pan suwi pi kasi kule

pan suwi pi kasi kule li jo e kili lili pi kasi kule. kili lili ni li moku pona. tenpo pini la, tenpo mute la, mama mama mi li pali e pan suwi ni. o pali e ona lon poka mi!

ijo tawa selo pi pan suwi:

• ko pi telo mama 150g
• insa jelo wan pi sike waso
• ko pan 250g
• ko suwi 150g
• selo lili pi kili jelo

ijo tawa insa pi pan suwi:

• telo mama 750ml
• ko tawa pali pan (poki tu)
• kili lili tan kasi kule 200g
• ko suwi 60g
• insa walo wan pi sike waso

selo pi pan suwi la, o pana e selo lili pi kili jelo, e ko pan, e ko suwi tawa poki. o wan e ona. o seli e ko pi telo mama. ko pi telo mama li telo la, ale li pona. o pana e telo tan ko pi telo mama, e insa jelo pi sike waso tawa poki. o wan e ona ale kepeken luka sina. sina pini la, o tu e ko. o kepeken e ko wan tawa anpa pi pan suwi. sina o pana e ona lon anpa pi poki seli. o pana e ko anpa, e ko ante tawa ma lete.

insa pi pan suwi la, o pana e ko tawa pali ko, e telo mama lili tawa poki. o wan e ona tu. o wan e telo mama ante, e ko suwi. o seli e ona tu. telo mama li seli la, o weka e ona tan ma seli, o pana e telo ante, e kili lili tan kasi kule. o wan e ona ale. kin la, o seli e ijo ale ni. o ko e insa walo pi sike walo lon poki ante. ona li ko la, o pana kin.

o kama jo e ko anpa tan ma lete. o pana e ko (tawa insa pi pana suwi) lon sewi ko anpa. o pana e ko ante la lon sewi pi ona ale.

o pana e ko pini tawa ilo seli lon tenpo suli (1h, 175°C).

o moku pona!