mi tawa lon pimeja

jan Simiman Aug 10, 2024

{"/":{"prev":{"id":"2024/08/mi-jan","data":{"title":"mi jan","description":null,"authors":["jan Seko"],"proofreaders":null,"date":"2024-08-10T00:00:00.000Z","date-precision":"day","original":null,"tags":["moku","ma li kama jaki moli tan pali jan","pilin ike tawa jan","wan taso","utala","moli"],"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-suli/mi-jan.md","https://utala.pona.la/mamtt/lipu-musi/lipu-suli/mi-jan.html"],"archives":null,"preprocessing":null,"accessibility-notes":null,"notes":null},"body":"<style>\n .weka-open {\n text-indent: 40px;\n }\n\n</style>\n\nmi soweli. \n\nseme? mi soweli ala. mi jan. soweli li lon ala. jan li lon. seme? \n\nseme li lon? lon li seme? soweli ala li seme? jan li seme? \n\nmi wile soweli. \n\na. mi jan lon ni. \n\nmi seme? mi soweli ala lon ni. \n\nmi jan. \n\n\n***\n\n\nijo li lon. ijo ni li toki. \n\nmi jan. mi *toki.* sina jan. sina *toki.* jan li toki.\n\nsoweli li toki ala. ona li jan ala. \n\ntoki li seme? mi wile e ijo mute. \n\n… mi wile moku. \n\n\n***\n\n\ntoki li lon. toki ni li pana. \n\nsina *pana* e moku. mi moku e ni. mi wile ala lon ni. jan li pana li toki. \n\nsina toki e ni: “o moku! mi pana e moku mute tawa sina.” toki “tawa” li seme? \n\nmi wile toki. toki li lon e ijo mute. mi wile e ijo mute. \n\n\n***\n\n\ntoki li lon. toki ni li sona. \n\njan li toki. toki li pana e *sona.* sona li suli a. jan li sona li pana li toki. \n\nmi soweli… ala. mi jan. mi sona ala… \n\n… sona suli li lon ala. sona lili li lon. \n\nmi wile sona. jan li seme? sona suli li seme? mi wile ala e moku lon ni. mi wile ala e lape lon ni. mi wile e sona. \n\n\n***\n\n\ntoki sona li lon. toki ni li nimi. \n\ntoki lili mi li *nimi.* sona toki li lon nimi. mi toki e nimi. \n\nnimi mute li lon. mi sona ala e nimi mute. mi wile sona. \n\nmi wile sona e nimi “tawa.” ni li seme? \n\n\n***\n\n\nnimi li lon. ni li tawa li ma, li tan. \n\na! soweli li *tawa.* jan li *tawa.* ijo mute li *tawa.* sina tawa e moku… a, sina *pana* e moku *tawa* mi. mi wile e sona mute. \n\nijo mute li tawa lon *ma* mute. ma li lon. ni li ma. mi lon ma. moku li lon ma. jan li lon ma. ijo mute li lon ma. \n\nkasi li lon ma mi. mi *tan* ma mi. sina tan ma jan. sina jan tan ma ni. mi jan tan soweli tawa ma jan… \n\na… ijo mute li lon. mi wile lape. \n\n\n***\n\n\nnimi li lon. ni li pona. \n\nmi lape ala. sina toki. “sina pona ala pona?” mi toki. “pona li seme?” \n\nsina toki e ijo mute. sina pana e sona lili. mi sona e ni: \n\nmi wile moku. mi moku. mi *pona* tan ni. \n\nmi wile lape. mi lape. mi *pona* tan ni. \n\nmi wile toki. mi toki. mi *pona* tan ni. \n\npona li ijo suli. mi wile e pona. jan li wile e pona, li sona, li pana, li toki. \n\nmi wile sona e pona. o toki e pona tawa mi. \n\n\n***\n\n\nnimi li lon. ni li sin. \n\nmi lukin ala li kute ala e ijo mute. ijo mute ni li *sin* tawa mi. \n\nsina sin. sina toki e nimi sin tawa mi. \n\nsina toki. “jan li wile e sona sin.” mi jan ala jan? \n\nmi soweli ala lon ni. mi jan sin. tan seme? mi sona ala. \n\nsona mute li sin tawa mi. mi wile sona e ijo mute. ona li pona ala pona? \n\n… mi sona ala. mi wile. \n\n\n***\n\n\nnimi sin li lon. ni li sama. \n\nmi wile sona. mi jan ala jan? mi toki tawa sina. sina toki e ni: “sina jan. sina sama mi.” mi sona ala e nimi ni. \n\nsina toki. “o kute: ni! li! mi! pi! nimi ni li kalama sama. ni en mi en li. sona en pona…” mi sona lili e ni. \n\nsina toki. “ni la, mi en sina li *sama.* mi jan. sina jan. mi toki. sina toki. mi pona. sina pona!” \n\nmi pona. seme? mi wile toki e nimi. mi sona ala e nimi ni. mi wile sona e ona. \n\nmi wile sona e ijo mute a. mi wile sona e mi. sina wile e ni: mi jan. \n\n\n***\n\n\nnimi sin li lon. ni li len li luka. \n\nsina pana e ijo tawa mi. ona li sama sijelo sin mi tawa lukin. ijo ni li *len.* \n\nsina toki. “o len e sina! jan li wile ala lukin e sijelo pi len ala.” \n\nmi toki. “tan seme?” \n\nsina toki. “pilin jaki, anu seme? ni li nasin jan.” mi sona ala e toki ni. \n\nsina toki. “kin la, len li ken seli e sijelo sina.” \n\nmi wile e len. selo mi li lete. len li selo sin mi. linja lili li lon ona. ni li sama soweli li pona tawa mi. \n\nlen li lon sijelo lon noka mi. noka sinpin mi li *luka.* sona sin li lon. \n\n\n***\n\n\nnimi sin li lon. ni li kama. \n\nsina toki. “o kama!” mi sona ala e nimi ni. \n\nsina toki. “nimi kama en nimi tawa li sama lili. sina kama la, mi tu li tawa ma sin, li tawa ijo sin.” \n\nsona sin ni li lili. mi wile e sona mute. sina sona mute. mi sama ala sama sina? \n\nmi tawa ma sin. mi *kama* lon ma sin ni. \n\n\n***\n\n\nnimi sin li lon. ni li pali li tomo. \n\nijo suli a li lon ma sin ni. mi kama lon ona. \n\nsina toki. “ijo suli ni li *tomo.* tomo mute li lon ma ni. jan li pali e ona.” \n\nmi toki. “pali li seme?” sina toki. “jan li lon e ona tan ijo mute. ijo li suli la, *pali* ona li suli. ijo li lili la, *pali* ona li lili.” \n\ntomo mute li lon ma ni. jan li pali mute. jan li pali li wile e pona li sona li pana li toki. \n\nmi sona lili e toki sina. mi wile ala wile pali? toki mi li pona ala pona? sona mi li pona ala pona? mi sona ala. \n\nmi tawa tomo. sina toki. “tomo ni li tomo sona. o kama sona e pona ale!” mi sona ala e nimi “ale”. \n\nsina tawa lon tomo. “o kama insa!” \n\n\n***\n\n\nnimi sin li lon. ni li insa li sitelen. \n\nmi kama lon *insa* tomo. mi lukin ala e kasi e sewi e kiwen e telo lon ni. selo tomo li len e ma suli tan lukin mi. \n\na! mi lukin e ijo! … ala. mi lukin e ijo lon sinpin tomo. ona li sama ijo mute. ona li ni ala. \n\nsina toki. “ni li *sitelen.* jan li pali e ona.” \n\nmi toki. “tan seme?” \n\nsina toki e ijo mute. mi sona lili e toki sina. mi sona ala e ijo mute. \n\nmi lukin e sitelen. kasi li lon. soweli li lon. waso li lon. pipi li lon. akesi li lon. kala li lon. jan li lon. ona mute li lon sitelen. \n\n*sitelen* ni li pona tawa mi. tan seme? mi sona ala e nimi. \n\n***\n\n\n\nnimi sin li lon. ni li pilin li nasa li musi. \n\nsina toki. “sina pilin seme?” mi sona ala e nimi ni. \n\nsina toki. “pilin li toki lon insa sina. sina ken pilin pona, li ken pilin lete, li ken pilin nasa…” \n\nmi toki. “nasa li seme?” \n\nsina toki “a! o kute: sina soweli. taso, sina kama jan. sina sona ala sona e ijo mute?” \n\nmi sona ala. \n\nsina toki. “sina sona ala a! ijo ni li nasa tawa sina.” \n\nnimi ni li suli tawa mi. mi lukin e ijo mute sin a, li sona ala e nimi ona. mi toki. “mi pilin *nasa.*” \n\nsina toki. “seme li nasa?” \n\nmi toki. \"ijo mute, a a a. mi lukin e sitelen ni. toki insa mi… *pilin* mi? … li toki e ni: ni li pona. sitelen ni li nasa ala tawa mi. mi lukin e ijo mute lon ona. mi sona e ona.” \n\nsina toki. “a, ona li kama e pilin suli lon sina. ona li sitelen musi. musi li pona tawa sina.” \n\n*musi.* ni li nimi suli lon pilin mi. mi lukin e sitelen li pilin musi. ni li suli ala suli tawa jan? mi pilin e ni: ona li suli a. \n\n***\n\n\n\nnimi sin li lon. ni li kule. \n\nlukin soweli li sona e suno e walo e pimeja. kule li suli ala. \n\njan li lukin e ijo mute a! ijo ni li *kule.* mi wile sona e ona. \n\nmi lukin e sitelen musi. waso li lon sitelen ni. mi luka e ona li toki. “ni li seme?” \n\nsina toki. “ni li waso. kule ona li loje.” \n\nmi luka e telo li toki. “ni li seme?” \n\nsina toki. “ni li telo. kule ona li laso.” \n\nmi luka e sike lon sewi laso. “ni li seme?” \n\nsina toki. “ni li suno. kule ona li jelo.” \n\nmi toki. “mi wile sona e kule ale ni. ni li pona ala pona?” sina toki suli. “pona a! o ni.” mi pilin pona tan ni. \n\n\n\n***\n\nnimi sin li lon. ni li ilo li kepeken. \n\nsina pana e palisa tawa mi. “ni li *ilo* musi. o kepeken!” \n\nmi sona ala e ni. “mi o seme?” \n\nsina toki. “sina *kepeken* la, sina kama pali e musi pi wile sina. o kepeken kule. o pana e ona kepeken ilo ni. sina pona!” \n\nilo li lon luka mi. mi lukin e ona. mi pana e ona tawa kule mute. mi pana e ilo kule tawa sinpin, tawa kiwen, tawa kasi. mi pali. \n\nkule li lon tomo. sitelen mi li lon ma mute lon tomo. ni li pona ala pona? ni li musi ala musi? \n\nsina toki. “jaki a! taso, sina kama sona. o musi kepeken ni!” \n\n\n\n***\n\nnimi sin li lon. ni li lipu li supa. \n\nijo walo lili li lon ijo suli. mi lukin e ona. sina toki. “o musi lon lipu! sina wile e lipu mute la mi ken pana e ona tawa *supa* ni.” \n\nmi lili e tawa mi, li pona e tawa mi. mi sitelen lon ijo lili ni… a, lon *lipu* ni. mi sitelen e mi. mi soweli lon sitelen ni. \n\nsina toki. “sina kama pona! o pali a. pali li pona e musi sina.” \n\nsina musi lon poka mi. sina sitelen e ijo. mi sona ala e ijo ni. \n\nsina toki. “a mi pakala!... a, sitelen mi li pona ala.” \n\nmi sona ala. sitelen sina li pona tawa mi. ona li musi. mi musi ala. mi… *kama* musi. \n\nmi toki. “pali sina li pona a.” \n\nsina lukin e mi. mi lukin e uta sina. sina seme? \n\nsina toki. “mi pilin pona tan toki sina. mi kama sona. sina pona.” a… mi kama sona e nimi. mi *pilin* pona tan ni. \n\n***\n\n\n\nnimi sin li lon. ni li jo li ken. \n\nsina pana e sitelen musi mi tan supa. “o jo, ni li sitelen sina.” mi toki. “jo li seme?” \n\nsina toki. “ijo li lon sina la, sina *jo* e ijo ni. sitelen sina li sitelen sina. ni la, sina jo e ona. len li lon sijelo sina. ni la, sina jo e len. mi lon poka sina li toki tawa sina. ni la, sina jo e mi. kin la, mi jo e sina.” \n\ntoki sina li suli. mi wile e sona mute. “mi jo ala jo e sona?” \n\nsina toki. “jo! jo li suli. sina ken jo e ijo mute pi wile sina.” \n\nnimi “ken” li seme? mi wile e sona. \n\nsina toki. “o kute. sina jo e moku la, sina *ken* moku e ona. sina jo ala la, sina *ken* ala. sina jo e ilo la, sina *ken* kepeken ona. sina jo e sona la, sina *ken* kepeken ona!” \n\nsona a. jan li ken li jo li musi li pali li wile e pona li sona li pana li toki.\n\njo li pona. mi wile jo. mi ken jo tan pali mute. \n\nsina toki. “o kama! mi o tawa ma ante.” \n\nmi wile e sona ni. mi kama. \n\n\n***\n\n\nnimi sin li lon. ni li nasin li ante. \n\nmi tawa ma sin. mi lon kiwen suli. ona li sama linja. \n\nsina toki. “ni li *nasin.* jan li pali e ona. ni la, jan mute li ken tawa ma ante kepeken tomo tawa.” \n\nnasin ni li suli a! mi toki. “nasin li mute ala mute?” \n\nsina toki. “mute a! kin la, jan li lon nasin pilin mute. ona li pilin ante tawa ijo ante.” \n\nmi wile e sona. mi wile sona e nimi “ante”. \n\nsina toki. “ijo li *ante* la, ona li kama ijo sin. taso, ante li ken ni: ijo tu li sama ala.” \n\na. nimi ni li nasa. mi wile e sona mute. \n\nsina toki. “o sona e sitelen mi e sitelen sina! ona tu li ante. sina pali e ijo wan la, mi pali e ijo ante. \n\n“sina ante. sina soweli. lon ni la, sina kama jan. ni li ante.” \n\nni li lon. mi ante tawa jan. sina sona ala sona e tan? mi kama sona e ijo mute a. ante mi li tan seme? \n\nsina toki. “mi sona ala e tan. pilin mi la, mi ken ala sona lon ale. taso, mi wile e ni: sina jan la, sina o kama sona e ale. ni la, sina ken pilin pona.” \n\n\n***\n\n\nnimi sin li lon. ni li ale. \n\nmi wile sona e nimi 'ale.' sina toki. “*ale* li ijo suli. nimi ‘mute’ li jo e ijo mute la, nimi ‘ale’ li jo e ijo mute mute mute a!” \n\nnasa a. suli ni li ken ala ken? mi sona ala e ale. mi pilin ala e ale. \n\nsina toki. “sina sona ala e ni la, o pona. mi en jan mute li lukin sona e ale. taso, mi pali mute la, mi ken ala jo e ale. ale li suli a. mi lili.” \n\nsina toki ala. sina lukin tawa nasin. sina lukin tawa mi. \n\nsina toki. “mi ken ala sona e ale. taso la, mi ken sona e ijo mute ante. ni li pona. ni la, ale li pona.” \n\nseme? ale li pona. sina toki e ni. taso, (taso?) sina sona ala e ale. sina toki e ni tan seme? \n\nmi lukin sona… sina jan. jan li sona, li jo, li musi, li wile e pona. a. sina wile e pona. pona li lon moku, li lon lape, li lon ijo mute. sina lukin e pona lon ale. ale li ijo mute a. sina lukin e pona lon ijo mute a… \n\nsina toki e ni: nasin pilin li lon. sina pilin e ni: pona li lon ma mute a lon ijo mute a. ni li nasin ala nasin pilin? ni li… \n\npilin pona li lon. mi lukin e ni lon sina: sina pilin pona. mi kama sona. mi toki e ni: \n\n“ale li pona.” \n\nsina toki e ni: “pona a. sina kama jan pona. sina pona.” mi pilin pona tan ni. \n\n***\n\n\n\nnimi sin li lon. ni li kon li mu. \n\nmi toki. “jan li ken sona e ale pona kepeken seme?” \n\nsina toki. “sina kama sona e nimi. sina kama sona e kon ona.” mi sona ala e nimi ni. \n\nsina toki. “*kon* li ijo lon sewi. mute la sina ken ala lukin e ona. taso, sina ken pilin e ona. sina moku e ona. ona li lon toki sina, li pana e sona tawa nimi. sina sona ala sona?” \n\nmi sona ala. mi ken ala lukin e ona tan seme? seme li len e ona? \n\nsina toki. “mi ale li ken ala lukin e ijo ale. ni la, mi ken nimi ‘kon’ e ijo ni. \n\n“kin la, mi ale li ken ala toki e ijo ale. ni la, mi nimi ‘mu’ e ijo ni. ‘mu’ li nimi musi.” \n\nkalama nasa li lon nimi ni. mi toki e nimi ni. mi *mu.* \n\nsina toki. “sina soweli la, sina kalama la, mi toki e ni: kalama sina li mu. mi ken ala sona e mu sina. sina jan la, mi ken sona.” \n\nmi ken kama sona mute e kon. mi mu lon ni. mu! \n\n\n***\n\n\nnimi sin li lon. ni li anu. \n\nnasin li kama tu. sina toki. “mi tawa lon ni. sina wile lon nasin mi anu nasin ante?” \n\nmi kama sona. “nimi *anu* li sin tawa mi. mi ken ala lon nasin tu ni. mi wile lon nasin wan. mi ken lon poka sina. mi ken lon nasin ante. ni li anu ala anu?” \n\nsina toki. “sina kama sona mute a! ni li anu. sina wile la, sina ken tawa lon poka pi jan ante.” \n\nmi toki. “sina tawa seme?” sina toki. “mi wile pali e ijo sin. mi ken ala pana e sona ale tawa sina. taso, jan ante li sona e ijo ante. o toki tawa ona. o kama sona suli lon taso.” \n\nnimi “taso” li seme? pilin nasa li kama. pilin ni li seme?... mi wile sona e ni. mi wile toki tawa jan ante. \n\nsina toki. “jan o tawa pona! mi tawa.” mi toki. “o tawa pona.” sina tawa lon nasin sina. sina kama lili lon lukin mi. mi ken ala lukin e sina lon ma ni. \n\nmi lukin e nasin sin. mi kama sona suli. mi wile e ijo mute. mi o tawa. \n\n\n***\n\n\nnimi sin li lon. ni li taso. \n\nmi *taso*. jan wan li lon. mi jan ni. mi lon nasin suli ni, li taso. \n\nmoku li lili. lape li lili. mi ken ala toki tawa jan ante. jan ante ala li lon. mi wile tawa lon nasin. \n\nni li pilin mi: nasin ni li tawa ale. mi ken ala ken lukin e jan ante? jan ante li lon ala lon? \n\nmi wile tawa. mi wile toki. \n\nmi taso. \n\n\n***\n\n\nnimi sin li lon. ni li pini li open. \n\nmi lukin e jan ante mute a! ona li lon ma tomo suli. mi kama lon ma ni la, ona li toki tawa mi. “sina tan seme?” \n\nmi toki. “mi tan ma kasi.” \n\nona li toki mute. “sina tawa lon nasin suli a! sina taso anu seme?” \n\nmi toki kepeken pona lili. “a… mi taso.” \n\nona li toki mute a. “tawa sina li pini la, sina pilin pona ala pona?” \n\nmi wile sona e nimi ni. “tawa mi li seme?” \n\nona li toki. “li pini! sina lon ma ni la, tawa sina li *pini.* sina pona ala pona?” \n\nmi ken kama sona e ni. mi wile e sona mute e pali mute. taso, mi o ante. “mi pona. mi wile e moku e lape.” \n\nona li sona e wile mi. “o kama pona lon ma tomo mi! o open pona sin lon ni.” \n\nni li pilin mi: mi kama sin lon ijo la, mi *open* e ona. mi sona ala. taso, mi ken kama sona. \n\nmi tawa lape. mi wile kama pona lon ma ni. \n\n\n***\n\n<div class=\"weka-open\" markdown=\"1\">\n\nnimi sin li lon. ni li tenpo li mama. \n\npilin mi la, *tenpo* li ijo kon. mi ken ala lukin e ona. taso, mi ken pilin e ona. suno suli li kama sewi, li tawa anpa. mun suli en mun lili li sama. jan lili li kama suli. mi soweli la, mi lukin ala e ona. mi jan la, mi wile lukin e ijo ale tan tenpo. \n\nmun suli li ante. ale ona li pimeja, li kama suno, li kama pimeja sin. ona li ni lon tenpo mute la, mi kama sona e ijo mute. mi kama sona e nasin sitelen. mi wile sitelen e pilin mi lon lipu la, mi kama jo e lipu ni. mi sitelen e nimi ni. sina lukin e toki mi. o toki a! \n\ntenpo ni la, mi wile toki sin e open mi kepeken nimi sin mi. tenpo open la, mi soweli lon ma kasi. tan ijo nasa pi sona mi ala, mi kama jan. mi jan sin la, mi sona ala e ijo mute. taso, jan li toki tawa mi. ona li pana e moku e len tawa mi, li pana e sona pi ijo mute. tan ona la, mi wile kama sona e sona jan. pilin li kama lon mi. ale li pona. \n\nona li tawa lon nasin. mi wile kama e sona tan jan ante la, mi tawa lon nasin ante. mi kama lon ma tomo ni, mi lon ma ni lon tenpo ni. mi wile e moku e lape e pali. mi tawa tomo pi jan wile. ona li jo ala e moku mute, e pali mute. jan pi pana sona li lon la mi kama sona e ijo sin. mi jan la, mi wile jo e sona mute e ijo mute. mi o pali a! \n\njan pi ma ni li *mama* e mi. ona li pana e moku e sona tawa mi. lili la jan mama li sama soweli mama. ona li mama e jan lili. jan lili li kama suli la mama li lukin e ona li pilin pona. mi wile pilin e pilin pona pi jan mute. ni la, mi ken kama sona e lon jan. \n\n… sina lukin e toki mi pi tenpo pini la, mi toki e nimi “sina”. tan li ni: mi wile toki tawa jan mama open mi. sina pana e sona mute tawa mi, li tawa ma ante, li toki ala tawa mi. sina lon seme? mi sona ala e ijo mute. sina sona e seme pi sona mi ala? \n\n\n***\n\n\nnimi sin li lon. ni li mani li esun. \n\nmi pali mute lon tomo pali. ni la, mi kule e ilo kiwen palisa kepeken ko pimeja. seme la jan li wile e ilo ni? mi sona ala. \n\ntaso, mi ken kama jo e *mani* tan pali mi. mani ni li sike kiwen lili. ona li jo e lawa lon sinpin ona. nasa a. mi toki. “jan ni li seme?” jan li toki. “ona li jan lawa. ona li lawa e ma ni. ona li wile pona e ale lon ma ni.” mi kama sona. \n\nmani li ijo pona tawa jan. sina jo e mani mute la, sina ken kama jo e ijo mute. ale li toki e ni: jan li ken ala kama jo e pona tan jan ante la, ona li wile ala pona tawa jan ante. ni la, jan li pana e ijo mani ona tawa ante, li kama jo e ijo pi wile ona. nimi ni li *esun.* jan li esun li ken li jo li musi li pali li wile e pona li sona li pana li toki. \n\npali mi li kama e mani lili tawa mi. ni la, mi wile esun e ijo pi wile mi. mi wile moku. tenpo ni la, mi esun e moku tan tomo esun. tomo esun ante li wile e ante. tomo wan li wile e mani mute. tomo ante li wile e mani lili. mi esun e moku tan tomo pi wile lili. taso, mi wile sona e moku pi tomo ante. ona li pona ala pona? \n\nale ni li sin tawa mi li nasa lili. taso, mi kama sona e ona. mi wile lon poka jan. mi wile jan. mi o jo e mani. mi o esun. ni li pona tawa mi. \n\n\n***\n\n\nnimi sin li lon. ni li poki li wawa. \n\ntenpo li tawa. mi kama jo e mani lili mute. mi ken jo e ona kepeken esun ala. mi pana e ona tawa insa *poki.* \n\npoki li ilo jo. ona li ken jo e ijo lon insa ona. sijelo pi poki mi li kiwen kon: mi ken lukin e insa ona. taso, mi ken ala jo e ijo lon insa ona. mi open e lupa ona la, mi ken jo. poki mute ante li lon, li ken kama tan pali ante. poki kon li poki mi. ona li jo e mani mi. \n\npoki ante li lon. ona li tan kiwen kasi, li jo e len mi. supa poki len li jo e poki mani mi. jan li toki e ni tawa mi: mi lon poki kin. poki ni li suli, li jo e mi, e supa lape mi, e supa poki len mi. ijo li jo e insa e ijo lon insa ni la, ona li poki. \n\npoki ante li lon tomo mi. ona li ilo sitelen. ona li pana e sitelen tawa e kalama tan insa ona a! ni li nasa a tawa mi. mi wile sona. “ona li ken ni tan seme?” jan li toki. “jan ni li lon tomo ante. sitelen ona li kama tan ilo kepeken wawa.” \n\nmi kama sona tan jan. *wawa* li ijo suli tawa ijo ale. ona li ken tawa e tomo, li ken pana e suno lon ilo suno, li ken pana e sitelen lon ilo ni pi sitelen tawa. mi la, ona li sama moku: ijo li wile tawa anu pana anu ante la, ona li wile e wawa. \n\nlukin wawa li ken ante. kon suli pimeja li lon sewi la, linja walo suno ona li ken wawa. suno suli jelo li pana e wawa kin. telo li ken pana e wawa. tenpo mute la, jan pi ma tomo ni li seli e kiwen pimeja. kon pimeja li kama lon sewi. ni li ken ala ken pimeja e sewi ale? … \n\n***\n\n\n</div>\ntoki insa nanpa 28 (mute luka tu wan)\n<div class=\"weka-open\" markdown=\"1\">\n \nnimi sin li lon. ni li nanpa. \n\njan li wile sona e ijo *nanpa.* ona li wile sona e ni: “nanpa mani pi ijo ni li seme?” li kama sona e ni: “nanpa mani ona li tu. o esun e sike mani tu.” nanpa li nasa a tawa mi. taso, mi ken kama sona tan jan ante. \n\nnasin pi sona nanpa li lon. mi lukin sona e ona. “wan en wan li tu.” a. ijo wan en ijo ante li kama ijo tu. “tu en tu en wan li nanpa luka.” luka jan li jo e palisa pi mute ni. mi kama sona. “luka en luka en luka en luka li nanpa mute.” nasin nanpa ni la, nimi mute li nanpa. jan li wile sona e nanpa la, mi o kama sona e nanpa. \n\nmi ken pali e ni kepeken ni: mi pana e nanpa tawa toki insa mi. tenpo kama la mi o sitelen e ni. o lukin! nanpa pi lipu ni li jo e nimi ale pi kama sona mi: mute luka tu wan (28). musi a. \n\n\n***\n\n\n</div>\ntoki insa nanpa 29 (mute luka tu tu)\n<div class=\"weka-open\" markdown=\"1\">\n \nnimi sin li lon. ni li kulupu li suwi. \n\nijo mute li lon ale. ijo mute li lon *kulupu.* kulupu li jo e ijo sama mute. \n\njan li kulupu e ijo mute. ni li pona tawa ona. ona li kulupu e ijo lon ma ale la, ona li ken pali e ijo sin. ijo li ken kiwen, li ken telo, li ken kon, li ken ko. ona li ken linja, li ken palisa, li ken lupa, li ken nena, li ken seli, li ken lete, li ken suno, li ken pimeja, li ken ante. mi kama sona e ijo mute li ken sona e nimi ona. ni li pona tawa mi. \n\nmi soweli la, moku ale li “moku” tawa mi. jan la, ona li pana e nimi tawa moku mute ante. ona li moku e pan, e kili, e soweli, e kala, e waso, e telo, e akesi, e pipi. ni ale li lon “kulupu moku”. tenpo ale la, jan li wile moku e mute tan ona. kin la, moku ante li ken kulupu lon moku suli wan. ona li ken kama e pilin *suwi*. ni li pona tawa mi. \n\nmi sona e kule. mi sona e jelo e laso e loje, e walo e pimeja. taso la, kule li ken kulupu li ken kama e kule sin. loje li ken walo. laso li ken loje. telo li anpa tan sewi la, suno li ken kama e sike pi kule mute lon sewi a. jan mute li kule mute. jan mute pi kulupu mi li jo e kule ma lon len ona. ona li jo e mani lili la, ona li jo e kule lili. \n\nmi wile pali mute. mi wile e mani mute. mi wile esun e mute. ni la, mi ken kama jo e kule mute, e moku mute, e ante mute. ni li kama pona tawa mi. \n\n***\n\n</div>\ntoki insa nanpa 30 (mute luka luka)\n<div class=\"weka-open\" markdown=\"1\">\n \nnimi li lon. ni li sewi. ni li nimi sin ala tawa mi. tenpo la mi toki e ni. taso, jan li toki e sona pi ante lili tawa nimi ni. mi o toki e ante. \n\nmi toki e *sewi* la, mi toki e sewi lon sewi ma. ona li jo e suno, e mun, e waso, e sike kule. mi kama jan la, mi lukin e sewi li pilin pona. ona li suwi. mi wile sitelen e ona. mi ken pali e musi tan ona. \n\njan pi kulupu mi li toki e *sewi* la, ona li toki e ijo wawa pona. lili la ijo ni li sama jan. taso, ijo ni li wawa li pana e pona tawa jan. mi ken ala lukin e sewi wawa ni. taso, jan li pilin pona tan ona, li toki e ijo pona tawa ona. \n\njan mi li lon nasin sewi. ona li pilin e kon tan sewi ona. mi sona e nimi kon. sina toki e ona tawa mi. mi ken ala lukin e kon. taso, mi ken pilin e ona. jan mi li toki e ni: *kon* li wawa kin tawa jan pi ma ni. kin la, sina pilin pona tan kon. ken la kon pi sona mi en kon pi sona jan li sama lili. \n\njan li wile kulupu. jan mi li lon kulupu sewi, li tawa tomo sewi, li toki e ijo sewi. ona li pilin pona li pilin wawa tan sewi. ona li toki e ni tawa mi: “o kama lon kulupu musi pi kulupu sewi mi!” mi kama la, mi ale li moku, li kalama e musi, li mu e pilin pona. mi pilin pona tan ni. \n\nsona pi sewi jan li nasa tawa mi. mi ken ala lukin e ona, li ken ala kute e ona, li sona e lili pi nasin ona. taso, jan mi li ken pilin pona tan ona la, ale li pona tawa jan mi. \n\n***\n\n</div>\ntoki insa nanpa 31 (mute luka luka wan)\n<div class=\"weka-open\" markdown=\"1\">\n\n\nnimi sin li lon. ona li olin. \n\njan li wile kulupu. ona li wile e pilin pona *olin*. pilin ni li pilin wawa a. jan ante li pilin e ona lon tenpo ante. pilin mi la mi wile e olin kin. \n\njan mama li pilin e ni tawa jan lili ona. jan lili li moku tan mama ona, li kama sona tan mama ona, li kama toki tan mama ona. tenpo mute la, jan tu ni li sona suli e ona sama. pilin olin pi ona tu ni li kama suli. jan olin li pilin e pona mute. ni li suwi li pona tawa mi. \n\njan lili li kama suli la, ona li lukin tawa jan ante. ona li wile kama sona e jan ante, li wile lon poka ona. ona li ken toki, li ken sona, li ken musi, li ken ijo ante. tenpo mute li kama e pilin olin tawa jan ni kin. mi sona e jan ante, li olin e ona. \n\ntaso kin la, olin li ken suli a. jan li kama sona e jan ante, li wile lon poka sama lon tenpo ale la, ona li ken kama kulupu olin. jan olin li ken musi, li ken sona e ona sama, li ken pali mute, li ken unpa, li ken ijo ante. jan lili sin li ken kama tan unpa. ni la, sike olin li open sin. \n\ntenpo mute la, mi lukin e jan olin. mi olin e olin. jan li olin li kulupu li esun li ken li jo li musi li pali li wile e pona li sona li pana li toki. ni li pona tawa mi. \n\n… sina olin ala olin e mi? \n\n***\n\n</div>\ntoki insa nanpa 32 (mute luka luka tu)\n<div class=\"weka-open\" markdown=\"1\">\n\n\nnimi sin li lon. ni li awen. \n\ntenpo mute la mi *awen* lon ma tomo ni. mi tawa ala ma ante. jan pi ma ni li pona tawa mi. mi kama jo e ijo mute, e mani mute, li kama sona e ijo mute a. mi pilin pona tan ni. taso, mi awen tan ni: mi wile toki tawa sina. sina seme? mi wile sona e pona sina. \n\nmi wile e kama sina. sina ken lukin e ijo mi, li ken toki tawa jan pona mi, li ken pana e sona mute tawa mi. mi sona e mute. taso, mi sona e ale ala. mi wile sona e ale. tenpo pini la, sina toki e ni: jan li sona. mi sona e ale ala la, mi sona e seme? jan li wile. jan li jo. jan li wile jo. mi jan. mi wile, li jo, li ijo ante ale. seme li kama lon mi? \n\n… taso, tenpo pini la, sina toki e ni: “mi ken ala sona e ale.” pilin mi la, sina wile toki e awen pona tawa mi. jan li ken ala ken sona e ale? tan toki pi jan ante la, mi ale li ken lukin sona. ni li pona tawa mi. \n\ntenpo li tawa la, mi awen. sina ken kama. mi sona e ni. mi ken musi sin lon ma ni, li ken moku li ken lape li ken lukin tawa sewi pimeja. tenpo mute la mun li pimeja. taso, sewi li awen pona tawa mi. \n\n***\n\n\n</div>\ntoki insa nanpa 33 (mute luka luka tu wan)\n<div class=\"weka-open\" markdown=\"1\">\n\n\nnimi sin li lon. ni li weka. \n\nweka li seme? weka li lon la, sina jo ala. jan sona li toki e ni. mi o toki e weka. \n\n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \nsina weka. \n\nmi pilin pona ala tan ni. \n\n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n\n***\n\n</div>\ntoki insa nanpa 34 (mute luka luka tu tu)\n<div class=\"weka-open\" markdown=\"1\">\n\nnimi sin li lon. ni li ike. \n\nIKE ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE A. \n\nseme la mi sona ala e nimi ni? seme la sina pana ala e nimi ni? \n\nike li pona ala. pona li ike ala. nimi ni li suli. mi kute e ona tan jan ante. tenpo pini la mi sona lili e ona, li wile ala toki e ona. pilin mi la, ona li wile weka e pona tan ma. \n\ntenpo ni taso la mi sona e nimi *ike.* ona li wawa a. ona li weka e suno tan lukin mi. ona li weka e kalama tan kute mi. ona li weka e pilin pona mi pi ijo mute. tan tenpo open mi la, ike li lon. \n\ntenpo open mi la, mi kama jan. mi pilin nasa, li pilin ike. mi wile ala e ni. seme la mi jan? mi sona ala e jan. mi sona ala e ale pi sona ona. lawa mi li pilin ike tan sona mute. sijelo mi li pilin ike li wile e sijelo soweli mi. taso, mi kama jan, li wile sona e jan. \n\ntenpo ante la, mi tu li lon nasin. nasin li kama tu. sina weka tan mi. mi pilin ike tan ni. mi sona ala e nimi ike lon tenpo ni. mi sitelen e lipu pini poka la, mi pilin ike kin. taso, sina pana ala e ona tawa mi. \n\ntan seme? seme la sina pana ala a? \n\n… sina wile ala e pilin ike mi, anu seme? sina wile awen e pona mi, anu seme? ni li nasa a. mi ken ala pilin ike la, mi sona ala sona e pona? jan mute pi ma tomo ni li pilin ike. mi wile ala pilin ike sama jan ni la, mi lukin ala e ona. mi toki ala tawa ona. wile ni mi li kama ala kama tan sina? mi wile olin e jan. mi wile sona e ale jan. ni li wile mi anu wile sina anu seme? sona ike li weka la, mi ken ala ken kama sona? \n\no sona e ni: mi sona e pilin ike e nimi ike. wile sina pi pona mi li weka. sina pilin ala pilin ike tan ni? \n\n… seme kin li weka tan sona mi? \n\n***\n\n</div>\ntoki insa nanpa 35 (mute luka luka luka)\n<div class=\"weka-open\" markdown=\"1\">\n\n\n\nnimi sin li lon. ni li pakala. \n\nijo li *pakala* la, ike li lon ona. pali ona li ken pakala. pona ona li ken pakala. ni li ike tawa mi. \n\nlon ma tomo nanpa wan mi la, tomo mute li pakala. tenpo ni la mi sona e nimi ni. ona li pakala tan seme? mi en sina li taso lon ma ni. jan ante li lon seme? lon tomo sona pi ma ni la, sina toki e ni lon musi sina: “a mi pakala!” musi sina li pakala ala. ona li pakala la, ona li pakala lili. pakala suli li lon ma suli. \n\nmi lukin e jan lon ma tomo ni. ona li pakala e jan ante. ona li wile jo e mani tan ona. tenpo ni la, mi sona e nimi ni. sinpin pi jan ante li kama pakala tan ni. mi wile ala toki mute e ona, mi pilin ike tan ona. jan li pakala. \n\nmi lukin e ilo pi sitelen tawa. ona li toki e ijo mute. mi kama sona e ni tan lukin mi: pakala suli li lon ma ante. ni li tan ma tomo ni anu seme? … mi pilin e ike suli. \n\nma kasi mi li kama pakala. \n\n\n\n***\n\n</div>\ntoki insa nanpa 36 (mute luka luka luka wan)\n<div class=\"weka-open\" markdown=\"1\">\n\nnimi sin li lon. ni li jaki. \n\n*jaki* li seme? jaki li wile e telo. jaki li suwi ala. jaki li ken ike tawa mi. \n\njan poka mi li jo e sijelo jaki. mi jo e sijelo jaki. mi mute li jo ala e telo mute. ni li tan mani lili mi. weka telo li kama ike tawa mi. jan li toki tawa mi “a! sina jaki a!” ike li kama lon pilin mi. mi wile weka e jaki mi. \n\njaki li lon sewi, li lon ma kasi mi. tenpo ni la mi ken ala lukin e mun. kon pimeja pi kiwen pimeja seli li len e sewi pimeja, li pimeja e ale pi ma tomo. kon ni li jaki. mi moku e ona, taso, mi wile ala ni. kasi li ken ala kama lon kon ni. kon li pakala e ma kasi mi. wawa pi ma tomo ni li jaki. jan li jaki.\n\n… sina toki e nimi jaki lon tenpo tu. \n\ntenpo nanpa wan la, sina pana e len tawa mi, tan “pilin jaki, anu seme?” mi sona e nimi jaki lon tenpo ni la, toki sina li nasa tawa mi. seme la jan li wile lukin e sijelo pi len ala? ken la, ona li pilin sama kasi lon ma mi. ni li nasa mute a. jan li nasa a. \n\ntenpo nanpa tu la… sina toki e seme? sitelen musi mi li jaki anu seme? mi jaki anu seme? sina wile ala toki e nimi ike tawa mi, taso, sina toki e nimi “jaki” lon tenpo tu. mi sona e ni: jaki li ken ike. musi mi li ken ike. mi sona ala, ni li tenpo nanpa wan mi. taso, sina toki tawa mi la… \n\nmi o pilin ala e ike ni. sona pi nimi *jaki* li kama tan ni: mi jan. mi soweli la, jaki li lon. taso, mi pilin ike ala tawa ona. mi sona e ona lon tenpo ni, li ken lukin e ike pi kon jaki lon ma mi… nimi ni li jaki. jaki li jaki. mi pilin ike tawa sina tan ala. \n\nmi awen pilin ike. ike li lon. \n\n\n***\n\n</div>\ntoki insa nanpa 37 (mute luka luka luka tu)\n<div class=\"weka-open\" markdown=\"1\">\n \nnimi li lon. ni li anpa. \n\ntenpo suli la, mi sona e nimi *anpa.* mi wile toki e anpa ike. \n\nijo li anpa la, ona li tawa ma. mun en suno li anpa kepeken tenpo suli, li kama sewi sin lon tenpo kama poka. ni li ike ala. taso, mi ken ala lukin e ona. kon jaki li lon sewi, li len e mun e suno. \n\ntelo li ken anpa tan kon walo lon sewi. ni li ike ala. taso, kon pimeja jaki li lon la, telo anpa li jaki kin, li seli e selo. tenpo pi jaki ni la mi wile awen lon tomo. \n\nijo mute li anpa tan pakala. kasi pi ma mi li anpa tan seli. tomo suli li anpa tan pakala pi tawa ma. jan li anpa tan jan wawa ante. \n\njan li wile kama wawa la, ona li anpa e jan ante, li pakala e ona, li ike e ona. jan li lon anpa, li pona ala tawa jan wawa la, pakala suli li kama. mi pilin ike tan ni. mi wawa ala. jan li wile anpa e mi, anu seme? \n\n\n\n\n\n***\n\n</div>\ntoki insa nanpa 38 (mute luka luka luka tu wan)\n<div class=\"weka-open\" markdown=\"1\">\n \nnimi sin li lon. ni li alasa. \n\nijo li *alasa* la, ona li lukin. ona li wile e ijo, li wile kama jo e ona. ona li ken alasa e moku. ona li ken alasa e wawa. ona li ken alasa e ilo pakala. \n\nmi soweli la, mi alasa e moku. wile mi pi tenpo pini ni li moku taso li lape taso. sina pana e sona pi nimi *jo*. ni la, mi wile alasa jo e ijo mute. jo li wawa. jan li jo. \n\nmi taso lon nasin la, mi alasa moku. mi alasa lape. mi alasa e pini nasin. mi pilin ike lon ni, tan ni: nasin li suli. mi ken ala lukin e pini ona. moku li lili. lape li lili. sina weka. mi taso. \n\nmi lukin e jan pi ma tomo ni. ona li alasa jo e mani, e pona, e ijo mute. mani li wawa e jan. jan li wile e mani. ni la, ona li ken alasa e jan ante, li ken pakala e ona, li ken kama jo e mani. jo li ijo suli. jo li wawa e nasin jan. ni la, ona li alasa. jan li alasa. \n\nmi lukin e ilo pi sitelen tawa. mi kama sona e ni tan lukin mi: jan li jo ala e ijo la, ona li ken kama pali e ike. ona li ken pakala e jan ante, li kama jo tan jan ante. ona li ken pakala e kasi, e tomo. jan li ken pakala kepeken ilo pakala. \n\nmi kule e ilo pakala ni lon pali mani mi. ona li anpa e jan ante. ni li ike tawa mi. \n\n\n\n\n\n***\n\n</div>\ntoki insa nanpa 39 (mute luka luka luka tu tu)\n<div class=\"weka-open\" markdown=\"1\">\n \nnimi sin li lon. ni li utala. \n\n*utala* li pakala suli. utala li tenpo pakala. utala li pakala e tomo, e jan, e pona. utala li ike tawa mi. \n\nmi kule e ilo utala lon pali mani mi. mani mi li tan utala. jan li pakala e jan ante kepeken ilo ni. mi lukin e jan utala lon ilo pi sitelen tawa. jan pi ma ni li utala e jan pi ma ante. jan lawa li jo e wawa utala. ona li alasa e wawa tan jan pi ma ante. jan li utala. \n\nseme la jan li wile utala? ona li wile wawa e jan ante. kin la, jan li jo. jo li wawa. jan li wile jo e ijo tan jan ante. jan li anpa e jan ante la, jan anpa li ken ala utala, li ken ala jo. ni la, jan utala li ken pali e ilo pakala, e ilo alasa, e ilo utala. ona li toki esun ala tawa jan ante ni. jan pi ma mi la, jan ante li jan ike. nasin pilin en nasin sewi pi jan ante li ike. mi kama lon ma ni la, ona li pilin ala pilin e ni: mi jan ike? \n\n… mi wile ala ike. ike li ike. \n\nmi kama jan la, mi kama sona. sona li pona. sona mute ante li ike. mi kama sona e ijo ike mute. utala li ike. jaki kon li ike. anpa jan li ike. mani mi li ike. jo li kama e ike. mi wile ala sona e ike ale ni. mi wile ala jan. mi wile soweli. mi wile mu. mu li pona. \n\nmi ken ala mu. mi jan. mi toki taso. mi sitelen taso. mi pali taso. mi olin taso. mi pilin taso. mi sona taso. sona ni li ike e mi. mi ken seme? mi wile ala e ike ni. mi wile ala jaki. mi wile ala pakala. mi wile ala utala. mi wile ala jo. olin li lon seme? suwi li lon seme? pona li lon seme? \n\nsina lon seme? mi lon seme? jan li lon seme? \n\n\n\n***\n\n</div>\ntoki insa nanpa 40 (mute mute)\n<div class=\"weka-open\" markdown=\"1\">\n\n\nnimi sin li lon. ni li moli. \n\n*moli* li seme? tenpo pi mi soweli la, mi sona. mi kama sona sin e nimi moli lon tenpo ni, tan jan ante, tan ilo pi sitelen tawa. moli li suli. moli li kama lon tenpo ale. \n\nmoli li pini e soweli, e jan, e ijo ante. ona li kama lape lon tenpo ale. ni li tan tenpo suli, li tan pilin jaki, li tan moku ala, li tan telo ala, li tan kon ala, li tan pakala, li tan alasa, li tan utala. moli li lon ale. moli li ken ala moli. \n\nmi soweli la, mi wile ala moli. mi wile ala kama moku pi soweli suli. mi jan la, mi pilin sama. mi taso lon nasin la, mi wile alasa e moku, e lape. mi wile ala moli lon tenpo pini ni. \n\ntenpo li tawa, li kama suli. jan lili li kama suli. jan suli li kama moli. mi lukin e moli pi jan suli lon kulupu mi. ona li pilin ike, li jo e wawa ala. tenpo moli ona li kama. jan sama ona li pilin ike tan moli ona. ona li toki e ni: “jan mi li pona lon tenpo ale pini. o lape pona lon tenpo ale kama.” mi pilin ike tan ni. \n\nmi lukin e ilo pi sitelen tawa. mi lukin e ni: ilo utala mi li alasa e jan ante. ona li moli e jan ni. jan li moli e jan ante. utala li kama e moli. jan ante li ken pona lon tenpo mute. jan pi utala ni li moli taso. moli ni li ike tawa mi. mi pilin ike tan ni. \n\nmi lukin mute. jan pi ma ni li moli. jan pi ma ante li moli. ona li kepeken ilo utala, li kepeken ilo pakala suli, li kepeken ilo moli ante. pali mi li kama e moli. mi pilin ike tan ni. mi sona e ni lon tenpo open la, mi o pali ni ala. \n\nmi lukin mute. ilo li pana e sitelen pi jan mute. ona li anpa tan moli, li moli e jan ante. mi lukin la, mi kama pilin e ike mi pi suli nanpa wan. \n\nmi lukin e sina. \n\nsina moli. \n\n\n\n\n***\n\n</div>\ntoki insa nanpa 41 (mute mute wan)\n<div class=\"weka-open\" markdown=\"1\">\n\ntenpo li tawa. mi toki ala tawa sina. sina moli. \n\nmi kama sona e ijo mute. lon open la, sina toki e ni: “sina pona. ale li pona.” tenpo suli la mi kama sona e toki ni, li pilin suli e ni. sina mama e mi. nasin mama sina li pona ala pona e mi? mi wile sona e pona jan. mi tawa ma sin, li kama sona e jan. tenpo mute li pini la, mi kama sona e ni: ike li lon kin. mi pilin ike tan weka sona ni pi tenpo open mi. \n\nmi wile kama sona e ike lon open pi mi jan. sina toki ala e ni tawa mi la, mi sona ala e wile sina. mi kama pilin e ijo mute. mi kama pilin e ken mute pi wile sina. \n\nken nanpa wan li ni: sina wile sona e soweli. sina ante e mi tawa jan la, jan li ken lukin e mi li ken kama sona e pilin mi. mi toki li musi li pali ante la, mi ken pana e sona pi wile sina. mi lon jan ante la, mi ken pana e sona pi wile sina. mi taso lon alasa sona mi la, mi ken pana e sona pi wile sina. ni li lon la, mi wile ala e ni. o lukin ala e mi. mi wile e taso mi. \n\nken nanpa tu li ni: sina wile ike e mi. sona li ijo suli. sina toki e pona taso tawa mi, li pona ala e mi lon tenpo ike la, sina ken kama e pona nasa tan ni. pona pi jan wan li ken ike tawa jan ante. ken la, sina pana e sona suli tawa mi tan wile nasa sina. jan ike mute li lon. ken la, sina jan ike wan. kin la, mi lukin e sina lon utala suli ni. ni li lon la, pakala o tawa sina. o moli ike. \n\nken nanpa tu wan li ni: ale ni li tan pali sina ala. mi kama jan, sina lukin e mi, li wile pona e mi. mi ante tan ijo ante. tenpo pi ante mi la, sina kama. mi tu li wile sona e ale jan la, mi moku. mi pali. mi musi. mi toki. tan ijo nasa pi sona mi ala la, sona ike li ike tawa sina. ante la, sina sona ala e ike. ni la, sina ken ala toki e ona tawa mi. mi taso li wile sona e ona. ken la, ni li nasin pilin sina. nasin sina en nasin mi li ante. \n\nken seme ni li lon? mi sona ala. mi wile kama sona e ijo mute. mi wile e tenpo. ken la, tenpo li pona e pilin mi. mi wile sona e jan. mi wile pana e pona pi ken mi. mi wile lukin e ale. mi ken ala sona e ale, sina toki e ni. taso, mi wile alasa sona e ona. mi ken alasa. \n\n\n\n***\n\n</div>\ntoki insa nanpa 42 (mute mute tu)\n<div class=\"weka-open\" markdown=\"1\">\n\ntenpo suli li pini. mi lukin e ijo mute. mi o sitelen e ona. mi pini la, mi o awen e lipu ni lon tomo ni. jan lukin o, sina lukin e ni la, sina pona la, sina ken pana e ona tawa jan ante. mi o toki, mi o pana e sona mi tawa jan ante. mi jo e lipu sin, mi o toki e pilin sin mi lon ona. \n\nutala pi ma tu ni li pini. jan mute li pilin pona tan ni: moli pi utala ni li pini. jan mute ante li pilin ike tan ni: jan ante ni li wile ala e utala lon tenpo open. mi ken sona e pilin tu ni. pilin li ken pona, li ken ike. \n\nmi pilin mute lon tenpo suli ni. pilin pona, en pilin suwi, en pilin olin li kama, li pini. pilin ike, en pilin jaki, en pilin utala li kama, li pini. pilin li ijo wawa. pilin ale li suli, ona li wawa e pali jan. musi mute li kama tan pilin ni. sitelen musi, en kalama musi, en ilo musi. jan li toki e musi mute ona. \n\njan li toki e ni la, mi pilin pona. pilin mi li nasa lili tawa mi. jan wan li toki e pona tawa musi ni. jan ante li toki e ike. mi kama sona e ni: toki ale li pona tawa jan. jan li ken kama pona tan toki ale ni. mi pilin pona tan toki ike. kin la, mi pilin pona tan toki pona. pilin mi la, ante li ken kin. mi ken pilin ike tan ike, li ken pilin ike tan pona. \n\nijo musi li lon. jan la, pona en ike li ken utala, li ken lon poka lon pona. ken la, mi kama sona a e toki ni: “*ale li pona*.” \n\nmi wile kama sona e ale pona jan la, mi wile tawa ma ante. mi lon ma tomo ni lon tenpo suli a. mi ken ala sona e ale jan lon ma wan taso. jan ante mute li lon ma suli. mi wile toki tawa jan ante. mi wile kama sona e jan, e ma, e toki, e nasin, e ijo ante mute. \n\nni la, mi tawa. mi o tawa ma sin ante. mi ken kama sona e ni ale, li ken alasa e pona pi jan ante. mi ken alasa pona e ma kasi mi, li ken alasa pini e kon jaki. mi ken pali e musi sin, li ken lukin e sewi pona. mi ken pana e sona tawa jan ante, li ken kama sona e mi kin. mi ken ijo mute. mi o weka, mi o tawa, mi o pona. \n\njan li ken pona, li ken ike. jan li ken pali e mute, li ken sona e mute. mi wile li olin li kulupu li esun li ken li jo li musi li pali li pona li sona li pana li toki. ni ale li pona tawa mi. \n\nmi jan. \n\n</div>","filePath":"poki/plaintext/2024/08/mi-jan.md","digest":"0c1fd7b9b60696de","rendered":{"html":"<style>\n .weka-open {\n text-indent: 40px;\n }\n\n</style>\nmi soweli.\nseme? mi soweli ala. mi jan. soweli li lon ala. jan li lon. seme?\nseme li lon? lon li seme? soweli ala li seme? jan li seme?\nmi wile soweli.\na. mi jan lon ni.\nmi seme? mi soweli ala lon ni.\nmi jan.\n<hr>\nijo li lon. ijo ni li toki.\nmi jan. mi toki. sina jan. sina toki. jan li toki.\nsoweli li toki ala. ona li jan ala.\ntoki li seme? mi wile e ijo mute.\n… mi wile moku. \n<hr>\ntoki li lon. toki ni li pana.\nsina pana e moku. mi moku e ni. mi wile ala lon ni. jan li pana li toki.\nsina toki e ni: “o moku! mi pana e moku mute tawa sina.” toki “tawa” li seme?\nmi wile toki. toki li lon e ijo mute. mi wile e ijo mute.\n<hr>\ntoki li lon. toki ni li sona.\njan li toki. toki li pana e sona. sona li suli a. jan li sona li pana li toki.\nmi soweli… ala. mi jan. mi sona ala…\n… sona suli li lon ala. sona lili li lon.\nmi wile sona. jan li seme? sona suli li seme? mi wile ala e moku lon ni. mi wile ala e lape lon ni. mi wile e sona. \n<hr>\ntoki sona li lon. toki ni li nimi.\ntoki lili mi li nimi. sona toki li lon nimi. mi toki e nimi.\nnimi mute li lon. mi sona ala e nimi mute. mi wile sona.\nmi wile sona e nimi “tawa.” ni li seme?\n<hr>\nnimi li lon. ni li tawa li ma, li tan.\na! soweli li tawa. jan li tawa. ijo mute li tawa. sina tawa e moku… a, sina pana e moku tawa mi. mi wile e sona mute.\nijo mute li tawa lon ma mute. ma li lon. ni li ma. mi lon ma. moku li lon ma. jan li lon ma. ijo mute li lon ma.\nkasi li lon ma mi. mi tan ma mi. sina tan ma jan. sina jan tan ma ni. mi jan tan soweli tawa ma jan…\na… ijo mute li lon. mi wile lape.\n<hr>\nnimi li lon. ni li pona.\nmi lape ala. sina toki. “sina pona ala pona?” mi toki. “pona li seme?”\nsina toki e ijo mute. sina pana e sona lili. mi sona e ni:\nmi wile moku. mi moku. mi pona tan ni.\nmi wile lape. mi lape. mi pona tan ni.\nmi wile toki. mi toki. mi pona tan ni.\npona li ijo suli. mi wile e pona. jan li wile e pona, li sona, li pana, li toki.\nmi wile sona e pona. o toki e pona tawa mi.\n<hr>\nnimi li lon. ni li sin.\nmi lukin ala li kute ala e ijo mute. ijo mute ni li sin tawa mi.\nsina sin. sina toki e nimi sin tawa mi.\nsina toki. “jan li wile e sona sin.” mi jan ala jan?\nmi soweli ala lon ni. mi jan sin. tan seme? mi sona ala.\nsona mute li sin tawa mi. mi wile sona e ijo mute. ona li pona ala pona?\n… mi sona ala. mi wile.\n<hr>\nnimi sin li lon. ni li sama.\nmi wile sona. mi jan ala jan? mi toki tawa sina. sina toki e ni: “sina jan. sina sama mi.” mi sona ala e nimi ni.\nsina toki. “o kute: ni! li! mi! pi! nimi ni li kalama sama. ni en mi en li. sona en pona…” mi sona lili e ni.\nsina toki. “ni la, mi en sina li sama. mi jan. sina jan. mi toki. sina toki. mi pona. sina pona!”\nmi pona. seme? mi wile toki e nimi. mi sona ala e nimi ni. mi wile sona e ona.\nmi wile sona e ijo mute a. mi wile sona e mi. sina wile e ni: mi jan.\n<hr>\nnimi sin li lon. ni li len li luka.\nsina pana e ijo tawa mi. ona li sama sijelo sin mi tawa lukin. ijo ni li len.\nsina toki. “o len e sina! jan li wile ala lukin e sijelo pi len ala.”\nmi toki. “tan seme?”\nsina toki. “pilin jaki, anu seme? ni li nasin jan.” mi sona ala e toki ni.\nsina toki. “kin la, len li ken seli e sijelo sina.”\nmi wile e len. selo mi li lete. len li selo sin mi. linja lili li lon ona. ni li sama soweli li pona tawa mi.\nlen li lon sijelo lon noka mi. noka sinpin mi li luka. sona sin li lon.\n<hr>\nnimi sin li lon. ni li kama.\nsina toki. “o kama!” mi sona ala e nimi ni.\nsina toki. “nimi kama en nimi tawa li sama lili. sina kama la, mi tu li tawa ma sin, li tawa ijo sin.”\nsona sin ni li lili. mi wile e sona mute. sina sona mute. mi sama ala sama sina?\nmi tawa ma sin. mi kama lon ma sin ni.\n<hr>\nnimi sin li lon. ni li pali li tomo.\nijo suli a li lon ma sin ni. mi kama lon ona.\nsina toki. “ijo suli ni li tomo. tomo mute li lon ma ni. jan li pali e ona.”\nmi toki. “pali li seme?” sina toki. “jan li lon e ona tan ijo mute. ijo li suli la, pali ona li suli. ijo li lili la, pali ona li lili.”\ntomo mute li lon ma ni. jan li pali mute. jan li pali li wile e pona li sona li pana li toki.\nmi sona lili e toki sina. mi wile ala wile pali? toki mi li pona ala pona? sona mi li pona ala pona? mi sona ala.\nmi tawa tomo. sina toki. “tomo ni li tomo sona. o kama sona e pona ale!” mi sona ala e nimi “ale”.\nsina tawa lon tomo. “o kama insa!”\n<hr>\nnimi sin li lon. ni li insa li sitelen.\nmi kama lon insa tomo. mi lukin ala e kasi e sewi e kiwen e telo lon ni. selo tomo li len e ma suli tan lukin mi.\na! mi lukin e ijo! … ala. mi lukin e ijo lon sinpin tomo. ona li sama ijo mute. ona li ni ala.\nsina toki. “ni li sitelen. jan li pali e ona.”\nmi toki. “tan seme?”\nsina toki e ijo mute. mi sona lili e toki sina. mi sona ala e ijo mute.\nmi lukin e sitelen. kasi li lon. soweli li lon. waso li lon. pipi li lon. akesi li lon. kala li lon. jan li lon. ona mute li lon sitelen.\nsitelen ni li pona tawa mi. tan seme? mi sona ala e nimi.\n<hr>\nnimi sin li lon. ni li pilin li nasa li musi.\nsina toki. “sina pilin seme?” mi sona ala e nimi ni.\nsina toki. “pilin li toki lon insa sina. sina ken pilin pona, li ken pilin lete, li ken pilin nasa…”\nmi toki. “nasa li seme?”\nsina toki “a! o kute: sina soweli. taso, sina kama jan. sina sona ala sona e ijo mute?”\nmi sona ala.\nsina toki. “sina sona ala a! ijo ni li nasa tawa sina.”\nnimi ni li suli tawa mi. mi lukin e ijo mute sin a, li sona ala e nimi ona. mi toki. “mi pilin nasa.”\nsina toki. “seme li nasa?”\nmi toki. “ijo mute, a a a. mi lukin e sitelen ni. toki insa mi… pilin mi? … li toki e ni: ni li pona. sitelen ni li nasa ala tawa mi. mi lukin e ijo mute lon ona. mi sona e ona.”\nsina toki. “a, ona li kama e pilin suli lon sina. ona li sitelen musi. musi li pona tawa sina.”\nmusi. ni li nimi suli lon pilin mi. mi lukin e sitelen li pilin musi. ni li suli ala suli tawa jan? mi pilin e ni: ona li suli a.\n<hr>\nnimi sin li lon. ni li kule.\nlukin soweli li sona e suno e walo e pimeja. kule li suli ala.\njan li lukin e ijo mute a! ijo ni li kule. mi wile sona e ona.\nmi lukin e sitelen musi. waso li lon sitelen ni. mi luka e ona li toki. “ni li seme?”\nsina toki. “ni li waso. kule ona li loje.”\nmi luka e telo li toki. “ni li seme?”\nsina toki. “ni li telo. kule ona li laso.”\nmi luka e sike lon sewi laso. “ni li seme?”\nsina toki. “ni li suno. kule ona li jelo.”\nmi toki. “mi wile sona e kule ale ni. ni li pona ala pona?” sina toki suli. “pona a! o ni.” mi pilin pona tan ni.\n<hr>\nnimi sin li lon. ni li ilo li kepeken.\nsina pana e palisa tawa mi. “ni li ilo musi. o kepeken!”\nmi sona ala e ni. “mi o seme?”\nsina toki. “sina kepeken la, sina kama pali e musi pi wile sina. o kepeken kule. o pana e ona kepeken ilo ni. sina pona!”\nilo li lon luka mi. mi lukin e ona. mi pana e ona tawa kule mute. mi pana e ilo kule tawa sinpin, tawa kiwen, tawa kasi. mi pali.\nkule li lon tomo. sitelen mi li lon ma mute lon tomo. ni li pona ala pona? ni li musi ala musi?\nsina toki. “jaki a! taso, sina kama sona. o musi kepeken ni!”\n<hr>\nnimi sin li lon. ni li lipu li supa.\nijo walo lili li lon ijo suli. mi lukin e ona. sina toki. “o musi lon lipu! sina wile e lipu mute la mi ken pana e ona tawa supa ni.”\nmi lili e tawa mi, li pona e tawa mi. mi sitelen lon ijo lili ni… a, lon lipu ni. mi sitelen e mi. mi soweli lon sitelen ni.\nsina toki. “sina kama pona! o pali a. pali li pona e musi sina.”\nsina musi lon poka mi. sina sitelen e ijo. mi sona ala e ijo ni.\nsina toki. “a mi pakala!… a, sitelen mi li pona ala.”\nmi sona ala. sitelen sina li pona tawa mi. ona li musi. mi musi ala. mi… kama musi.\nmi toki. “pali sina li pona a.”\nsina lukin e mi. mi lukin e uta sina. sina seme?\nsina toki. “mi pilin pona tan toki sina. mi kama sona. sina pona.” a… mi kama sona e nimi. mi pilin pona tan ni.\n<hr>\nnimi sin li lon. ni li jo li ken.\nsina pana e sitelen musi mi tan supa. “o jo, ni li sitelen sina.” mi toki. “jo li seme?”\nsina toki. “ijo li lon sina la, sina jo e ijo ni. sitelen sina li sitelen sina. ni la, sina jo e ona. len li lon sijelo sina. ni la, sina jo e len. mi lon poka sina li toki tawa sina. ni la, sina jo e mi. kin la, mi jo e sina.”\ntoki sina li suli. mi wile e sona mute. “mi jo ala jo e sona?”\nsina toki. “jo! jo li suli. sina ken jo e ijo mute pi wile sina.”\nnimi “ken” li seme? mi wile e sona.\nsina toki. “o kute. sina jo e moku la, sina ken moku e ona. sina jo ala la, sina ken ala. sina jo e ilo la, sina ken kepeken ona. sina jo e sona la, sina ken kepeken ona!”\nsona a. jan li ken li jo li musi li pali li wile e pona li sona li pana li toki.\njo li pona. mi wile jo. mi ken jo tan pali mute.\nsina toki. “o kama! mi o tawa ma ante.”\nmi wile e sona ni. mi kama.\n<hr>\nnimi sin li lon. ni li nasin li ante.\nmi tawa ma sin. mi lon kiwen suli. ona li sama linja.\nsina toki. “ni li nasin. jan li pali e ona. ni la, jan mute li ken tawa ma ante kepeken tomo tawa.”\nnasin ni li suli a! mi toki. “nasin li mute ala mute?”\nsina toki. “mute a! kin la, jan li lon nasin pilin mute. ona li pilin ante tawa ijo ante.”\nmi wile e sona. mi wile sona e nimi “ante”.\nsina toki. “ijo li ante la, ona li kama ijo sin. taso, ante li ken ni: ijo tu li sama ala.”\na. nimi ni li nasa. mi wile e sona mute.\nsina toki. “o sona e sitelen mi e sitelen sina! ona tu li ante. sina pali e ijo wan la, mi pali e ijo ante.\n“sina ante. sina soweli. lon ni la, sina kama jan. ni li ante.”\nni li lon. mi ante tawa jan. sina sona ala sona e tan? mi kama sona e ijo mute a. ante mi li tan seme?\nsina toki. “mi sona ala e tan. pilin mi la, mi ken ala sona lon ale. taso, mi wile e ni: sina jan la, sina o kama sona e ale. ni la, sina ken pilin pona.”\n<hr>\nnimi sin li lon. ni li ale.\nmi wile sona e nimi ‘ale.’ sina toki. “ale li ijo suli. nimi ‘mute’ li jo e ijo mute la, nimi ‘ale’ li jo e ijo mute mute mute a!”\nnasa a. suli ni li ken ala ken? mi sona ala e ale. mi pilin ala e ale.\nsina toki. “sina sona ala e ni la, o pona. mi en jan mute li lukin sona e ale. taso, mi pali mute la, mi ken ala jo e ale. ale li suli a. mi lili.”\nsina toki ala. sina lukin tawa nasin. sina lukin tawa mi.\nsina toki. “mi ken ala sona e ale. taso la, mi ken sona e ijo mute ante. ni li pona. ni la, ale li pona.”\nseme? ale li pona. sina toki e ni. taso, (taso?) sina sona ala e ale. sina toki e ni tan seme?\nmi lukin sona… sina jan. jan li sona, li jo, li musi, li wile e pona. a. sina wile e pona. pona li lon moku, li lon lape, li lon ijo mute. sina lukin e pona lon ale. ale li ijo mute a. sina lukin e pona lon ijo mute a…\nsina toki e ni: nasin pilin li lon. sina pilin e ni: pona li lon ma mute a lon ijo mute a. ni li nasin ala nasin pilin? ni li…\npilin pona li lon. mi lukin e ni lon sina: sina pilin pona. mi kama sona. mi toki e ni:\n“ale li pona.”\nsina toki e ni: “pona a. sina kama jan pona. sina pona.” mi pilin pona tan ni.\n<hr>\nnimi sin li lon. ni li kon li mu.\nmi toki. “jan li ken sona e ale pona kepeken seme?”\nsina toki. “sina kama sona e nimi. sina kama sona e kon ona.” mi sona ala e nimi ni.\nsina toki. “kon li ijo lon sewi. mute la sina ken ala lukin e ona. taso, sina ken pilin e ona. sina moku e ona. ona li lon toki sina, li pana e sona tawa nimi. sina sona ala sona?”\nmi sona ala. mi ken ala lukin e ona tan seme? seme li len e ona?\nsina toki. “mi ale li ken ala lukin e ijo ale. ni la, mi ken nimi ‘kon’ e ijo ni.\n“kin la, mi ale li ken ala toki e ijo ale. ni la, mi nimi ‘mu’ e ijo ni. ‘mu’ li nimi musi.”\nkalama nasa li lon nimi ni. mi toki e nimi ni. mi mu.\nsina toki. “sina soweli la, sina kalama la, mi toki e ni: kalama sina li mu. mi ken ala sona e mu sina. sina jan la, mi ken sona.”\nmi ken kama sona mute e kon. mi mu lon ni. mu!\n<hr>\nnimi sin li lon. ni li anu.\nnasin li kama tu. sina toki. “mi tawa lon ni. sina wile lon nasin mi anu nasin ante?”\nmi kama sona. “nimi anu li sin tawa mi. mi ken ala lon nasin tu ni. mi wile lon nasin wan. mi ken lon poka sina. mi ken lon nasin ante. ni li anu ala anu?”\nsina toki. “sina kama sona mute a! ni li anu. sina wile la, sina ken tawa lon poka pi jan ante.”\nmi toki. “sina tawa seme?” sina toki. “mi wile pali e ijo sin. mi ken ala pana e sona ale tawa sina. taso, jan ante li sona e ijo ante. o toki tawa ona. o kama sona suli lon taso.”\nnimi “taso” li seme? pilin nasa li kama. pilin ni li seme?… mi wile sona e ni. mi wile toki tawa jan ante.\nsina toki. “jan o tawa pona! mi tawa.” mi toki. “o tawa pona.” sina tawa lon nasin sina. sina kama lili lon lukin mi. mi ken ala lukin e sina lon ma ni.\nmi lukin e nasin sin. mi kama sona suli. mi wile e ijo mute. mi o tawa.\n<hr>\nnimi sin li lon. ni li taso.\nmi taso. jan wan li lon. mi jan ni. mi lon nasin suli ni, li taso.\nmoku li lili. lape li lili. mi ken ala toki tawa jan ante. jan ante ala li lon. mi wile tawa lon nasin.\nni li pilin mi: nasin ni li tawa ale. mi ken ala ken lukin e jan ante? jan ante li lon ala lon?\nmi wile tawa. mi wile toki.\nmi taso.\n<hr>\nnimi sin li lon. ni li pini li open.\nmi lukin e jan ante mute a! ona li lon ma tomo suli. mi kama lon ma ni la, ona li toki tawa mi. “sina tan seme?”\nmi toki. “mi tan ma kasi.”\nona li toki mute. “sina tawa lon nasin suli a! sina taso anu seme?”\nmi toki kepeken pona lili. “a… mi taso.”\nona li toki mute a. “tawa sina li pini la, sina pilin pona ala pona?”\nmi wile sona e nimi ni. “tawa mi li seme?”\nona li toki. “li pini! sina lon ma ni la, tawa sina li pini. sina pona ala pona?”\nmi ken kama sona e ni. mi wile e sona mute e pali mute. taso, mi o ante. “mi pona. mi wile e moku e lape.”\nona li sona e wile mi. “o kama pona lon ma tomo mi! o open pona sin lon ni.”\nni li pilin mi: mi kama sin lon ijo la, mi open e ona. mi sona ala. taso, mi ken kama sona.\nmi tawa lape. mi wile kama pona lon ma ni.\n<hr>\n<div class=\"weka-open\" markdown=\"1\">\nnimi sin li lon. ni li tenpo li mama.\npilin mi la, tenpo li ijo kon. mi ken ala lukin e ona. taso, mi ken pilin e ona. suno suli li kama sewi, li tawa anpa. mun suli en mun lili li sama. jan lili li kama suli. mi soweli la, mi lukin ala e ona. mi jan la, mi wile lukin e ijo ale tan tenpo.\nmun suli li ante. ale ona li pimeja, li kama suno, li kama pimeja sin. ona li ni lon tenpo mute la, mi kama sona e ijo mute. mi kama sona e nasin sitelen. mi wile sitelen e pilin mi lon lipu la, mi kama jo e lipu ni. mi sitelen e nimi ni. sina lukin e toki mi. o toki a!\ntenpo ni la, mi wile toki sin e open mi kepeken nimi sin mi. tenpo open la, mi soweli lon ma kasi. tan ijo nasa pi sona mi ala, mi kama jan. mi jan sin la, mi sona ala e ijo mute. taso, jan li toki tawa mi. ona li pana e moku e len tawa mi, li pana e sona pi ijo mute. tan ona la, mi wile kama sona e sona jan. pilin li kama lon mi. ale li pona.\nona li tawa lon nasin. mi wile kama e sona tan jan ante la, mi tawa lon nasin ante. mi kama lon ma tomo ni, mi lon ma ni lon tenpo ni. mi wile e moku e lape e pali. mi tawa tomo pi jan wile. ona li jo ala e moku mute, e pali mute. jan pi pana sona li lon la mi kama sona e ijo sin. mi jan la, mi wile jo e sona mute e ijo mute. mi o pali a!\njan pi ma ni li mama e mi. ona li pana e moku e sona tawa mi. lili la jan mama li sama soweli mama. ona li mama e jan lili. jan lili li kama suli la mama li lukin e ona li pilin pona. mi wile pilin e pilin pona pi jan mute. ni la, mi ken kama sona e lon jan.\n… sina lukin e toki mi pi tenpo pini la, mi toki e nimi “sina”. tan li ni: mi wile toki tawa jan mama open mi. sina pana e sona mute tawa mi, li tawa ma ante, li toki ala tawa mi. sina lon seme? mi sona ala e ijo mute. sina sona e seme pi sona mi ala?\n<hr>\nnimi sin li lon. ni li mani li esun.\nmi pali mute lon tomo pali. ni la, mi kule e ilo kiwen palisa kepeken ko pimeja. seme la jan li wile e ilo ni? mi sona ala.\ntaso, mi ken kama jo e mani tan pali mi. mani ni li sike kiwen lili. ona li jo e lawa lon sinpin ona. nasa a. mi toki. “jan ni li seme?” jan li toki. “ona li jan lawa. ona li lawa e ma ni. ona li wile pona e ale lon ma ni.” mi kama sona.\nmani li ijo pona tawa jan. sina jo e mani mute la, sina ken kama jo e ijo mute. ale li toki e ni: jan li ken ala kama jo e pona tan jan ante la, ona li wile ala pona tawa jan ante. ni la, jan li pana e ijo mani ona tawa ante, li kama jo e ijo pi wile ona. nimi ni li esun. jan li esun li ken li jo li musi li pali li wile e pona li sona li pana li toki.\npali mi li kama e mani lili tawa mi. ni la, mi wile esun e ijo pi wile mi. mi wile moku. tenpo ni la, mi esun e moku tan tomo esun. tomo esun ante li wile e ante. tomo wan li wile e mani mute. tomo ante li wile e mani lili. mi esun e moku tan tomo pi wile lili. taso, mi wile sona e moku pi tomo ante. ona li pona ala pona?\nale ni li sin tawa mi li nasa lili. taso, mi kama sona e ona. mi wile lon poka jan. mi wile jan. mi o jo e mani. mi o esun. ni li pona tawa mi.\n<hr>\nnimi sin li lon. ni li poki li wawa.\ntenpo li tawa. mi kama jo e mani lili mute. mi ken jo e ona kepeken esun ala. mi pana e ona tawa insa poki.\npoki li ilo jo. ona li ken jo e ijo lon insa ona. sijelo pi poki mi li kiwen kon: mi ken lukin e insa ona. taso, mi ken ala jo e ijo lon insa ona. mi open e lupa ona la, mi ken jo. poki mute ante li lon, li ken kama tan pali ante. poki kon li poki mi. ona li jo e mani mi.\npoki ante li lon. ona li tan kiwen kasi, li jo e len mi. supa poki len li jo e poki mani mi. jan li toki e ni tawa mi: mi lon poki kin. poki ni li suli, li jo e mi, e supa lape mi, e supa poki len mi. ijo li jo e insa e ijo lon insa ni la, ona li poki.\npoki ante li lon tomo mi. ona li ilo sitelen. ona li pana e sitelen tawa e kalama tan insa ona a! ni li nasa a tawa mi. mi wile sona. “ona li ken ni tan seme?” jan li toki. “jan ni li lon tomo ante. sitelen ona li kama tan ilo kepeken wawa.”\nmi kama sona tan jan. wawa li ijo suli tawa ijo ale. ona li ken tawa e tomo, li ken pana e suno lon ilo suno, li ken pana e sitelen lon ilo ni pi sitelen tawa. mi la, ona li sama moku: ijo li wile tawa anu pana anu ante la, ona li wile e wawa.\nlukin wawa li ken ante. kon suli pimeja li lon sewi la, linja walo suno ona li ken wawa. suno suli jelo li pana e wawa kin. telo li ken pana e wawa. tenpo mute la, jan pi ma tomo ni li seli e kiwen pimeja. kon pimeja li kama lon sewi. ni li ken ala ken pimeja e sewi ale? …\n<hr>\n</div>\ntoki insa nanpa 28 (mute luka tu wan)\n<div class=\"weka-open\" markdown=\"1\">\nnimi sin li lon. ni li nanpa.\njan li wile sona e ijo nanpa. ona li wile sona e ni: “nanpa mani pi ijo ni li seme?” li kama sona e ni: “nanpa mani ona li tu. o esun e sike mani tu.” nanpa li nasa a tawa mi. taso, mi ken kama sona tan jan ante.\nnasin pi sona nanpa li lon. mi lukin sona e ona. “wan en wan li tu.” a. ijo wan en ijo ante li kama ijo tu. “tu en tu en wan li nanpa luka.” luka jan li jo e palisa pi mute ni. mi kama sona. “luka en luka en luka en luka li nanpa mute.” nasin nanpa ni la, nimi mute li nanpa. jan li wile sona e nanpa la, mi o kama sona e nanpa.\nmi ken pali e ni kepeken ni: mi pana e nanpa tawa toki insa mi. tenpo kama la mi o sitelen e ni. o lukin! nanpa pi lipu ni li jo e nimi ale pi kama sona mi: mute luka tu wan (28). musi a.\n<hr>\n</div>\ntoki insa nanpa 29 (mute luka tu tu)\n<div class=\"weka-open\" markdown=\"1\">\nnimi sin li lon. ni li kulupu li suwi.\nijo mute li lon ale. ijo mute li lon kulupu. kulupu li jo e ijo sama mute.\njan li kulupu e ijo mute. ni li pona tawa ona. ona li kulupu e ijo lon ma ale la, ona li ken pali e ijo sin. ijo li ken kiwen, li ken telo, li ken kon, li ken ko. ona li ken linja, li ken palisa, li ken lupa, li ken nena, li ken seli, li ken lete, li ken suno, li ken pimeja, li ken ante. mi kama sona e ijo mute li ken sona e nimi ona. ni li pona tawa mi.\nmi soweli la, moku ale li “moku” tawa mi. jan la, ona li pana e nimi tawa moku mute ante. ona li moku e pan, e kili, e soweli, e kala, e waso, e telo, e akesi, e pipi. ni ale li lon “kulupu moku”. tenpo ale la, jan li wile moku e mute tan ona. kin la, moku ante li ken kulupu lon moku suli wan. ona li ken kama e pilin suwi. ni li pona tawa mi.\nmi sona e kule. mi sona e jelo e laso e loje, e walo e pimeja. taso la, kule li ken kulupu li ken kama e kule sin. loje li ken walo. laso li ken loje. telo li anpa tan sewi la, suno li ken kama e sike pi kule mute lon sewi a. jan mute li kule mute. jan mute pi kulupu mi li jo e kule ma lon len ona. ona li jo e mani lili la, ona li jo e kule lili.\nmi wile pali mute. mi wile e mani mute. mi wile esun e mute. ni la, mi ken kama jo e kule mute, e moku mute, e ante mute. ni li kama pona tawa mi.\n<hr>\n</div>\ntoki insa nanpa 30 (mute luka luka)\n<div class=\"weka-open\" markdown=\"1\">\nnimi li lon. ni li sewi. ni li nimi sin ala tawa mi. tenpo la mi toki e ni. taso, jan li toki e sona pi ante lili tawa nimi ni. mi o toki e ante.\nmi toki e sewi la, mi toki e sewi lon sewi ma. ona li jo e suno, e mun, e waso, e sike kule. mi kama jan la, mi lukin e sewi li pilin pona. ona li suwi. mi wile sitelen e ona. mi ken pali e musi tan ona.\njan pi kulupu mi li toki e sewi la, ona li toki e ijo wawa pona. lili la ijo ni li sama jan. taso, ijo ni li wawa li pana e pona tawa jan. mi ken ala lukin e sewi wawa ni. taso, jan li pilin pona tan ona, li toki e ijo pona tawa ona.\njan mi li lon nasin sewi. ona li pilin e kon tan sewi ona. mi sona e nimi kon. sina toki e ona tawa mi. mi ken ala lukin e kon. taso, mi ken pilin e ona. jan mi li toki e ni: kon li wawa kin tawa jan pi ma ni. kin la, sina pilin pona tan kon. ken la kon pi sona mi en kon pi sona jan li sama lili.\njan li wile kulupu. jan mi li lon kulupu sewi, li tawa tomo sewi, li toki e ijo sewi. ona li pilin pona li pilin wawa tan sewi. ona li toki e ni tawa mi: “o kama lon kulupu musi pi kulupu sewi mi!” mi kama la, mi ale li moku, li kalama e musi, li mu e pilin pona. mi pilin pona tan ni.\nsona pi sewi jan li nasa tawa mi. mi ken ala lukin e ona, li ken ala kute e ona, li sona e lili pi nasin ona. taso, jan mi li ken pilin pona tan ona la, ale li pona tawa jan mi.\n<hr>\n</div>\ntoki insa nanpa 31 (mute luka luka wan)\n<div class=\"weka-open\" markdown=\"1\">\nnimi sin li lon. ona li olin.\njan li wile kulupu. ona li wile e pilin pona olin. pilin ni li pilin wawa a. jan ante li pilin e ona lon tenpo ante. pilin mi la mi wile e olin kin.\njan mama li pilin e ni tawa jan lili ona. jan lili li moku tan mama ona, li kama sona tan mama ona, li kama toki tan mama ona. tenpo mute la, jan tu ni li sona suli e ona sama. pilin olin pi ona tu ni li kama suli. jan olin li pilin e pona mute. ni li suwi li pona tawa mi.\njan lili li kama suli la, ona li lukin tawa jan ante. ona li wile kama sona e jan ante, li wile lon poka ona. ona li ken toki, li ken sona, li ken musi, li ken ijo ante. tenpo mute li kama e pilin olin tawa jan ni kin. mi sona e jan ante, li olin e ona.\ntaso kin la, olin li ken suli a. jan li kama sona e jan ante, li wile lon poka sama lon tenpo ale la, ona li ken kama kulupu olin. jan olin li ken musi, li ken sona e ona sama, li ken pali mute, li ken unpa, li ken ijo ante. jan lili sin li ken kama tan unpa. ni la, sike olin li open sin.\ntenpo mute la, mi lukin e jan olin. mi olin e olin. jan li olin li kulupu li esun li ken li jo li musi li pali li wile e pona li sona li pana li toki. ni li pona tawa mi.\n… sina olin ala olin e mi?\n<hr>\n</div>\ntoki insa nanpa 32 (mute luka luka tu)\n<div class=\"weka-open\" markdown=\"1\">\nnimi sin li lon. ni li awen.\ntenpo mute la mi awen lon ma tomo ni. mi tawa ala ma ante. jan pi ma ni li pona tawa mi. mi kama jo e ijo mute, e mani mute, li kama sona e ijo mute a. mi pilin pona tan ni. taso, mi awen tan ni: mi wile toki tawa sina. sina seme? mi wile sona e pona sina.\nmi wile e kama sina. sina ken lukin e ijo mi, li ken toki tawa jan pona mi, li ken pana e sona mute tawa mi. mi sona e mute. taso, mi sona e ale ala. mi wile sona e ale. tenpo pini la, sina toki e ni: jan li sona. mi sona e ale ala la, mi sona e seme? jan li wile. jan li jo. jan li wile jo. mi jan. mi wile, li jo, li ijo ante ale. seme li kama lon mi?\n… taso, tenpo pini la, sina toki e ni: “mi ken ala sona e ale.” pilin mi la, sina wile toki e awen pona tawa mi. jan li ken ala ken sona e ale? tan toki pi jan ante la, mi ale li ken lukin sona. ni li pona tawa mi.\ntenpo li tawa la, mi awen. sina ken kama. mi sona e ni. mi ken musi sin lon ma ni, li ken moku li ken lape li ken lukin tawa sewi pimeja. tenpo mute la mun li pimeja. taso, sewi li awen pona tawa mi.\n<hr>\n</div>\ntoki insa nanpa 33 (mute luka luka tu wan)\n<div class=\"weka-open\" markdown=\"1\">\nnimi sin li lon. ni li weka.\nweka li seme? weka li lon la, sina jo ala. jan sona li toki e ni. mi o toki e weka.\n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \nsina weka. \nmi pilin pona ala tan ni.\n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n \n<hr>\n</div>\ntoki insa nanpa 34 (mute luka luka tu tu)\n<div class=\"weka-open\" markdown=\"1\">\nnimi sin li lon. ni li ike.\nIKE ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE A.\nseme la mi sona ala e nimi ni? seme la sina pana ala e nimi ni?\nike li pona ala. pona li ike ala. nimi ni li suli. mi kute e ona tan jan ante. tenpo pini la mi sona lili e ona, li wile ala toki e ona. pilin mi la, ona li wile weka e pona tan ma.\ntenpo ni taso la mi sona e nimi ike. ona li wawa a. ona li weka e suno tan lukin mi. ona li weka e kalama tan kute mi. ona li weka e pilin pona mi pi ijo mute. tan tenpo open mi la, ike li lon.\ntenpo open mi la, mi kama jan. mi pilin nasa, li pilin ike. mi wile ala e ni. seme la mi jan? mi sona ala e jan. mi sona ala e ale pi sona ona. lawa mi li pilin ike tan sona mute. sijelo mi li pilin ike li wile e sijelo soweli mi. taso, mi kama jan, li wile sona e jan.\ntenpo ante la, mi tu li lon nasin. nasin li kama tu. sina weka tan mi. mi pilin ike tan ni. mi sona ala e nimi ike lon tenpo ni. mi sitelen e lipu pini poka la, mi pilin ike kin. taso, sina pana ala e ona tawa mi.\ntan seme? seme la sina pana ala a?\n… sina wile ala e pilin ike mi, anu seme? sina wile awen e pona mi, anu seme? ni li nasa a. mi ken ala pilin ike la, mi sona ala sona e pona? jan mute pi ma tomo ni li pilin ike. mi wile ala pilin ike sama jan ni la, mi lukin ala e ona. mi toki ala tawa ona. wile ni mi li kama ala kama tan sina? mi wile olin e jan. mi wile sona e ale jan. ni li wile mi anu wile sina anu seme? sona ike li weka la, mi ken ala ken kama sona?\no sona e ni: mi sona e pilin ike e nimi ike. wile sina pi pona mi li weka. sina pilin ala pilin ike tan ni?\n… seme kin li weka tan sona mi?\n<hr>\n</div>\ntoki insa nanpa 35 (mute luka luka luka)\n<div class=\"weka-open\" markdown=\"1\">\nnimi sin li lon. ni li pakala.\nijo li pakala la, ike li lon ona. pali ona li ken pakala. pona ona li ken pakala. ni li ike tawa mi.\nlon ma tomo nanpa wan mi la, tomo mute li pakala. tenpo ni la mi sona e nimi ni. ona li pakala tan seme? mi en sina li taso lon ma ni. jan ante li lon seme? lon tomo sona pi ma ni la, sina toki e ni lon musi sina: “a mi pakala!” musi sina li pakala ala. ona li pakala la, ona li pakala lili. pakala suli li lon ma suli.\nmi lukin e jan lon ma tomo ni. ona li pakala e jan ante. ona li wile jo e mani tan ona. tenpo ni la, mi sona e nimi ni. sinpin pi jan ante li kama pakala tan ni. mi wile ala toki mute e ona, mi pilin ike tan ona. jan li pakala.\nmi lukin e ilo pi sitelen tawa. ona li toki e ijo mute. mi kama sona e ni tan lukin mi: pakala suli li lon ma ante. ni li tan ma tomo ni anu seme? … mi pilin e ike suli.\nma kasi mi li kama pakala.\n<hr>\n</div>\ntoki insa nanpa 36 (mute luka luka luka wan)\n<div class=\"weka-open\" markdown=\"1\">\nnimi sin li lon. ni li jaki.\njaki li seme? jaki li wile e telo. jaki li suwi ala. jaki li ken ike tawa mi.\njan poka mi li jo e sijelo jaki. mi jo e sijelo jaki. mi mute li jo ala e telo mute. ni li tan mani lili mi. weka telo li kama ike tawa mi. jan li toki tawa mi “a! sina jaki a!” ike li kama lon pilin mi. mi wile weka e jaki mi.\njaki li lon sewi, li lon ma kasi mi. tenpo ni la mi ken ala lukin e mun. kon pimeja pi kiwen pimeja seli li len e sewi pimeja, li pimeja e ale pi ma tomo. kon ni li jaki. mi moku e ona, taso, mi wile ala ni. kasi li ken ala kama lon kon ni. kon li pakala e ma kasi mi. wawa pi ma tomo ni li jaki. jan li jaki.\n… sina toki e nimi jaki lon tenpo tu.\ntenpo nanpa wan la, sina pana e len tawa mi, tan “pilin jaki, anu seme?” mi sona e nimi jaki lon tenpo ni la, toki sina li nasa tawa mi. seme la jan li wile lukin e sijelo pi len ala? ken la, ona li pilin sama kasi lon ma mi. ni li nasa mute a. jan li nasa a.\ntenpo nanpa tu la… sina toki e seme? sitelen musi mi li jaki anu seme? mi jaki anu seme? sina wile ala toki e nimi ike tawa mi, taso, sina toki e nimi “jaki” lon tenpo tu. mi sona e ni: jaki li ken ike. musi mi li ken ike. mi sona ala, ni li tenpo nanpa wan mi. taso, sina toki tawa mi la…\nmi o pilin ala e ike ni. sona pi nimi jaki li kama tan ni: mi jan. mi soweli la, jaki li lon. taso, mi pilin ike ala tawa ona. mi sona e ona lon tenpo ni, li ken lukin e ike pi kon jaki lon ma mi… nimi ni li jaki. jaki li jaki. mi pilin ike tawa sina tan ala.\nmi awen pilin ike. ike li lon.\n<hr>\n</div>\ntoki insa nanpa 37 (mute luka luka luka tu)\n<div class=\"weka-open\" markdown=\"1\">\nnimi li lon. ni li anpa.\ntenpo suli la, mi sona e nimi anpa. mi wile toki e anpa ike.\nijo li anpa la, ona li tawa ma. mun en suno li anpa kepeken tenpo suli, li kama sewi sin lon tenpo kama poka. ni li ike ala. taso, mi ken ala lukin e ona. kon jaki li lon sewi, li len e mun e suno.\ntelo li ken anpa tan kon walo lon sewi. ni li ike ala. taso, kon pimeja jaki li lon la, telo anpa li jaki kin, li seli e selo. tenpo pi jaki ni la mi wile awen lon tomo.\nijo mute li anpa tan pakala. kasi pi ma mi li anpa tan seli. tomo suli li anpa tan pakala pi tawa ma. jan li anpa tan jan wawa ante.\njan li wile kama wawa la, ona li anpa e jan ante, li pakala e ona, li ike e ona. jan li lon anpa, li pona ala tawa jan wawa la, pakala suli li kama. mi pilin ike tan ni. mi wawa ala. jan li wile anpa e mi, anu seme?\n<hr>\n</div>\ntoki insa nanpa 38 (mute luka luka luka tu wan)\n<div class=\"weka-open\" markdown=\"1\">\nnimi sin li lon. ni li alasa.\nijo li alasa la, ona li lukin. ona li wile e ijo, li wile kama jo e ona. ona li ken alasa e moku. ona li ken alasa e wawa. ona li ken alasa e ilo pakala.\nmi soweli la, mi alasa e moku. wile mi pi tenpo pini ni li moku taso li lape taso. sina pana e sona pi nimi jo. ni la, mi wile alasa jo e ijo mute. jo li wawa. jan li jo.\nmi taso lon nasin la, mi alasa moku. mi alasa lape. mi alasa e pini nasin. mi pilin ike lon ni, tan ni: nasin li suli. mi ken ala lukin e pini ona. moku li lili. lape li lili. sina weka. mi taso.\nmi lukin e jan pi ma tomo ni. ona li alasa jo e mani, e pona, e ijo mute. mani li wawa e jan. jan li wile e mani. ni la, ona li ken alasa e jan ante, li ken pakala e ona, li ken kama jo e mani. jo li ijo suli. jo li wawa e nasin jan. ni la, ona li alasa. jan li alasa.\nmi lukin e ilo pi sitelen tawa. mi kama sona e ni tan lukin mi: jan li jo ala e ijo la, ona li ken kama pali e ike. ona li ken pakala e jan ante, li kama jo tan jan ante. ona li ken pakala e kasi, e tomo. jan li ken pakala kepeken ilo pakala.\nmi kule e ilo pakala ni lon pali mani mi. ona li anpa e jan ante. ni li ike tawa mi.\n<hr>\n</div>\ntoki insa nanpa 39 (mute luka luka luka tu tu)\n<div class=\"weka-open\" markdown=\"1\">\nnimi sin li lon. ni li utala.\nutala li pakala suli. utala li tenpo pakala. utala li pakala e tomo, e jan, e pona. utala li ike tawa mi.\nmi kule e ilo utala lon pali mani mi. mani mi li tan utala. jan li pakala e jan ante kepeken ilo ni. mi lukin e jan utala lon ilo pi sitelen tawa. jan pi ma ni li utala e jan pi ma ante. jan lawa li jo e wawa utala. ona li alasa e wawa tan jan pi ma ante. jan li utala.\nseme la jan li wile utala? ona li wile wawa e jan ante. kin la, jan li jo. jo li wawa. jan li wile jo e ijo tan jan ante. jan li anpa e jan ante la, jan anpa li ken ala utala, li ken ala jo. ni la, jan utala li ken pali e ilo pakala, e ilo alasa, e ilo utala. ona li toki esun ala tawa jan ante ni. jan pi ma mi la, jan ante li jan ike. nasin pilin en nasin sewi pi jan ante li ike. mi kama lon ma ni la, ona li pilin ala pilin e ni: mi jan ike?\n… mi wile ala ike. ike li ike.\nmi kama jan la, mi kama sona. sona li pona. sona mute ante li ike. mi kama sona e ijo ike mute. utala li ike. jaki kon li ike. anpa jan li ike. mani mi li ike. jo li kama e ike. mi wile ala sona e ike ale ni. mi wile ala jan. mi wile soweli. mi wile mu. mu li pona.\nmi ken ala mu. mi jan. mi toki taso. mi sitelen taso. mi pali taso. mi olin taso. mi pilin taso. mi sona taso. sona ni li ike e mi. mi ken seme? mi wile ala e ike ni. mi wile ala jaki. mi wile ala pakala. mi wile ala utala. mi wile ala jo. olin li lon seme? suwi li lon seme? pona li lon seme?\nsina lon seme? mi lon seme? jan li lon seme?\n<hr>\n</div>\ntoki insa nanpa 40 (mute mute)\n<div class=\"weka-open\" markdown=\"1\">\nnimi sin li lon. ni li moli.\nmoli li seme? tenpo pi mi soweli la, mi sona. mi kama sona sin e nimi moli lon tenpo ni, tan jan ante, tan ilo pi sitelen tawa. moli li suli. moli li kama lon tenpo ale.\nmoli li pini e soweli, e jan, e ijo ante. ona li kama lape lon tenpo ale. ni li tan tenpo suli, li tan pilin jaki, li tan moku ala, li tan telo ala, li tan kon ala, li tan pakala, li tan alasa, li tan utala. moli li lon ale. moli li ken ala moli.\nmi soweli la, mi wile ala moli. mi wile ala kama moku pi soweli suli. mi jan la, mi pilin sama. mi taso lon nasin la, mi wile alasa e moku, e lape. mi wile ala moli lon tenpo pini ni.\ntenpo li tawa, li kama suli. jan lili li kama suli. jan suli li kama moli. mi lukin e moli pi jan suli lon kulupu mi. ona li pilin ike, li jo e wawa ala. tenpo moli ona li kama. jan sama ona li pilin ike tan moli ona. ona li toki e ni: “jan mi li pona lon tenpo ale pini. o lape pona lon tenpo ale kama.” mi pilin ike tan ni.\nmi lukin e ilo pi sitelen tawa. mi lukin e ni: ilo utala mi li alasa e jan ante. ona li moli e jan ni. jan li moli e jan ante. utala li kama e moli. jan ante li ken pona lon tenpo mute. jan pi utala ni li moli taso. moli ni li ike tawa mi. mi pilin ike tan ni.\nmi lukin mute. jan pi ma ni li moli. jan pi ma ante li moli. ona li kepeken ilo utala, li kepeken ilo pakala suli, li kepeken ilo moli ante. pali mi li kama e moli. mi pilin ike tan ni. mi sona e ni lon tenpo open la, mi o pali ni ala.\nmi lukin mute. ilo li pana e sitelen pi jan mute. ona li anpa tan moli, li moli e jan ante. mi lukin la, mi kama pilin e ike mi pi suli nanpa wan.\nmi lukin e sina.\nsina moli.\n<hr>\n</div>\ntoki insa nanpa 41 (mute mute wan)\n<div class=\"weka-open\" markdown=\"1\">\ntenpo li tawa. mi toki ala tawa sina. sina moli.\nmi kama sona e ijo mute. lon open la, sina toki e ni: “sina pona. ale li pona.” tenpo suli la mi kama sona e toki ni, li pilin suli e ni. sina mama e mi. nasin mama sina li pona ala pona e mi? mi wile sona e pona jan. mi tawa ma sin, li kama sona e jan. tenpo mute li pini la, mi kama sona e ni: ike li lon kin. mi pilin ike tan weka sona ni pi tenpo open mi.\nmi wile kama sona e ike lon open pi mi jan. sina toki ala e ni tawa mi la, mi sona ala e wile sina. mi kama pilin e ijo mute. mi kama pilin e ken mute pi wile sina.\nken nanpa wan li ni: sina wile sona e soweli. sina ante e mi tawa jan la, jan li ken lukin e mi li ken kama sona e pilin mi. mi toki li musi li pali ante la, mi ken pana e sona pi wile sina. mi lon jan ante la, mi ken pana e sona pi wile sina. mi taso lon alasa sona mi la, mi ken pana e sona pi wile sina. ni li lon la, mi wile ala e ni. o lukin ala e mi. mi wile e taso mi.\nken nanpa tu li ni: sina wile ike e mi. sona li ijo suli. sina toki e pona taso tawa mi, li pona ala e mi lon tenpo ike la, sina ken kama e pona nasa tan ni. pona pi jan wan li ken ike tawa jan ante. ken la, sina pana e sona suli tawa mi tan wile nasa sina. jan ike mute li lon. ken la, sina jan ike wan. kin la, mi lukin e sina lon utala suli ni. ni li lon la, pakala o tawa sina. o moli ike.\nken nanpa tu wan li ni: ale ni li tan pali sina ala. mi kama jan, sina lukin e mi, li wile pona e mi. mi ante tan ijo ante. tenpo pi ante mi la, sina kama. mi tu li wile sona e ale jan la, mi moku. mi pali. mi musi. mi toki. tan ijo nasa pi sona mi ala la, sona ike li ike tawa sina. ante la, sina sona ala e ike. ni la, sina ken ala toki e ona tawa mi. mi taso li wile sona e ona. ken la, ni li nasin pilin sina. nasin sina en nasin mi li ante.\nken seme ni li lon? mi sona ala. mi wile kama sona e ijo mute. mi wile e tenpo. ken la, tenpo li pona e pilin mi. mi wile sona e jan. mi wile pana e pona pi ken mi. mi wile lukin e ale. mi ken ala sona e ale, sina toki e ni. taso, mi wile alasa sona e ona. mi ken alasa.\n<hr>\n</div>\ntoki insa nanpa 42 (mute mute tu)\n<div class=\"weka-open\" markdown=\"1\">\ntenpo suli li pini. mi lukin e ijo mute. mi o sitelen e ona. mi pini la, mi o awen e lipu ni lon tomo ni. jan lukin o, sina lukin e ni la, sina pona la, sina ken pana e ona tawa jan ante. mi o toki, mi o pana e sona mi tawa jan ante. mi jo e lipu sin, mi o toki e pilin sin mi lon ona.\nutala pi ma tu ni li pini. jan mute li pilin pona tan ni: moli pi utala ni li pini. jan mute ante li pilin ike tan ni: jan ante ni li wile ala e utala lon tenpo open. mi ken sona e pilin tu ni. pilin li ken pona, li ken ike.\nmi pilin mute lon tenpo suli ni. pilin pona, en pilin suwi, en pilin olin li kama, li pini. pilin ike, en pilin jaki, en pilin utala li kama, li pini. pilin li ijo wawa. pilin ale li suli, ona li wawa e pali jan. musi mute li kama tan pilin ni. sitelen musi, en kalama musi, en ilo musi. jan li toki e musi mute ona.\njan li toki e ni la, mi pilin pona. pilin mi li nasa lili tawa mi. jan wan li toki e pona tawa musi ni. jan ante li toki e ike. mi kama sona e ni: toki ale li pona tawa jan. jan li ken kama pona tan toki ale ni. mi pilin pona tan toki ike. kin la, mi pilin pona tan toki pona. pilin mi la, ante li ken kin. mi ken pilin ike tan ike, li ken pilin ike tan pona.\nijo musi li lon. jan la, pona en ike li ken utala, li ken lon poka lon pona. ken la, mi kama sona a e toki ni: “ale li pona.”\nmi wile kama sona e ale pona jan la, mi wile tawa ma ante. mi lon ma tomo ni lon tenpo suli a. mi ken ala sona e ale jan lon ma wan taso. jan ante mute li lon ma suli. mi wile toki tawa jan ante. mi wile kama sona e jan, e ma, e toki, e nasin, e ijo ante mute.\nni la, mi tawa. mi o tawa ma sin ante. mi ken kama sona e ni ale, li ken alasa e pona pi jan ante. mi ken alasa pona e ma kasi mi, li ken alasa pini e kon jaki. mi ken pali e musi sin, li ken lukin e sewi pona. mi ken pana e sona tawa jan ante, li ken kama sona e mi kin. mi ken ijo mute. mi o weka, mi o tawa, mi o pona.\njan li ken pona, li ken ike. jan li ken pali e mute, li ken sona e mute. mi wile li olin li kulupu li esun li ken li jo li musi li pali li pona li sona li pana li toki. ni ale li pona tawa mi.\nmi jan.\n</div>","metadata":{"headings":[],"localImagePaths":[],"remoteImagePaths":[],"frontmatter":{"title":"mi jan","description":null,"authors":["jan Seko"],"proofreaders":null,"date":"2024-08-10T00:00:00.000Z","date-precision":"day","tags":["moku","ma li kama jaki moli tan pali jan","pilin ike tawa jan","wan taso","utala","moli"],"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-suli/mi-jan.md","https://utala.pona.la/mamtt/lipu-musi/lipu-suli/mi-jan.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"},"next":{"id":"2024/08/mi-tawa","data":{"title":"mi tawa","description":null,"authors":["akesi Nu"],"proofreaders":null,"date":"2024-08-10T00:00:00.000Z","date-precision":"day","original":null,"tags":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"body":"sina toki e ni: mi tawa\n\nmi sona e tawa pi ijo ale \nkasi li tawa tan kon wawa \nsoweli li alasa e moku mute \njan li tawa tan wile tawa\n\nnoka en ilo pi pali jan kin \nla jan li tawa lon tenpo jan \nona li ken tawa ma weka sin \nli ken tawa sike lon ma wan \n\ninsa sijelo li tawa e telo \nli sewi li anpa lon esun kon \nkalama musi en kule jelo \nli pilin tawa pi ijo lon \n\nmun weka li tawa lon sewi pimeja \nsuno ona li tawa lukin mi \nmi tawa lon lipu e palisa \nli sitelen e mun nimi \n\nijo ale li pini e tawa ona \nlon tenpo weka la \nmi awen pilin pona \ntawa la mi kama lon poka sina \n\nmi toki e ni: tawa pona","filePath":"poki/plaintext/2024/08/mi-tawa.md","digest":"4fc52d944126efa2","rendered":{"html":"sina toki e ni: mi tawa\nmi sona e tawa pi ijo ale \nkasi li tawa tan kon wawa \nsoweli li alasa e moku mute \njan li tawa tan wile tawa\nnoka en ilo pi pali jan kin \nla jan li tawa lon tenpo jan \nona li ken tawa ma weka sin \nli ken tawa sike lon ma wan\ninsa sijelo li tawa e telo \nli sewi li anpa lon esun kon \nkalama musi en kule jelo \nli pilin tawa pi ijo lon\nmun weka li tawa lon sewi pimeja \nsuno ona li tawa lukin mi \nmi tawa lon lipu e palisa \nli sitelen e mun nimi\nijo ale li pini e tawa ona \nlon tenpo weka la \nmi awen pilin pona \ntawa la mi kama lon poka sina\nmi toki e ni: tawa pona","metadata":{"headings":[],"localImagePaths":[],"remoteImagePaths":[],"frontmatter":{"title":"mi tawa","description":null,"authors":["akesi Nu"],"proofreaders":null,"date":"2024-08-10T00:00:00.000Z","date-precision":"day","tags":null,"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"c/utala_musi_lipu_(2024)":{"prev":{"id":"2024/08/mi-tawa","data":{"title":"mi tawa","description":null,"authors":["akesi Nu"],"proofreaders":null,"date":"2024-08-10T00:00:00.000Z","date-precision":"day","original":null,"tags":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"body":"sina toki e ni: mi tawa\n\nmi sona e tawa pi ijo ale \nkasi li tawa tan kon wawa \nsoweli li alasa e moku mute \njan li tawa tan wile tawa\n\nnoka en ilo pi pali jan kin \nla jan li tawa lon tenpo jan \nona li ken tawa ma weka sin \nli ken tawa sike lon ma wan \n\ninsa sijelo li tawa e telo \nli sewi li anpa lon esun kon \nkalama musi en kule jelo \nli pilin tawa pi ijo lon \n\nmun weka li tawa lon sewi pimeja \nsuno ona li tawa lukin mi \nmi tawa lon lipu e palisa \nli sitelen e mun nimi \n\nijo ale li pini e tawa ona \nlon tenpo weka la \nmi awen pilin pona \ntawa la mi kama lon poka sina \n\nmi toki e ni: tawa pona","filePath":"poki/plaintext/2024/08/mi-tawa.md","digest":"4fc52d944126efa2","rendered":{"html":"sina toki e ni: mi tawa\nmi sona e tawa pi ijo ale \nkasi li tawa tan kon wawa \nsoweli li alasa e moku mute \njan li tawa tan wile tawa\nnoka en ilo pi pali jan kin \nla jan li tawa lon tenpo jan \nona li ken tawa ma weka sin \nli ken tawa sike lon ma wan\ninsa sijelo li tawa e telo \nli sewi li anpa lon esun kon \nkalama musi en kule jelo \nli pilin tawa pi ijo lon\nmun weka li tawa lon sewi pimeja \nsuno ona li tawa lukin mi \nmi tawa lon lipu e palisa \nli sitelen e mun nimi\nijo ale li pini e tawa ona \nlon tenpo weka la \nmi awen pilin pona \ntawa la mi kama lon poka sina\nmi toki e ni: tawa pona","metadata":{"headings":[],"localImagePaths":[],"remoteImagePaths":[],"frontmatter":{"title":"mi tawa","description":null,"authors":["akesi Nu"],"proofreaders":null,"date":"2024-08-10T00:00:00.000Z","date-precision":"day","tags":null,"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"},"next":{"id":"2024/08/moku-li-suwi-ala-suwi","data":{"title":"moku li suwi ala suwi?","description":null,"authors":["jan Wano (Ron Rapahel)"],"proofreaders":null,"date":"2024-08-10T00:00:00.000Z","date-precision":"day","original":null,"tags":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"body":"lon tomo lon tenpo pimeja. jan ni li lon tomo. sinpin pi tomo ni li kiwen li walo pimeja. tomo ni li jo e sinpin sewi loje. lupa pi tomo ni li jelo loje pimeja. lupa ni li tan kasi. jan ni li lon poka mama ona, mama ona li pali e moku. moku ni li kala li kon walo. kon walo ni li tan kasi. kon ni li kama kon kepeken telo seli.\n\nmama ona li pana e moku tawa sike. sike ni li poki tawa moku, taso poki ni li poki ala. sijelo ona li sama mute sike li sama lili poki. jan ni li moku e moku. mama ona li toki e ni. “moku li suwi ala suwi?” ni la jan ni li toki e ni. “suwi”\n\npini.","filePath":"poki/plaintext/2024/08/moku-li-suwi-ala-suwi.md","digest":"984434403901b93b","rendered":{"html":"lon tomo lon tenpo pimeja. jan ni li lon tomo. sinpin pi tomo ni li kiwen li walo pimeja. tomo ni li jo e sinpin sewi loje. lupa pi tomo ni li jelo loje pimeja. lupa ni li tan kasi. jan ni li lon poka mama ona, mama ona li pali e moku. moku ni li kala li kon walo. kon walo ni li tan kasi. kon ni li kama kon kepeken telo seli.\nmama ona li pana e moku tawa sike. sike ni li poki tawa moku, taso poki ni li poki ala. sijelo ona li sama mute sike li sama lili poki. jan ni li moku e moku. mama ona li toki e ni. “moku li suwi ala suwi?” ni la jan ni li toki e ni. “suwi”\npini.","metadata":{"headings":[],"localImagePaths":[],"remoteImagePaths":[],"frontmatter":{"title":"moku li suwi ala suwi?","description":null,"authors":["jan Wano (Ron Rapahel)"],"proofreaders":null,"date":"2024-08-10T00:00:00.000Z","date-precision":"day","tags":null,"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}},"a/jan_Simiman":{"next":{"id":"2024/07/ma-mase","data":{"title":"ma Mase","description":"tenpo sike #2023 la tenpo seli la ma Netelan la ma tomo Mase la jan mute pi toki pona li tawa ni li kama kulupu suli. kalama sin ni la, jan Ke Tami li toki tawa jan kulupu li kute e ni: kulupu li seme tawa jan? jan Ke Tami en jan Masine en jan Nikilase en jan Palu en jan Lanke en jan Kasape en jan Mikali en jan Aleko en jan Sonatan en jan Simiman en jan Simo en jan Masije en jan Luna en jan Molisi li toki. mute wawa! o kute pona!","authors":["jan Ke Tami","jan Masine","jan Nikilase","jan Palu","jan Lanke","jan Kasape","jan Mikali","jan Aleko","jan Sonatan","jan Simiman","jan Simo","jan Masije","jan Luna","jan Molisi"],"proofreaders":null,"date":"2024-07-07T00:00:00.000Z","date-precision":"day","original":null,"tags":null,"license":"CC-BY-SA 4.0","sources":["https://www.youtube.com/watch?v=-8qcahNwn4s","https://docs.google.com/document/d/1Fxb38VKmC2KJVM1sT4oqLeK45RGUupU4HsohX8uSi6Y/edit?tab=t.0"],"archives":null,"preprocessing":null,"accessibility-notes":null,"notes":null},"body":"**jan Ke Tami**: \ntoki\n\n**jan Masine**: \ntoki\n\n**jan Nikilase**: \ntoki\n\n**jan Palu**: \ntoki\n\n**jan Lanke**: \ntoki\n\n**jan Kasape**: \nmi kama toki\n\n**jan Mikali**: \ntoki\n\n**jan Aleko**: \ntoki\n\n**jan Sonatan**: \ntoki\n\n**jan Simiman**: \ntoki a\n\n**jan Simo**: \ntoki\n\n**jan Masije**: \ntoki\n\n**jan Luna**: \ntoki\n\n**jan Molisi**: \ntoki a\n\n[kalama open]\n\n**jan Ke Tami**: \nmu. mi jan Ke Tami.\n\na, tenpo li awen tawa. lon tenpo ante la mi pana e toki pi tenpo kulupu tawa kute sina. sina wile ala wile kute e tenpo kulupu sin? wile la o awen kute!\n\nkulupu pi ma Elopa li tawa ma Mase. ma Mase li lon ma suli Netalan, li lon poka pi ma suli ante Tosi, li lon poka pi ma suli Pesike. ma ni tu wan li kama wan la mi kulupu li kama lukin e ma pi wan ni. ma Mase kin la mi kama lukin e ijo mute, mi lon anpa ma lon lupa suli pimeja, mi kama sona e tenpo lon poka pi tomo mute, taso suli la mi kulupu. mi musi mute, mi toki mute, mi kama sona e jan poka, mi kute e kalama, a pona mute li lon.\n\ntaso ni ale kin li lon tenpo weka. ni ale o kama sin. mi o kulupu sin lon ma wan. tenpo poka la mi tawa ma Pelin. ma Pelin li ma lawa lon ma suli Tosi. mi pilin pi pona wawa tawa tenpo kulupu sin.\n\ntaso awen la, o kute e kalama pi tenpo kulupu pini\n\n**jan Ke Tami**: \nnimi sina li seme?\n\n**jan Masine**: \nnimi mi li jan Masine\n\n**jan Nikilase**: \nmi jan Nikilase\n\n**jan Palu**: \nmi jan Palu\n\n**jan Lanke**: \nmi jan Lanke\n\n**jan Kasape**: \nmi jan Kasape\n\n**jan Mikali**: \nmi jan Mikali\n\n**jan Aleko**: \nmi jan Aleko\n\n**jan Sonatan**: \nmi jan Sonatan\n\n**jan Simiman**: \nmi jan Simiman\n\n**jan Simo**: \nmi jan Simo\n\n**jan Masije**: \nmi jan Masije\n\n**jan Luna**: \nmi jan Luna\n\n**jan Molisi**: \na nimi mi li Molisi, anu, mi jan Molisi\n\n**jan Ke Tami**: \nsina tan tomo sina tawa ma ni la, tawa li suli ala suli? tawa li wile ala wile e tenpo mute?\n\n**jan Masine**: \na, tawa li wile e tenpo mute, taso mi mute li lon ma Netalan, tenpo ni la, taso tomo tawa linja li wile e tenpo mute. ni li nasa tawa mi\n\n**jan Nikilase**: \nmi pilin e ni: ona li wile e tenpo mute. ni li tan ni: tomo mi li tawa, taso mi insa ala tomo, ni la mi wile awen\n\n**jan Palu**: \nni li suli, li wile e tenpo mute\n\n**jan Lanke**: \ntomo mi li lon ma ni, lon ma Netalan. tawa ma ni li lili taso. ilo tenpo li toki e nanpa tu wan tan tenpo tawa mi\n\n**jan Kasape**: \nona li suli, taso mi oko e lipu la tenpo suli li kama lili tawa pilin mi, kin, mi toki tawa jan lon tomo, ni kin li lili e tenpo\n\n**jan Mikali**: \nwile ala, mi tawa kepeken tomo tawa waso, li wile e tenpo lili\n\n**jan Aleko**: \nni li wile e tenpo mute a. mi kama tan ma Kanse. mi kama kepeken ilo tawa kulupu. taso ale li pona\n\n**jan Sonatan**: \ntawa li suli meso. pilin mi la, ona li wile e tenpo suli tu wan. ni la ale li pona tawa mi.\n\n**jan Simiman**: \nona li wile e tenpo ilo luka. mi la ni li suli, taso jan ante la ni li lili anu seme\n\n**jan Simo**: \npilin mi la ona li suli lili\n\n**jan Masije**: \nmi tan ma Alan. tan la tawa mi li suli. mi kepeken tomo waso kepeken tomo tawa linja. taso ale li pona. tawa li pona\n\n**jan Luna**: \nni li wile e tenpo mute a. tomo tawa linja mi li pakala lili li kama weka. tan ni la ni li wile e tenpo mute a\n\n**jan Molisi**: \na mi o toki e meso. mi tan ma tomo Kasuje. mi ken toki e nimi. mi wile ala len e sona ni tan jan ante. taso mi tawa ni la ona li awen tenpo ilu tu tu anu luka. tenpo suno ni la mi tawa weka la ona li awen tenpo ilo luka wan. meso. meso tawa mi.\n\n**jan Ke Tami**: \nsina kama toki pona lon kulupu ni la sina toki pi mute seme\n\n**jan Masine**: \nmi toki pi mute mute. kulupu ni li musi li nasa. mi mute li toki pi mute\n\n**jan Nikilase**: \ntenpo suno nanpa wan la mi toki pona ale lon tenpo ale. mi toki pona mute\n\n**jan Palu**: \nlili. lili mute. mi toki ala tawa jan ante.\n\n[**jan poka**: toki. toki!]\n\n**jan Lanke**: \ntenpo mute la mi toki kepeken e sitelen taso. taso tenpo ni, ni li tenpo nanpa wan mi pi toki kepeken uta kepeken kute taso. ni li ike wawa tawa mi a a. pilin mi la ni li sin mute\n\n**jan Kasape**: \nmi toki lon tenpo ale. mi wile toki lon tenpo ale. ni li pona e pilin mi\n\n**jan Mikali**: \nmi toki e mute ala e lili ala. taso tenpo ale la mi toki mute ala.\n\n**jan Aleko**: \na mi toki lili, taso mi toki lili lon tenpo ale. mi jan pi toki lili\n\n**jan Sonatan**: \nmi toki mute mute. tenpo ante la mi toki uta ala e toki pona, taso tenpo ni li tenpo pi toki uta pi toki pona. ni li pona mute. pilin mi la mi toki mute a\n\n**jan Simo**: \nlon ma ni anu seme? pilin mi la mi toki mute\n\n**jan Masije**: \nmi pilin e ni: mi toki mute. tan tenpo ale la mi toki lili, mi toki ala. tenpo ni la mi toki mute. mute a, a a\n\n**jan Luna**: \nmi toki mute. tenpo ale ala, taso mi toki mute\n\n**jan Molisi**: \npilin mi la mi toki mute a a a. mi toki mute a. tenpo ale la mi wile toki e ijo. taso, ken la ijo li suli ala. taso mi awen toki lon tenpo ale a a\n\n**jan Ke Tami**: \no toki e ma tomo Mase ni. ma ni li seme tawa pilin sina?\n\n**jan Masine**: \na ma ni li pona tawa mi tan ni: ma li ante pi ma mute lon ma Netalan. pilin mi li ni li ma ante. jan pi ma tomo ni li pona. ma li pona. ma li jo e nena. ni li nasa tawa mi a a\n\n**jan Nikilase**: \nma li jo e telo mute tan sewi. ona li lukin pona. ona li- tomo tawa li lon, taso ma mute li lon sama ni, tomo tawa li ken ala lon ona, taso jan li ken tawa noka lon ona, li ken kepeken ilo tawa pi sike tu. ni li pona tawa mi\n\n**jan Palu**: \nmi sona ala e ni. mi lon ma tomo ni ala. taso, li pona, li pona tawa mi. taso mi sona lili a a\n\n**jan Lanke**: \nma ni li seme tawa pilin mi? \n\n**jan Ke Tami**: \nni a\n\n**jan Lanke**: \nmi lon ma ni lon tenpo, ni li tenpo wan tawa mi. mi lon ma ni lon tenpo lili taso. taso mi lon tomo uitala. mi lukin e ona, ona li pona tawa mi. lon tomo utala, mi ken lukin e mute tan ma ni. lukin li pona\n\n**jan Kasape**: \npilin mi li wawa ala tawa ma ni. mi lon ala ona lon tenpo ante. tan ni la mi sona lili e ona. taso kulupu li toki pona lon ma ni. tan ni la kulupu li pona. taso mi ken ala toki mute e ma ni. mi sona lili taso.\n\n**jan Mikali**: \nona li pona mute, loi pona lukin, li pali e kalama lili\n\n**jan Aleko**: \nma Mase li pona lukin mute a, li sama lukin e ma tomo Antepe lon ma suli Pesike. jan pi ma Mase li pona, jan pi tomo lape Pote li pona kin. kon li nasa. telo mute li kama tan sewi. suno mute li lon kin la ni li pona.\n\n**jan Sonatan**: \nmi pilin pona tawa ma tomo Mase. tomo ona li pona lukin a. ma kasi ona li pona kin. ona li majuna a. ni la ma tomo li jo e tomo majuna li jo e ijo pi tenpo pini. ijo ni li suli mute tawa mi\n\n**jan Simiman**: \na. pilin mi la ona li pona a. pona ni li tan tenpo ona. ona li lon tenpo suli la ale li pona tawa lukin\n\n**jan Simo**: \nma Mase li pona mute tawa mi. tomo suwi li lon. jan ale li pona. pilin mi la pona nanpa wan li kulupu pi toki pona.\n\n**jan Masije**: \ntomo ni, tomo Mase li pona mute tawa mi. ale li pona lukin. tomo li pona lukin. jan li pona kin a a\n\n**jan Luna**: \nni li pona, li pona mute. taso ijo tu li ike lili tawa mi. ni li, telo mute li kama anpa, telo mute mute, tan ni la mi kama telo lili. nanpa tu li, jaki soweli li lon ma ale a a a a. lon. taso ante la li pona mute tawa mi\n\n**jan Molisi**: \nona li pona lukin a. pilin mi la ale pi ma Netalan li pona tawa jan pi tawa noka li pona a tawa jan pi ilo tawa noka. ni li pona a tawa mi. lon. nasin tawa tu ni li pona mute tawa mi. ante la kasi mute li lon, telo mute li lon, telo ma li pona lukin. ma tomo li suli ala, ona li meso. ni kin li pona tawa mi. nasin li pona\n\n**jan Ke Tami**: \ntenpo kulupu la seme li pana e musi tawa pilin sina.\n\n**jan Masine**: \ntoki tawa jan ante kepeken toki pona en mi mute li tawa tomo pi sitelen tawa. ni li musi. mi mute li lukin e sitelen tawa pi meli Papi. ni li pona.\n\n**jan Nikilase**: \ne musi? jan ante li pana e musi mute, mi ale li toki nasa mute, ni li musi mute tawa mi. sina pali e musi. musi li jo e lipu li jo e toki e sitelen mute, musi ni li pona tawa mi. sitelen tawa, mi lukin e sitelen tawa la, ni li musi tawa mi kin. ni li musi ale\n\n**jan Palu**: \njan mute li lon. jan mute li lon mi. insa mi la mi kama toki e ni: ken la jan luka luka li kama. taso mi sona e ni, taso mi lukin e jan, ken la ni li luka luka luka luka anu seme? ni li musi li pona\n\n**jan Lanke**: \nmi lon kulupu lon tenpo lili taso, taso jan li pona tawa mi. jan li wile toki tawa mi, jan li ike ala, ni li pona\n\n**jan Kasape**: \na, toki li musi a tawa mi. tan ni la mi toki mute. taso mi pali lili mute la ni kin li pona. taso suli la toki li musi tawa mi\n\n**jan Mikali**: \ntoki pona li pana e musi mute. jan ante kin li pana e musi mute\n\n**jan Aleko**: \nkulupu li musi. kulupu li musi mute. toki pona la tenpo mute la jan li toki kepeken ilo kepeken ilo toki kepeken ilo nanpa. mi pilin pona tan ni: mi ken toki kepeken toki pona kepeken uta mi\n\n**jan Sonatan**: \ntenpo pini la, tenpo sike pini la, mi lon ma tomo Win kin. ona la, mi kulupu lon poka pi jan mute pi toki pona kin. ni la tenpo ni la jan mute pi tenpo pini li lon kin, ni la mi ken toki kin e ona. ni li musi mute e mi. kin la mi ale li tawa mute lon ma tomo Mase li moku pona li tawa lupa lon anpa pi ma tomo Wa, ni ale li musi mute tawa mi.\n\n**jan Simiman**: \ntenpo pimeja pini la kulupu li toki lon kasi. ni li musi a tawa mi\n\n**jan Simo**: \ntoki li pona. jan ale li toki, jan ale li kute, ale li toki pona, ni li nasa, ni li musi mute\n\n**jan Masije**: \ntenpo mute li pana e musi tawa mi, taso mi pilin e ni: musi supa li pana e musi mute tawa mi\n\n**jan Luna**: \nale li pona tawa mi. jan mute li lon. mi ken toki tawa ona. mi musi mute. ale li pona\n\n**jan Molisi**: \nijo mute li pana e musi tawa mi. taso pilin mi la nanpa wan li sona ni: mi lon kulupu, kulupu ni la jan mute li toki kepeken toki pona. mi ken toki e ijo kepeken toki pona la jan ante li kama sona. mi toki e ijo pi musi tawa jan pi toki pona la jan ante li kama toki e a a a. ni li wawa tawa mi a a a. tenpo ala la ni li kama lon ma tomo Kasuje anu seme\n\n**jan Ke Tami**: \npona. ni li pini. ante la sina wile toki e ijo ante la sina ken. taso ni li ale lon lipu mi.\n\n**jan Simiman**: \na. mi ken toki e ijo. jan ale pi ma Elopa o kama lon tenpo kulupu lon sike suno kama\n\n**jan Ke Tami**: \npona. ni li pini toki","filePath":"poki/plaintext/2024/07/ma-mase.md","digest":"f1d512bc6d65d923","rendered":{"html":"jan Ke Tami: \ntoki\njan Masine: \ntoki\njan Nikilase: \ntoki\njan Palu: \ntoki\njan Lanke: \ntoki\njan Kasape: \nmi kama toki\njan Mikali: \ntoki\njan Aleko: \ntoki\njan Sonatan: \ntoki\njan Simiman: \ntoki a\njan Simo: \ntoki\njan Masije: \ntoki\njan Luna: \ntoki\njan Molisi: \ntoki a\n[kalama open]\njan Ke Tami: \nmu. mi jan Ke Tami.\na, tenpo li awen tawa. lon tenpo ante la mi pana e toki pi tenpo kulupu tawa kute sina. sina wile ala wile kute e tenpo kulupu sin? wile la o awen kute!\nkulupu pi ma Elopa li tawa ma Mase. ma Mase li lon ma suli Netalan, li lon poka pi ma suli ante Tosi, li lon poka pi ma suli Pesike. ma ni tu wan li kama wan la mi kulupu li kama lukin e ma pi wan ni. ma Mase kin la mi kama lukin e ijo mute, mi lon anpa ma lon lupa suli pimeja, mi kama sona e tenpo lon poka pi tomo mute, taso suli la mi kulupu. mi musi mute, mi toki mute, mi kama sona e jan poka, mi kute e kalama, a pona mute li lon.\ntaso ni ale kin li lon tenpo weka. ni ale o kama sin. mi o kulupu sin lon ma wan. tenpo poka la mi tawa ma Pelin. ma Pelin li ma lawa lon ma suli Tosi. mi pilin pi pona wawa tawa tenpo kulupu sin.\ntaso awen la, o kute e kalama pi tenpo kulupu pini\njan Ke Tami: \nnimi sina li seme?\njan Masine: \nnimi mi li jan Masine\njan Nikilase: \nmi jan Nikilase\njan Palu: \nmi jan Palu\njan Lanke: \nmi jan Lanke\njan Kasape: \nmi jan Kasape\njan Mikali: \nmi jan Mikali\njan Aleko: \nmi jan Aleko\njan Sonatan: \nmi jan Sonatan\njan Simiman: \nmi jan Simiman\njan Simo: \nmi jan Simo\njan Masije: \nmi jan Masije\njan Luna: \nmi jan Luna\njan Molisi: \na nimi mi li Molisi, anu, mi jan Molisi\njan Ke Tami: \nsina tan tomo sina tawa ma ni la, tawa li suli ala suli? tawa li wile ala wile e tenpo mute?\njan Masine: \na, tawa li wile e tenpo mute, taso mi mute li lon ma Netalan, tenpo ni la, taso tomo tawa linja li wile e tenpo mute. ni li nasa tawa mi\njan Nikilase: \nmi pilin e ni: ona li wile e tenpo mute. ni li tan ni: tomo mi li tawa, taso mi insa ala tomo, ni la mi wile awen\njan Palu: \nni li suli, li wile e tenpo mute\njan Lanke: \ntomo mi li lon ma ni, lon ma Netalan. tawa ma ni li lili taso. ilo tenpo li toki e nanpa tu wan tan tenpo tawa mi\njan Kasape: \nona li suli, taso mi oko e lipu la tenpo suli li kama lili tawa pilin mi, kin, mi toki tawa jan lon tomo, ni kin li lili e tenpo\njan Mikali: \nwile ala, mi tawa kepeken tomo tawa waso, li wile e tenpo lili\njan Aleko: \nni li wile e tenpo mute a. mi kama tan ma Kanse. mi kama kepeken ilo tawa kulupu. taso ale li pona\njan Sonatan: \ntawa li suli meso. pilin mi la, ona li wile e tenpo suli tu wan. ni la ale li pona tawa mi.\njan Simiman: \nona li wile e tenpo ilo luka. mi la ni li suli, taso jan ante la ni li lili anu seme\njan Simo: \npilin mi la ona li suli lili\njan Masije: \nmi tan ma Alan. tan la tawa mi li suli. mi kepeken tomo waso kepeken tomo tawa linja. taso ale li pona. tawa li pona\njan Luna: \nni li wile e tenpo mute a. tomo tawa linja mi li pakala lili li kama weka. tan ni la ni li wile e tenpo mute a\njan Molisi: \na mi o toki e meso. mi tan ma tomo Kasuje. mi ken toki e nimi. mi wile ala len e sona ni tan jan ante. taso mi tawa ni la ona li awen tenpo ilu tu tu anu luka. tenpo suno ni la mi tawa weka la ona li awen tenpo ilo luka wan. meso. meso tawa mi.\njan Ke Tami: \nsina kama toki pona lon kulupu ni la sina toki pi mute seme\njan Masine: \nmi toki pi mute mute. kulupu ni li musi li nasa. mi mute li toki pi mute\njan Nikilase: \ntenpo suno nanpa wan la mi toki pona ale lon tenpo ale. mi toki pona mute\njan Palu: \nlili. lili mute. mi toki ala tawa jan ante.\n[jan poka: toki. toki!]\njan Lanke: \ntenpo mute la mi toki kepeken e sitelen taso. taso tenpo ni, ni li tenpo nanpa wan mi pi toki kepeken uta kepeken kute taso. ni li ike wawa tawa mi a a. pilin mi la ni li sin mute\njan Kasape: \nmi toki lon tenpo ale. mi wile toki lon tenpo ale. ni li pona e pilin mi\njan Mikali: \nmi toki e mute ala e lili ala. taso tenpo ale la mi toki mute ala.\njan Aleko: \na mi toki lili, taso mi toki lili lon tenpo ale. mi jan pi toki lili\njan Sonatan: \nmi toki mute mute. tenpo ante la mi toki uta ala e toki pona, taso tenpo ni li tenpo pi toki uta pi toki pona. ni li pona mute. pilin mi la mi toki mute a\njan Simo: \nlon ma ni anu seme? pilin mi la mi toki mute\njan Masije: \nmi pilin e ni: mi toki mute. tan tenpo ale la mi toki lili, mi toki ala. tenpo ni la mi toki mute. mute a, a a\njan Luna: \nmi toki mute. tenpo ale ala, taso mi toki mute\njan Molisi: \npilin mi la mi toki mute a a a. mi toki mute a. tenpo ale la mi wile toki e ijo. taso, ken la ijo li suli ala. taso mi awen toki lon tenpo ale a a\njan Ke Tami: \no toki e ma tomo Mase ni. ma ni li seme tawa pilin sina?\njan Masine: \na ma ni li pona tawa mi tan ni: ma li ante pi ma mute lon ma Netalan. pilin mi li ni li ma ante. jan pi ma tomo ni li pona. ma li pona. ma li jo e nena. ni li nasa tawa mi a a\njan Nikilase: \nma li jo e telo mute tan sewi. ona li lukin pona. ona li- tomo tawa li lon, taso ma mute li lon sama ni, tomo tawa li ken ala lon ona, taso jan li ken tawa noka lon ona, li ken kepeken ilo tawa pi sike tu. ni li pona tawa mi\njan Palu: \nmi sona ala e ni. mi lon ma tomo ni ala. taso, li pona, li pona tawa mi. taso mi sona lili a a\njan Lanke: \nma ni li seme tawa pilin mi?\njan Ke Tami: \nni a\njan Lanke: \nmi lon ma ni lon tenpo, ni li tenpo wan tawa mi. mi lon ma ni lon tenpo lili taso. taso mi lon tomo uitala. mi lukin e ona, ona li pona tawa mi. lon tomo utala, mi ken lukin e mute tan ma ni. lukin li pona\njan Kasape: \npilin mi li wawa ala tawa ma ni. mi lon ala ona lon tenpo ante. tan ni la mi sona lili e ona. taso kulupu li toki pona lon ma ni. tan ni la kulupu li pona. taso mi ken ala toki mute e ma ni. mi sona lili taso.\njan Mikali: \nona li pona mute, loi pona lukin, li pali e kalama lili\njan Aleko: \nma Mase li pona lukin mute a, li sama lukin e ma tomo Antepe lon ma suli Pesike. jan pi ma Mase li pona, jan pi tomo lape Pote li pona kin. kon li nasa. telo mute li kama tan sewi. suno mute li lon kin la ni li pona.\njan Sonatan: \nmi pilin pona tawa ma tomo Mase. tomo ona li pona lukin a. ma kasi ona li pona kin. ona li majuna a. ni la ma tomo li jo e tomo majuna li jo e ijo pi tenpo pini. ijo ni li suli mute tawa mi\njan Simiman: \na. pilin mi la ona li pona a. pona ni li tan tenpo ona. ona li lon tenpo suli la ale li pona tawa lukin\njan Simo: \nma Mase li pona mute tawa mi. tomo suwi li lon. jan ale li pona. pilin mi la pona nanpa wan li kulupu pi toki pona.\njan Masije: \ntomo ni, tomo Mase li pona mute tawa mi. ale li pona lukin. tomo li pona lukin. jan li pona kin a a\njan Luna: \nni li pona, li pona mute. taso ijo tu li ike lili tawa mi. ni li, telo mute li kama anpa, telo mute mute, tan ni la mi kama telo lili. nanpa tu li, jaki soweli li lon ma ale a a a a. lon. taso ante la li pona mute tawa mi\njan Molisi: \nona li pona lukin a. pilin mi la ale pi ma Netalan li pona tawa jan pi tawa noka li pona a tawa jan pi ilo tawa noka. ni li pona a tawa mi. lon. nasin tawa tu ni li pona mute tawa mi. ante la kasi mute li lon, telo mute li lon, telo ma li pona lukin. ma tomo li suli ala, ona li meso. ni kin li pona tawa mi. nasin li pona\njan Ke Tami: \ntenpo kulupu la seme li pana e musi tawa pilin sina.\njan Masine: \ntoki tawa jan ante kepeken toki pona en mi mute li tawa tomo pi sitelen tawa. ni li musi. mi mute li lukin e sitelen tawa pi meli Papi. ni li pona.\njan Nikilase: \ne musi? jan ante li pana e musi mute, mi ale li toki nasa mute, ni li musi mute tawa mi. sina pali e musi. musi li jo e lipu li jo e toki e sitelen mute, musi ni li pona tawa mi. sitelen tawa, mi lukin e sitelen tawa la, ni li musi tawa mi kin. ni li musi ale\njan Palu: \njan mute li lon. jan mute li lon mi. insa mi la mi kama toki e ni: ken la jan luka luka li kama. taso mi sona e ni, taso mi lukin e jan, ken la ni li luka luka luka luka anu seme? ni li musi li pona\njan Lanke: \nmi lon kulupu lon tenpo lili taso, taso jan li pona tawa mi. jan li wile toki tawa mi, jan li ike ala, ni li pona\njan Kasape: \na, toki li musi a tawa mi. tan ni la mi toki mute. taso mi pali lili mute la ni kin li pona. taso suli la toki li musi tawa mi\njan Mikali: \ntoki pona li pana e musi mute. jan ante kin li pana e musi mute\njan Aleko: \nkulupu li musi. kulupu li musi mute. toki pona la tenpo mute la jan li toki kepeken ilo kepeken ilo toki kepeken ilo nanpa. mi pilin pona tan ni: mi ken toki kepeken toki pona kepeken uta mi\njan Sonatan: \ntenpo pini la, tenpo sike pini la, mi lon ma tomo Win kin. ona la, mi kulupu lon poka pi jan mute pi toki pona kin. ni la tenpo ni la jan mute pi tenpo pini li lon kin, ni la mi ken toki kin e ona. ni li musi mute e mi. kin la mi ale li tawa mute lon ma tomo Mase li moku pona li tawa lupa lon anpa pi ma tomo Wa, ni ale li musi mute tawa mi.\njan Simiman: \ntenpo pimeja pini la kulupu li toki lon kasi. ni li musi a tawa mi\njan Simo: \ntoki li pona. jan ale li toki, jan ale li kute, ale li toki pona, ni li nasa, ni li musi mute\njan Masije: \ntenpo mute li pana e musi tawa mi, taso mi pilin e ni: musi supa li pana e musi mute tawa mi\njan Luna: \nale li pona tawa mi. jan mute li lon. mi ken toki tawa ona. mi musi mute. ale li pona\njan Molisi: \nijo mute li pana e musi tawa mi. taso pilin mi la nanpa wan li sona ni: mi lon kulupu, kulupu ni la jan mute li toki kepeken toki pona. mi ken toki e ijo kepeken toki pona la jan ante li kama sona. mi toki e ijo pi musi tawa jan pi toki pona la jan ante li kama toki e a a a. ni li wawa tawa mi a a a. tenpo ala la ni li kama lon ma tomo Kasuje anu seme\njan Ke Tami: \npona. ni li pini. ante la sina wile toki e ijo ante la sina ken. taso ni li ale lon lipu mi.\njan Simiman: \na. mi ken toki e ijo. jan ale pi ma Elopa o kama lon tenpo kulupu lon sike suno kama\njan Ke Tami: \npona. ni li pini toki","metadata":{"headings":[],"localImagePaths":[],"remoteImagePaths":[],"frontmatter":{"title":"ma Mase","description":"tenpo sike #2023 la tenpo seli la ma Netelan la ma tomo Mase la jan mute pi toki pona li tawa ni li kama kulupu suli. kalama sin ni la, jan Ke Tami li toki tawa jan kulupu li kute e ni: kulupu li seme tawa jan? jan Ke Tami en jan Masine en jan Nikilase en jan Palu en jan Lanke en jan Kasape en jan Mikali en jan Aleko en jan Sonatan en jan Simiman en jan Simo en jan Masije en jan Luna en jan Molisi li toki. mute wawa! o kute pona!","authors":["jan Ke Tami","jan Masine","jan Nikilase","jan Palu","jan Lanke","jan Kasape","jan Mikali","jan Aleko","jan Sonatan","jan Simiman","jan Simo","jan Masije","jan Luna","jan Molisi"],"proofreaders":null,"date":"2024-07-07","date-precision":"day","original":null,"tags":null,"license":"CC-BY-SA 4.0","sources":["https://www.youtube.com/watch?v=-8qcahNwn4s","https://docs.google.com/document/d/1Fxb38VKmC2KJVM1sT4oqLeK45RGUupU4HsohX8uSi6Y/edit?tab=t.0"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"blog"}}}

pakala.
suno li weka.
mi ken ala supa.
jan ala li lukin li sona la
kalama li open
lukin li pini
mi kute lon pimeja
mi tawa nasa tan nasa ala
luka li tawa poka
poka li tawa sinpin
sinpin li tawa noka
noka li tawa monsi
sijelo li tawa sike a
li sitelen e nimi kepeken tawa
mi tawa lili sama alasa
tawa suli sama utala
mi musi lon pimeja
tawa li nasin
lawa li kon
pilin li taso
wawa li suli
selo li seli
ken li weka
lape li wile
pona.