open Lapo All · Collections · Tags · Authors · Random · Add
Details

Edit on Github

License: CC-BY-SA 4.0

Sources: liputenpo.org liputenpo.org commons.wikimedia.org

sina wile jo ala jo e soweli tomo?

jan Alonola
May 7, 2021

jan mute li wile jo e soweli tomo. taso, ni li pali mute! sina ken jo e soweli ko, e soweli alasa, e akesi, e kala, e pipi, e waso. soweli pi mute lili la, pali mute ala li lon. taso, soweli mute la, pali mute li lon!

mi jo e soweli mute. mi jo e akesi poki mute, e soweli alasa, e kala mute, e pipi mute. mi pilin e ni: soweli alasa la, pali mute li lon. mi o moku e ona. mi o tawa lon poka ona. mi o pana e sona tawa ona. soweli tomo ante la, pali mute li lon ala. mi jo e pipi telo. pipi ni li jo e tomo lon monsi ona. ona li lon poki lili. telo li lon poki ni. poki ni li jo ala e lupa. tan ni la, mi o moku ala e pipi lon poki ni!

pona! tenpo ni la, sina wile sona e ni: soweli tomo seme li pona tawa mi? mi wile toki e ni tawa sina! sina o pilin en ni:

  • mi jo ala jo e tenpo mute
  • mi jo ala jo e ma suli
  • mi jo ala jo e mani mute
  • mi wile ala wile pali mute tawa soweli tomo?

sina jo ala e tenpo mute la, o kama jo e soweli tomo ni: sina o tawa ala lon poka ona, o weka ala e jaki ona, o moku ala e ona. ken la, sina wile kama jo e pipi telo? taso, o kama ala jo e soweli, e akesi, e waso! soweli ni la, pali mute li lon.

sina jo ala e ma suli la, o kama jo e soweli tomo ni: sina o jo ala e poki suli. ona li kama suli. ken la, sina wile jo e pipi anu kala pi mute lili. ken la, sina wile jo e soweli lili anu akesi lili. taso o kama ala jo e soweli suli!

sina jo ala e mani mute la, o kama jo ala e soweli ni: sina o pana e mani mute tan ona. soweli mute la, sina o pana e mani mute. soweli sina li pilin ike la, sina o tawa tomo pi pona sijelo, o pana e mani mute. sin la, o pilin e ni: ken la, sina kama jo e soweli kepeken mani lili. taso, ijo tawa soweli (poki, moku) la, sina kama jo e ona kepeken mani mute!

sina wile ala pali mute tawa soweli tomo la, o kama ala jo e soweli. soweli la, pali mute li lon. sina wile ala pali mute la, o kama jo e kasi.

pona! tenpo ni la, sina jo e sona mute soweli. o pana e ijo pona tawa soweli sina! soweli tomo li musi. sina ken pilin e ona. sina ken pana e sona tawa ona. sina ken lukin e ona. taso, o sona: soweli la, pali mute li lon.

soweli tomo