lon telo pi waso mute

supa li jo e ijo mute, taso telo li supa e waso. tenpo pini lili la mi tawa lon telo pi waso mute. ona li musi, li sewi e mi la mi wile toki ni.

telo ni li suli ala,
kin ona li lili ala.
suno li jo e seli a.
telo li sitelen nasa.

sina lukin e waso wan,
la waso li moku e pan.
sina lukin e waso tu.
taso waso li toki: mu.

jan mute lon anpa kasi
la ona li wile musi.
ona li lukin e waso,
e kasi, e telo laso.

telo li awen, li kama,
li tawa. ma li kalama.
telo ni li pana seli
pi suno suli lon sewi.

seli ni li ike ala
tawa waso lili mute.
waso li musi e kala,
ona li toki, li kute

lon telo pi waso mute.