mi moku e kili pona

mi moku e kili pona,
misikeke pi kama sona.
tenpo mi kama sin ala
la mi tawa sewi mama.

o pilin ike tawa mi
ala, tan mi kama pini
e sike e jaki e nimi,
mi open e pana suli.

mi loje li laso li jelo,
mi kama pini e selo,
mi moli ale e sijelo,
mi kama insa e telo.

tenpo mi kama sin ante,
mi lon ala, mi kule ale
lon tomo mi, mi o lape,
o alasa e mi, o kute

o kute pona, kulupu
o lukin e suno e mun