tawa nanpa wan pi jan Kisote

jan Kisote li wile ala awen awen. suno li open la ona li jo e ilo ale, li tawa lon poka pi soweli Losinante. ona li toki e wile ona tawa jan ala. ona li taso la pilin ike li kama li pini e tawa. jan lawa li jan utala ala e ona la ona li ken ala utala. taso pakala lawa li anpa e pilin ni. nanpa wan la ona o kama jan utala tan jan lawa. sin la ona li tawa.

jan Kisote li toki e ni tawa ona sama: «jan li kute e toki mi la, jan sona li toki e ni tan tawa mi nanpa wan: “suno Apolo li open pana tawa ma suli e linja walo ona la, waso lili kule li open toki kepeken kalama suwi tan sewi loje la, sewi li pini lape lon telo suli li lukin e jan moli la, jan wawa Kisote pi ma Mansa li weka tan tomo li kepeken soweli Losinante, li open tawa lon ma kasi Monte.”»

lon la ona li tawa lon ma kasi ni. ona li toki e ni kin: «tenpo pi toki mi li tenpo pona a! jan pi tenpo kama li sitelen e sona mi lon kiwen mani. jan sona pona o! sina toki e sona mi la, o weka ala e soweli pona mi Losinante.» pilin olin la ona li toki wawa e ni: «meli suwi Jansuwi o! tan sina la open tawa li pali ike. pilin sina li pakala tan mi.»

sama la ona li toki nasa mute sama lipu. ni la, ona li tawa lili lon tenpo suli. suno li seli la lawa li ken moli. pona la lawa ona li moli lon tenpo pini.

suli ala li kama lon suno nanpa wan. ona li wile utala la ni li ike a. jan mute la utala ona nanpa wan li lon ma telo Lapise. jan ante la utala ona nanpa wan li lon tomo pan. taso utala nanpa wan pi jan Kisote la ona li tawa lon ale suno li wile lape li wile moku. ona li lukin e poka ale li wile lon tomo suli tan lape. ni la, ona li lukin e suno lili li tawa ona.

tomo lili la meli tu li lon. ona li lili li pali. taso jan Kisote la ona li suli li lon tomo lawa suli. mije ante lon tomo li lawa e soweli mani. jan Kisote li kama la meli li pilin monsuta li tawa insa tomo. taso jan Kisote li toki suwi e ni:

---o monsuta ala! mi jan utala tawa lawa la mi pakala ala e meli suwi sama sina.

meli li kute e «meli suwi» la ona li mu tan musi. ni la jan Kisote li toki sin.

---tan pona lukin la mu musi li kama tan lili.

meli li sona ala e nasin toki ni pi tenpo pini li mute e mu. tenpo ni la mije li kama. ona li lukin e sijelo linja e ilo utala, li wan lon mu. taso ona li pilin monsuta kin tan ilo li toki:

---sina wile lape la o lon tomo mi.

jan Kisote li lukin e pona mije li toki:

---jan kutopanja¹ o! ale li pona tawa mi. lape li utala mi.

---supa lape sina li kiwen. ni la, sina ken ala lape lon tomo ni lon tenpo pimeja lon tenpo ale.

mije li pana e pona tawa jan Kisote. ona li moku ala la pali ale li wile e wawa suli.

jan Kisote la mije o pona tawa soweli Losinante kin. ona li soweli nanpa wan tawa ona. taso mije li lukin e soweli jaki taso. tomo la meli li weka e len kiwen tan jan utala. taso ona li ken ala weka e ale la. ona li lape kepeken len kiwen lon sijelo. ona li musi lukin. meli li pona lukin tawa ona la ona li toki e ni:

«jan ala li kama
e meli suwi sama
jan Kisote utala
lon tomo a wawa.»

---anu soweli Losinante. ona li soweli mi mi jan Kisote pi ma Mansa. o lawa e mi.

toki li nasa tawa meli la ona li toki ala. ona li pana e moku

kala taso li lon. jan Kisote li awen lon supa. ona li moku lon nasin musi a. len kiwen li len e sinpin ona la, jan ante o pana e moku. ona li ken moku e telo kepeken palisa taso. jan ante li kama lon tomo li weka e ken mama tan soweli mani. ilo pali ona li kalama. jan Kisote la ni li kalama musi suwi li tawa wile ona. pini la ona li tawa. taso ona li awen jan utala ala tawa lawa la utala suli ala li ken.

¹ nimi ni li nimi sin musi tan kulupu Epanja pi toki pona, li toki e kulupu ni. ona li nimi jan ala. mi kepeken nimi ni tan musi. lipu la kon nimi li «ijo li tan kulupu Kasija pi ma Epanja (castellano)».