nasin mun

{:.insa}

suno li weka· sinpin li pimeja·
monsuta mute li moku e sona·
supa la sijelo li seme e noka
e luka e lawa· len li lon ala·
lete li kama· lape li wawa·
{:.insa}

☽ ~ ~ ~
telo la lawa lon lape li awen·
kulupu kala li toki e jaki·
kute la kala li kalama ike
e pakala pini lon pali ale·
{:.insa}

taso oko lon insa li open e tawa·
kalama kala li kama lili·
tomo telo li tawa poka·
sewi mun li lon sinpin li lawa·
{:.insa}

sewi mun li mu wawa e ni·
‹o kute o kama lon kulupu tawa·
telo mun li tan e wawa
la jan li ken pona e pilin e lawa›·
{:.insa}

tomo telo la tenpo li ala·
oko li insa e utala kule
e mama mun e moli sike·
ko li kule lon kulupu suno·
{:.insa}

tomo telo la tawa li suli·
mute li kama· mute li weka·
kulupu tawa li kalama musi·
nasin mun la nasa li wawa
li pana lon pilin e pona sama·
{:.insa}

sewi mun la ‹monsuta o weka·
kulupu pona o pake e sike·
tawa pini o pona e lawa›·
sin la sijelo sina li telo·
~ ~ ~ ☾
{:.insa}

kalama waso li kama tan lupa·
suno li seli e sijelo lete·
lape li pini· pakala li weka·
sike monsuta li suli ala·
{:.insa}