olin o

soweli Lan li toki e ni: “olin o~”

la soweli Nalinte li toki e ni: “nasa o.”

pimeja li lon. seli wan taso li suno e ma poka, e supa lape pi ona tu. kalama li lili. tan li ni: kulupu pi lawa Lan li lape. taso, soweli Lan en soweli Nalinte li lape ala. ona li wawa sewi la sijelo ona li wile ala e lape. ni la, soweli Lan li toki mute tawa ona ante. ni li ike suli tawa soweli Nalinte. (lon la, ni li ike ala tawa ona. taso, ona li len e pilin ona.)

“seme a? mi nasa ala. mi wile toki tawa olin mi.” soweli pi puwa walo li toki. “sina weka sona e unpa pi mi tu anu seme?”

pilin seli li kama tawa sinpin pi soweli Nalinte. ni li musi lili: sewi moli li kute e nimi ‘unpa’ la ona li pilin ni. pona la ona li ken ala loje tan pimeja ona. sinpin loje la soweli Lan li pini ala e toki musi lon ona.

soweli Nalinte li alasa toki. “o kepeken ala nasin toki ni— sina sona. ni li musi ala, soweli nasa o.”

“a? taso, mi en sina li unpa! mi pana e sike jelo kiwen tawa palisa luka sina!” soweli puwa li musi sama ni: ona li sona ala e nasa pi toki ona.

“o lili e kalama sina. ale li sona e ni: nimi unpa li toki e wan sijelo.”

“n. wile sina la mi pini toki.”

toki ala la soweli Nalinte li toki lon insa pi lawa ona.

ona en soweli Lan li wan olin. taso, ona li unpa ala. tenpo la soweli Lan li uta e ona… e sinpin ona, e lukin ona nanpa tu wan, e uta ona. taso, ni li ale pi olin ona. soweli Nalinte li alasa ala poka.

n. soweli Nalinte li toki e wile la, soweli Lan li pana ala pana e olin mute? sitelen li kama tawa lawa ona: ona en soweli Lan li unpa… ike a! sitelen o weka!

soweli puwa li toki e ni: “mi ken kute e toki insa sina, olin o.”

“o olin ala e mi! mi wile ala e ijo jaki sama ni! o kute ala e toki lawa mi!” soweli pimeja li toki wawa.

soweli Lan li luka e lawa pi soweli Nalinte. pilin suwi luka li pini e toki wawa ona.

“mi olin e sina lon tenpo ale, olin Nalinte o. sina ken ala weka e olin mi.”

“n. ni la sina pakala suli.”

“ken!” taso, soweli Lan li pini ala luka e lawa ona.

soweli Nalinte li lukin e ona. lukin la ona li pona li suwi. taso, ona li ike suli. ona li moli e jan mute li pilin ike ala. ona li lanpan e kulupu e wawa sewi ale tan soweli Nalinte. seme la olin li kama lon pilin pi soweli Nalinte—?

ona tu li lukin e lukin pi ona ante.

soweli Nalinte li wile uta e uta pi soweli Lan.

“o uta e mi,” soweli Lan li toki e ni.

“a—! mi toki e ni: o kute ala e toki insa mi! o anpa!”

“sina en mi li sona sama e ni: mi anpa e sina.”

tenpo ale ante la soweli Nalinte li toki e ni tawa ona: ‘mi anpa ala tawa sina!’ ‘o utala sin e mi!’

taso, tenpo ni la, ona li toki ala.

ona li wile e ni: soweli Lan li anpa unpa e ona.

soweli Lan li kute e toki insa ni la lukin ona li kama suli. taso tenpo lili la uta ona li sewi pi pilin pona. “suwi Nali o… sina wile unpa e mi anu seme?”

anpa Nalinte li alasa len e sinpin ona. “… mi suwi ala.”

soweli Lan li uta suwi e poka pi sinpin ona. “sina suwi mute tawa mi.”

“…”

soweli Lan li kama sona e ijo. “a! sina toki ala e ni: sina wile ala unpa e mi!”

“n.”

“n?”

“o anpa,” soweli Nalinte li toki sin.

“sina wile!” soweli pi puwa walo li mu pi pilin musi. “sina wile a!”

“la seme?!” soweli pimeja li kalama suli. “sina anpa e mi li jaki e lawa mi. o pilin musi. o pini toki e ona tawa mi.”

“soweli Nalinte o…” soweli Lan li kama jo e luka pi soweli Nalinte lon luka ona. “unpa li jaki ala. sina pilin ni tan seme?”

“unpa la jan li ken ala lawa e wile sijelo ona. ni li anpa jaki tawa mi.”

“taso, ona li pona pilin! sina wile ala wile sona e pilin ni?”

soweli Nalinte li pini e lukin ona. “……ike la wile.”

toki ni la soweli Lan li wan e uta tu ona. taso ona li sama ala uta pi tenpo pini. pilin seli unpa li lon. palisa uta ona li alasa insa uta pi ona ante. soweli Nalinte li anpa tawa ona sama tenpo ale ante, li pilin e palisa uta lon uta ona.

soweli Lan li weka lili e lawa ona li pini uta tawa toki. “sina wile ala wile e luka mi lon ilo unpa sina?” soweli Nalinte li mu “wiiile…”

ni la luka li poki suwi e palisa li tawa lili. soweli tu li uta sin. soweli Lan li moku e mu pi olin ona. soweli Nalinte li pilin e ni: sijelo ona li tawa pi wile ona ala, ona li wile unpa e luka ni..

ona tu li pini uta tan ni: ona li wile moku e kon. soweli puwa li toki e ni: “palisa sina li kama kiwen lon tenpo lili a.”

soweli pimeja li lukin e kasi weka e lukin ona ala. “n-ni li tan ni: mi wawa nanpa wan!!”

“a a.”

ona li uta e uta li luka e sijelo lon tenpo suli.

soweli Lan li toki e ni: “sina uta pona. sina wile ala wile uta e lupa pi soweli lawa sina~?”

“a— n—” ken toki li weka tan soweli Nalinte.

insa pi lawa ona li toki e ni: ‘mi wile mi wile mi wile mi wile mi wile’

soweli Lan li anpa suwi e soweli Nalinte lon supa lape. noka wan li lon poka wan pi lawa ona, noka ante li lon poka ante.

nanpa wan la soweli Nalinte li uta lili suwi e lupa. sama ni: ona li uta suwi pi unpa ala e sinpin ona. suwi ona li kama e mu tan soweli pi lupa ni.

nanpa tu la soweli Nalinte li open e uta ona. palisa uta ona li tawa sewi tan anpa lon lupa. ona li insa ala. taso ona li ken pilin e poka sike lupa e telo ona e seli ona.

“uuuu…” mu mute pi lawa ala li kama tan soweli lawa. ona li tawa e noka ona. soweli Nalinte li ken ala awen e uta ona lon lupa. ni la ona li kama jo luka e noka pi soweli puwa. “o tawa ala.” toki ni la ona li uta sin e lupa.

taso, soweli Lan li awen tawa li awen mu. “m-mi wile e palisa sina…”

soweli Nalinte li pini uta. “… nasa Lan o, sina alasa ala alasa moli e mi kepeken toki ni..?”

“toki mi li lon!… mi wile e sina… mi wile unpa e s-sina… mi wile e palisa sina lon lu-lupa mi…” toki ona li pakala lili tan wawa pi wile unpa ona.

ni li pona a tawa soweli Nalinte. ona li ken ala anpa e ona lon utala. taso ona li ken anpa e ona lon ni la ale li pona.

“mi ken… mi ken lon e ni.”

soweli Nalinte li sewi e sijelo ona. ona li lon poka e palisa ona e lupa pi ona ante.

“mi wile mama e soweli lili sina-!” soweli Lan li toki.

“s. seme?” palisa unpa pi soweli Nalinte li tawa lili tan toki ni.

“ken suli la ona li… ona li wawa… ona li suwi… mi tu o pali e soweli lili mute, nnn~”

“aaaa…” soweli Nalinte li pana e palisa ona tawa lupa pi olin ona. linja monsi ona li tawa.

ona tu li mu lon tenpo wan. soweli Nalinte la lupa li poki suwi seli e palisa ona. soweli Lan la palisa li suli pona lon insa ona.

olin tu li anpa sama tawa pilin unpa. ala li lawa. ona li open tawa e sijelo, li open tawa e palisa lon lupa suwi.

“nnn… soweli Lan o… o toki tawa mi… o toki e ijo suwi unpa tawa mi…”

“mi… n… sona ale li weka tan lawa mi lon tenpo ni…! o unpa e mi! o unpa wawa e mi!!”

unpa ona li pana e kalama selo e kalama telo.

soweli Nalinte li toki: “a… aa… ken la kulupu li pini lape li kute e unpa mi… nn…”

soweli Lan li toki e ni: “ona o ni,, ona o lukin e unpa pi lawa ona, ona o sona e olin wawa pi mi tuuuu— nnn!”

tenpo lili la soweli Nalinte li mu li pana e telo unpa ona tawa insa pi soweli Lan.

unpa li pini la soweli Nalinte li awen e palisa ona pi kiwen ala lon lupa suwi pi olin Lan.

“mi olin e sina,” soweli Nalinte li toki. tenpo pi mute ala la ona li toki e nimi ni. “mi olin lon e sina.”

soweli Lan li poki e ona lon luka ona. “mi olin e sina, kin. taso, sina sona e ni.”

“mi sona a e ni, olin mi o.”

soweli Lan li pilin nasa pona tan toki suwi pi soweli Nalinte. “a a… mi unpa e sina la sina kama toki suwi tawa mi. mi tu o unpa lon tenpo ale.”

palisa pi soweli Nalinte li kama kiwen sin. “sina wile e ni la mi wile e ona, kin.”

pimeja ni la ona li unpa lon tenpo mute.