kalama musi “o walo”

kalama musi pi toki pona li pona tawa sina anu seme? ona li musi pona tawa mi! pilin mi la jan Nasi [Nardi] li pali e kalama musi pona mute pi toki pona. tenpo ni la ona li pali e kalama musi “o walo”. musi ni li toki e tenpo lete e kon walo. ona li sama seme?

mi kute e kalama musi. open la ona li pana e kalama suwi li toki e wile jan. ona li wile jo e jan pona wan lon poka ona. pilin ona la jan pona o awen lon poka! pini ni la ona li toki e ni: ike lon la lete li pona e ona. ona li pilin sama akesi tan ni: akesi li jo e sijelo lete kin. taso ijo wan li ken seli e ona. ni li pilin olin ona.

kin la kalama musi ni li toki e wile tawa sewi kon: “o walo!” walo o tawa tomo o tawa kasi o tawa ma o tawa kon. ona li pilin e ni: jan lili o musi lon kon walo! ni li pana e pilin suwi pona pi tenpo pini tawa mi. kalama musi “o walo” la mi wile jan lili. taso ni li kalama musi ante…