kiwen toki pi jan Eja Nasi
jan 𒂍𒀀𒈾𒍢𒅕o. jan 𒈾𒀭𒉌li toki e ni
sina kama la, sina toki e ni tawa mi
te mi pana e kiwen leko mani loje pi pona mute tawa jan 𒄀𒅖𒀭𒋢𒂗lon kama ona to
taso sina weka lon pini toki la sina pali sama ala toki sina
sina pana e leko pi pona ala tawa jan kama mi 𒋫𒀸𒆪𒌦li toki e ni
te sina wile jo e ona la o jo e ona, sina wile ala jo e ona la o weka a to
sina ike pi mute ni tawa mi la mi jan pi suli seme tawa sina
mi pana e mije pona sama mi tan wile jo pi poki mani mi tawa tomo sina,
taso sina weka sin e ona li pana ala e mani mi
ona li tawa mute lon ma ike tan ni, la sina ike ale tawa mi
jan ante li esun tan ma 𒋼𒂖𒈬𒌦la ona seme li ni tawa mi
sina taso li pana e ike mute tawa jan mi a
mi pana ala kin e kiwen mani walo pi suli 𒈠𒈾wan taso la sina pilin e ni, sina ken toki ike sama ni
taso mi pana e kiwen mani loje kin pi suli 𒄘luka luka ale mute mute mute mute tawa tomo suli lawa
li toki e ni, te jan 𒂍𒀀𒈾𒍢𒅕li pana e ni to
kin la jan 𒋗𒈪𒀀𒁍𒌝li pana e mute sama li toki sama
ijo pona ante la mi tu li toki sitelen e ona lon kiwen li awen e ona lon tomo sewi 𒀭𒌓
mi ni ale la sina awen ike tawa mi tan seme
sina awen jo e poki mani mi tan ala wile mi lon ma pi jan ike, la o pana sin e ona ale
o sona e ni, tenpo kama la kiwen mani loje li pona mute ala la mi wile ala e ona
kama la mi wan li lukin e leko ale li kama jo e leko pi wile mi lon ma mi
mi kama ken a wile ala e ijo sina tan ni, sina ike mute tawa mi
jan Eja Nasi o: jan Nani li pana e toki ni:
sina kama la, sina toki e ni tawa mi: “mi pana e kiwen leko mani loje pi pona mute tawa jan Kimi Sin lon kama ona.” taso sina weka lon pini toki la sina pali sama ala toki sina. sina pana e leko pi pona ala tawa jan kama mi Si Sin li toki e ni: “sina wile jo e ona la o jo e ona, sina wile ala jo e ona la o weka a!”
sina ike pi mute ni tawa mi la mi jan pi suli seme tawa sina? mi pana e mije pona sama mi tan wile jo pi poki mani mi tawa tomo sina, taso sina weka sin e ona li pana ala e mani mi. ona li tawa mute lon ma ike tan ni, la sina ike ale tawa mi. jan ante li esun tan ma Temun la ona seme li ni tawa mi? sina taso li pana e ike mute tawa jan mi a! mi pana ala kin e kiwen mani walo pi suli Mina wan taso la sina pilin e ni: sina ken toki ike sama ni. taso mi pana e kiwen mani loje kin pi suli Teki 1080 tawa tomo suli lawa li toki e ni: “jan Eja Nasi li pana e ni.” kin la jan Sumi Apun li pana e mute sama li toki sama. ijo pona ante la mi tu li toki sitelen e ona lon kiwen li awen e ona lon tomo sewi Sama.
mi ni ale la sina awen ike tawa mi tan seme? sina awen jo e poki mani mi tan ala wile mi lon ma pi jan ike, la o pana sin e ona ale.
o sona e ni: tenpo kama la kiwen mani loje li pona mute ala la mi wile ala e ona. kama la mi wan li lukin e leko ale li kama jo e leko pi wile mi lon ma mi. mi kama ken a wile ala e ijo sina tan ni: sina ike mute tawa mi.
toki ni li kepeken pali pi jan A. Leo Oppenheim lon lipu ni Letters From Mesopotamia: https://isac.uchicago.edu/research/publications/misc/letters-mesopotamia-official-business-and-private-letters-clay-tablets