toki soweli - nanpa wan

soweli walo pimeja en soweli loje li tawa lon ma li lukin e soweli tawa lili. ona tu li wile moku mute. tan ni la ona tu li kama wile moku e ona. soweli walo pimeja li toki tawa soweli tawa lili:

— soweli pi kute suli o kute! soweli wawa jelo li jan lawa ma li jan lawa pi soweli ali li toki e ni: mi ken moku e soweli ni: ona li moku e kasi anpa. tan ni la mi moku e sina lon tenpo pimeja ni.

— o awen, —soweli tawa lili li toki. — soweli wawa jelo li jan lawa ma li jan lawa pi soweli ali li pana e sitelen ni tawa mi: ona li toki e ni: soweli li ken ala moku e mi.

— ona li lon seme? — soweli walo pimeja li toki li pilin nasa.

— ona li lon noka mi, — soweli tawa lili li toki pi musi ala. — sina wile, la sina ken lukin e ona, mije sona o.

— jan sama pona mi o, soweli loje o, — soweli walo pimeja li toki, — o lukin e sitelen lon noka pi soweli tawa lili.

— jan sama pona mi o, soweli loje o, — soweli walo pimeja li toki, — o lukin e sitelen lon noka pi soweli tawa lili. — jan sama pona mi o, soweli walo pimeja o, —soweli loje li toki. ona li sona e ni: ike li lon, — mi pali e ni, la mi pilin pona, taso mi weka e ilo lukin mi lon tomo. sina ken ala ken lukin e ona? ni li lon a: sina sona mute. soweli ante ale li sona lili.

nimi pona pi soweli loje li pona tawa soweli walo pimeja. ona li tawa soweli tawa lili li toki e ni tawa ona: ona o sewi e noka monsi ona. soweli tawa lili li sewi e noka monsi suli ona. soweli walo pimeja li kama tawa lukin e sitelen pi jan lawa ma. tenpo ni la soweli pi kute suli li utala suli ni e ona lon sewi pi sinpin lawa: oko pi soweli walo pimeja li pakala.

jan li lukin ala li kute ala li sona lili li olin e nimi pona, la ni li kama tawa ona.