jan Kunpesisen

tenpo pini wan la jan pi pali pan li lon. ona li jo ala e mani mute. taso ona li jo e meli lili pi pona lukin. ona li kama toki tawa mije lawa. ona li wile suli lukin la ona li toki tawa ona e ni: “meli lili mi li ken pali e mani jelo tan linja pi kasi pan.”

mije lawa li toki tawa jan pi pali pan. “pali ni li pona tawa mi. meli lili sina li sona lon la ona o kama lon tenpo suno kama tawa tomo lawa mi. mi wile sona e ken ona.”

meli lili li kama tawa ona la ona li tawa tomo. tomo li jo ale e linja pi kasi pan. ona li pana e ilo sike tawa ona li toki. “o pali. tenpo suno kama la sina pali ala e mani tan linja ni la sina kama moli.”

ni la ona li pini e tomo. insa la meli taso li lon. tomo ni la meli lili pi pali pan li awen. ona li sona ala a e wile pali ona. ona li sona ala a pali e mani tan linja kasi. ona li kama pilin ike mute li kama pana e telo tan lukin.

taso lupa li kama open. mije lili li kama lon li toki. “meli lili pi pali pan o, tenpo pimeja pona. sina pana e telo lukin tan seme?”

“a!” meli li toki. “mi wile pali e mani tan linja. taso mi sona ala pali e ona.”

“mi pali e ona la…” mije lili li toki. “sina pana e seme tawa mi?”

“linja mani mi pi anpa lawa.” meli li toki.

mije lili li kama jo e linja mani li kama anpa lon sinpin pi ilo sike. ona li tawa sike li tawa sike li tawa sike. sike lili pi jo linja li jo ale. ona li pana e sike lili sin lon ilo. ona li tawa sike li tawa sike li tawa sike. sike lili nanpa tu li jo ale kin. ona li pali e ni tawa open pi tenpo suno kama. ona li pali e linja ale. sike lili jo ale li jo ale e mani.

tenpo pi kama suno la mije lawa li lon ni. ona li lukin e mani la ona li pilin pona a. taso ona li kama wile mute. ona li pana e meli lili pi jan pan tawa tomo ante. ona li jo ale e linja li suli mute. ona li toki e ni tawa ona: meli li wile awen lon la ona o pali e linja ale ni.

meli lili li sona ala e wile pali ona li pana e telo lukin. lupa li open lon tenpo sin. mije lili li kama li toki. “mi pali e mani tan linja la sina pana e seme tawa mi?”

“sike mani pi luka mi.” meli li toki.

mije lili li kama jo e sike mani li tawa sike sin e ilo sike. open pi tenpo suno la ona li pali e mani suno tan linja ale.

mije lawa li lukin e ona la ona li pana wawa e pilin pona. taso ona li jo ala e mute mani pi wile ona. ona li pana e meli pi jan pan tawa tomo pi suli mute a. linja mute a li lon ona. mije li toki. “sina o pali e ni kin lon tenpo pimeja. sina pali e ona la sina kama meli mi.” mije li toki insa: “ona li meli lili pi jan pan. taso ona li mani mute pi ma ale.”

meli lili li lon taso la mije lili li kama lon tenpo sin li toki. “mi pali e linja la sina pana e seme tawa mi lon tenpo ni?”

“mi ken ala pana e ijo. mi jo e ijo ala.” meli li toki.

“sina kama meli lawa la o pana e jan lili sina tawa mi.”

“mi sona ala e ni: ni li kama ala kama?” meli lili pi jan pan li toki insa. ona li sona ala e nasin ante la ona li toki e ni tawa mije lili: ona li pana e jan lili ona tawa ona. ni la ona li pali pi tenpo sin e mani tan linja.

mije lawa li kama lon open pi tenpo suno la ona li lukin e ale pi wile ona. mije lawa en meli li kama wan. meli lili pi jan pan li kama meli lawa.

tenpo sike li kama pini la ona li pana e jan lili pi pona lukin li awen ala sona e mije lili. taso ona li kama lon tomo li toki. “tenpo ni la o pana e jan lili tawa mi.”

meli lili li pilin ike wawa. ona li toki e ni tawa mije lili: ante la ona li ken jo e mani ale pi ma lawa.

taso mije lili li toki. “ala. ijo lon li suli mute tawa mi. mani pi ma ale li suli ala.”

meli lawa li kama pana e telo tan lukin. ni la mije lili li pilin ike tan ona. “mi pana e tenpo suno tu wan tawa sina.” ona li toki. “tenpo ni la sina kama sona e nimi mi la sina ken awen e jan lili sina.”

ni la meli lawa li toki insa e nimi ale pi sona ona lon tenpo pimeja ni li pana e jan toki tawa ma ale tawa ni: ona li ken kama sona e nimi ale ante.

mije lili li kama lon tenpo suno kama la meli li open toki e nimi Kapa e nimi Mekijo[_mani_esun_kalama_ijo_jan_o] e nimi Pasa e nimi ale pi sona ona. taso nimi ale ni la mije lili li toki. “ni li nimi mi ala.”

tenpo suno nanpa tu la ona li pana e jan toki tawa ma tomo tawa ni: ona li ken kama sona e nimi pi jan ni. ona li toki e nimi pi nasa mute tawa mije lili. “ken la nimi sina li Kipenpi anu Amewate anu Nupan.” taso ona li toki. “ni li nimi mi ala.”

tenpo suno nanpa tu wan la jan toki li kama sin li toki. “mi kama ala sona e nimi sin. taso mi kama tawa nena suli lon pini pi ma kasi. ni la soweli alasa en soweli lili li utala ala. mi lukin e tomo lili. sinpin tomo la seli li lon. poka seli la mije lili li tawa. ona li tawa sewi li tawa anpa lon noka wan li kalama:

“ni la mi seli e moku. kama la mi seli e telo. tenpo kama la mi kama jo e jan lili pi meli lawa! a pona. jan ale li awen sona ala e nimi mi Kunpesisen!”

meli lawa li kute e nimi ni la ona li pilin pona mute! mije lili li kama li toki. “meli lawa o, nimi mi li seme?” ona li toki:

“nimi sina li Kun anu seme?”

“ala.”

“nimi sina li An anu seme?”

“ala.”

“ken la nimi sina li Kunpesisen.”

‘ken la nimi sina li Kunpesisen’

“kon ike li toki e ni tawa sina! kon ike li toki e ni tawa sina!” mije lili li kalama. pilin utala la ona li noka wawa e ma. ni la noka ale ona li kama awen lon ma. pilin utala wawa la ona li weka wawa e noka ona li tu e sijelo ona.