sona nimi li mute li nasa li musi

toki pona li pona mute a. ona li lili, taso ona li ken toki e sona ali tan ni: ona li jo e sona mute tawa nimi wan.

sona mute nimi li nasa li musi. mi pana e kepeken nasa pi sona nimi. ona li pona, taso ona li nasa a (ken la sina wile jo e lipu pi sona nimi lon poka sina). o musi:

• nimi “awen”. pakala li kama la sina pona. ni la sina awen. “kon suli li pakala e ma. taso mi awen tan ni: mi jo e tomo wawa”. (safe)
• nimi “len”. jan ante li ken sona e sona sina la sina wile ala la sina ken kepeken len. “jan lawa li ken kute ala e toki mi lon kulupu pi ilo sona. tan ni: mi jo e len”. (privacy layer)
• nimi “pona”. ijo li jo e ijo mute la ona li pona ala. “sitelen ni li jo e sona mute li pona ala. taso, ken la ona li pona tawa sina”. (simple)
• nimi “mani”. soweli suli li pali e pali jan la ona li mani. “jan mute li wile ala moku e telo walo. tan ni: ona li pakala e mani. mi wile e ni: mani li kama soweli”. (cattle)
• nimi “mun”. tenpo pimeja la, suno lili mute li lon sewi. ni li mun. “tenpo pimeja la mi tawa nena la mi alasa lukin mute e mun tawa. ona li suwi”. (star)
  
• nimi “ali”. ma en suno en mun li lon seme? ona li lon ali a! “ali li jo e sike suno mute (e mun mute)”. (universe)
• nimi “mute”. ijo li lon. sina wile sona e ni: ijo la, nanpa suli anu nanpa lili li lon? sina wile sona e mute ona. “mi jo e kili tu tu la mi moku e kili wan la mi jo e kili pi mute seme? mi jo e kili tu wan a!) “. (amount)
• nimi “kute”. jan li wile e ni: sina pali e ijo pi wile ona. sina pali la sina kute a! “mama mi li wile e ni: mi pona e tomo mi. mi kute e mama mi la mi pali”. (obey)
• nimi “toki”. sina toki lon insa pi lawa sina la sina toki. “mi wile pana e sona lon tawa jan la tenpo wan la mi toki kepeken kalama ala. ten- po tu la mi sona la mi toki kalama”. (think)
• nimi “olin”. jan li pali e ijo pona e ijo suli la sina pilin e ni: ona li sewi anu wawa anu pona. pilin ni li olin kin. “jan pali li toki e ijo lon li pali e ijo pona tawa jan ali. mi olin e ona”. (respect)
• nimi “insa”. ijo pi insa sijelo sina li insa. “insa li alasa e ijo ike lon telo loje la insa ni mi li jo e kiwen lon tenpo pini. ona li weka la mi pilin pona”. (organ)
• nimi “pilin”. pilin li insa loje pi tawa pi telo loje. “sina pilin e olin la pilin sina li tawa mute”. (heart)
  
• nimi “wile”. sona tu pi ante mute a. sina wile kute e jan lawa sina la sina wile pali. taso ken la ni li pona ala tawa sina la sina wile ala pali. “mi wile ala pali e ni taso mi wile”. (to have to)
• nimi “suno”: sina pana e suno tawa ijo la suno li kama kin tawa sina la ijo li ijo suno. “tomo mi li jo e tomo telo. ona li jo e lipu suno lon sinpin. mi ken lukin e mi kepeken ona”. (shiny/reflective)
  

tenpo musi pi nanpa pini a. ali li kama a:

jan akesi tan ali li wile lawa e mi. mi wile ala kute e ona. ona li ken ala lawa tan ni: mi jo e len lawa pi kiwen lipu suno. tan ni la mi awen. ona li ken kute ala e toki mi. tan ni: len mi li len a! len pi lawa mi li len tawa lawa ona. a a a.

ona li ken ala la ona li kama. mi lukin tawa sewi la mi lukin e mun pi tawa mute a! mute ona li luka tu. pilin mi li tawa mute. ona li wile moku e insa seme mi? pilin mi anu insa kon mi a? ala, ken la ona li wile e ni: mi kama mani tawa ona.

ona li kama a… li lon ni a! mi wile tawa, taso mi wile ala. mi wile lukin e ona. mi lukin e ona a! ona li kepeken ilo pi pona ala. tan ni: ilo li suli li jo e ijo mute. taso ona li lukin pona tawa mi.

a! ona li lukin tawa mi li wile kute e toki mi. tenpo ni la mi poka, taso len lawa mi li wawa. sijelo ona li tawa anpa tawa supa anpa. ona li pilin e ni: mi wawa. ona li wile pana e olin tawa mi. mi wawa. ona li wile kute e toki mi. mi lawa sin pi jan akesi ni.