o moku sama soweli

akesi li open e lupa.

tomo lili pi jan Otakon li pimeja. suno wan taso li lon li kama tan ilo pi jan Otakon.

“ilo Otakon o.”

“seme a? o ilo ala e mi. mi jan.” jan Otakon li awen lukin tawa ilo sona. luka ona li tawa mute.

“lon la sina jan ala jan? pali sina li sama ilo. sina jan la o moku e ni.” akesi li jo e poki pi telo seli e pan. akesi li pana e poki tawa jan Otakon.

luka tawa pi jan Otakon li pini. tenpo lili la tawa li sin. ona li toki e ni: “tenpo kama la mi moku. tenpo ni la mi pali suli.”

akesi li tawa ala. “mi lon utala la tenpo li lili. taso la mi kepeken tenpo mi tawa moku tan ni: moku li pona e mi. ken la pali sina li suli. taso la wile moku li suli mute. sina moku ala la sina ken ala pali suli.”

jan Otakon li pini e pali ilo ona. ona li sike e supa ona li lukin tawa akesi. “toki sina li sama toki pi sona mute. taso la mi pilin e ni: sina wile moku taso li wile ala pali!”

akesi li toki ala li lukin tawa jan Otakon sama ni: jan Otakon li ike e kon pona pi toki akesi. taso la jan Otakon li kama jo e poki pi telo seli e pan.

jan Otakon li toki e ni: “mi moku a! o mama ala e mi. o mama e soweli sina. soweli li wile ala moku la sina ken toki e toki sina tawa ona.”

“tenpo ale la soweli li wile moku. sina o kama sona tan soweli.”

akesi li tawa lupa tomo. pali suli ona li pini.

!!! note

mi sitelen e lipu ni tan ni: it was easy to tokiponize both otacon and snake! had fun writing in tp again, it has been a while. you can point out any mistakes i’ve made.