tenpo pi jaki Kolona li pini ala pini

tenpo sike tu wan la, jaki Kolona li lon. open la, mi mute li sona lili e jaki ni. tempo kama la, mi mute li awen lon tomo.

tenpo lete la, moli mute li lon. tenpo seli la, moli lili li lon. jan mute li moli tan jaki Kolona. taso tenpo ni la, tenpo Kolona li pini, anu seme?

tenpo pi pini lili la, mi pilin e ni: jaki Kolona li ike lili, tenpo Kolona li pini. mi jo ala e len uta, mi tawa musi, mi moku e telo nasa lon poka pi jan mute. ike la, ni la, mi pakala tan jaki Kolona.

tenpo tu wan la, jan pi pona sijelo li pana e telo pi pona sijelo tan jaki Kolona tawa mi. mi pilin e ni: mi ken ala pakala (mute) kepeken telo pi pona sijelo. taso mi pakala mute: mi jan lili, li jan pi sijelo pona. mi suli mute ala, li lili mute ala. taso jaki Kolona li pakala mute e mi. mi seli mute, li pilin ike mute tan ona.

ni la, mi pilin e ni: jaki Kolona li ike suli. tenpo pi jaki Kolona li pini ala. taso mi moli ala. jan ale ala li moli. tenpo kama la, jaki Kolona li sama jaki ante ale. ni la, mi awen lon tomo mi, li kama pona tan jaki Kolona.