suno pi toki pona pi #3

toki! kalama sin ni li tan suno pi toki pona nanpa tu wan. taso ike la kalama li pakala lili lon open, la mi weka e ijo ike pi tenpo open. wile pi tenpo pini la jan Tepo en jan Lakuse en pipi Kewapi li lon. taso ike la ni li ken ala. taso kalama li awen pona. o kute pona.

waso Alana:
a. ante la mi o pona kepeken nimi anu seme? mi jan Deni.

jan Luke:
mi we Luke li jan Luke li mije Luke kin. ni ale li pona. tenpo suno ni la mi pali e sitelen tawa. taso sitelen tawa ni li kama ala tan ni: sitelen tawa ni li ike. taso sitelen tawa ni la, mi tawa tomo esun moku, li kama jo (e) moku kepeken mani kepeken toki pona. taso sitelen tawa ni li kama lon ala tan ni: pilin mi la sitelen tawa ni li pakala lili, li ike lili, li pakala mute. msa.

waso Alana:
a.

jan Luke:
ona li ken pakala mute. ona li ken pakala lili taso.

waso Alana:
ijo tu li ken lon.

jan Luke:
lon. ni li ken.

waso Alana:
taso jan kute o, ijo kute o, sina wile e ijo toki. sina sona e ijo toki la, o toki lon tomo suno pi toki pona. mi kulupu li ken toki lon ni! ante la, mi mute o toki e seme?

jan Luke:
jan li toki e seme.

waso Alana:
ken la mi sona e ijo toki. suno pi toki pona li lon. kalama sin li lon. sina tu la, sina toki pona lon tenpo seme? sina open lon tenpo seme?

jan Luke:
mi open toki pona lon tenpo… lon open pi sike ni.

waso Alana:
a a. open pi pilin mi la mi wile toki e ni: “a! mi toki tan open pi toki pona!” a a.

jan Luke:
ala ala a! mi toki e ni: ma li sike e suno la mi kama open sona toki kepeken toki pona.

waso Alana:
wa. ni li pona.

jan Luke:
mi toki e ni.

waso Alana:
ni li tenpo lili, taso sina lon kalama sin. sina toki pona pi pona mute.

jan Luke:
lon. ni li tan ni: mi kepeken sitelen tawa pi jan Telakoman. ona li pona mute.

waso Alana:
a! ona li pona mute. ona li pona mute. sina la, tenpo sike suli kama la, seme li kama tawa toki pona lon sona sina?

jan Luke:
pini mi la nimi Ki li ken kama nimi pona pi toki pona. n…

waso Alana:
o weka a. o weka tan kulupu. a a.

jan Luke:
a a. mi kepeken ala nimi Ki. taso pilin mi la, nimi Ki li lon toki pona la, jan li ken toki wawa kepeken toki pona. ona li ken toki sama… n. msa. taso ona li ken toki e ijo mute lon toki pona.

waso Alana:
taso sina ken toki e ni kepeken ala nimi sin!

jan Luke:
pilin mi la nimi sin mute o kama lon.

waso Alana:
o kama lon! o kama lon! a! ni li nasa lili tawa mi. taso ni li ike ala. ni li ike ala. toki li awen kama ante. tenpo sike ni la mi kute e nimi Eliki lon tenpo nanpa wan.

jan Luke:
ona li seme?

waso Alana:
ona li seme? ona li nimi pona. ona li nimi pona. ken la ijo li ike tawa sina, anu ona li pakala tawa sina, anu pakala e sina. taso ijo ni li ken suli tawa kon sina. ken la ni li pakala sijelo, pakala lawa, anu seme. ijo mute li ken. lipu sona li lon ma pona pi toki pona. tenpo ni la mi ken ala toki pona e ale ona kepeken toki pona taso. mi alasa wawa e sona mi lon ni. taso. ante la ni li nimi sin.

seme ante li kama lon sona sina? jan kute mute li toki e ni: “a. nimi Ki li seme? sina sona e nimi Ki? ni li seme? a mi wile sona e nimi ni!” sina ante e toki pona! a a a.

jan Luke:
lon. lon la nimi Ki li nimi ike. ona li ike lili. a a.

waso Alana:
ale li pona. mi musi taso. mi musi taso.

jan Luke:
ken la jan li toki kepeken toki pona kepeken tenpo lili, kepeken tenpo lili a. ni li tan ni: tenpo weka la jan li toki kepeken toki pona kepeken tenpo suli a, li toki sama ni: “toki! mi jan, li wile pan-” sina kute ala kute? ni li tenpo suli a.

waso Alana:
taso ni li open pi jan ale. tenpo lon la mi toki kepeken tenpo lili. mi ken ni lon wile. taso tenpo open la mi ken ala ni. ni li tan ni taso: mi toki kalama mute tawa jan pi toki wawa. ni la mi kama ken kute, li kama ken toki. jan kute o, sina wile pona e ken toki sina la o toki pona lon kalama, lon ken.

jan Luke:
o kute e jan!

waso Alana:
lon, lon. o kute. open la ni li wile e pali mute, e wawa mute. taso sina awen ni la sina kama wawa.

jan Luke:
taso n. jan li ken kepeken tenpo seme lon toki pona?

waso Alana:
a! ale. ale. jan li ken kepeken tenpo lili, tenpo suli.

jan Luke:
lili seme? ni li lili seme?

waso Alana:
lili seme? n.

jan Luke:
tenpo li ken lili seme? ona li ken lili a. ona li ken lili. msa.

waso Alana:
a.

jan Luke:
taso n.

waso Alana:
mi la lili a!

jan Luke:
mi wile sona e ni tan ni: tenpo weka la jan li toki kepeken tenpo suli. taso tenpo ni la jan li toki kepeken tenpo lili. ni la tenpo weka kama la jan li toki kepeken tenpo lili a! ona li toki ala e nimi [a e i o u]. ona li toki (kepeken tenpo taso pi dbdbdbd…)

waso Alana:
a a nasa mute. ken la ni li lon. taso pilin mi li ante lili tawa ni. sina toki e ni: tenpo pini la jan li toki kepeken tenpo suli. tenpo lon la jan li toki kepeken tenpo lili. taso pilin mi li ante lon ni. mi la jan ante li kepeken tenpo ante. jan li ken kepeken tenpo suli. jan ante li ken kepeken tenpo lili. ni li nasin jan. jan ante li wile toki ante. ni li pona.

jan Luke:
lon. toki pona li wile e nasin mute. nasin mute o lon toki pona.

waso Alana:
lon, lon. ni li pona tawa mi. seme ante? sina sona e ijo ante tawa toki?

jan Luke:
ken la kalama [ə] li kama lon toki pona.

waso Alana:
n. ken.

jan Luke:
tenpo ni la kalama /a e i o u/ li lon toki pona taso. ken la tenpo kama la kalama /a e i o u ə/ li lon toki pona.

waso Alana:
a. tawa nimi ante? n. mi la ni li kama ala. ni li kama ala. ni li ante suli!

jan Luke:
lon. taso sona mi la jan li kepeken kalama ante lon tenpo mute. ken la… n. mi sona e ni: jan… nimi ona li seme? ona li jan Kasape. lon. jan Kasape li toki sama ni: [lõ]. [lõ]. [lõ]. ni li nasin pona tawa mi. ona li kalama pi toki pona ala. taso ona li pona tawa kute.

waso Alana:
jan Kasape o toki. mi kute e nasin ni. taso ni li ante lili tawa mi. nasin pi jan ante li kepeken kalama ante lon tenpo mute. taso nasin nimi pi toki pona li ante ala.

jan Luke:
lon. n. nasin nimi. nimi ale mute pi lipu ku li ken ala ante. ona li awen lon tenpo ale anu seme.

waso Alana:
a. n n n. nasin kalama li ante lili taso. kalama insa tu tu wan li lon. pilin mi la ni li kama ala ante.

jan Luke:
lon.

waso Alana:
taso kon nimi li ken ante.

jan Luke:
lon. ni li ken.

waso Alana:
tenpo pu la nimi pali li ante lili tawa tenpo lon. tawa mi. ni li lon. mi lukin e jan mute e nasin mute. mi lon kulupu lon tenpo sike tu. ni la mi kama lukin e jan mute e toki mute. a msa. a a. o toki.

jan Luke:
mi o toki e seme? mi o toki e ante pi toki pona lon tenpo kama.

waso Alana:
jan kute o pona e mi!

jan Luke:
o [f]ona!

[toki lon tenpo sama]

waso Alana:
a a a.

jan Luke:
mi ale o toki lon musi Mapo. mi sona ala e musi Mapo. ona li seme? sona mi la jan wan li jan ike, li utala e jan ante anu seme? mi sona ala!

waso Alana:
a! mi sona lili e nasin. tenpo ala la mi alasa toki pona e nasin. ken la mi pakala lon ni.

jan mute li kama kulupu, li wile musi. ona li kepeken ilo. anu la ona li lon poka lon ma, la ona li ken pali sama. taso ilo Siko la ona li kepeken ilo. ilo li toki len tawa jan ante. ona li toki e ni: nasin musi sina li sama ni. nasin pi jan ante li ante lon musi. poka… kulupu tu li lon musi. ken la ni li nimi pi pona ala. taso mi toki e ni tawa ona: kulupu pona en kulupu ike. kulupu ike li mute ala. taso jan pi kulupu pona li sona ala e jan pi kulupu ike. jan pi kulupu ike li wile sama kulupu pona tawa lukin.

musi li awen. jan li toki. insa musi la tenpo suno li kama sin. tenpo pimeja li kama. tenpo suno li kama sin. tenpo pimeja la ken la kulupu ike li moli e jan. ante la tenpo suno la kulupu pona li ken moli e jan. lawa musi li kama tan ni: jan ale pi kulupu wan li moli. tenpo kama la mi ken toki e ijo ni kepeken toki Inli. tenpo pini la mi alasa ala kepeken toki pona tawa musi ni. lon. jan Osuka o, “kulupu pona li ken moli e jan!” lon musi. lon musi taso.

jan Luke:
kulupu pona li ken moli e jan?! ona li sama ilo pi kipisi kasi?!

waso Alana:
ante la mi tu li toki lon musi. ni li pona! tenpo poka la mi open e ma sin pi ilo Siko. ona li ma musi pi toki pona. ijo musi mute li lon. ma li lon ni tawa musi Manka. ilo li lon ni tawa musi Ako, tawa musi Mapo. jan mute li ken toki e ijo musi tawa ona. mi wile suli e kulupu ni. mi ken pana e nasin tawa ni kin.

jan Luke:
ni li ma pi toki pona anu seme?

waso Alana:
ma pi toki pona a. ma ni la sina o toki pona taso lon tenpo suli.

jan Luke:
a.

waso Alana:
sina ken toki ante lon wile. toki pona taso la ni li nasin suli ala. taso mi kama lukin e ni: ma mute li lon ilo Siko. taso ona pi toki pona taso la ma mute li wawa lili taso. jan pi mute ala li toki. ona li awen kama wawa lili. ona li awen kama lili lon kulupu. ni la mi wile kama e ma sin tawa ijo wan. ni la pilin mi li ni: ijo pona li lon ma la jan pi wile ni li ken kama, li ken toki. jan ni li kama toki la kulupu toki li kama lon. kulupu toki li lon la ona li ken kama suli. ona li ken awen. ona li kama ala lili. ni li nasin pi insa lawa mi, tawa ma sin.

jan Luke:
lon. ni li nasin pi ilo Siko anu seme.

waso Alana:
nasin pi ilo Siko. lon lon.

jan Luke:
a. mi wile toki e ni: tenpo lape la mi lape ike. taso ni li lon tenpo lape wan taso. taso mi lape ike a!

waso Alana:
n.

jan Luke:
mi lape pona ala, li pilin wawa ala tan ni.

waso Alana:
ni li nasin. ni li nasin lon tenpo mute.

jan Luke:
taso mi pini lape lon tenpo lili la, telo sijelo li lon. ni li telo jelo jaki ala. ni li telo sijelo.

waso Alana:
tan seli!

jan Luke:
lon lon. tan seli. taso len lape ale li jaki tan telo ni. ike.

waso Alana:
ni li pakala e lape.

jan Luke:
lon. ni la mi pini lape, li kama… msa. mi pini lape, li kama lape lon tenpo sin? msa.

waso Alana:
a. ale li pona. suno pi toki pona la, sina ken ala ijo ante! sina o toki pona taso. sina o ijo ante ala.

jan Luke:
ni li owe! owe!

waso Alana:
jan owe li lukin e sina.

jan Luke:
jan. nimi ona li seme? jan Winsen.

waso Alana:
jan Big Brother.

jan Luke:
a a a. a musi a. pona la mi tu li pali pona lon kalama sin. taso kalama sin li pakala lili. taso ale li awen pona. mi tu li ken pali lon kalama sin.

waso Alana:
a ni li lon. taso ni li nasin lon. pakala li awen lon, lon tenpo ale. ijo ale li kama pakala lon tenpo. ni li ike ala. o awen lon. a a. pakala li ken ala ike suli.

jan Luke:
taso-

waso Alana:
ona o.

jan Luke:
ona o!

waso Alana:
-suli.

jan Luke:
nasin seme li pona?

waso Alana:
nasin tawa seme?

jan Luke:
n. mi wile toki e ni: nasin mute pi toki pona li sama, li kulupu. sina sona ala sona? ona li sama, li kulupu.

waso Alana:
ken? ken sona.

jan Luke:
…li lon kulupu sama.

waso Alana:
n.

jan Luke:
ken la jan li toki kepeken nasin pu pi toki pona.

waso Alana:
jan li ni: sona mi la…

jan Luke:
mi wile toki e ni.

waso Alana:
a! o toki. o toki.

jan Luke:
mi wile toki e ni: nasin mute li ken kulupu, li ken nasin wan.

waso Alana:
n.

jan Luke:
lon. taso ante pi nasin ale li seme?

waso Alana:
n. mi la ante nasin li suli ala. ona li lili taso.

jan Luke:
lon. suli la nimi taso li ante.

waso Alana:
tenpo mute la nimi taso li ante. jan li ken kepeken nasin sin anu nasin nasa. taso tenpo suli la ni li awen lon tawa jan pi nasin sin. toki mute la ona li sama lon nasin ale. ni la pakala sona li ken kama, li ken kama tan nasin ante. taso…

jan Luke:
lon.

waso Alana:
sona mi la, lukin mi la, ni li tenpo lili taso. nasin ante li pakala ala e sona. jan tu li toki. jan wan li sona ala la, ona li ken toki e ni! ona li ken alasa sona. jan tu li ken pona e toki.

jan Luke:
taso kalama sin ni li kama pini lon tenpo poka a. ni la jan ale o! pona.

waso Alana:
ijo ale o, waso ale o, jan ale o, akesi ale o, pipi ale o, soweli ale o,..

jan Luke:
ale ale o!

waso Alana:
ale ante ale o! mi jan Deni. sina ale li pona mute. sina pona tan kute.

jan Luke:
lon.

waso Alana:
suno ni o pona tawa sina.

jan Luke:
lon. o awen pona. mi wile toki e nimi we: apowesi.

waso Alana:
a a. o awen pona. o awen pona, ale o.