jan pi olin ala

!!! note

mi pini e ni la, mi lukin ala e ona. mi pakala a! o pona e sitelen mi.

jan Sasali la, olin li nasa. ona li olin ala a! on li pilin pona tawa jan ante, tawa ijo ante. ni li lon. taso, ona li olin ala e jan pona ona. ona li -jan olin- ala. ona li jan pona.

taso, jan Semila li jan olin pi jan Sasali. ona li jo e pilin ante. pakala li ni: jan Sasali li pilin ante ala tawa jan Semila.

ona li toki e ni tawa jan Semila. jan Semila li mu. -tenpo la, mi pilin sama.-

jan Sasali li lukin e ona. -seme? ni li lon, anu seme?-

jan Semila li kalama tan musi. -lon. mi pilin pona tawa sina la, mi pilin ala e olin. sina -jan olin- mi la, ni li nimi taso. ona li pali e pilin olin ala. o lukin e jan olin mi pi tenpo pini a! mi jo e mute. mi olin ala e ale.-

jan Sasali li pilin e sinpin pi jan Semila kepeken luka ona. -a… mi sona e pilin sina. ni li nasa.-

-seme?- lukin pi jan Semila li sama monsuta. -sina sona ala sona e ni: pilin mi li nasa?-

-ala, ala! mi pilin ala e ni.- jan Sasali li toki kepeken tenpo lili. -mi sona e pilin sina a. mi pilin sama. ni li nasa: mi tu li jo e pilin sama.-

uta pi jan tu li tawa sewi.

jan Semila li toki e ni: -mi tu li pilin ala e olin. ni li nasa. taso, nasa li ken pona.-

-mi nasa. sina nasa. kulupu mi li nasa a! nasa li pona mute tawa mi.-

-sina pana e pilin pona tawa mi.- jan Semila li toki e ni.

-sina a pana e pilin pona tawa mi. mi pilin pona tan sina, li olin ala e sina. ni li pona.-