jan suli kasi

kulupu Katala li toki e sona ni

tenpo pi pini suli a la
lon tomo lon ma Montuji la
jan sin li lon
jan sin mute li lili
taso jan sin ni li suli a
jan lili li nimi “jan wawa Pale” e ona

ona li suli a la
ona li awen kepeken palisa kasi suli
ona li suli a la
ona li moku e telo tan linja telo suli
li weka e telo mute

jan Kolon li kama tan ma sin Amelika la
jan suli a tu li lon kulupu ona
jan suli tu li wawa tawa jan ale
taso jan pi ma Katala li sona e jan wawa Pale la
ni li wawa ala

jan wawa Pale li wile lon e sona ni
jan suli tu sin la jan Pale li wawa nanpa wan
jan wawa li jo e palisa kasi
li tawa ma tomo Pasalona

ma tomo la
jan li awen e open li toki e ni
”sina kama la o jo ala e palisa”
jan wawa li utala e jan awen kepeken palisa la
jan awen li kama lon poka ante ma

jan wawa li toki wawa e ni
”jan pi ma Amelika o!
o kama
mi pana wawa e ijo tawa anpa la anpa li pakala”
jan wawa li jo e jan suli pi ma Amelika
zz li pana wawa tawa sewi e ona
jan suli li kama awen lon ma Amelika

tan sona ni la jan pi kulupu Katala li kalama musi e ni

jan suli kasi
li a tawa li a tawa
jan suli kasi
li a tawa lon nasin

jan suli tomo
li a tawa li a tawa
jan suli tomo
li a tawa lon ma tomo