sitelen sitelen - kon pi toki pona

pilin mi

sitelen sitelen tan jan Jonathan Gabel li suli tawa kulupu pi toki pona. ‘sitelen sitelen’ anu ‘sitelen suwi’ li jo e kon musi. ona li jo e kon kulupu tawa mi.

kon musi la - jan Jonathan Gabel li pali e sitelen sitelen. tenpo pali la jan Gabel li pana e sitelen sin tawa nimi ale pi toki pona. sitelen ni li jo e kon sitelen tan kulupu jan mute a. tan ni la, kon ona li tan ala jan wan. ni li suli tawa kon pi toki pona.

kin la, sitelen pi sitelen sitelen li musi li jo e suwi mute. ona li ante tawa toki majuna. ona li ante tawa toki sin kin. ona li namako.

kon kulupu la - jan mute li pilin e ni: sitelen sitelen la, ni li monsuta tawa sona ona. ona li jo e sitelen mute a! tan ni la, jan mute li sona ala e ona. taso sitelen sitelen li jo e kon suli tawa mi tan ni:

tenpo ni la, toki pona li jo e tenpo sike pi mute lili (tawa toki ante). kulupu pi toki pona li sama tan ni. taso sitelen sitelen li pana e tenpo pini (pi lon ala) pi toki pona. kulupu pi toki pona li ken pali e ijo sin tan ni. sitelen sitelen li noka tawa musi mute. ni li suli tawa mi. tan ni la, mi wile kepeken sitelen sitelen tawa musi sin mute a!

mi sona e ni: sitelen sitelen li pali tan jan wan. jan Jonathan Gabel li lawa e pali pi sitelen sitelen. taso ona li wile sama jan Sonja: kulupu li lawa e toki pona. ni li pona.

toki ni li pilin mi taso.
o kala pona. o awen pona.