Course · Library · News · Discord · More
lipu.pona.la
All · Collections · Tags · Authors · Adaptations · Random · Add
Details

Edit on Github

Description: mi toki pona e kalama musi “bella ciao” tan toki Italija.

Tags: music

Sources: sijeni.li.pona.la

Archives: web.archive.org

Original: Bella Ciao by unknown

tawa pona

soko Sijeni
Feb 14, 2025

suno ni la
mi pini lape
a tawa pona tawa pona tawa pona pona a!
suno ni la
mi pini lape
li kama lukin e jan ike

jan utala o
o tawa e mi
a tawa pona tawa pona tawa pona pona a!
jan utala o
o tawa e mi
tan ni: mi pilin e moli

mi moli lon
ma utala la
a tawa pona tawa pona tawa pona pona a!
mi moli lon
ma utala la
o pana e mi tawa insa ma

o pali e lupa
lon ma nena
a tawa pona tawa pona tawa pona pona a!
o pali e lupa
lon ma nena
lon anpa pi kasi pona

jan li kama
li lukin e mi
a tawa pona tawa pona tawa pona pona a!
jan li kama
li lukin e mi
la ona li toki e “kasi ni li pona”

ni li kasi
pi jan utala.
a tawa pona tawa pona tawa pona pona a!
ni li kasi
pi jan utala.
ona li moli tan ken ale

ni li kasi
pi jan utala.
ona li moli tan ken ale