tan ante

ante pi jan pona mi Kapo Silinka li ike mute. tenpo mun tu pini la ona li toki e wile pi pali nasa ona. ni la mi pilin monsuta li wile ken ala e pali ona. taso ona li kama pilin ike mute lon tenpo lili li tawa weka e mi tan tomo ona. mi sona e ni: ona li awen lon poka pi ilo ike nasa ona li moku lili li tawa weka e jan pali ona kin. taso mi sona ala e ni: tenpo esun luka luka li ken pali e ante pi suli ni tawa jan. ni li ike lukin: jan suli li kama lili. ni li ike lukin mute: selo jaki li kama jelo anu walo. sike li kama lon anpa lukin. lukin li kama lili li kama suno. sinpin li kama jaki. luka li kama tawa nasa. kin la sijelo li kama jaki li jo e len jaki. linja pimeja pi lawa ona li kama jaki. open ona li kama walo. tenpo pini la sinpin ona li jo ala e linja. taso tenpo ni la linja walo lili li kama lon ona. ni la ante li suli li monsuta. ni li ante pi jan Kapo Silinka lon tenpo pimeja pi toki ona. ona li pana e lipu toki pi toki ike mute tawa mi. mi lukin e ona la mi tawa tomo ona. ona li opene e lupa pi tomo ona tawa mi la ona li pilin monsuta mute li jo e ilo suno. ona li lukin e tomo majuna lon pini pi nasin Penewalen tawa ijo sewi pi selo ala. 

jan Kapo Silinka o kama sona ala e sona lon e nasin sona. sona o tawa jan pi pilin ala taso. jan pilin li pali la ike tu li ken lon: ona li kama sona ala la ona li pilin ike. ona li kama sona la lawa ona li pakala tan sona monsuta nasa pi toki ala. tenpo pini la kama sona ala li pakala e ona. ni la ona li pilin ike mute. taso tenpo ni la mi pilin monsuta li sona e ni: ona li kama sona. tenpo esun luka luka pini la mi toki e ken ike tawa ona la ona li toki e wile pi pali ona. ona li pilin pona. kalama ona li nasa lili li pilin pona mute.

ona li toki e ni: “mi sona e seme pi ale lon poka mi? mi ken pilin e ona kepeken ijo lili. sona mi ona li lili mute. mi ken sona e ijo kepeken nasin sona mi taso. mi ken ala sona e ale ona. mi jo e luka e uta e lukin e kute e nena taso. mi wile sona e ale pi selo ala kepeken ijo lili. taso ijo ante li jo e nasin pilin mute li jo e nasin ante. mi en ona li lukin e ijo la mi lukin e ijo ante. kin la ona li ken sona e ijo ante e kon ante e wawa ante lon poka mi. taso mi ken ala lukin e ijo ni kepeken nasin mi. tenpo ale la mi pilin e ni: ijo nasa pi sona ala li lon poka mi. tenpo ni la mi kama sona e nasin tawa ni: mi ken pakala e selo. mi musi ala. tenpo suno kama la ilo lon poka supa li pali e wawa. wawa ni li ante e insa sona mi pi sona ala. insa ni li lili anu pakala taso lon insa mi. taso wawa ni li open e ona. ni la mi en ijo mute kon li ken pilin e ijo sin mute. soweli li kute e seme li toki tawa seme? mi ken sona e ijo ni. tenpo ale la ijo kon ala li ken lukin ijo ni. mi ken tawa tenpo li ken tawa ale mute. kin la mi ken lukin e open ale.”

jan Silinka li toki e ni la mi wile ala tan ni: mi sona e ona. mi pilin musi ala li pilin monsuta. taso ona li kama nasa li tawa weka e mi tan tomo ona. tenpo ni la ona li awen nasa. taso ona li wile toki li pana e lipu toki tawa mi tan ni. luka ona li kama jaki. mi kama tomo ona la mi kama pilin monsuta tan pilin monsuta lon kon pimeja. toki en pilin ona pi tenpo suno luka luka pini li awen. mi pilin monsuta tan kalama ona pi wawa ala. ona li kama ante. mi alasa sona e ni: jan pali li lon seme? ona li toki e ni: ona ale li tawa weka lon tenpo suno tu wan pini. mi pilin pona ala tan ni. ni li nasa tawa mi: jan majuna Kekoli li tawa weka li toki ala e ni tawa mi. jan Silinka li tawa weka e mi la ona li toki e pali ona tawa mi.

taso tenpo kama la pilin mi pi alasa sona li anpa e pilin monsuta. mi sona ala e ni: jan Kapo Silinka li wile e seme tan mi? taso mi sona e ni: ona li jo e len anu sona sin suli. tenpo pini la mi wile ken ala e lukin ona tawa sona nasa. taso tenpo ni la ona li kama sona la mi kin li pilin pona lili. taso kama sona ni li tan pi ike mute kin. mi awen tawa lon poka ona. tomo li jo e ijo lili li jo ala e wawa. ilo suno li open ala. mi alasa sona e ni la ona li toki e ni: ona li jo e tan.

ona li awen toki e ni kepeken kalama lili: “ona li suli ike… mi o ala”. tenpo ni la tenpo mute la ona li toki sama ni. tenpo pini la ona li toki ala tawa ona. mi tawa tomo pali lon sewi pi tomo ona. mi lukin e ilo wawa nasa. ona li jo e suno loje nasa ike. linja li lon ona li lon poki wawa. taso tenpo ni la ona li jo ala e wawa. tenpo pini la mi open e ona la ona li pali e kalama suli. mi alasa sona e ni. ni la ona li toki e ni kepeken kalama lili: suno li wawa ala pi sona sina.

ona li awen e mi lon poka ilo li open e ilo lon anpa pi sike kiwen ilo suno. kalama suli li kama lon. ona li kama ante. pini la ona li sama kalama ala li kama lili. tenpo sama la suno li kama suli li kama lili lon tenpo lili. taso ona li kama suli li kama kule nasa lon tenpo sin. kule ni li sin tawa mi. mi ken ala sona anu toki e ona. jan Silinka li lukin e mi li toki e nasa lukin pi sinpin mi.

ona li toki e ni: “sina sona ala sona e ni? ni li kule loje laso nasa”. jan Silinka li kalama musi tan pilin mi. ona li awen toki e ni: “sina pilin e ni: sina ken ala lukin e kule ni. taso tenpo ni la sina ken li ken lukin e ijo sin mute kin.

o kute e mi! wawa li open e insa sona ale lon mi. insa ni li tan ante majuna tan ijo lili mute tawa soweli suli. mi sona e lon li wile toki e ona tawa sina. sina wile ala wile kama sona e lukin ona? mi toki.” ni la ona li awen lon poka pi sinpin mi li weka e suno pi ilo suno ona. ona li lukin nasa e mi li awen toki e ni: “ilo sijelo lon sina pi kama sona… n kute li nanpa wan li open li kama sona e ijo sin mute tan ni: ilo sijelo lape pilin li lon poka ona. taso ilo ante kin li kama lon. sina sona ala sona e insa lawa? mi musi tan toki pi jan sona tan jan Simun Pa. mi kama sona. pini la ona li sama lukin li pana e sitelen tawa insa lawa. sina nasin la sina o lukin. n o kama sona e ijo tan ante.”

mi lukin e sinpin pi tomo sewi. suno lili pi ken lukin ala li lon ona. selo tomo li jo e kon pimeja. lukin la tomo li lon ala lukin. ijo li len e lon ona. ni la lawa li ken pali e sitelen pi lon ala. jan Silinka li kalama ala la mi pilin e ni: mi lon tomo sewi pi sewi majuna moli. tomo pi kiwen pimeja mute li suli tan anpa telo tawa sewi pi lukin ala. tenpo lili la sitelen li suli lon lawa mi. taso ona li kama anpa tan sitelen ike ante. ni la mi wan taso lon ale pi ijo ala. kule ala en kalama ala li lon. mi pilin monsuta pi jan lili. ni la mi jo e ilo moli pi sike pakala luka wan. mi jo e ona tan ni: tenpo pini la mi lon ma tomo Powiten. taso kalama lili li kama lon. ona li musi li wawa kin. ni la mi pilin e ni: ona li pakala lili e sijelo mi. mi pilin sama ni: ijo li pakala e ko pi kiwen kule ala. tenpo sama la kon tawa lete li kama lon. ona li tawa lon poka mi tan ma pi kalama lili. mi awen li kon ala. ni la mi pilin e ni: kalama en kon tawa li kama suli. mi ken tawa ala. mi pilin sama ni: tomo tawa suli li tawa mi. ni la mi open toki tawa jan Silinka. ni la sitelen lawa ale li kama weka. mi lukin e jan e ilo e tomo taso. jan Silinka li musi lukin tan ilo moli mi. taso mi sona e ni tan sinpin ona: ona li lukin e sama mi. mi open toki e sona mi kepeken kalama lili. ona li toki e ni: o kute o kalama ala!

“o tawa ala! wawa ni la mi ken lukin. taso ijo li ken lukin e mi kin. tenpo pini la mi toki e ni: jan pali li tawa weka. taso mi toki ala e tan ona. jan pali pi sona lili li open e ilo suno lon tomo. taso tenpo pini la mi toki e ni tawa ona: o open ala e ona! linja wawa li kama jo e wawa sama. ona li monsuta. mi kute li lukin e ijo ante. taso mi ken kute e kalama monsuta ona. ike la tenpo mute la mi alasa e len mute ona. len pi jan Ata li lon poka pi ilo open suno. ni la mi sona e ni: ona li moli. ijo li moli e ona ale. taso mi tawa ala la mi awen. o sona e ni: mi lon ma ante. ni la ala li awen e mi… o tawa ala!”

mi pilin monsuta tan toki ona. ni la mi ken tawa ala. pilin monsuta mi la lawa mi li kama open tawa “ante” pi jan Silinka. mi lon tawa sike pi tawa kalama. sitelen nasa li lon lukin mi. mi ken lukin e selo tomo. taso ona li lon lili taso. leko en kon nasa li kama anpa lon nasin suli seli tan sewi. sitelen pi tomo sewi majuna li kama lon lon tenpo sin. taso ni la kiwen suli li tawa sewi lon kon suno. nasin suno li lon kiwen tan sewi. ni la sitelen li kama nasa. lukin en kute en pilin mute li lon. ni la mi pilin e ni: mi kama telo anu kama ko. sitelen lon tenpo lili mute li suli tawa mi. tenpo ale la mi sona e ona. ni la mi lukin e sewi pimeja pi sike suno tawa mute. ona li kama nasin anu sitelen. sitelen ni li sinpin pi jan Kapo Silinka. tenpo ante la mi pilin e ni: ijo suli li tawa lon poka mi. taso tenpo lili la ona li tawa lupa lon sijelo mi. ona li tawa tan poka sinpin mi tawa poka monsi mi. kin la mi pilin e ni: jan Silinka li ken lukin e ona kepeken nasin pona ona pi kama sona. mi sona e toki ona pi insa lawa. mi wile sona e ijo pi lukin sewi ona.

mi kama ken lukin sewi. sitelen sin li kama lon lon sewi pi sitelen pimeja suno. mi pilin e ni: mi sona e ona. ni li tan ni: sitelen sin li lon sitelen pi ma lon. mi lukin e tomo e ilo e selo jaki pi jan Silinka. taso ijo pi sona mi li lon ala lon ma la ijo ante li lon ona. ijo kon en ijo ante li lon nasin jaki ike. ijo kon ante pi sona ala li lon poka pi ijo sona ale. taso ijo sona li insa ona. kin la ona li insa pi ijo sona. ijo kon ko suli pi telo pimeja li lon poka. ona li tawa sama tawa kalama ilo. ona mute li lon. monsuta la mi kama sona e ni: ona li ko li ken lupa e ona e ijo kiwen mi. tenpo ale la ona li tawa. taso pilin mi la ona li tawa waso lili li wile ike. tenpo lili la ona li moku e ona. ijo utala li tawa suli tawa ijo awen li weka e ona tan ale. mi monsuta tan ni: mi sona e moli pi jan pali. mi wile kama sona e ale sin pi lukin ala lon poka mi. taso mi ken ala weka e sona ni tan lawa mi. taso jan Silinka li lon poka mi li toki e ni:

“sina ken ala ken lukin e ona? sina ken ala ken? sina lukin e ijo lon poka lon insa sina lon tenpo ale anu seme? sina lukin ala lukin e ijo ni: ijo ni li pali e «sewi laso» e «kon taso»? mi pakala e selo li pana e ale sin pi jan ante ala tawa sina anu seme?” mi kute e kalama suli ala tan nasin ala suli li lukin e sinpin ona poka. lukin ona li seli li lukin e mi tan pilin ike suli. ike la ilo li awen pali e tawa kalama.

ona li awen toki e ni: “sina pilin ala pilin e ni: ijo ni li weka e jan pali? jan pi sona ala a! ona li ike ala. taso jan pali li awen lon ala anu seme? sina alasa pini e pali mi. mi wile e toki pona la sina pilin ike e mi. sina monsuta tan sona sewi. jan pi pilin monsuta a! taso ni la mi jo e sina. seme li weka e jan pali? ona li kalama monsuta tan seme? … sina sona ala anu seme? tenpo poka la sina sona! o lukin o kute e mi! sina pilin ala pilin e ni: tenpo en suli en selo anu ijo li lon? mi toki e ni: mi kama sona e ijo pi sitelen lawa lili sina ala! mi lukin lupa ale li tawa anpa e sewi ike tan sewi pimeja! … mi kama jo e kon pimeja. kon ni li tawa tan mun tawa mun li pana e moli e nasa. ale li ijo mi! sina kute anu seme? ijo li alasa e mi. ijo ni li weka. ijo ni li ante e ijo tawa telo. taso mi ken tawa len tan ona. ona li alasa e sina sama jan pali mi. sina pilin monsuta anu seme? tenpo pini la mi toki e ni: o tawa ala! mi awen e sina tan ona lon tenpo ni. ni la sina ken kute e mi li ken lukin. sina tawa la ona li lon sina. o pilin monsuta ala! ona li pakala ala e sina. ona li pakala ala e jan pali. ona li kalama monsuta tan lukin. ijo mi li pona lukin ala. ona li tan ma pi ante lukin mute. kama weka li pali ala e pilin ike. mi toki e ni. taso mi wile e ni: sina lukin e ona. mi ken lukin e ona. taso mi sona e ni: mi o pini lon seme? sina wile kama sona ala anu seme? tenpo ale la mi sona e ni: sina jan sona ala. tawa monsuta anu seme? sina tawa monsuta tan ijo pini pi alasa sona mi anu seme? sina tawa ala tan seme? sina pilin lape anu seme? o pilin monsuta ala. ona li kama. … o lukin! o lukin! ona li lon poka monsi sina. …”

toki ni mi li lili. ken la sina sona e ona tan lipu pi tenpo sin. jan awen li kute e kalama pi ilo moli tan tomo majuna Silinka li alasa e mi lon ona. mi lape. jan Silinka li moli. ona li wile e mi tan ni: mi jo e ilo moli. taso pini la ona li kama sona e ni: insa lawa pi jan Silinka li kama pakala li kama open. kin la ilo moli mi li pakala e ilo taso. mi toki mute ala e lukin mi tan ni: ona li pilin ala e ona. taso ona li toki e ni tan toki lili mi: jan moli nasa li kama nasa e lawa mi.

mi wile pilin e toki ona. mi o pilin monsuta aa tan sewi tan kon lon sewi mi la lawa mi li kama pona. tenpo ala la mi pilin wan taso. tenpo lili la mi pilin e ni: ijo li alasa e mi. toki ona la jan Silinka li moli e jan pali. taso mi ken ala e toki ona tan ni: jan awen li alasa ala e ona.