weka nanpa wan

mi wile sona e ni: sina pona ala pona
sina pilin pona la o pana e toki tawa mi
tawa ma weka ni la, kalama uta lili en wile mi li
ken ala ken tawa kute sina
ona li wile mi a

sewi li laso taso li jo ala e ijo sama pilin mi la,
ike la, suno li pona
suno ni la mi weka e sina
kule sina li loje e ijo walo pi ale mi la,
ona li olin pi kule loje a
olin pi kule loje o weka pona

mi ken ala ken kama lon poka sina lon tenpo kama wan
mi ken ni la, mi kama pilin pona
mi ken ala ken ni a
sina tawa ma weka la
mi tu li ken ala wan lon tenpo sin
sina kama lon sewi la
o kama telo sewi o tawa mi
kule sina li loje e ijo walo pi ale mi la,
ona li olin pi kule loje a
olin pi kule loje o weka pona