kama e jan lawa kin? lukin la jan ike li pakala wawa e lawa ona. pakala li wawa la ona li anpa lape. pilin mi la, jan ike li ken lon la, mi o kama e jan lawa. ni li lon anu seme?”\n“o kama e telo pi nasa ala kin.” jan Po li toki lon tenpo lili. “mi wile mute e telo. telo nasa li pona, taso telo pi nasa ala li nanpa wan. o pana e telo mute pi nasa ala e telo lili nasa.” \n“lon. o kama e jan lawa.” jan Ton li toki tawa jan Mata. \n“sina pana ala e telo tawa mi la, mi tawa.” jan Po li toki. “mi wile mute e telo. sina ken ala sona e suli pi wile mi. mi wile tawa li wile moku e telo pi nasa ala lon tenpo ni. ni li pini la mi wile esun e telo nasa. telo nasa li lon ala lon tomo moku pi tomo sona ni?” \n“ala a.” jan Mata li toki. “taso mi jo e telo nasa lon tomo mi. mi tawa li kama e ona. ante la sina wile la sina ken tawa tomo mi li ken kama jo. sina ken ala ken sewi e sijelo sina?” \n“mi ken.” jan Po li toki, li sewi e ona kepeken tenpo suli, kepeken jan Ton kepeken jan Mata. “taso sijelo mi li pilin ike tan ni.” \nona ale li tawa tomo pali pi jan Mata. \n“o moku e telo pi nasa ala kin.” jan Mata li toki. “sina pini la mi pana e telo nasa tawa sina. o awen lon supa monsi ni. ona li pona pilin mute a.” \njan Po li kama awen lon supa, li mu lili. ona li kama jo e telo la jan ante li ken lukin e ni: telo li pona mute tawa jan Po. \n“lawa mi li pakala pilin.” ona li toki. \njan Ton li toki. “o toki e ni: seme li kama li pakala e sina? sina wile toki e ni lon tenpo ni anu seme? mi tu li wile mute e sona ni.” \njan Po li toki insa lili, li moku lili e telo, li pana e luka ona tawa lawa, li pana e pilin ike lon sinpin, li toki e ni: \n“mi ken ala. mi sona ala. mi lon poka pi jan Keta. mi kute ala e ijo. mi kute e kalama ala. tan ala la ale li pakala lon lawa mi. mi moli.”\n<h3 id=\"13-jan-pona-pi-alasa-sona-o\">#13) jan pona pi alasa sona o!</h3>\njan ala li toki lon tawa suli la nasin tawa li suli mute pilin. jan Linta li jan pi wile toki; kin la, ona li wile sona e jan poka ona, la ona li wile ala e weka toki ni. ona li kama wile lukin open sin e toki. jan pi linja jelo li awen wile ala toki lon tenpo ni la, ona li toki e wile ala, ona tu li awen tawa li toki ala, nasin tawa li awen suli mute pilin. ni li ike ala. \n“sina toki…” jan Linta li toki e open toki, li sona ala e pini toki. pona la ijo li kama. “sina toki e ni: sina pilin ike tan ijo. tenpo mute la jan li toki e pilin ike tawa jan ante la, pilin ona li ken kama pona.” \n“a, sina jan pi wile sona mute, anu seme? mi wile ala pona ala tawa meli pi suwi mute sama sina. mi wile jan pona, taso ike la mi ken ala toki e pilin ike mi.” \n“ken la sina ken li sona ala e ken sina. tenpo mute la jan li pilin pi ken ala, tan ni: ona li sona ala open e pali. taso…” \n“ala. pilin mi la ni li lon ala lon tenpo ni. mi ken ala toki e pilin ike mi tan ni: jan ante li lon pilin ni. ken la mi toki e jan ni la ni li pona ala tawa jan ni. jan o toki ala e sona len tawa jan ale, anu seme? jan pona sina li toki e ale sina tawa jan sin pi sona ala la, ni li ike tawa sina anu seme?” \n“ike. mi sona e toki sina. lon la mi jan pi wile sona mute ala. mi open e toki tan ni taso: toki li lon ala la tenpo tawa li suli ike pilin. mi wile ala e sona len sina.”\n“lon la, jan li tawa lon poka la, ona li toki. ni li nasin. ken suli la mi pakala tan ni: weka toki li awen li kama suli tawa sina la mi toki ala. lon la mi sona ala e weka toki. mi toki insa mute lon pilin ike mute, li lukin mute e nasin kin. jan li lawa e tomo tawa la ona o lukin e nasin, anu seme? nasa la, sina meli pi suwi mute, li lon poka mi, lon poka a, taso mi awen ala sona e ni: sina lon. mi lukin e nasin taso lon sinpin mi e pilin ike taso lon lawa mi.” \n“pali mi li ante. mi awen lukin e sina. lukin mi la pilin sina li pona ala. mi toki insa e ni: mi ken ala ken pana e pona tawa sina? sina tawa e mi la sina pona mute. mi pilin pona mute tan ni. mi wile pana e pona sama tawa sina. ken la sina ante e pilin ike sina tawa nimi tawa toki la, ni li ken pona e pilin sina. mi pilin e ni: mi ken e ni la mi pana e pona. ken la ni li nasa, taso tenpo ale la mi wile pana e pilin pona tawa jan.” \n“a, wile sina li pona mute. mi pilin ike tan ni: mi ken ala e pana pona sina. taso, mi toki e pilin ike la mi ike tawa jan pi pilin ni. mi toki sama lon tenpo pini. a, o lukin, mi kama lon ma tomo. mi o pana e sina lon seme?” \n“sina tawa seme? tawa sina li pini lon seme? sina awen e tomo tawa lon seme? sina ken pana e mi lon ni. ni li pali lili tawa sina.” \n“a, sina alasa e sona lon tenpo ale, anu seme? sina wile sona e ni: mi tawa seme.” ona li toki e ni, li mu musi. sinpin pi jan Linta li kama loje! toki ni li nasa tawa ona. ona li pilin ala e ni: jan ni li ken kama toki sama ni. tenpo lili la, ona li sona ala e ni: ona li ken toki e seme. ona li pilin e ni: lawa ona li wawa lili. \n“ala a.” ona li kama toki e ni. ni li lon ala. “sona ni li suli ala tawa mi. mi toki tan ni taso: pilin mi la nasin ni li pali lili tawa sina. taso mi ken kama sona e tawa sina tan ni, la ni li ike tawa sina la o pana e mi lon insa pi ma tomo. tomo suli mute li lon poka ni. sina ken pana e mi lon poka pi tomo lape suli pi jan mute pi ma ale, tomo musi suli li pona kin. suli la sina pona mute. mi sona e nasin mi lon tenpo ni. a, lon ni. ni li pona. o awen pona, jan pona o!” \n“o awen pona, jan pona pi alasa sona o!” \ntomo tawa li tawa weka. jan Linta li awen lukin e ona. jan pona pi alasa sona a! ona li toki e ni tan seme? ona li sona ala sona e wile lon pi jan Linta? jan Linta li sona ala.\n<h3 id=\"14-tomo-weka-pi-jan-ala\">#14) tomo weka pi jan ala</h3>\n“pakala! mi lon seme a?” jan Keta li kama lape ala li toki insa e ni. ona li awen lon supa lape. supa li ike pilin li lili mute. ona li lon tomo sin nasa. \nwawa ona li weka. ale sijelo li ike pilin. ona li wawa lili. sama ni: ona li pali mute lon ma pan lon ale pi tenpo suno. sama ni: ona li tawa e kiwen suli mute lon tenpo suno mute, li lape ala lon tenpo ale pi pali suli ni. sama ni: ona li tawa suli lon nasin pi nena ma suli lon tenpo suno mute. \nkepeken nimi lili la mi ken toki e ni: ona li wawa ala a. sijelo li toki wawa e pilin ike tan pali ike, sama ni: pali li suli ike li wile e wawa suli ike. \ntaso ona li sona e ni: pali sijelo ala li lon tenpo pini. ni li lon pilin taso. pilin ona li ike. lukin ona li kama pana e telo. telo li kama tan lukin. \nsuno mute ala li lon tomo. wawa li lili la ona li wile awen lon supa. taso ona li wile sona e poka e tomo. wile sona li wawa. ona li weka e telo tan lukin li tawa sewi tan supa, li tawa lupa lili tomo. sinpin kiwen li len e lupa. suno li ken ala tawa insa. jan Keta li lukin open e lupa. ona li wile lukin e suno. kin la, tomo li seli mute la lupa o open. lupa open li ken e kon pona lete. taso sinpin len li ken ala weka. ijo li lon li ken ala e ni: sinpin li tawa.\nlupa ante li lon. jan li ken tawa insa tomo kepeken lupa ni. jan Keta li tawa lupa tomo ni. taso ilo li pini e lupa. ken la ilo ante li lon li ken open e lupa. taso ilo open li lon tomo ala. \ntomo li jaki lukin. insa tomo la supa pali en supa monsi li lon poka. ona li tawa supa monsi, li pana e luka tawa supa pali, li pana e lawa tawa luka, li pana e telo tan lukin. “mi lon poki.” ona li toki insa. “jan li poki e mi!” \ntenpo pini la ona li poki ala, li pali tan wile ona. ijo ala li ken ala e ni. ona li ken! tenpo ni la jan li poki e ona lon tomo li pini e lupa. ona li jan pi pilin musi; tenpo pini la ona li musi mute, li kalama musi mute, li tawa musi mute lon suno sewi pona. taso tenpo ni la musi li weka. ona li ken ala lukin e suno pi weka tomo. sama la suno pi pilin musi li weka tan pilin ona. \ntenpo ni la ona li tawa sinpin pi lupa tomo li utala wawa e ona kepeken wawa mute; ni li kama e kalama wawa mute. taso ijo sin ala li kama. ona li kalama wawa mute kepeken uta, li utala e sinpin kepeken noka lon tenpo sama. taso jan ala li kama toki. ala li kama. pona li kama ala. ona li pilin ike li tawa sin tawa supa lape li anpa sin lon ona. wawa li weka mute. tenpo suli la ona li awen lon supa. tenpo kama suli la lape li kama. \nkalama uta pi jan lili li pini e lape. kalama ni li tan tomo ante pi tomo suli sama, li toki e ni: “tenpo ale la o toki ala e ni tawa mama mije sina tawa mama meli sina: mi tawa tomo weka pi jan ala. ona li wile ala e ni: mi musi li lon ni. ona li kama sona la…” uta ante li toki e ni: “mi toki lon tenpo ala. mi toki tawa mama mije mi ala tawa mama meli mi ala. ike li ken ala. tenpo ale la ona li sona ala e musi mi ni.” \njan Keta li toki: “jan lili o, sina ken ala ken kute e mi?” \n“jan li toki.” jan lili wan li toki e ni. taso ona li toki tawa jan Keta ala, tawa jan poka ona taso. “sina kute ala kute?” \n“ona li sama kalama uta pi jan meli.” jan lili ante li toki e ni. \n“jan lili o! o kama, o pana e pona! jan ike li poki e mi! ona li pini e lupa! mi ken ala weka! o kama, o kama a! o weka e mi tan poki!” jan Keta li toki mute e wile suli. taso jan lili li kute pona ala. \n“mi o weka!” jan lili li kalama suli. “kon pi jan moli li lon!” \n“sina toki lon.” jan lili nanpa tu li toki. “jan li toki e ni: kon jan li awen lon tomo pakala ni. kalama uta ona li meli. mi o weka wawa!” \n“mi pilin monsuta.” jan lili nanpa wan li toki. toki ni la jan Keta li sona e ni: jan lili tu ni li weka. awen la ona li wan taso, taso, taso…\n<h3 id=\"15-sona-ale\">#15) sona ale</h3>\njan Ton: suno pona, meli pi suwi nanpa wan o! lape sina li pona ala pona? \njan Linta: suno pona, jan Ton o. mi lape mute ala. sina la lape li pona ala pona? \njan Ton: pona mute a. taso o toki e ni tawa mi: lape sina li pona ala tan seme? \njan Linta: sina ken sona e ni! mi pali pi mute ike kepeken lawa mi. tenpo pimeja ale la mi toki insa mute lon ijo pi tenpo suno pini. \njan Ton: lon la, mi weka lon poka pi jan Po li pona e jan Keta la, mi lukin sin ala e sina lon tenpo suno pini. sina awen lon tomo moku li awen lukin e jan pi linja jelo. mi kama sin tawa tomo moku la sina weka. sina tawa seme? o toki e sona ale pi pali sina tawa mi. \njan Linta: mi wile toki. taso mi pini la sina kin o toki e sona ale tawa mi, anu seme? mi tawa insa pi ma tomo lon poka pi jan ni. mi toki e ni tawa ona: tomo tawa mi li kama pakala. ona o tawa e mi tawa ma tomo. ona li sona ala e wile lon tenpo lili, li kama wile tawa e mi. mi lukin toki tawa ona. mi lukin sona mute e ona. taso mi kama ala sona e mute. mi tu li toki e ijo pi suli ala taso.\njan Ton: sina sona ala e ona la ken la sina sona e ni: ona li tawa seme lon ma tomo, li tawa lon nasin seme, li tawa tomo seme? \njan Linta: o awen. mi kama toki e ale. wile mi o nasa ala tawa jan ni. ni la mi toki e ni: o pana e mi lon insa pi ma tomo. ona li pana e mi lon poka pi tomo musi suli, li awen tawa. mi sona ala e ni: mi wile pali e seme. mi tawa noka lon ma tomo li toki insa e ni: nasin mi pi alasa sona li pona ala. mi kama sona e ijo ala tan jan ni, li kama lon insa pi ma tomo, li jo ala e tomo tawa. mi pali pakala a. mi awen tawa mute, li alasa e nasin sin. taso mi kama lukin e jan pi linja jelo! tomo esun li lon; jan li ken pana e lipu tawa ma ante kepeken esun ni. jan pi linja jelo li tawa tan tomo ni! pona la mi lon poka ala pi tomo ni. mi lon poka tomo la ona li kama li lukin e mi la ni li ike! taso mi kama lukin e ona la ona li lukin ala e mi, la mi ken tawa li ken len e mi. \njan Ton: ona li lukin ala e sina la pona a! \njan Linta: lon a. mi lukin e ona lon tenpo pona. ona li kama tawa noka, la mi kama tawa lon monsi ona. sina sona ala sona e esun suli? ona li esun e pan ante mute mute e suwi pimeja ante ale e suwi ante mute. poka ante nasin la tomo suli pi musi utala sijelo li lon. poka la esun suli pi supa tomo li lon. taso sina sona ala e esun ni la ni li suli ala. ona li tawa esun pan ni. tenpo lili la ona li kama tan esun li jo e poki suli. ijo mute li lon poki. lukin la ona li kama jo e pan ale tan esun. mi o toki e ni: ijo pi pona mute li lon esun ni. moku suwi li pona tawa mi la mi tawa esun ni lon tenpo mute li esun e suwi mute. tenpo la mi wile tawa li tawa ala tan ni: suwi li ken suli ike e sijelo mi. taso ni li suli ala tawa mi lon tenpo mute. a…mi toki e seme lon tenpo pini? \njan Ton: sina toki lon alasa sona, taso toki li kama weka tan ni li kama tawa pan suwi. sina wile e pan sin lon tenpo ni anu seme? sina moku e telo seme lon suno ni? a, telo seli li lon poka sina. mi o pana e telo sin tawa poki sina anu seme? \njan Linta: a mi wile. sina pona. telo seli sin li pona tawa mi. ni la…\n<h3 id=\"16-ken-la-ona-li-jan-sina-ala\">#16) ken la ona li jan sina ala</h3>\njan Linta: mi lon seme lon toki suli mi? a! mi sona. ona li tawa tan esun li jo e poki suli. poki li jo e moku suwi mute. \njan Ton: ken la moku mute ni li pan. \njan Linta: lon, ni li ken. mi kama lukin e tomo tawa ona lon poka nasin. mi pilin e ni: ona li kama tawa weka kepeken tomo. mi ken ala awen lukin e tawa ona. taso ona li ni ala. ona li tawa tomo tawa, li pana e poki lon insa, li pini e lupa, li awen tawa noka. tenpo ni la mi kama sona e ken ni li wile ni: mi awen e nanpa pi tomo tawa. mi sitelen e nanpa. sitelen li pini la mi awen tawa monsi ona. ona li tawa lon poka nasin la mi tawa lon poka ante. ni la mi lon poka ona ala. \njan Ton: ona li lukin ala lukin e ni: sina lukin e ona? \njan Linta: ala a. ona li kama tawa insa pi tomo moku. mi awen li sona ala e ni: mi wile ala wile tawa insa kin? mi tawa insa la ken la ona li lukin e mi li sona e mi. mi wile sona e pali ona, taso ona li ken kama lukin e mi. ken ni li ike a tawa mi. mi awen li sona ala la jan mute pi kulupu utala li kama li tawa tomo moku. ona li tawa insa la, lupa tomo li open lili, la mi lukin e ni: tomo moku li suli. jan mute li lon. mi tawa insa tomo li alasa e supa pona tawa ni: jan mi pi linja jelo li ken ala lukin e mi.\njan Ton: a, ona li jan sina, anu seme? \njan Linta: o toki nasa ala. sina sona e wile toki mi. tomo moku ni li pali e moku sama ma Tuki. kalama musi nasa en len nasa li lon. jan pali li kepeken len pi kule mute. mi moku e telo moku pi pona mute. taso mi sona ala e ni: moku ni li tan ala tan soweli tomo. mi sona e ni taso: ona li tan waso ala. kin la moku kasi li pona mute. taso pan suwi li suwi wawa ike, li ike tawa mi. telo pimeja wawa pi ma Tuki li sama li suwi ike. suwi pi mute suli li lon ona. kin la ko lili li lon telo pimeja tan kili wawa. ni li ike moku. \njan Ton: moku li suli mute lon toki sina pi alasa sona. mi pilin e ni: mi kama kute e ijo musi. taso suli la mi kama kute e moku. \njan Linta: sina toki ike e mi la mi awen ala toki. a, ijo li kama. jan utala tu li pilin utala tan ni: jan pali li wile ala pana e telo nasa tawa ona. ona li kalama suli wawa ike. jan utala ante li lukin pini e kalama. ni la utala suli li open lon kulupu pi jan utala. jan ale li luka e jan ante kepeken wawa mute. supa moku li kama tawa lon kon sama waso. supa wan, tu, tu wan, tu tu, luka! poki telo wan li waso tawa sewi tomo…\njan Ton: pona wawa a! jan ni li wawa mute a! \njan Linta: suli la, kalama wawa a! sama ni: ona li pakala e poki telo ale ale ale lon tenpo sama. tenpo sama la jan mute mute mute mute mute li kalama wawa ike. tenpo sama la jan luka luka li kalama musi li lukin wawa suli tawa utala ni pi supa moku. \njan Ton: wawa a. sina awen lon tomo ni lon utala ni la sina wawa mute. \njan Linta: lon. pilin wawa! mi wawa a, sona ni li sin ala tawa sina anu seme? \njan Ton: mi sona pona ala e sina, taso ni li nasa ala tawa mi: sina wawa. sina suwi, sina wawa, sina musi, sina pona. ijo ala sina li ike. taso mi ken toki mute e ni lon tenpo ante. utala pi supa moku pi poki telo pi ma Tuki li pini la seme li kama? \njan Linta: mi lukin e ijo ike: utala li pini la jan pi linja jelo li lon tomo moku ala. ken suli la mi lukin e utala la jan ni li weka. mi pilin ike tan ni: mi weka e pali mi. taso seme li ken pona e ni? pilin ike li pona ala. mi pakala. mi ken lukin pakala ala lon tenpo ante. \njan Ton: a, ni li ken ike. sina pona sewi ala. taso mi pilin pona mute tan ijo wan: jan pi linja jelo li pona mute ala tawa sina. ken la sina toki lon. ken la ona li jan sina ala, la jan pona sina Ton li pona mute tawa sina. \njan Linta: ken, ken. taso sina sona ala sona lon e ni: mi wile sona mute e ona lon tenpo pini, la mi awen ala lukin e ona lon tomo moku tan seme? \njan Ton: a, tan… \njan Linta: tan ni: jan utala wan li mije pi suwi mute!\n<h3 id=\"17-la-mi-kama-sona-e-ale\">#17) la mi kama sona e ale</h3>\n“taso tan seme, tan seme, tan seme?” jan lawa li toki wawa tawa meli ona. meli ona li pana e pona tawa pali ona lon tenpo mute. “o toki e ni tawa mi la mi kama sona e ale. jan li poki e jan ante tan musi taso ala! jan Keta li mani mute ala, la jan ike li poki e ona tan wile mani ala. tenpo ale la jan Keta li pona tawa ona sama tawa jan ante. ona li kama poki tan ike ona ala. ni la tan seme a?” \n“sina toki e ni: ona li jan pi pana sona. ona li pana e sona seme? ona li sona seme?” \n“ona li pana e sona pi tenpo pini, taso ona li sona mute e nasin toki len pi tenpo sike pini nanpa ale ale.” \n“pilin mi la ona li kama weka tan ni. taso mi ken ala sona pona tan pilin. mi o kepeken sona. mi o lukin e sona lon lawa mi o lukin sona e ale tan ni. seme la ale li open?” \n“mi sona mute ala. ni li sona mi: jan Ton en jan Linta li jan tu pi kama sona. ona li lukin e ni: jan pi linja jelo li pana e ijo tawa poki telo pi jan Keta. lukin la jan ni li pali sama ni: ona li wile len e pali. tenpo kama lili la jan Keta li tawa tan tomo moku tawa lupa tomo. tenpo lili la kalama li kama, sama ni: ijo li tawa anpa. jan Po en jan Ton li kute e kalama li tawa kalama. jan Po li lon tan ni: ona li kama lon tenpo pini lili, jan pi linja jelo li pali nasa la ona li kama. ona tu li tawa kalama la ona li lukin e ni: jan Keta li lon nasin tomo. ona li kama lape ike li tawa anpa. jan Ton li tawa li alasa e jan pi pona sijelo. jan Po li awen lon jan Keta. jan Ton li kama sin li kama e jan pi pona sijelo lon poka. taso ona li lon sin la jan Keta li weka. jan Po li anpa lape lon tenpo ni. ijo li utala li pakala e lawa ona lon tenpo pini. jan li pona e jan Keta lon nasin tomo lon tenpo pini la, jan pi linja jelo li tawa lupa ante pi tomo moku. jan Linta li tawa lon monsi ona li awen lukin e ona. jan Linta li tawa lon poka ona lon tomo tawa ona, taso ona li kama ala sona e ijo pona tan ona. taso ona li sitelen e nanpa e kulupu pali e kule tan tomo tawa…”\n“tomo tawa li ona ala ona? ona li kepeken ala kepeken tomo tawa pi jan ante?” \n“ala. ken suli la ona li sona ala e ni: jan ante li sona e ike ona. jan Linta li toki e wile tawa la, ni li pona mute ala tawa ona, taso ken la ona li pilin e ni: ona li tawa ala e jan Linta la jan ante li ken pilin e ni: ona li ike.” \n“ni la sina kama sona e ona anu seme?” \n“lon. mi kama alasa e sona. ona en jan Mata li tan mama sama. jan Mata li jan pi pona sijelo lon tomo sona. jan Ton li kama e ona tawa jan Keta.” \n“sona pona a! jan sama li pali ike lon poka. sina toki tawa ona tu la sina kama sona e seme?” \n“jan Mata li toki e sona sin ala; toki ona li sama jan Ton. mi toki ala tawa jan pi linja jelo.” \n“tan seme?” \n“ona o sona ala e ni: mi sona e ike ona. tan ona taso la mi ken kama sin e jan Keta. ike la, tenpo suno pini la ona li ike ala, li tawa tomo sin ala, li pali e ijo suli ala. ken la pali ike ona li pini. jan ante li weka e jan Keta li lape e jan Po - mi o alasa e jan ni. ona li ken ala lon ala, tan ni: jan pi linja jelo en jan Mata li ken ala weka e jan Keta. ken la jan pi linja jelo li pali e ni taso: ona li pana e ijo nasa lape tawa telo pi jan Keta. ni li lon la mi toki tawa ona. tenpo pini la mi pilin e ni: ken la ona li tawa jan Keta la mi ken lukin e tawa ona li ken kama lukin e jan Keta. taso lukin la ni li lon ala.”\n<h3 id=\"18-o-kute-e-jan-lili-sina\">#18) o kute e jan lili sina!</h3>\n“lon sina li pona ala tawa sina, anu seme? sina wile ante e ni, anu seme? sina ken ante e ni kepeken pali lili.” \n“moku li pona tawa sina, anu seme? ken la sina wile e pan. ken la sina wile e kili. o lukin. mi jo e kili loje e kili jelo. ona li suwi mute lukin! sina pali e ijo lili tawa mi lon tenpo pini la, sina moku pona lon tenpo pini. ijo ante li lon: pan suwi. pan ni li pona mute li suwi mute anu seme? ona li seli pona, li kama pali lon tenpo pini lili. o luka e ona, o pilin e seli pona. ni li pona ala tawa sina la sina nasa. sina pona la, sina pali e ijo lili tawa mi, la sina kama jo e moku lon tenpo lili. ni li ike tawa mi: sina meli pi suwi mute li pilin ike tan wile moku. ni la mi pilin ike tan ni: sina wile ala. sina toki e nimi lili “wile” la moku ale ni li tawa sina.” \njan ni li wile sama jan pona. taso lon la sinpin ona li sama jan ike tawa lukin. jan Keta li pilin e ni: wawa ona li kama lili mute. tomo ni li seli ike. kin la ona li wile mute e moku. taso ona li ken lukin taso e moku li ken ala moku a. taso awen la ona li wile toki e “ala”. \n“sina lukin ala lukin e lipu? sina sona ala sona e toki ona?” jan ike li toki sin. \ntenpo pini la ona li lukin e lipu. ona li wile sona. suli la ona li wile sona e ni: jan ike li poki e ona tan seme? ni la ona li lukin e lipu. open la ni li pali suli. ona li ken ala sona e sitelen lipu. taso tenpo la sona ona li kama sin. ona li sona sin e nasin toki len majuna ni, li kama sona e kon toki. ni li pini la pali ante ala li lon. tenpo suli suli la ona en lipu li taso. taso ona li wile ala toki e sona. tenpo pini suli la jan sona Kosasi li pana e wile ni: ona o toki ala e sona ni. tenpo ale la sona o len. \n“sina lukin ala lukin e lipu?” kalama ike sin li kama tan jan ike.\njan Keta li awen toki ala. jan ike li pilin utala li tawa weka. ona li weka e pan ale e kili ale. pona la, ona li weka ala e telo. telo li seli ike, li mute ala, taso ona li telo. weka moku la jan li ken awen, taso weka telo li kama e moli. \ntenpo suli li kama li weka. tenpo pi suli seme? ona li sona ala. ilo tenpo ala li lon tomo. kin la jan ike li weka e ilo tenpo tan luka ona. len pi lupa tomo li ken ala tawa li awen lon tenpo ale la suno tomo li ante ala tan tenpo. ona li ken ala sona e tenpo. tenpo suno en tenpo pimeja en tenpo pi kama suno en tenpo pi weka suno li sama lon ni. suno li kama ala tan sewi. \njan ike li kama sin, li jo e ilo kalama. ona li pana e lipu kalama tawa ilo li open e ilo. kalama lili pi pilin ike li kama, li kama e pilin ike wawa lon jan Keta: \n“mama mi o! o pali e wile ona. ona li poki e mi. mi sona ala e ni: mi lon seme. ale li ike. mi pilin ike. mi wile lon tomo mi. sina o pali e wile ona. sina pali ala la ona li ike e mi. ona li toki ala e ni: ike li seme. taso mi sona, mi pilin e ni: ike li mute. mama pona o, o kute. o kute e jan lili sina. mi pilin ike mute. sina pali lon tenpo lili la ona li weka e poki mi. ona li wile ala e ni: mi toki lon tenpo suli. taso mi jo e lipu e ilo sitelen. mi sitelen e lipu tawa sina. ni li suli: o pali e wile ona!” \n“ni li lipu.” jan ike li toki. ona li mu musi lili li toki sin: \n“pilin mi la ni li pona. tenpo lili la mi kama sin. pilin mi la sina kama wile pali e wile mi lon tenpo kama. a, o jo e ni. ni li pona tawa alasa wile sina.” ona li toki la ona li pana e kili loje suwi tawa jan Keta lon kon kepeken wawa. jan Keta la pilin li sama ni: “mi jan I<a href=\"#user-content-fn-1\" id=\"user-content-fnref-1\" data-footnote-ref=\"\" aria-describedby=\"footnote-label\">1</a> li lon poka pi akesi linja.”\n<h3 id=\"19-toki-mi-li-musi-ala\">#19) toki mi li musi ala</h3>\njan Peto: ken la mi tu li wile ala weka wawa. kon pi jan moli li lon ala anu seme? \njan La: sina wile toki e kalama uta ni tawa mama sina anu seme? sina wile la, sina ken ala jan pona mi. mama li ken ala e musi lon tomo ni, la ona li kama sona e musi mi, la… \njan Peto: ala. mi wile ala a toki e ni tawa mama. sona ni li lon mi tu taso. mi wile tas… \njan La: lon. sona len li wan e jan pona. sina awen len e sona la sina awen jan pona mi. taso sina toki e ni tawa jan suli la, mi… mi… mi ike e sina. mi pakala suli e sina. tenpo ale sina la tenpo suno pakala ni li weka ala tan sona. ni la ni li pali ike sina nanpa pini. seme? ni li musi tawa sina anu seme? \njan Peto: musi ala, mi wile tas… \njan La: mi kin la ni li musi ala. toki mi li musi ala. jan o pilin musi ala tan ike suli ken, anu seme? sina wile… \njan Peto: taso mi wile ala toki e ijo tawa mama. mi wile ta… \njan La: sina toki e ni lon tomo sona la ni kin li pona ala. mi pakala sama e sina. mi jaki e len sina, ni la sina kama tawa tomo la mama sina li toki utala tawa sina. mi pana e sina tawa telo li awen e monsi mi lon lawa sina. a, mi jo e ilo poki. ona li ken poki pi wawa mute e sina. mi kama jo e sina kepeken ilo poki mi, li tawa e sina lon tomo tawa tawa nena ma suli li weka e sina lon ni, la sina taso li lon tenpo kama ale, la sina pana e telo tan lukin.\njan Peto: sina sona ala lawa e tomo tawa. pilin mi la ilo poki wawa sina li lon ala. kin la, mi wile t… \njan La: mi sona lawa e tomo tawa. \njan Peto: lawa ma la sina jan lili la sina ken ala kepeken tomo tawa. kin la sina jo ala e tomo tawa. \njan La: lawa ma li suli ala tawa mi. lawa li ken ala e ijo mute. mi pali e ijo ken taso la mi pali e ala. mi kama jo e tomo tawa pi jan ante. a, mi ken jo tan jan pi pana sona. mi tawa e sina tawa nena ma suli li weka e sina lon ni. sina toki tawa jan poka pi kama sona tawa jan pi tomo sona sama la, jan ale pi tomo sona li kama sona e meli pi tomo pakala ni, la mama li kama sona lon tenpo lili. \njan Peto: sina toki e “meli” la, sina pilin ala e ni: kalama li tan kon pi jan moli. ni la, sina pilin… \njan La: pilin mi la kon moli li lon ala. sina kute e meli. mi kama e meli ni li awen poki e ona lon ni. wile mi la ona li kama jan pali mi. jan pali li pali e wile ale mi. ni la sina toki e ona la mi… a, mi wile ala toki e ni: mi seme e sina. tan ni: sina pilin monsuta suli…\n<h3 id=\"20-jan-lawa\">#20) jan lawa!</h3>\nkalama noka. jan li tawa noka lon poka. jan Keta li kute wawa li pilin e ni: ken suli la ijo suli li kama. kalama pi jan mute. jan li kama. kute la, jan li mute a. kulupu pi jan ike li kama li ike e jan Keta lon poka anu seme? ilo open. kalama pi ilo open li kama tan lupa. jan li pana e ilo tawa lupa pi ilo pini lupa. ni li sama tenpo pini ala, ni li jan sama ala. jan ike pi kili mute li sama ni ala. jan lon li pana e ilo open tawa lupa, li tawa sike e ona. ala. ilo li open ala. ona li pali sin. ilo li awen open ala. kalama sin pi ilo open. tenpo sin la ona li kepeken ilo sin. tenpo mute la ona li lukin open e lupa kepeken ilo ante mute. kute la, ona li sona ala e ilo pini ni. ona li pana e ilo open la, ona li tawa sike e ilo lon nasin mute, tan ni: ona li lukin kama sona e ilo pini. \nona li kama open e ilo! ona li tawa insa. \n“mi jan lawa!” ona li toki. jan Keta li wile tawa wawa tawa jan lawa li wile uta e ona, li anpa e wile ni. jan ni li suli sama palisa suli. sijelo ona li lili. linja lawa ona li pimeja. lukin ona li laso sama kasi. ona li wawa lukin. \nona li kama insa la jan mute ante li kama. jan Keta li lukin e jan ni lon tenpo pini. ona li jan pi kama sona. lukin la ona li pilin wawa suli ala. ni li sama ala jan lawa. \n“jan ni li pana e pona mute tawa pali mi.” jan lawa li toki. “jan lawa li mute ala, la pali ona li pona mute.” ona li toki e nimi pi jan pona: jan Ton en jan Po en jan Linta. jan Keta li kute e kalama noka la ona li pilin e ni: ken la jan luka luka li kama. taso ona li tu tu taso. \n“jan lili mi…?” jan Keta li wile sona a. ona li pilin monsuta a, li ken toki e nimi tu wan ni taso. \n“ona li awen. tenpo ni la ona li lon tomo sina lon poka pi mije sina. jan ike ni li pali pona ala li pakala mute. jan lili sina li poki lon poka pi mama sama pi jan Mata. mi kama sona e poki ona kepeken tenpo lili. ona li kama lon tomo li lukin e mama ona la ona li pilin pona a. \n“a, sina pona mute a! toki sina li pona mute e pilin mi. taso o toki e ni: nasin seme la sina kama lukin e mi? nasin seme la sina kama sona e ni: ona li poki e mi lon tomo ike ni?” \n“jan lili tu li toki e ni: kalama toki li kama tan tomo ike ni pi jan ala. pona o tawa ona… taso tenpo ni la sina o toki. jan ike li wile e seme? wile ona li seme tan sina? ona li poki e sina tan seme?” \n“ona li wile e ni: mi ante toki e lipu majuna. mi wile ala, li toki e ni. ni la ona li pilin e ni: ona li ike e mi la mi kama wile. nanpa wan la ona li pana e moku ala tawa mi. nanpa tu la ona li pana e lipu tawa mi tan jan lili mi. wile moku li ike, taso ona li ike suli ala. mi awen wile ala ante e lipu. taso mi kute e jan lili…! lon la mi wile moku lon tenpo ni. jan pona o, sina wan o esun e moku tawa mi. moku ale li pona tawa mi lon tenpo ni. sina pona.”\njan Linta li tawa esun moku. \n“mi kama sin la sina tu li toki e sona ale tawa mi.” ona li kama weka la ona li toki e ni. \njan Keta li toki tan lipu. ona li jo e lipu lon luka ona li ante e toki li toki e ona. toki lipu li nasa la ona li pana e sona. \njan lawa li sona e lipu. jan Keta li toki sin mute e poki e jan ike. ni la jan lawa li kama sona e nasin ken. \n“jan Po o, ni li pona ala pona tawa sina: jan li kama lon tomo ni la sina tawa anpa pi supa lape li weka tan lukin?” \n“tan seme?” \n“nasin li ni: mi ale o weka, taso sina en jan Keta o awen. jan Keta o toki e ni tawa jan ike: ona li wile toki e ni: sona seme li lon toki lon lipu, lon lipu majuna ni. ni la jan ike li pali tan sona lipu. mi ken poki e jan ike kepeken pali lili. taso mi wile ala e ni: jan ike li pakala e jan Keta tan nasin ni. ken la, jan Keta li pini e pali la, jan ike li awen ala wile e ona la, jan ike li… n, sina sona. o awen lon ni. sina kute e kalama noka lon poka la, sina o anpa pi supa lape, o kute pona e ale. jan Keta li toki e ni: tenpo ale la jan wan taso li toki tawa ona. sijelo ona li lili li wawa ala, la sina wawa li ken anpa e ona, lon wile.” \njan Po li toki e “pona”. taso ona li pilin lili e ni: ken la nasin ni li pona ala.\n<h3 id=\"21-kulupu-len\">#21) kulupu len</h3>\njan Keta li kama pilin pona. moku ona li kama pini. jan Linta en jan Ton en jan lawa li weka. ona li toki lon poka pi jan Po, kepeken kalama lili lili. ona o kute wawa. ken la ijo li kama. pona la, ona li ken kute pona. jan ike li kama kama la, ona li sona lon tenpo lili. jan Po li pona tawa ona. ona li suli li wawa. sinpin ona li sama soweli pi pona mute. \nona tu li toki e lon ona e pali ona pi tenpo pini poka. jan Keta li toki e mije ona la sinpin pi jan Po li ante lili. pilin ike lili li kama tawa ona. jan Po li kama ala kama olin e jan Keta? \ntenpo ni la kalama noka li kama. kepeken tenpo lili la jan Po li weka tawa anpa pi supa lape, li lukin awen e sijelo ona lon nasin pi ike pilin ala. “o kalama ala!” ona li toki tawa ona sama. “ni li suli mute! kalama ala o lon!” \njan ike li kama. tenpo pini la ona li ike e jan Keta kepeken toki moku. taso tenpo ni la jan Keta li ken pona tawa ona. pona a! \n“mi wile!” jan ike li open e lupa la jan Keta li toki wawa. “mi pali e wile sina. mi ken ala awen lon ike ni. mi ante toki e fucking lipu sina. ni la o poki ala e jan lili, o pana e moku tawa mi.” \n“moku.” jan ike li toki e ni taso li open e poki li pana e pan e soweli e kili e suwi e telo soweli kin. jan Keta li moku li kalama ala. ona li moku lon tenpo pini, taso ona li ken awen moku. jan Po li kute e ni li kama wile moku. taso ona li ken ala…\n“ni la, o toki e ni tawa mi: seme li sitelen lon lipu ni?” jan ike li toki e ni.\njan Keta li toki e mani weka pi kulupu alasa suno. kulupu alasa suno li kulupu len, ona li len e pali ona. ona li kama lon tenpo sike ale ale ale ale ale ale pini. tenpo suli la ona li awen, li wawa lili lon tenpo, li wawa mute lon tenpo. ona li kama weka lon tenpo sike ale ale ale pini. jan kulupu li mute li tan ma ante mute li tan nasin ante mute. nasin Katolika en nasin Potesan en nasin Ototosu en nasin Jejuta en nasin Isilan en nasin Puta en nasin ante mute la jan pi nasin ni li lon kulupu ni pi ma ale. ona li pali len tawa ni: jan ale pi ma ale pi nasin ale li wan li kulupu pona li ken sona e jan ante pi nasin ante. sona ona en nasin ona li sewi tawa nasin ante. ona li pali e toki sin len. kepeken toki ona la ona ale pi ma ale li ken toki tawa ona ante. lawa ma li kama sona e lon pi kulupu ni la kulupu li monsuta tawa ona. ona li sona ike e nasin kulupu, li utala e kulupu, li moli e ona. ni la kulupu li pana awen e mani ona lon ma weka. kulupu alasa suno la jan pi mani mute li lon. ni la, lipu ante mute li toki e ni: mani weka ona li mani mute. lipu ni li tan ilo pi sama lipu: ilo li pali e lipu sin ni tan lipu mama li pana e sitelen sama. lipu li toki pi pona mute e ni: mani weka li lon seme?\njan Keta li ante e toki li toki e sona. jan ike li sitelen e ale lon lipu lili ona. jan Keta li pini la ona li toki:\n“sina pona. tenpo ni la mi sona e sona wile mi. mi weka. sina awen lon ni. mi o lukin sona e ni: mi wile pali e seme kepeken sina lon tenpo ni? awen pona.”\nlupa tomo li pini la kalama noka li weka la kalama li tan anpa pi supa lape: “pan suwi lili li awen ala awen tawa mi?”\n<h3 id=\"22-lon-lupa-ma\">#22) lon lupa ma</h3>\ntenpo kama lili la jan lawa li kama la jan Keta en jan Po li weka tan tomo ike. jan Keta li kama sin tawa tomo ona, tawa jan lili tawa mije. taso jan Po li tawa wawa tawa tomo awen pi tomo tawa waso. ona li wile lon poka pi jan Linta pi jan Ton lon ni: jan lawa li kama poki e jan ike. \ntawa ni li wile e mani mute, taso kulupu mama pi jan Keta li mani mute li pana e mani tawa ni, tan ni: jan pona ni li pona e jan Keta. \njan lawa en jan pona li kama sona e ma pi mani weka la, jan ike li sona ala, li kama sona lon tenpo kama. ni la jan ike li awen sona ala la jan pona li ken alasa e nasin pona. ona li pilin wawa e ni: jan ike li wile tawa ma ni lon tenpo lili. kin la jan ike ale li wile lon poka. tenpo mute la jan ike li pilin e ni: “ken la jan ike ante li weka e mani tawa ona taso li pana ala e mani pona tawa mi.” ni la jan ike li wile lon poka li wile lukin e pali pi jan ike ante. \njan pona en jan lawa li kama lon ma pi mani weka. ma ni li lon noka pi nena suli, lon lupa ma lon insa kiwen nena. lukin la ijo ala li kama lon ni lon tenpo suli. \n“pona la, ona li weka ala e mani lon telo suli, lon ma lili. mi ken tawa ma mani kepeken tomo tawa telo ala. toki pi jan Keta la ona li kulupu suli li lon ma ale, la ona li ken pana e mani tawa telo, anu seme?” jan Linta li toki e ni. \n“sina toki lon.” jan Ton li toki e ni. “tawa telo li ike mute tawa mi. tenpo ale la telo suli li ike e pilin sijelo mi. telo li pona lukin. lape li pona lon poka telo. taso tomo tawa telo li ike: tenpo ale la tomo li tawa nasa lon telo. tawa nasa li ike e mi. pona la, tenpo lon la jan li ken tawa ma ale kepeken tomo tawa waso. tomo tawa waso li tawa nasa mute ala. taso tawa waso kin li pona mute ala tawa mi. mi wile tawa lon ma, lon anpa. mi wile e ijo kiwen lon anpa mi. telo en kon li kiwen ala. ni li pona nanpa wan: mi tawa, kepeken noka, lon ma. mi…” \ntaso jan Linta li pini e toki ona. ona li pilin e nasa lili lon tenpo ni. \n“pilin sina la jan alasa mani li kama lon tenpo seme?” ona li toki tawa jan lawa. \n“tenpo suno kama. ona li ken ala kama lon tenpo suno ni, tan ni: tenpo suno ni la tomo waso pi mi mute li nanpa pini. tomo waso ante ala li kama. tomo tawa ma li wile e tenpo ale pimeja. ken suli la jan Po en jan alasa li lon tomo waso sama lon tenpo suno kama.”\nkon li seli pona li pona lukin. jan pona li pali e tomo len lon ma poka. taso ona li pali e ni: jan li kama la ona li ken ala lukin e tomo. nasin wan taso la jan alasa li ken kama lon tenpo suno ni: tomo tawa waso lili li tawa e ona taso lon tenpo pi wile ona. taso ni la jan lawa pi tomo waso li wile e mani mute, la ken suli la ona li pali ala e ni. \ntenpo suno kama li open la, jan pona li pini e lape lon open suno, la ona li open e pali. jan sin ike li ken kama tawa ma ni kepeken nasin ma wan taso. jan pona li alasa e ma lukin pona ni: jan li lon ma lukin la ona li ken lukin pona e nasin kama. ma lukin li sewi lili. ni la ona li open e pali ni: tenpo ale la jan wan li lon ma lukin li lukin e nasin. tenpo la jan ante li kama jan lukin. kin la insa lupa la ona ale li alasa e len pona: wile la ona li ken tawa monsi kiwen li ken len e ona sama tawa jan kama. \ntenpo li kama. suno li kama sewi mute. ijo li kama. jan Linta li lon ma lukin li lukin e ijo, li tawa anpa tan ma lukin sewi li toki tawa jan pona ante. \n“tomo tawa li kama!” ona li toki suli. \nma ni li weka mute. jan seme li wile kama lon nasin ni kepeken tomo tawa? jan ike ni taso. jan pona li tawa monsi kiwen ona tawa len.\n<h3 id=\"23-mani-li-lon-poki\">#23) mani li lon poki</h3>\ntenpo pi suli lili li tawa la, jan li kama. ona li jan Po! \n“jan pi alasa suno li awen len lon seme a?” jan Po li toki musi. “lon pimeja anu seme?” \njan pona ante li kama tan len. \n“o len sin e sina! jan alasa li kama.” jan Po li toki. \n“nasin seme la sina kama lon tenpo lili? sina kama la jan ike li lon ala.” \n“jan Keta li pali pona. ona li kepeken ilo toki li kama e tomo tawa tawa tomo awen waso. mi kama tan tomo tawa waso la tomo tawa li lon li kama pana e mi tawa ma ni. mani li pona e ijo mute. jan Keta li mani mute, sina sona e ni. ona li toki pi pona mute e nasin tawa jan lawa pi tomo tawa. ni la mi lon ni lon tenpo ni. taso jan ike alasa li kama lon tenpo kama lili. ona en mi li lon tomo waso sama. mi alasa e tomo tawa mi la mi lukin e ona: ona kin li pana e mani tawa jan pi tomo tawa. \njan Ton li tawa ma lukin pi sewi lili. tenpo kama lili la jan pona ante li kute e jan Ton. \njan li kama tawa lupa: jan Mata li kama. kin la jan pi linja jelo li kama; jan ni li toki tawa jan Keta lon poki lon tomo ike. jan ante tu kin li kama. \n“jan sona Lonka!” jan pona tu wan pi kama sona li toki insa e ni, li toki sin: “jan sona Peku kin!” \njan Lonka li pana e sona pi nasin toki. jan Peku la sona pana ona li lipu pi toki Inli. \nlipu majuna li toki e ni: mani li lon poki lon lupa kiwen lili. kiwen lili mute li len e lupa ni. lipu la sitelen li lon li sama nasin pi kiwen len ni. lon la ijo mute mute li toki e lupa mani lon lupa ma ni. taso ona li len, sina lukin ala e lipu la sina ken ala sona e ona. sitelen li mute la tenpo suli li weka ala e ona ale. tan ni la ona li kama lukin e kiwen len lon tenpo lili. kulupu alasa li weka e kiwen len. ko mute li lon lupa, lukin la ona li lon tawa ni taso: telo kon li ike ala e poki e insa e mani. \nona li weka e poki tan ma. poki li suli mute ala, li pona mute lukin ala. ilo li pini e poki. jan alasa li kepeken ilo open pona li open e ona.\n<h3 id=\"24-mani-pi-kulupu-suno\">#24) mani pi kulupu suno</h3>\n“lipu taso!” jan Lonka li kalama. ona li toki tan lipu:\n“mani weka pi kulupu alasa suno li lon ni. lawa li utala la kulupu pona sewi pi alasa suno li kama moli. taso kon kulupu li awen. tenpo kama la, jan li kama lukin sin e nasin pona ona, li lon sin e ona. tawa jan kama ni la mani pi kulupu suno li lon ni. \n“sitelen li kepeken toki len kulupu. taso ken suli la jan sona li awen lon li awen ken sona e toki len. mani li sona nasin ni: sona o pona. pali o pona. jan o pona tawa jan ante ale. toki o ken lon jan ale. toki o sona pona. olin o pona. jan o sona e ni: ona li lon tan seme li wile pali e seme? \n“kulupu la, kon sewi li suli nanpa wan. ni la, mani ona li kon taso li lon lipu taso. \n“sina kama lukin e ona la, tan tenpo suli weka la, mi toki: o pona!”\nona li awen lon supa monsi pona lon tomo pi jan Keta. \n“ni la seme li kama?” jan Keta li wile sona. \n“mi mute li kama tan len. mi poki e jan ike.” jan lawa li toki. “tenpo pini la mi toki tawa jan lawa pi ma poka. jan lawa ni li tomo poki e jan ike.” \n“sina sona ala sona e ni: seme la pali pi jan ike li open?” \n“mi sona pi ike ala. jan Mata li lon tomo pi pona sijelo la, ona li lukin e ni: jan li pona e sijelo pi jan sona Kosasi kepeken kipisi. jan Kosasi li jan sona li sona e tenpo pini. tan pali sijelo la ona li lape li lape ala lon tenpo sama. lape lili la ona li toki e mani pi kulupu alasa suno, li sona ala e ni: ona li toki. toki la kulupu li lon tenpo pini suli, li sewi, li mani mute. jan Kosasi li alasa e sona ante la ona li kama sona e mani kulupu lon tomo lipu pi ma Wasikano.” \n“lon.” jan Keta li awen e toki. “mi sona e pali pi jan Kosasi. ona li alasa e sona pi tenpo pini lon tomo lipu pi ma Wasikano. lon insa pi lipu majuna la ona li kama lukin e lipu lili. ona li kepeken nasin toki len pi kulupu alasa suno. tenpo pini la ona li kama sona lili e kulupu ni, e toki ona. ona li sona e ni tan lipu: lipu li toki e mani kulupu e ma awen pi mani ni. taso ona li ken ala sona e toki mute li sona pona ala e ma. ona li kepeken ilo li pali e lipu pi sitelen sama. tenpo la, mi tu li kama toki la, ona li toki e ni tawa mi: lipu li lon. ken la jan mute li kama wile alasa e mani, tan ni: jan mute li kama wile sona e ijo pi kulupu len majuna. ona li sona e ni: ma ale la mi taso li sona pona e toki len majuna mute. ni la ona li toki e wile ni: jan li alasa e mani tan wile mani taso la mi o pali ala tawa ona. mi pilin sama.” \n“ni la jan Kosasi li wile seme e lipu?” jan Linta li toki. \n“lipu o tawa tomo pi awen ijo. ken la lipu o tawa jan lawa ma.” \njan Ton li toki: \n“nasin seme la jan Mata li kama jo e lipu?” \n“jan Mata li toki e ni tawa mi.” jan lawa li toki. “pali sijelo li open la nanpa wan la ijo li lape e jan Kosasi. ona li kama sona e ni: ijo li lape lili taso e jan la jan li ken kama ken toki e lon taso. pali sijelo li pini la, jan sona li lape lon tomo ona lon tomo pi pona sijelo. jan ante ala li lon tomo ona, tomo li tawa ona taso. jan Mata li pana e ijo tawa ona, li toki e wile sona mute. jan li lape tan ijo nasa, taso ona li kute li toki tawa wile sona, li toki e ijo lon taso. nasin ni la jan Mata li kama sona e ni tan jan sona: ma ale la jan wan taso li sona e toki len ni. nimi ona li jan Keta.”\n<h3 id=\"25-pali-suli-ike\">#25) pali suli ike</h3>\n“taso sina toki ala e nasin! nasin seme la jan Mata li kama jo e lipu?” \n“a, mi pakala. jan Kosasi li jo e lipu lon poki lipu. pali sijelo li pini la sijelo ona li pilin ike suli. jan Mata li weka e lipu tan poki lipu lon tenpo lape ona. pilin mi la ona li sona e ni: jan Kosasi li kama moli. lon la ona li moli lon tenpo kama lili. ni la jan ala li lukin e weka lipu lon poki lipu.” \n“seme la jan sona Lonka li kama pali lon ni?” \n“ona li jan olin pi jan Mata. jan Mata li toki e ijo lipu tawa ona. nasin lon ona la ona li wile e mani mute lon tenpo ale. ona li kulupu e jan tawa ike. ona en jan Peku li weka e jan Keta li pakala e lawa pi jan Po. tomo pali pi jan Peku li lon poka. ona li tawa e jan Keta tawa ni, li awen lon ni. jan li weka tan nasin la ona li ken tawa e jan Keta tawa tomo weka.” \njan Keta li toki: \n“jan sama pi jan Mata pi linja jelo li kama tawa mi lon tenpo mute lon tenpo mun pini mute. ona li wile e ni: mi ante toki e lipu. mi toki e wile sona: ona li kama jo e lipu tan seme? ona li toki ala lon tenpo lili, sinpin ona li kama walo lili. ni la mi pilin e ni: ken la ona li ike. mi awen sona e wile pi jan Kosasi li toki e ni: mi wile ala. ona li kama sin lon tenpo nanpa wan, lon tenpo nanpa tu, lon tenpo nanpa tu wan. tenpo ale la mi wile ala. tenpo kama la jan Lonka li wile e mi tawa pana sona pi toki len majuna, la mi sona ala a e ken ni: ken la jan Lonka en jan pi linja jelo li pali poka.” \n“lon.” jan Ton li toki. “sina wile ala ante e lipu la ona li kepeken nasin ike. ona li poki e sina li lukin ante e wile sina kepeken wawa.” \n“pali ike suli ni li pini pona ala!” jan Keta li toki e pilin. “ona li kepeken lawa ona ala! nasa!” \n“lon. ona li sin tawa pali ike li sona ala e nasin pona.” jan lawa li toki. “tenpo ale la ona li pali nasa. tan ni la mi poki e ona kepeken pali lili. ni li pona mute. mi ken weka e sina tan poki. sina ken awen moli ala. jan ike li nasa ala li sona pona e nasin ike la ale li ante: sina pini e pali pi wile ona la ona li moli e sina.” \n“ni li lon ala lon?” \n“lon. sina sona e mute. sina awen lon la sina ken pakala e jan ike kepeken sona. pona mute la jan ike ni li sona pona ala.” \njan Keta li kalama ala li toki insa. tenpo li tawa la ona li toki. \n“ike a! sina pali pi pona mute. sina ale li pona mute. sina pona e mi e jan lili mi. taso, jan Po o, pilin sina li seme? sina toki ala lon tenpo pini.” \njan Po li lukin e jan Keta. sinpin ona li nasa lili lukin. \n“mi wile e telo nasa lili.” ona li toki, li awen nasa pilin. jan ante ale li mu musi.\n<h3 id=\"toki-pini-sona-len-sin\">toki pini: sona len sin!</h3>\njan lukin pona o,\nsina awen lukin e lipu ni li kama pini. ni la sina pilin pona tan ni: ale li pona lon pini. taso sina lukin ala lukin e ni: pakala sona suli li lon lipu? pakala sona li sama ni: lipu li toki e ijo lon tenpo wan, li toki e ijo pi ante mute lon tenpo ante. ijo tu ni li ken ala lon lon tenpo sama. sina lukin ala e ni, anu seme? ike a! sina wile sona li wile lukin sin e ale lipu lon tenpo ni. o lukin wawa. sina lukin ala e pakala lon lukin nanpa wan la o lukin nanpa tu, o lukin nanpa tu wan. sina awen alasa la sina kama lukin e pakala. sina kama ala lukin e ona la, ni li ike ala, tan ni: sona sina pi toki <ins>Epelanto</ins> pona li kama wawa tan alasa…\n<hr>\n<section data-footnotes=\"\" class=\"footnotes\"><h2 class=\"sr-only\" id=\"footnote-label\">Footnotes</h2>\n<ol>\n<li id=\"user-content-fn-1\">\nlipu sewi li toki e ni: jan Atan en jan I li mama pi jan ale. jan I li meli nanpa wan. meli ante ale li kama lon lon tenpo kama. <a href=\"#user-content-fnref-1\" data-footnote-backref=\"\" aria-label=\"Back to reference 1\" class=\"data-footnote-backref\">↩</a>\n</li>\n</ol>\n</section>","metadata":{"headings":[{"depth":2,"slug":"jan-keta-li-weka","text":"jan Keta li weka!"},{"depth":3,"slug":"1-lon-tomo-moku-lon-tomo-sona","text":"#1) lon tomo moku lon tomo sona"},{"depth":3,"slug":"2-seme-li-lon","text":"#2) seme li lon?"},{"depth":3,"slug":"3-toki-olin","text":"#3) toki olin"},{"depth":3,"slug":"4-jan-keta-li-seme","text":"#4) jan Keta li seme?"},{"depth":3,"slug":"5-ijo-nasa","text":"#5) ijo nasa"},{"depth":3,"slug":"6-jan-keta-li-kama-anpa-pakala-lon-nasin-tomo","text":"#6) jan Keta li kama anpa pakala lon nasin tomo"},{"depth":3,"slug":"7-lon-nasin-tomo","text":"#7) lon nasin tomo"},{"depth":3,"slug":"8-jan-linta-li-sona-ala-e-ni-ona-o-pali-e-seme","text":"#8) jan Linta li sona ala e ni: ona o pali e seme"},{"depth":3,"slug":"9-jan-keta-li-weka","text":"#9) jan Keta li weka"},{"depth":3,"slug":"10-jan-pi-pona-sijelo-li-ken-pona-ala","text":"#10) jan pi pona sijelo li ken pona ala"},{"depth":3,"slug":"11-jan-linta-li-sona-e-nasin-sin","text":"#11) jan Linta li sona e nasin sin"},{"depth":3,"slug":"12-jan-po-li-wile-mute-e-telo","text":"#12) jan Po li wile mute e telo"},{"depth":3,"slug":"13-jan-pona-pi-alasa-sona-o","text":"#13) jan pona pi alasa sona o!"},{"depth":3,"slug":"14-tomo-weka-pi-jan-ala","text":"#14) tomo weka pi jan ala"},{"depth":3,"slug":"15-sona-ale","text":"#15) sona ale"},{"depth":3,"slug":"16-ken-la-ona-li-jan-sina-ala","text":"#16) ken la ona li jan sina ala"},{"depth":3,"slug":"17-la-mi-kama-sona-e-ale","text":"#17) la mi kama sona e ale"},{"depth":3,"slug":"18-o-kute-e-jan-lili-sina","text":"#18) o kute e jan lili sina!"},{"depth":3,"slug":"19-toki-mi-li-musi-ala","text":"#19) toki mi li musi ala"},{"depth":3,"slug":"20-jan-lawa","text":"#20) jan lawa!"},{"depth":3,"slug":"21-kulupu-len","text":"#21) kulupu len"},{"depth":3,"slug":"22-lon-lupa-ma","text":"#22) lon lupa ma"},{"depth":3,"slug":"23-mani-li-lon-poki","text":"#23) mani li lon poki"},{"depth":3,"slug":"24-mani-pi-kulupu-suno","text":"#24) mani pi kulupu suno"},{"depth":3,"slug":"25-pali-suli-ike","text":"#25) pali suli ike"},{"depth":3,"slug":"toki-pini-sona-len-sin","text":"toki pini: sona len sin!"},{"depth":2,"slug":"footnote-label","text":"Footnotes"}],"localImagePaths":[],"remoteImagePaths":[],"frontmatter":{"title":"jan Keta li weka!","description":null,"authors":["jan Tepo"],"proofreaders":["soweli nata","jan Lakuse","jan Pensa","jan Peton"],"date":"2022-05-29T00:00:00.000Z","date-precision":"day","tags":["translation","book","story","esperanto"],"original":{"title":"Gerda malaperis!","authors":["Claude Piron"]},"license":null,"sources":["https://docs.google.com/document/d/e/2PACX-1vTPNbOI0bcy31sRnziHm0urd__61l2-N7952qNG3WXxOTzMn8NAXmouv0uzTY5eiBip4vTA1ThRTxRc/pub","https://www.reddit.com/r/tokipona/comments/v057bl/jan_keta_li_weka_a_translation_of_the_esperanto/"],"archives":null,"preprocessing":"For dialogue, change the tab between the characters name and speech with a colon.","accessibility-notes":null,"notes":null},"imagePaths":[]}},"collection":"blog"}},"t/noise":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/band":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/punk":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/russia":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"t/lolitacore":{},"a/Pichismo":{"prev":{"id":"2007/06/kalama-nasa-wawa","data":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","original":null,"tags":["original","music","noise","band","punk","russia"],"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"filePath":"poki/plaintext/2007/06/kalama-nasa-wawa.md","digest":"b0198a97d6b94d84","rendered":{"html":"","metadata":{"headings":[],"localImagePaths":[],"remoteImagePaths":[],"frontmatter":{"title":"kalama nasa wawa","description":null,"authors":["Pichismo"],"proofreaders":null,"date":"2007-06-28T00:00:00.000Z","date-precision":"day","tags":["original","music","noise","band","punk","russia"],"original":null,"license":null,"sources":["https://www.youtube.com/watch?v=Kniyiqdrw9g"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}}}