Course · Library · News · Discord · More
lipu.pona.la
All · Collections · Tags · Authors · Adaptations · Random · Add
Details

Edit on Github

Description: Translation of Guitar, Loneliness and Blue Planet into Toki Pona.

Tags: music translation Bocchi the Rock!

License: CC BY-SA-NC 4.0

Sources: www.youtube.com

Original: Guitar, Loneliness and Blue Planet by Kessoku Band

Notes: Second version

ilo kalama linja en pilin pi wan taso en ma laso (nanpa tu)

jan Pikesike
Sep 12, 2025

telo sewi li tawa anpa. taso,
mi jo ala e len telo
seme la, mi sona e pilin sewi a
tenpo ni la, mi o len kepeken seme:
len ni anu a len ante
tenpo seli en tenpo lete li tawa seme

mi ken ala insa e kon
tan ni: pakala mi li lon
sike pi pilin nasa la,
mi lon seme lon insa a
kon a mi, kon a mi li kalama suli tan insa mi
ni li nasa:
ma li kalama ala
tan seme

ken ala! ken ala! jan ala li sona e mi a
mi ken ala kalama pona anu toki pona a la, mi mu suli taso
mi o pana e mi lon tawa jan seme la, mi
kalama sama jan pi nasa pakala
li pakala e mi tawa mun lili

mi ante e linja pi ilo kalama mi
pali ni li ike lili
mi luka e kiwen pakala pi luka mi
kepeken ilo kalama linja ni
la, mi pana e pilin mi
tawa kalama la, ni li ma ale ni

mi luka e kon lili, li
lukin utala e sewi
taso, ala li kama a
wawa mi li lon ala
taso, kepeken luka ni la, sina kalama e linja ni
pilin la, ijo li open ante a-
-nu seme?

suno ni, suno ni, ni o suno lili taso a
mi wile ala e ni: pimeja ike mi li awen kama suli ike a
taso, seme la, mi pilin wawa? mi ken ala pini
mi kalama sama jan pi nasa pakala
kalama pi pilin mi o lili

ma laso la, mi taso li pilin pi wan taso
tenpo mi la, mi kute e kalama mute
mi awen li sike tawa tenpo suli
tenpo lili taso li pona kin
o kute
o kute a

mi lon a, mi lon a, mi lon ma ni la, o kute a
mi ken ala kalama pona anu toki pona a la, mi mu suli taso
mi wile kama suli a lon ma sike ni. la, mi
kalama sama jan pi nasa pakala
li pakala e mi tawa mun lili