tenpo ni la ala, o awen a!

mi toki tawa mama meli mama e ni: “mi ken ala ken moku e moku sike?”

“ala a. tenpo suno kama la ken.”

taso mi wile ala awen tawa weka pi tenpo ni.

mi toki tawa mama mije mama e ni: “mi ken ala ken musi poka jan pona mi?”

“ala. sina pini lape la ken a.”

taso mi wile ala awen tawa weka pi tenpo ni.

mi toki tawa mama meli e ni: “mi ken ala ken kepeken len sin ni?”

“ala a. mi mute li tawa la ken.”

taso mi wile ala awen tawa weka pi tenpo ni.

mi toki tawa mama mije e ni: “mi ken ala ken open e poki ni pi pona lukin?”

“ala. o awen a.”

taso mi wile ala awen a.

tenpo ale la jan suli li toki e ni: “tenpo ni la ala, o awen a”.

tan seme a?

tenpo pimeja ni la mi lape. mi pilin utala.

tenpo suno kama li open. mi pini lape la mi tawa tomo seli. mama meli mama li toki e ni: “sina ken moku e moku sike ni.”

mama mije mama li toki e ni: “mi tu li ken musi.”

mama meli li toki e ni: “sina ken kepeken len ni.”

mama mije li toki e ni: “sina ken open e poki ni.”

jan ale li toki e ni: “sina sike e suno! o pona a!”