lipu jaki pi nimi ilo pi toki Losupan

lipu jaki pi nimi ilo pi toki Losupan

(lon: esun pi kasi pi kon seli wawa)

sitelen lon sitelen tawa: ma pi toki pona li pakala. jan pi toki sin ante li lon nasin ona. tenpo mute la ona li jo e toki Losupan. (“ona” li nasin ni ala. “ona” li jan ni pi toki sin ante). mu, tenpo mute la jan pi toki Losupan li kama lon esun pi kasi pi kon seli wawa…

(jan tawa pi toki Losupan li tawa jan esun. jan tawa li toki e sitelen tan lipu pi nimi ilo.)

jan tawa: mi wile ala e lipu sike ni pi kalama musi. ona li pakala.

jan esun: seme?

jan tawa: mi wile ala e lipu sike ni pi kalama musi. ona li pakala.

jan esun: a, ala. ni li esun pi kasi pi kon seli wawa.

jan tawa: a! mi wile ala e esun ni pi kasi pi kon seli wawa. ona li pakala.

jan esun: ala, ala. kasi pi kon seli wawa… ni… palisa (ona li sewi e poki tawa lukin).

jan tawa: a! pa-li-sa! a! ni… ilo tawa mi pi ma en telo li jo e kala linja mute lon ale insa.

jan esun: seme?

jan tawa: ilo tawa mi pi ma en telo (ona li sama jan kepeken palisa pi kon seli wawa) li jo e kala linja mute lon ale insa. (ona li sama jan kepeken palisa seli.)

jan esun: a, palisa seli!

jan tawa: a! sina wile ala… anu… wile tawa tomo mi, tawa supa unpa?

jan esun: mi pilin e ni: sina kepeken ni lon nasin ike.

jan tawa: o, sina wile sama meli.

jan esun: o pana e mani.

jan tawa: mi ken toki e ni anu seme: sina jo e sijelo pi pona lukin. mi pini jo e ike sijelo.

jan esun: o pana e lipu. (ona li kama jo e lipu li lukin jo e wan ona pona) “o pana e mani.” a, ni. “Yandelvayasna grldenwi stravenka” (jan tawa li utala e jan esun.)

(tenpo sama la jan pali pi nasin lawa li kepeken luka li kama kute e kalama. ona li tawa wawa lon poka pi tomo mute li kama lon esun pi kasi pi kon seli wawa.)

jan pali pi nasin lawa: seme li lon ni?

jan tawa: sina jo e noka pi pona lukin.

jan pali pi nasin lawa: seme?!

jan esun: ona li utala e mi!

jan tawa: o weka e len noka, jan Wilijan o, mi ken ala awen. tenpo moku li weka pi mute ike. (ona li pana e lukin pi jan esun.)

jan pali pi nasin lawa: mi kama sona! (ona li kama jo e luka pi jan tawa li weka e ona.)

jan tawa: (ona li toki e wile ala.) pini pi nena sinpin mi li kama pakala tan seli wawa pi pilin pona.

(lon: tomo pi toki pi nasin lawa.)

jan pali: o lon e jan Alesanta Jali.

(tenpo mute la nimi “o lon e jan Alesanta Jali” li kama kalama musi.)

jan lawa: o pini e ni!

jan pali: sina jan Alesanta Jali anu seme?

jan Alesanta Jali: (ona li kepeken kalama musi.) a, mi ona.

jan pali: o pini sama jan musi. sina jan Alesanta Jali anu seme?

jan Alesanta Jali: mi ona.

jan pali: ni la jan li toki e ni: sina wile akesi utala e nasin lawa li pana e lipu pi nimi ilo pi toki pona en toki Losupan tan tomo lipu sina tan ni: sina wile pakala e pona ma. tawa sina la toki ni li pona anu ike?

jan Alesanta Jali: ike.

jan pali: tomo sina li lon nasin Oton Tela anu seme?

jan Alesanta Jali: tomo mi lon nasin Oton Tela.

jan pali: sina jan lawa pi tomo lipu anu seme?

jan Alesanta Jali: mi jan lawa pi tomo lipu.

jan pali: tomo sina li pana e lipu pi nimi ilo anu seme?

jan Alesanta Jali: tomo mi li pana e lipu pi nimi ilo.

jan pali: tomo lon nasin Oton Tela li tomo sina?

jan Alesanta Jali: ona li pi mi.

jan pali: (ona li kalama e ilo pi kalama musi.) a! toki ike!

(jan toki en jan pali pi nasin lawa li kalama e luka li pana e kon musi.)

jan lawa: o pini ala pali.

jan pali: mi wile, jan lawa o. tenpo mun pi nanpa luka la sina pana e lipu ni pi nimi ilo anu seme?

jan Alesanta Jali: mi pana.

jan pali: mi toki e wan ona. nimi pi toki Losupan sama nimi “tomo pi tomo tawa linja li lon seme?” li jo e nimi pi toki pona “o luka e anpa monsi mi.”

jan Alesanta Jali: mi akesi ala. mi sona ala pali.

jan pali pi nasin lawa: mi ken jo e tenpo insa, jan lawa o?

jan lawa: tenpo insa? ala, a.

(jan pali pi nasin lawa li kama sin lon supa li pana e kon jaki pi tenpo suli en kalama suli.)

jan lawa: tan seme la sina toki ala e tan pi wile sina?

jan pali pi nasin lawa: mi sona ala e nimi pona tawa nasin lawa, jan lawa o.

(wan pi sitelen tawa: meli mute li kalama e luka li pana e kon musi.)

jan lawa: meli li kalama e luka lon wan sin pi sitelen tawa, la mi weka e ale lon insa pi tomo ni.

• jan tawa (turisto)
• jan esun (komizo)
• kon seli (fumo)
  • kasi pi kon seli wawa (tabako)
    • esun pi kasi pi kon seli wawa (tabakejo)
  • palisa pi kon seli wawa (cigaredo)
• toki sin (planlingvo)
• lipu sike pi kalama musi (sondisko)
• lipu pi nimi ilo (konversacia libro)
• palisa seli (alumeto)
• ilo tawa mi pi ma en telo (aeroglita boato)
• kala linja (angilo)
• nasin lawa (leĝo)
  • jan pali pi nasin lawa (policisto)
• pini pi nena sinpin (mampinto)
• tomo pi toki pi nasin lawa (juĝejo)
  • jan pali pi tomo pi toki pi nasin lawa (ushero)
  • jan lawa pi tomo pi toki pi nasin lawa (juĝisto)
• pona ma (paco (de la lando))
• kalama e luka (aplaŭdi)
• pana e kon musi (ridi)
• tenpo insa (paŭzo)
• pana e kon jaki (furzi)