kasi suli pana

tenpo wan la, kasi suli li lon…
ona li olin e jan mije lili.
tenpo suno ale la, jan lili li kama
li luka e kasi lipu ona
li pali e ona tawa len lawa pi jan lawa
li musi li pilin e ni: ona li lawa pi ma kasi.
ona li tawa sewi lon sijelo kasi
li musi lon palisa kasi ona
li moku e kili loke.

ona tu li musi e len-en-lukin.
jan lili li pilin lape la,
ona li lape lon anpa kasi suli.
jan mije lili li olin e kasi suli…
li olin mute.
kasi suli li pilin pona.

taso tenpo li tawa.
jan mije lili li kama suli.
tenpo mute la, kasi li wan taso.

tenpo suno wan la jan mije li kama tawa kasi suli. kasi li toki e ni: “o kama, jan o, o tawa sewi kepeken sijelo mi li musi lon palisa mi li moku e kili loje li musi lon anpa mi li pilin pona.”

“mi suli mute. mi ken ala musi.” jan li toki e ni.
“mi wile esun e ijo li musi. mi wile e mani. sina ken ala ken pana e mani tawa mi?”
“mi pakala,” li toki pi kasi suli. “mi jo ala e mani.
mi jo e lipu kasi e kili loje taso.
o kama jo e kili loje mi, jan lili o, o esun e ona lon ma pi tomo mute. ni la sina ken kama jo e mani li pilin pona.”

ni la, jan li tawa sewi pi
kasi suli, li kama jo e kili loje ona
li pana e ona tawa ma ante.
kasi li pilin pona.

taso tenpo mute la jan li kama sin ala…
kasi li pilin ike.

sin la tenpo suno wan la jan li kama sin.
kasi li tawa mute tan pilin pona ona,
li toki e ni: “o kama, jan o, o kama sewi kepeken sijelo mi li musi lon palisa mi li pilin pona.”

“pali mute li lon. mi ken ala musi,” li toki pi jan lili. “mi wile e tomo. tomo li ken seli e mi,” ona li toki e ni. “mi wile e jan olin e jan lili mi. ni la, mi wile e tomo. sina ken ala ken pana e tomo tawa mi?”
“mi jo ala e tomo,” li toki pi kasi suli.
“ma kasi li tomo mi,
taso sina ken weka e palisa kasi mi li pali e tomo
kepeken ona. ni la sina pilin pona.”

ni la, jan li weka e palisa kasi ona
li pana e ona tawa ma ante
li pali e tomo.
kasi suli li pilin pona.

taso tenpo mute la jan li kama sin ala.
ona li kama sina la,
kasi li pilin pona mute
li ken lili toki.

“o kama, jan o,” ona li toki lili e ni.
“o kama, o musi.”
“mi suli mute li pilin ike, li ken ala musi,” li toki jan.
“mi wile e tomo tawa telo. ona li ken pana e mi tawa ma pi weka mute. sina ken ala ken pana e tomo tawa telo tawa mi?”

“o weka e sijelo mi li pali e tomo tawa telo.” kasi li toki e ni.
“ni la sina ken tawa ma ante… li ken pilin pona.”

ni la jan li weka e sijelo pi kasi suli
li pali e tomo tawa telo li tawa ma ante.
kasi suli li pilin pona
… taso lili.

tenpo mute mute li pini la,
jan li kama sin.

“mi pakala, jan o,”
kasi li toki e ni. “mi jo ala e ijo
tawa sina -

kili loje mi li weka.”
“uta mi li wawa ala la mi ken ala moku e kili loje,” li toki jan.
“palisa kasi mi li weka.” kasi li toki e ni. “sina ken ala musi lon ona - “
“mi suli mute, li ken ala musi.” li toki jan.
“sijelo mi li weka,” kasi li toki e ni. “sina ken ala tawa sewi - “
“mi pilin wawa ala, li ken ala tawa sewi,” li toki jan.
“mi pakala.” kasi li pilin ike. “mi wile pana e ijo tawa sina… taso ijo ale mi li weka.
mi anpa lili taso.
mi pakala…”

“mi wile ala e ijo mute,” li toki jan.
“mi wile taso e ma lape. mi ken lape. mi pilin wawa ala.”
“ni la,” kasi li toki e ni, li tawa sewi kepeken wawa ale ona. “ni la, anpa lili li pona tawa lape.
o kama, jan o. o lape lon mi.”

jan mije lili li pali e ni.
kasi suli li pilin pona.

ni li pini.