tomo awen

o kama, o kama
moku li kama
sina tawa tomo mi la, pimeja li open
o toki e pilin
seme li lon wile?
sina ken jo e ijo ale pi wile sina
o wile ala weka
o awen lon insa
sina wile weka la, mi kama pilin ike
tan toki mi la, sina wile lape
supa lape sina li ko pona, li lon poka

sina kama la, ni li pona (anu seme)?
tomo ni li pona ala pona (tawa sina)?
lupa tomo li wile ala open (wile ala)
sina wile la, sina ken awen (lon tenpo ale)

pini lape pona
sina pilin seme?
sin li kama ala kama tawa wawa sina?
ala anu seme?
ni li ike ala
sina pona tawa mi la, ni o tomo sina
seme la, sina wile kama weka?
pona ale li lon insa la, o tawa ala
awen taso li awen e sina
moli li ken ala lon tomo mi

sina kama la, ni li pona (anu seme)?
tomo ni li pona ala pona (tawa sina)?
lupa tomo li wile ala open (wile ala)
sina wile la, sina ken awen (lon tenpo ale)