toki linja tu

ni li toki tu. taso nimi ale pi ona tu li sama.

linja lawa mi li awen kama ante.
ona li lon ala lawa mi
li weka lon tenpo kama.
ken la linja mi li sama tenpo.
pini ona li awen kama.

kule linja li pimeja.
taso ni kin li lon tenpo ni taso.
tenpo li ante e ijo la
pimeja pi linja mi li awen kama walo
li lon ala tenpo kama.

lawa mi li kiwen sike lon sewi.
sijelo li jo e linja mute.
ona li pona li awen
e selo mi anpa e lawa mi ala.

linja mi li ko.
lon lawa mi la ona li kama ala.
weka ona li ike ala tawa mi.

linja mi li awen kama.
ante ona li lon ala.
lawa mi li weka lon tenpo kama ken la
linja mi li sama tenpo pini.
ona li awen kama.

kule linja li pimeja taso.
ni kin li lon tenpo ni.
taso tenpo li ante e ijo la
pimeja pi linja mi li awen.
kama walo li lon ala tenpo kama.

lawa mi li kiwen sike lon sewi sijelo li jo e linja.
mute ona li pona li awen e selo.
mi anpa e lawa mi ala.

linja mi li ko lon lawa.
mi la ona li kama ala weka.
ona li ike ala tawa mi.