o pona e ijo pakala

*mu pakala*

“ike a” · jan Sijan li toki wawa · len sijelo ona li kama pakala · ona li olin e len ni · “mama Tata o · mi ken ala len ni e mi”

“sina ken a · kili mi o” · mama ona li toki e ni · “mi ken pona e ona a”

jan Tata li kama jo e ilo e linja len laso · ona li pona e len kepeken ona · jan Sijan li lukin e ni li kama sona

jan Sisa li jan poka pi jan Sijan · ona li kama lon tomo · “sina en mi o tawa ilo” · jan Sisa li toki e ni · “mi ni lon tenpo poka” · jan Sijan li toki e ni · “mi o supa e len mi”

ona li jo e ilo pi supa len li luka e nena open ona · taso · suno lili ona li awen suno ala · ilo li awen seli ala

“n · ni la len mi li awen jaki lukin” · jan Sijan li pilin ike

“suno pini la mi lon tomo pi pona ilo” · jan Sisa li toki · “mama So li pana e sona lon tomo sona pi jan sama mi · ona li lon tomo ni li pona e ilo · ilo ona li sama ilo ni · mi lukin mute e pali ona · mi kin o alasa pona e ilo ni · ni la mi wile luka e insa pi ilo ni · o pana e ilo open”

jan Sijan li alasa lon poki

ona li kama jo e ilo open li pana e ona tawa jan Sisa · kepeken ona la jan Sisa li weka e monsi pi ilo supa

“o lukin e linja ni · ilo li open la wawa li tawa kepeken ona li seli e ilo” · jan Sisa li toki e ni

“ilo lili ni la seli li kama ala mute ike · ona li pilin e seli li nanpa e ona · seli li mute la ona li weka e wawa · suno lili li suno ala · seli li lili la ona li sin e wawa · suno lili li suno”

“ilo seli ante li sama ni kin anu seme” · jan Sijan li toki e ni

taso jan Sisa li kute ala li lukin e insa pi ilo supa

“seme a” · jan Sijan li wile sona · “pilin mi la mi ken ala pona e ona” · “ike a · mama mi li lukin e pakala la ona li toki ike mute tawa mi” · “mi o tawa tomo pi pona ijo e ona”

mama pi jan Sijan li sona ala e pakala lon tenpo ni · len la jan Sijan en jan Sisa en ilo li tawa tomo pi pona ijo

“mama o · o pona e ilo ni” · jan Sisa li toki e wile tawa jan Anupama

“seme li pakala”

“ona li open ala a”

jan Anupama li jo e poki · sike en linja li lon ona

“poki ni li pana e wawa lili kepeken linja wan · ona li pilin e wawa lon pini kepeken linja ante · ni la ona li sona e ni · wawa li ken ala ken tawa”

ona li pilin e lili ale pi ilo supa kepeken poki ona · linja lili wan la ona li toki

“o lukin e linja lili ni lon uta wawa · ona li pakala lukin ala · taso · lon la ona li pakala · ilo li open ala tan ona a”

ona li weka e linja pakala e uta li pana e linja sin e uta sin

“ni la ona o pona”

ona li open e ilo · suno lili li kama suno

jan Sijan en jan Sisa li pali lon tomo pi pona ijo li lukin e pali pi jan ante · tenpo kama la ona li tawa tomo ona

“ike a · sike sinpin pi ilo tawa mi li pakala · mi o tawa jan Manikantan Ana e ona” · jan Sisa li toki e ni

“sike li pakala anu seme · ni li suli ala” · jan Manikantan Ana li toki e ni · ona li lawa e esun poka lili · ona la ona li pona e ilo tawa · tenpo ni la ona li lon tomo pi pona ijo

ona li sewi e anpa pi ilo tawa · ona li weka e ko sike tan kiwen sike kepeken palisa · “sina ken ala ken lukin e lupa” · jan Ana li toki tawa jan lili · ona li ken ala · “nasin seme la mi ken kama sona e ni · lupa li lon seme” · jan lili li sona ala li toki ala

ona li tawa lili e sike tawa poki telo · ona li tawa e ona kepeken tenpo mute · tenpo wan la li sike kon lili li tawa tan sike

“o lukin · lupa li lon ni”

ona li weka e ko lili tan sike ko ante · ona li pona e selo lon poka lupa · ona li pana e ko pi kama wan lon lupa lon ko

“o wan pona e ni” · ona li toki e ni

jan Sijan li pana e ko sin lon lupa li luka wawa e ona

“jan pi pona ilo li pona mute · jan li pona ala e ilo tawa e len pi telo sewi e len noka e ijo ante la ijo pakala mute li lon poka a” · jan Sijan li toki e ni

sike li pona · ilo supa li pona · jan Sisa en jan Sijan li tawa tomo

tenpo suno ni li pona

o weka ala · o pona

jaki mute en ilo pakala mute li kama tan jan · ma en kasi li ken ala moku e ona · jan o weka ala e ijo pakala · ona o pona e ona · ni la ona li wile ala e ijo sin

jan li wile pali e ilo sin la ona li wile e kiwen anu len anu ijo ante · jan li wile kama jo e ona la ni li wile e wawa mute · sina pona e ijo la sina wile ala e wawa mute · sina ken ala pona e ijo la sina ken kama jo sin e kiwen anu len anu ijo ante tan ona

ma Palata la jan mute li kepeken sin e len e ijo ante · jan pi nasin Kapasiwala li kama jo e lipu sin pi sin ala e ilo kiwen pi kepeken ala e ijo ante li kama jo e ko lipu e kiwen e ijo ante tan ona · sina pana esun e len pi sin ala tawa jan la ona li pana e ilo moku sin tawa sina

tomo pi pona ijo

tomo ni li lon toki ni taso ala · tomo pi pona ijo li lon ma tomo Penkalulu · ona la jan lili en jan suli li ken kama sona pona e ilo kepeken mani ala · ilo mute en ijo mute li lon ona · jan li ken pona e ijo ona kepeken ona · jan sona pi pona ijo li pana e sona tawa jan sin lon ona

tawa suli ma anu ike suli ante li lon la ijo mute li pakala · ni la jan mute li wile e jan pi pona ijo · tomo ni li lon tenpo sike tu wan taso · taso · jan li pona e ijo mute mute mute lon ona · tenpo sike nanpa mute ale luka luka luka tu la ijo mute luka luka ale ale li kama pona lon tomo ni

sina kepeken ala kepeken ilo ni

sina ni ala la o kama sona tan jan ante · sona pi pona ijo li pona mute