pipi lili li tawa mute

mi pipi. mi lili. tenpo wan la, mi tawa ijo suli. ijo suli ni li jo e selo nasa. selo ona li kiwen, taso kiwen ni li jo e nena ala. kin la, kiwen ni li kule kiwen ala, li loje.

monsuta¹ suli li lon ijo kiwen suli. ona li jo e noka tu taso. pipi mute li jo e noka luka wan. mi jo e noka wan. kin la, monsuta ni li jo e luka suli. tenpo mute la, ona li wile pakala e pipi ante kepeken luka ona. taso, tenpo mute la, ona li ken ala pakala e ona. ona li tawa lili lon tenpo suli. pipi li ken tawa suli lon tenpo lili.

mi lon ijo kiwen suli. suno li tawa anpa. mi wile kama sona e ijo ale pi ijo nasa ni. mi awen lon ona. taso, ona li tawa. ona li tawa suli. kon li tawa suli kin.

mi tawa kiwen ante. kiwen ni li jo ala e kule. mi ken lukin e monsuta suli. ona li luka e sike suli. monsuta li lukin tawa mi. mi lukin tawa monsuta.

kon li pakala e mi, taso mi awen. mi awen. tenpo mute li pini la, ijo kiwen suli li pini tawa.

monsuta li tawa mi. luka suli tu li tawa mi, taso ona li tawa lili. ona li pini lon poka mi. palisa pi luka ni li lon poka mi. seme li lon? mi sona ala. mi tawa palisa. monsuta li monsuta ala. ona li jan. jan li luka e mi, li pana e mi lon ma pona. kasi li lon. mi tawa kasi. mi moku. ale li pona.