anpa pi telo suli

mi jan sona. mi wile sona e nasin tawa pi ko kiwen lon telo suli. nena li pakala la ko kiwen li kama anpa lon insa telo suli. nasin seme la ko kiwen li tawa? tawa anpa pi ko kiwen li ken ala ken pakala e ma tomo lon poka telo? mi wile sona e ni. ni li ike tan ni: ko kiwen li lon anpa mute li lon insa pi telo suli a. tan ni la mi ken ala lukin e ko ni. jan sona ante en mi li lon insa tomo tawa telo li lon insa telo suli Alansi (Atlantic Ocean). mi kepeken e ilo kalama tan ni: mi wile sitelen e ma anpa telo. ilo li pana e sitelen pi pona lukin. sitelen ma li jo e kule mute: ma sewi li loje, ma anpa li laso. kepeken sitelen la mi ken lukin e sijelo ko pi kama anpa. ko kiwen mute li lon! ni li pona. taso ni li pini ala. mi wile lukin e ko kiwen. mi kepeken e ilo pi pakala kiwen li kama jo e kiwen tan anpa pi telo suli. ilo pakala kiwen li linja lukin li suli mute. mi kama jo e palisa kiwen. palisa ni li jo e pakala lon insa kiwen. tawa ma anu tawa anpa ko li pali e pakala ni? mi lukin e kiwen lon anpa e sijelo pi ko kama anpa. insa kiwen ni la pakala li lon ala! pini la mi sona e ni: ko kiwen li kama anpa li pakala e ona. ni li ike tan ni: pakala tu ken kama. ken la tenpo kama la sijelo pi ko kiwen li kama anpa mute. ni li ken pali e monsuta¹ telo li ken pakala e ma tomo lon poka telo. mi sitelen e ni lon lipu sona. pini la jan li sona e ike pi anpa pi telo suli.