sitelen tawa Nomalan

jan Kalowi-Sa (Chloé Zhao) li kama jo e sijelo jelo Asaka (Oscar) tan sitelen tawa sin ona Nomalan.

jan lili: “mama mi li toki e ni: sina jan pi tomo ala. ni li lon ala lon?”

jan Pen: “lon ala. taso mi jo ala e tomo. ni li sama ala, anu seme?”

jan lili: “sama ala.”

jan Pen: “o pilin ala ike tan mi. mi pona.”

tenpo pini la kulupu esun Useki (USG, i.e. the US Gypsum Corporation) li jo e tomo pali suli lon ma tomo Enpaja (Empire, Nevada). jan Pen en mije ona li pali lon tomo ni. … taso tomo pali ni li kama pini. sin la mije pi jan Pen li moli.

tenpo ni la jan Pen li jo e mani lili, li lape lon tomo tawa ona. jan Pen li tawa lon nasin, la ona li toki tawa jan ante mute, li kama sona e ali nasin.

… taso tenpo mute la nasin ni li ike anu jaki. jan Pen li pali lon tomo suli Amesan (Amazon warehouse) li pali lon tomo nasa ante mute.

tomo tawa ona li pakala, la jan Pen li wile kin e mani. ona li toki tawa jan sama ona. taso nasin pi jan Pen li ike tawa jan sama ona. ona mute li toki utala. taso jan sama ona li toki kin e ni: “tenpo pi pini mute la jan pi ma Mewika li tawa mute. jan Pen li jan pi nasin pi ma Mewika. mi pilin e ni: ni li pona kin.”

sitelen tawa ni li jo e ma pi pona lukin, e jan pi pilin ike, e ijo ante mute - sama ma Mewika pi tenpo ni.