lipu “mun monsuta[^1]”
tenpo mun pini la, tenpo pimeja monsuta li lon. tenpo ni la, jan li ken wile kepeken len musi, li ken wile len e sijelo ona kepeken len musi. tenpo ni li pimeja, li nasa, li musi, li monsuta. jan li wile e sitelen monsuta e toki monsuta e ijo ante monsuta tan ni. ijo ni li lon la, pilin wawa en pilin musi ike li ken lon kin. ni li pona ala pona tawa sina? pona la, sina sama jan pi lipu monsuta. nimi pi lipu ni li “mun monsuta.” lipu “mun monsuta” li ken pana e nasa e pilin nasa e pilin monsuta. tenpo sike pini la, jan pi lipu ni li pana e lipu “uta monsuta” lon tenpo mun sama. tenpo sike ali la, jan ni li wile awen pali e lipu monsuta kepeken kon sama.
mi lukin e toki pi lipu ni e sitelen pi lipu ni lon tenpo ni: kulupu mama mi ali li kama lape. kin la, tenpo pi pimeja mute li lon. a, monsuta li ken wawa e apeja1 e ike. taso, ona li ken pana e ike musi e nasa kin. kon mute li lon tenpo monsuta li lon pilin monsuta.
toki luka wan li lon lipu. sitelen li lon lipu kin. lipu la, tomo moku nasa li tawa ma tomo jan. lipu la, soweli li tawa wawa tan ken ike. lipu la, jan o utala e jan ante tan kama pi kon monsuta. toki musi seme li lon lipu ni? toki “kasi kiki2” li toki e ni: waso tu li tawa lon sewi li kama pakala tan palisa kasi. toki “ala suli” li toki e ni: jan li open pilin pi nasa lili e ijo li ken tawa insa ijo. mute lon poki lete ona. sitelen “mun” li sitelen kule pi soweli mute pi toki noka kepeken wawa tan monsuta kama.
toki en sitelen ni la, ijo li awen ante tan pilin open. pona li ken jaki. jan moku li ken moku jan. moli li ken suwi tawa jan pi pana moli. ken la, pilin nasa ni en pilin ike ni en nasin moli ni li ike tawa sina. tenpo mute la, ijo monsuta li pona ala tawa mi. taso, mi la, lipu “mun monsuta” li musi mute, li monsuta mute kin! ken monsuta li ike ala tawa sina la, o kama lukin e ona. jan pali ona li pali e ijo pona.
sina wile lukin e lipu ni la, o tawa ni: https://lipumonsuta.itch.io/mun-monsuta