jan lawa

jan lawa

o weka e ike mi. mi wile ala jan lawa ma.

ni li pali mi ala.

mi wile ala lawa e jan. mi wile ala anpa e jan.

mi ken, la mi wile pana e pona tawa jan ale,

tawa jan pi nasin sewi ale, tawa jan pi kule selo ale.

mi ale li wile pana e pona tawa jan. ni li nasin jan.

mi ale li wile lon poka pi pilin pona, li wile ala lon poka pi pilin ike.

mi ale li wile ala pilin e ni: jan li ike.

ma pona li jo e ale li ken pana e ale tawa jan ale.

nasin pi ijo ale li open li pona, taso mi ale li awen ala sona e ona.

jan li wile pi mute ike. ni li jaki e kon jan li pini e open pi ijo ale kepeken pilin utala. sama linja pi waso telo la mi ale li tawa utala suli.

mi ale li kama tawa wawa, taso mi ale li tawa ijo ala.

ilo li pana e ale tawa mi ale, taso mi ale li awen wile e ijo.

tan sona mute la mi ale li kama toki pi musi akesi

li kama kiwen li kama ike.

mi ale li toki insa pi mute ike li pilin pi lili ike.

ilo li suli lili. jan li suli mute.

nasin sona li suli lili. nasin suwi pi jan pona li suli mute.

nasin pi pona ni ala la ale li utala li kama pakala.

kepeken tomo tawa kon la, kepeken ilo pi toki tawa la mi ale li kama lon poka.

lon pi ilo sin ni li pana wawa e nimi pona tawa jan, tawa kulupu mama wan pi jan sama ale.

tenpo sama la kalama uta mi li tawa jan pi pilin ike lon ma ale. ona li mije li meli li jan lili. ona li kama anpa lon nasin ni: ona la jan li wile pana e pilin ike tawa jan pi akesi ala li wile pana e ona lon tomo poki.

sina ken kute e mi, la mi toki e ni tawa sina: o pilin ike ala!