nasin pi sitelen ma pi jan Ekite ala
mi toki e ni: jan li ken pana e sona ale kepeken toki pona. taso sina ken toki e ni: “jan ala li pana e sona suli kepeken toki pona. ni la, mi ken ala sona e ni: toki sina li lon anu seme?”
sina toki e ni la mi pilin e ni: nasin sina li pona. mi toki e ni: “ijo ni li lon.” sina toki e ni: “mi lukin e ijo pi toki sina la mi ken toki e ni: ijo ni li lon. taso mi lukin ala la mi ken ala toki e ni.” ni li nasin pi lawa wawa.
ni la mi pali e sitelen tawa pi nimi ni: nasin pi sitelen ma pi jan Ekite ala. ni li sona pi suli mute tawa mi! taso sina lukin e sitelen tawa ni la sina lukin e ni: jan li ken pana e sona suli kepeken toki pona.
sina wile la sina ken lukin e sitelen toki lon toki Inli anu toki pona. sina wile e sitelen toki lon toki pona la o ante e ona tawa “toki Inli pi ma Kanata.”
mi wile e ni: sina lukin e sitelen tawa mi la sina musi. lukin pona!