suwi Pa li moku suwi tan ma Petane (Bretagne) lon ma Kanse. mama mi li pali e ni tawa mi. mama ona li pali e ni tawa ona. suwi ni li pona mute tawa mi. ona li pini la, ona li sama pan suwi, li sama ko, li jo e kili lon insa.

suli

toki ni la, mi toki e suli ijo, e seli, e tenpo. mi wile pana e suli pona tawa ni la, mi kepeken suli Kan (Gram) tawa suli ijo. suli Kan luka luka li lon ijo wan la, ijo ni mute mute mute mute mute li sama suli Kilokan (Kilogram) wan. sina sona ala e suli ni la, sina ken kepeken suli Kan sama ni: suli Kan mute mute luka luka li lon sike waso wan.

mi kepeken suli Seliju (Celsius) tawa seli. seli Seliju nanpa ala la, telo li kama kiwen. seli sijelo nanpa ale la, telo li kama kon. telo li awen telo lon insa pi seli ni tu.

mi kepeken suli Minute tawa tenpo. suno li kama open lon sewi, li tawa, li weka tawa pimeja, li kama open sin sama tenpo nanpa wan la, tenpo Ola (hour) mute tu tu li lon. tenpo Minute mute mute mute li lon tenpo Ola wan.

sina wile e ijo ni:

• sike waso tu
• telo walo tan soweli mani kepeken suli Kan 500
• namako suwi walo kepeken suli Kan 40
• kili suwi pi loje laso pi telo weka, anu kili lili suwi pimeja
• ko jelo tan telo walo pi soweli mani kepeken suli Kan 30
• ko pan walo kepeken suli Kan 100
• namako suwi jelo pi pilin pi kasi jelo kepeken poki lili wan

nasin

o seli e ilo poki seli tawa seli Seliju 150.

o pana e telo walo e ko jelo lon poki wan. o seli e poki ni. sike kon o kama lon telo tan seli. o lukin pona. telo li kama pimeja la, ona li jaki. ni la, o tawa sike e telo lon insa poki.

o wan e namako suwi walo e namako suwi jelo e sike waso e ko pan walo. o tawa e ale ni tawa ni: ko wan li tan ale.

o pana e ko sin ni tawa telo walo seli. o wan e ale. telo ko wan li lon.

o kepeken poki supa suli. o pana e kili lon supa ona. lukin la, supa pi kili lon en supa pi kili ala li suli sama la, ni li pona tawa mi. taso sina wile e suli kili ante la, o ante.

o len e kili ale kepeken telo ko. pona la, sina ken ala lukin e kili. pona kin la, telo ko mute ala li lon sewi kili.

o pana e poki ni tawa insa pi ilo poki seli. ona o awen kepeken tenpo Minute 70. supa ko o jelo pi pimeja suli. taso ona o pimeja ala a a a.

ona li pini la, sina ken moku. ni li pona. taso ni ante li pona mute tawa mi: ona li kama lete lon ilo poki lete la, ko li