mi lukin e nimi mute pi kon wan

nimi ‘pali’ en nimi ‘mama’ en nimi ‘lon’ en nimi ‘kama’ li ken jo e kon sama.

jan li pali e ijo, li mama e ijo, li lon e ijo, li kama e ijo la, sama li lon. tenpo pini la, ijo li lon ala. tenpo ni la, ijo li lon tan jan.

taso ante lili li lon.

pali la - jan li wile pali li kepeken e wawa ona.

mama la - ijo li lon tan nasin pi jan ni. jan li ken wile anu wile ala li ken kepeken e wawa anu wawa ala. kin la, ijo li ken kama tan sijelo jan.

lon la - jan li kepeken e tenpo lili taso anu tenpo wan taso. ante la, ijo li lon tan pali ante mute.

kama la - ijo li lon ma ante anu insa pi lawa taso lon tenpo pini. tenpo ni la, ijo li lon ma ni li lon ale.

jan li pali ala e nasin ni. kepeken pi toki pona li mama e ni li lon e ni. nimi ni ale li jo e kon ante. taso jan li nimi pali e ona ale la, ona ale li kama sama.

ale li ken ala kepeken e nimi ale ni. sewi taso en sona taso pi tenpo kama li ken pali e jan e soweli e waso e kala e pipi e kasi e kijetesantakalu¹. taso la, jan li ken mama e jan. kijetesantakalu li ken mama e kijetesantakalu.

kin la, ni ale li ken kon pi ni ala.

‘jan li pali e tomo’ la - kon ni li ken ni: ‘tomo ni li lon tenpo pini. taso mi pona e ona kepeken pali mi.’

‘mi mama e jan lili’ la - kon ni li ken ni: ‘mi olin e jan lili. mi pana e moku tawa ona. ona li kama suli la, mi lon poka ona.’ ‘supa la, jan li lon e ilo’ la - kon ni li ken ni: ‘jan li pana e ilo tawa supa.’

‘jan li kama e telo nasa tawa kulupu musi’ la - kon ni li ken ni: ‘jan li kama tawa kulupu musi la, poki pi telo nasa li lon luka ona.’

ni ale la, mi pilin e ni: kulupu pi toki pona li lon. kepeken pi toki pona li lon. toki pona li ken toki e kule mute a. toki pona li wawa a.