mama

mama o, mi tawa ma ike
mi tawa ma ike mute
mi sitelen e lipu ni pi wile pona
mama o, mi lon insa lupa ma

a, mama o, kama la mi moli
mi ale li kama moli
mi kute e nimi sina e telo oko kin
taso, kama la, mi moli

mi tawa la, o toki ala, a
lon insa seli la, mi tawa kala
sina suli e nimi mi
mi weka ala e pilin lon sina
jan olin mi o kama ala lon tenpo sin

mama o, mi toki e jaki
mi moku tawa pipi
mi pali e poki pi suli jan ni
mi ike; mi toki kipisi

mama o, utala li pakala e sijelo mi
lon meli anu lon mije la, mi pakala e tu ni!
misikeke li lon ala
noka li monsi akesi
mi lili la, mi ken ala ken lon meli?

mi tawa la, o toki ala, a
lon insa seli la, mi tawa kala
sina suli e nimi mi
mi weka ala e pilin lon sina

ona li toki e nimi ni:
jan lili pi luka loje li
tawa e nasin pimeja la
o lukin pona e noka
pakala mi o kama ala lon tenpo sin
lon a

mama o, mi lon ma monsuta
mi ale li lon ma monsuta
kon nena moli li ike taso a!
mama o, mi kama monsuta (wan, tu, a)

mama o, mama o, mama o
o mama, o mama, o mama, ma….

ken la, mi kute e nimi suwi
la mi pana e kalama musi
taso kepeken jaki pi ilo moli la
mi lanpan e lape sina

pini ale la, mi tawa anpa
tawa seli pi ma utala
sina ken awen lon la, mi tu li open
tawa nasin pi ko pimeja

jan poka pona li weka
la mi mute li awen tawa
o sewi e poki telo tawa ni:
ko pimeja mi lon supa ma (ma… ma… ma!)