jaki lili majuna[^1] li kama tan telo lete

seli ma li kama seli e ma ali. seli ni li seli e telo lete. telo lete li seli la, telo suli li kama suli mute. ni la, telo suli li len ma poka mute, li pakala e tomo jan e kasi. ni li ike mute. ni li lon e moli mute. jan pali li lon e seli ni, li suli wawa e seli ni. jan li pana e jaki tawa kon suli. jan li seli kin e kiwen pimeja pi soweli moli. jan li seli mute e ma tan ni.

taso, seli ma li lon e ike ante kin. seli la, telo lete li weka. weka pi telo lete li pakala e ante. ni li tan seme? o sona e ni: telo lete li jo e jaki lili lon lete. jaki lili ni li majuna mute mute. ona li majuna, taso ona li moli ala. telo lete li awen pona e jaki lili ni. tenpo ali la, ona li awen lon telo lete. telo lete li weka, jaki lili li tawa kon, li tawa soweli poka. kon en soweli poka li jo e jaki lili la, ona li pana e jaki lili tawa jan.

jan pi kulupu Loja (Royal Society) li pana e lipu sona sin lon tenpo mun ni. ona li kama sona e ni: telo lete li kama weka kepeken wawa mute. tenpo pini la, ona li alasa e jaki lili lon ma telo Asin (Hazen). alasa ona li pana e ni: jaki lili majuna li lon telo lete, li ken kama tan telo lete. weka pi telo lete li ken lon e jaki lili tan telo lete lon ma Kanata, lon telo suli Asi (Arctic). jaki lili ni li ken lon e ike sijelo pi jan ali lon ma ali. ni li sama jaki lili Kolona, taso jan li sona ala e ijo wan pi jaki lili ni. ni li ike mute kin. jan o pali e seme tan ni? mi sona ala.