o pana e olin a

mi lape lili lon pimeja la
supa mi li toki tawa mi.
ona li toki e ni:

(Chorus: )
o olin! o olin mute!
o olin e jan ale!
o pana e olin a!
o pana e olin lon poka sina!

mi pali lili lon suno sin la
mu waso li toki tawa mi.
ona li toki e ni:

(Chorus)

mi tawa lili lon kasi ma la
soweli li toki tawa mi.
ona li toki e ni:

(Chorus)

mi moku lili lon tomo mi la
kili mi li toki tawa mi.
ona li toki e ni:

(Chorus)

mi uta lili e selo sina.
mu sina li toki tawa mi.
ona li toki e ni:

o olin! o olin mute!
o olin e mi ale!
o pana e olin a!
o pana e olin tawa mi a!