ilo toki

tenpo pini suli la, ilo ni li kama lon:

jan li ken toki kepeken ona. {:.weka}

ona li ante e toki pi jan ale

tawa nasin toki pi jan ante ale. {:.weka}

ona la jan ale

li ken toki kulupu, {:.weka}

li ken kulupu toki. {:.weka}

toki ale jan li ken wan lon ilo.

sona pi jan ale li ken wan tan ilo. {:.weka}

tenpo open ilo la pona mute li lon

tawa jan ale {:.weka}

tan toki {:.weka_suli}

tan sona. {:.weka_suli}

ni li pona a tawa jan:

ilo li ken {:.weka}

e sona {:.weka_suli}

e toki {:.weka_suli}

e pona. {:.weka_suli}

tenpo li tawa la

ilo li awen ken e toki jan. {:.weka}

tenpo pi ilo ala

li weka {:.weka}

li weka {:.weka}

li weka. {:.weka}

sona kin pi tenpo ni li weka.

jan li ken toki kepeken ilo la

ona li pilin e ni: {:.weka}

toki ale o kepeken ilo. {:.weka_suli}

lon la jan li awen toki ante,

taso ilo la, {:.weka}

toki ale li kama wan {:.weka_suli}

lon pilin jan, {:.weka_suli_a}

lon sona jan. {:.weka_suli_a}

mama li toki tawa jan lili ona

kepeken uta ala, {:.weka}

kepeken kalama ala, {:.weka}

kepeken sijelo ala, {:.weka}

kepeken ilo taso. {:.weka}

jan lili li kute e mama ona

kepeken kute ala, {:.weka}

kepeken lukin ala, {:.weka}

kepeken pilin ala, {:.weka}

kepeken ilo taso. {:.weka}

ale li toki kepeken ilo taso la jan ale

li kama toki lon nasin ona, {:.weka}

li sona ala e toki pi jan ante, {:.weka}

li sona e toki ona taso. {:.weka}

ilo li ken e toki ale.

nasin toki pi jan ale li ante.

jan ale li toki lon nasin ona taso.

taso jan li sona ala e ante ni

tan pali awen ilo. {:.weka}

ilo li awen ken

e toki jan {:.weka}

e sona jan. {:.weka}

jan ale li toki kepeken ilo taso la

ona li ken ala toki kepeken ilo ala: {:.weka} nasin toki pi jan ale li ante mute. {:.weka}

ilo li pakala.

pakala ilo la jan

li ken ala toki tawa jan ante {:.weka}

li ken ala kama sona e nasin ilo. {:.weka}

jan li wile pona e ilo

li ken ala {:.weka}

tan sona ala {:.weka_suli}

tan toki ala. {:.weka_suli}

ilo li moli,

la jan li ken ala sona e toki pi jan ante; {:.weka}

la mama li ken ala toki tawa jan lili ona; {:.weka}

la jan ale o toki uta sin. {:.weka}

taso toki pi jan ale li ante.

jan ale la toki pi jan ante ale li nasa.

ilo li lon la jan li sona ala e ni:

jan ale li toki ante. {:.weka}

taso ilo li weka la,

sona ni li kama: toki pi jan ale li ante. {:.weka}

sona ni li weka: jan ante li toki e seme. {:.weka}

ilo ala la

ken toki li weka; {:.weka}

ken sona li weka. {:.weka}

jan li ken ala toki

li ken lukin taso {:.weka}

li ken pilin taso. {:.weka}

jan li kama lon poka

li lukin {:.weka}

li pilin. {:.weka}

mama li ken ala toki tawa jan lili ona,

taso ona li olin e ona {:.weka}

li pilin e ona. {:.weka_suli}

jan lili li ken ala sona e wile pi mama ona,

taso ona li sona e olin ona, {:.weka}

li olin e ona. {:.weka_suli}

jan ale li toki ala,

taso ona li pilin e jan ante {:.weka}

ona li kama sona sin e jan ante. {:.weka_suli}

sona pilin la,

pona li kama sin. {:.weka}

toki li wile ala tawa sona ni.