[LIPU ANPA LI JO E TOKI TAWA MOLI PI ONA SAMA]

toki ante pi pali tan jan Sekupija

lon ma pi toki Inli la, jan Wilijan Sekupija (William Shakespeare) li pana e ijo mute. ona li pana e lipu suli, e lipu pi nimi jasima (ona li nimi pi sinpin ante), e nimi sin. tenpo ale la ona li ante e toki Inli. jan mute li ante e pali ona tawa toki mute pi ken nanpa ala, taso ni li tawa toki pona ala. toki Sekupija li ken ike kin la, jan mute sin li ken ala sona e nimi majuna (sin ala) ona. jan wan li toki e ni tawa mi: sitelen pi toki ante Sekupija sina la mi ken kama sona e lipu ona. mi wile mute e ni: mi ken pana e sona ni tawa jan ante kin.

lipu lili nanpa 18 (sonnet 18)

jan toki li toki e olin ona, li sama olin ona tawa ma kasi. taso, jan li toki lili e olin ona la, jan li toki suli e ma kasi. (toki ante ni li jo e nasin pi kalama pona)

mi toki ala toki e ni la
sina sama tenpo suno pona?:
kon li utala e kasi lili,
tenpo lili la ona li pini:
ken la seli li moli e ijo,
sinpin ona li kama pimeja;
ijo lili ni ale li pini,
mama ma mi li moli e ona:
taso, sun’ sina pimej’ala,
sina pini ala jo e pona;
sina anpa ala tan moli
sina kama suli lon sitelen:
a jan li ken kon, li ken lukin la
ni li awen la, sina awen lon.

toki pi jan wan tan jan Anle

jan Anle (Hamlet) li toki tawa jan pona moli ona. ona li pilin e ni: ona li moli e ona sama, li pilin e kon lon. (toki ante ni li jo ala e nasin pi kalama pona)

lon anu lon ala, ni li wile sona:
lon lawa la ona li pona ala pona tawa pilin e
palisa utala tan ken pi sona ala.
anu, lon ante telo suli pi ken ike,
lon ante e ike ni la: tawa moli, tawa lape;
moli li lape taso; kon pi nimi ni “lape” la, ona
li toki e mi mute, li pini e ni:
ona li pini ala pini e pilin ike, e ijo sin ike
mute
pi sijelo ale li kama tawa? ona li pini
tawa wile mute. moli. lape.
lape li ken pi sitelen lape; lon, ni li ijo awen.
lon lape moli ni, sitelen seme li kama?
tenpo pi mi weka tan lon la,
ni o awen e mi. ni li pana e
lon pi tenpo suli tawa ijo ike.

toki

“jan Lomijo en jan Sulijeto” li lipu pi nimi suli. ona li toki e olin pi ante lawa, li pali e pilin suli pi kon olin lon kulupu mi mute. jan Lo- mijo li tan kulupu Kapule. jan Sulijeto li tan kulupu Montaku. taso, ona tu li jan olin. jan Sulijeto li wile e ni: jan Lomijo li weka tan kulupu ona tawa lon poka jan Sulijeto. (toki ante ni li jo e nasin pi kalama pona)

olin o, sina jan Lomijo tan sem’?
o ante mam’, o weka e nimi.
sina wile ala e ni la, o toki
e olin sina: “mi weka e nimi.”
kulupu taso li ante mi la:
sina sina, jan Montaku al’.
“Montaku” li seme? lon loka¹ al’,
lon linja ala kin, lon sinpin al’,
lon sijelo ale ala. o nimi’ ante.
nimi li kon seme? kasi kuli
kepeken nimi ale li suwi:
ni la, jan Lomijo pi nimi ni al’,
li awen jo e pona suli on’
jan Lomijo o weka e nim’ sina.
lon lupa tan weka e nimi, o
pana e mi.