Details

Description: a short poem I wrote about dysphoria

Notes: This is my first poem written in toki pona, so it might not be the best, grammatically speaking.

mi wile e mi

jan Kinen Oct 23, 2025

{"/":{"next":{"id":"2025/10/jan-wawa-utala-konen","data":{"title":"jan wawa utala Konen","description":"A translation of Robert E. Howard's \"The Tower of the Elephant\"","authors":["jan Tene"],"proofreaders":null,"date":"2025-10-05T00:00:00.000Z","date-precision":"day","original":{"title":"The Tower of the Elephant","authors":["Robert Erwin Howard"]},"tags":["translation","prose","story","fantasy"],"license":"CC BY-NC 4.0","sources":["https://denesszanto.itch.io/jan-konen"],"archives":null,"preprocessing":null,"accessibility-notes":null,"notes":null},"body":"# jan wawa utala Konen\n\n## KIPISI LIPU NANPA WAN\nkipisi Mo pi ma tomo la palisa suno li suno lili lon tenpo musi. ni la jan lanpan tan ma pi open suno li musi lon tenpo pimeja. kipisi Mo pi ma tomo la ona li ken musi li ken kalama tan ni: jan pona li tawa weka tan kipisi ni pi ma tomo. jan lawa li kama jo e mani mute lanpan pi jan ni la ona li pakala ala e musi. nasin nasa pi nena jaki mute la jan nasa pi kalama wawa li alasa tawa. kiwen li suno lon pimeja. ni la jan li alasa e jan ante. pimeja la mu musi wawa pi jan meli en kalama utala li lon. suno monsuta pi palisa seli li kama tan lupa open anu pakala. kon jaki pi telo nasa en kon jaki pi telo sijelo kin li kama tan ni. kin kalama pi utala lili en kipisi lili pi kalama musi ike li kama sama kama sinpin pi luka wawa utala.\n\ntomo wan ni pi sinpin sewi pimeja la musi mute li lon. ni la jan ike pi len lili anu jaki li kama kulupu. jan lanpan pi lawa wawa en jan lanpan jan pi pilin musi en jan lanpan pi luka wawa en jan utala len en jan meli ona en jan meli ante pi kalama wawa li lon ni. ona li jo e len pona pi mani lili. jan lanpan pi ma ni Samola li mute nanpa wan. ona li jo e selo e lukin pimeja. ilo utala li lon insa pi poki ona. wile ike wawa li lon insa pi pilin ona. taso jan mute kin pi ma ante li lon. jan suli utala wan pi ma Ipepoleja li lon. ona li taso li toki lili taso. ilo utala suli li lon sijelo suli ona kepeken linja. kipisi Mo pi ma tomo la jan li len ala e ilo utala ona. jan pali mani ike pi ma Semi li lon. ona li jo e nena sinpin suli e linja sinpin pimeja. jan wan pi ma Pitunija li lon. ona li jo e lukin wawa li lon poka pi jan ante. ona li tan ma Kunte. ona pi linja lawa jelo pimeja li jan utala weka tan kulupu utala wan pi kama anpa. musi ale li tan toki musi pi jan lanpan suli jaki wan. ona li tan ma weka Ko li kama tawa ni: ona li alasa pana sona e nasin pi lanpan jan meli tawa jan pi ma Samola. taso jan pi ma Samola li kama lon la sona ona ni li suli tawa sona ale pi jan lanpan jaki.\n\njan ni li pini toki e wawa pona meli pi wile lanpan ona li anpa e sinpin ona tawa insa poki pi telo nasa. ona li pana e telo ni tan uta ona li toki e ni: “sewi Pe pi jan lanpan o! mi pana lukin a e nasin pi lanpan jan meli. suno li tawa anpa la mi jo e ona lon poka ante pi ma Samola li pana e ona tawa kulupu mi. jan lawa pi ma Opi li toki e ni tawa mi: mi esun e jan meli pona pi ma Pitunija tawa ona la ona li pana e mani tu wan ale pi kiwen walo mani tawa mi. tenpo mute a la mi tawa lon ma tomo pi selo ma sama jan pi wile mani. taso pini la mi alasa e jan meli wan pi wile ona. ona li pona a kin tawa lukin!”\n\nona li uta olin e kon tawa jan meli ni.\n\nona li toki e ni li kama moku e telo ona lon tenpo sin: “lon la jan lawa pi ma Semi li esun e sona len tan tomo suli pi soweli nena tawa ona.”\n\nkama pi luka wan lon len pi luka ona la ona li tawa sike e lawa ona li kalama lili pi pilin utala. ona li lukin e jan suli wawa lon poka ona. jan ni li nasa tawa jan pi tomo ni sama ni: soweli wawa li nasa lon kulupu pipi pi tomo jaki. len ona pi mani lili li len ala e sijelo suli ona. luka en sijelo ona li suli. selo ona li kama pimeja lili tan suno weka. lukin ona li laso li seli. linja lawa pimeja li lon sinpin suli ona. ilo utala li lon linja ona lon insa poki pi pakala lili.\n\njan pi ma Ko li wile ala. taso ona li tawa monsi tan ni: jan ni li tan kulupu jan ala pi sona ona.\n\nona li toki e ni kepeken toki Samola pi kalama nasa: “sina toki e tomo suli pi soweli nena. mi kute e ijo mute pi tomo ni. sona len ona li seme?”\n\nona li wile ala utala. taso pilin wawa jan pi ma Ko li kama wawa tan telo nasa tan toki pona pi kulupu ona. ona li pilin suli wawa.\n\nona li toki wawa e ni: “sona len pi tomo suli soweli a! jan ale li sona e ni: jan sewi Jawa li lon insa ona li jo e kiwen mani suli. jan li pana e nimi »pilin pi soweli nena« tawa kiwen. ni li tan len pi usawi ona.”\n\njan wawa utala li pilin e toki ni lon tenpo lili.\n\nona li toki e ni: “mi lukin e tomo suli ni. ona li lon ma kasi lon sewi pi ma tomo. sinpin suli li lon selo ona. mi lukin ala e jan utala lawa. jan li ken tawa sewi lon sinpin kepeken pali lili. jan li lanpan ala e kiwen len ni tan seme?”\n\njan pi ma Ko li lukin wawa e nasin pilin pi jan ante li kama mu musi apeja. kulupu ona kin li kama sama.\n\nona li toki wawa e ni: “o kute a e jan ni pi nasin sewi ike! ona li alasa a lanpan e kiwen pi jan sewi Jawa! jan pona o. o kute!” ni la ona li tawa sike pi pilin ike tawa sinpin pi jan ante. “sina jan wawa utala pi ma lete anu seme?”\n\njan nasa li toki e ni kepeken kalama pi pilin pona ala: “mi jan pi ma Kimelija.” toki ni en nasin toki ona li pana e sona lili taso tawa jan pi ma Ko. ona li lon selo pi ma seli Semi la ona li sona lili taso e ma e kulupu pi ma lete.\n\nona li toki e ni li sewi e poki ona pi telo nasa tawa jan ni: “ni la o kute o kama sona. o sona e ni: ma ni Samola la ma tomo ni la mute pi jan lanpan wawa li suli tawa mute ona pi ma ante ale. ona li suli tawa mute ona pi ma Ko kin. jan pi ken moli li ken lanpan e kiwen ni la ona li lanpan e ona lon tenpo pini weka. sina toki e tawa sewi sinpin. taso sina lon insa la sina wile ala lon insa. tenpo pimeja la jan utala lawa ala li lon ma kasi. ni li jo e tan pona. ona li jan ala. taso tomo awen pi anpa tomo la jan pi ilo utala li lon. sina ken anpa e ona la jan utala ante kin li lon. kiwen li lon tomo wan sewi.”\n\njan pi ma Kimelija li toki e ni:“jan li ken tawa lon ma kasi la ona li ken ala tawa kiwen tan sewi tomo tan seme? ni la ona li ken utala ala e jan utala.”\n\njan pi ma Ko li kama lukin wawa e ona lon tenpo sin.\n\nona li toki wawa apeja e ni: “o kute e ona! jan ni li waso li ken tawa sewi tomo pi kiwen mani. ni li lon sewi a tan ma! kin sewi tomo li sama telo ko. jan li ken ala luka e ona li ken ala tawa lon ona.”\n\njan pi ma Kimelija li lukin li pilin apeja tan mu musi mute pi toki ona. ona li sona ala e musi ona li sin tawa kulupu ni. ni la ona li sona ala e ike toki ona. toki jan pi nasin kulupu li ike tawa jan pi nasin kulupu ala tan ni: jan pi nasin kulupu li sona e ni: ona li toki ike la tenpo mute la jan ala li pakala e lawa ona. ona li pilin utala lili li pilin ike pi sona ala. ken suli la ona li alasa tawa weka. taso jan pi ma Ko li awen apeja e ona.\n\nona li toki wawa e ni: “o kama! o kama! o toki e nasin sina pi lanpan kiwen tawa jan pona ni a! sina kama lon tan mama sina la ona li jan lanpan lon tenpo ni kin.”\n\njan pi ma Kimelija li toki e ni li pilin utala: “jan li wile li wawa la tenpo ale la ona li ken.”\n\njan pi ma Ko li pilin e ni: ni li toki utala tawa ona. sinpin ona li kama loje laso tan pilin wawa ona.\n\nona li toki wawa e ni: “seme a?! sina toki e pali mi. sina toki e ni kin anu seme: mi jan pi wawa ala? o tawa a! o weka a tan mi!” ona li luka tawa e jan pi ma Kimelija kepeken luka wawa.\n\njan wawa utala li toki wawa e ni: “sina apeja e mi li alasa luka e mi anu seme?” pilin utala ona li kama wawa lon tenpo lili li pakala suli e jan pi wile apeja ona kepeken luka open tawa supa monsi. telo nasa li kama tan poki ona. jan pi ma Ko li kalama wawa pi pilin utala li kama jo e ilo utala ona.\n\nona li toki wawa e ni: “jan pi nasin sewi ike o! mi pakala a e pilin sina tan ni!” kiwen li suno. kulupu li tawa weka wawa tan utala ona. tawa ona la ona li pakala e ilo suno taso tomo. ni la tomo li kama pimeja. kalama pi pakala supa en kalama tawa pi noka mute en toki ike en kalama wawa pi pilin pakala li pakala e pimeja sama ilo kipisi. ilo suno li kama suno lon tenpo sin la jan mute li tawa weka kepeken lupa open anu pakala. jan pi mute lili li awen lon monsi poki pi telo nasa lon anpa supa. jan wawa utala li lon ala. ala li lon insa tomo. sijelo kipisi jan taso pi ma Ko li lon. nasin ala pimeja la jan pi ma Kimelija li moli e ona kepeken nasin lon pi jan wawa utala.\n\n## KIPISI LIPU NANPA TU\n\nsuno wawa en musi tomo li kama weka lon monsi jan pi ma Kimelija. ona li weka e len pakala ona li jo e len pi anpa sijelo e len noka taso pi linja sewi. ona li tawa sama wawa pi soweli suli. insa wawa ona li tawa lon anpa pi selo pimeja ona. \n\nona li kama lon kipisi sewi pi ma tomo. poka ale ona la palisa suli pi kiwen walo en tomo pi kiwen jelo mani en lupa suli pi kiwen walo li suno tan suno mun. tomo sewi mute kin li lon tawa sewi nasa mute pi ma Samola. taso ona li pilin ala tan ni. ona li sona e ni: nasin sewi pi ma Samola li ike li jo e lawa nasin mute li kama weka tan sewi lon ona tan nasin lawa ona tan nasin ona pi toki sewi. tenpo pini la ona li awen lon ma kasi pi jan sona lon tenpo mute li kute e toki pi jan sona e toki pi jan sewi. ona li tawa weka la ona li kama sona e ijo sin wan ni taso: lawa pi jan ale ni li pakala.\n\nsewi ona li pona li jo e lawa lili. sewi Kon li sewi lawa ona. ona li lon nena suli li pana e kon e moli tan ni. toki jan tawa sewi Kon li tawa ala tan ni: ona li wawa li nasin ala. ona li pilin utala tawa jan ale pi wawa ala. taso ona li pana e wawa e ken utala moli tawa jan lon kama ona. jan pi ma Kimelija la ni li ale pi wile ona tan sewi.\n\nnoka ona pi len noka li pali e kalama ala lon nasin kiwen. jan lawa ala li lon tan ni: jan lanpan kin pi kipisi ma tomo Mo li pilin ike tawa tomo sewi. ona li sona e ni: ni la pini nasa li kama tawa jan lanpan. jan Konen li lukin e tomo suli pi soweli nena lon sinpin ona. ona li pilin e ni: ona li jo e nimi ni tan seme? lukin la jan ala li sona e ni. tenpo ala la ona li lukin e soweli nena. taso ona li sona e ni: soweli suli ni li jo e linja lon monsi lon sinpin ona kin. jan esun pi ma Semi li toki e ni tawa ona li toki e ni kin: ona li lukin e kulupu suli pi soweli ni mute lon ma Ikanija. taso jan ale li sona e ni: jan pi ma Semi li toki e lon ala. taso soweli nena ala li lon ma Samola.\n\ntomo suli li sama palisa pi suno lete lon sewi pimeja. tenpo suno la jan mute li ken ala lukin e ona tan suno wawa ona li toki e ni: ona li kiwen walo mani. tomo suli li sike lili li sewi suli. sewi ona li suno tan kiwen mani mute ona. tomo suli li lon ma kasi lili pi kasi suli nasa li lon sewi tawa nasin pi ma tomo. sinpin suli li selo e ma kasi ni. sinpin ante li lon anpa pi sinpin ni li selo e ona kin. suno ala li lon. lukin la lupa ala li lon tomo suli. anu lupa ala li lon sewi pi sinpin insa. kiwen mani taso pi sewi tomo li suno lete tan suno mun.\n\nkasi mute li lon poka pi sinpin anpa. jan pi ma Kimelija li kama lon poka pi sinpin selo li lukin e suli ona. sinpin li suli. taso ona li ken tawa wawa tawa ona li ken luka e sewi ona. ni la ona li ken sewi e sijelo ona li ken tawa anpa kepeken pali lili. ona li pilin e ni: ona li ken tawa sewi lon sinpin insa kin kepeken nasin ni. taso ona li awen lili tan ni: ona li pilin monsuta lili tan ike nasa ken pi insa tomo. jan ni li nasa tawa ona. ona li sama ala ona. ona li sama ala jan pi ma Pitunija li sama ala jan pi ma Nemesija li sama ala jan pi ma Ko li sama ala jan pi ma Akilonija. ona li pilin e wawa kulupu pi jan ni lon tenpo pini. kulupu pi ma Samola li majuna li ike mute tawa ona.\n\nona li pilin e jan sewi Jawa. ona li pali tawa wile nasa tan tomo suli ni pi kiwen mani. linja lawa li kama sewi lon jan pi ma Kimelija tan pilin monsuta ona. ona li sona e toki musi pi jan toki wan. ona la jan sewi Jawa li mu musi lon sinpin pi jan lawa ike li pana e kiwen mani pi suno ike lon sinpin ona. suno ni li kama tan kiwen la ona li pakala e lukin. ona li kama selo e jan lawa. ona li mu monsuta li kama anpa. sijelo ona li kama ko pimeja lili li kama pipi pimeja lili. ona li tawa wawa lon anpa. jan sewi Jawa li pakala e ona kepeken noka.\n\ntenpo lili taso la jan sewi Jawa li kama tan tomo suli usawi ona. tenpo ni ale la ona li pali ike tawa jan anu ma wan. jan lawa pi ma Samola li pilin monsuta tan ona. pilin monsuta ona tan jan sewi Jawa li suli tawa pilin monsuta ona tan moli. ona li moku e telo nasa lon tenpo ale tan ni: lawa ona li pona la ona li ken ala awen tan pilin monsuta ona. jan sewi Jawa li majuna mute. jan mute li toki e ni: ona li ken ala moli tan kiwen usawi ona. jan mute li pana e nimi “pilin pi soweli nena” tawa kiwen ni. tan pi nimi ni li sama tan nimi pi tomo suli ona.\n\njan pi ma Kimelija li pilin e ni la ona li kama lon poka sinpin. insa sinpin la jan li tawa. jan kute li kute e kalama kiwen. pini la ona li sona e ni: jan utala lawa li lon ma kasi ni. jan pi ma Kimelija li awen tawa ni: jan utala lawa li kama lon tenpo sin lon tawa sike sin. taso kalama ala li awen lon ma kasi nasa.\n\npini la pilin pi wile sona li kama wawa lon ona li anpa e pilin monsuta. ona li tawa wawa lili li luka e sewi sinpin. ona li sewi e sijelo ona kepeken luka wan. ona li awen lili lon sewi sinpin la ona li lukin e ma lili lon insa pi sinpin tu. kasi ala li lon poka ona. taso ona li lukin e kasi lili pi selo kipisi lon sinpin anpa. suno mun li kama anpa lon ma kasi. kalama tan poki kiwen pi telo tawa li lon.\n\njan pi ma Kimelija li tawa anpa tawa insa. ona li kama jo e ilo utala ona li lukin. ona li kama pilin monsuta nasa tan awen open ona lon suno mun li tawa sike lon poka pi sinpin tomo. ona li lon sinpin kasi pi lukin ona pini la ona li awen. ona li open tawa wawa tawa ona li awen lon anpa. tawa ona li pakala lili tan ni: sijelo anpa awen li lon poka pi selo kasi.\n\nlukin wawa ona tawa poka tu li pana sona e ni: jan utala ala li lon poka. ni la ona li tawa sijelo moli anpa li lukin e ona. ona li lukin wawa lon suno lili mun kin la ona li ken lukin e sijelo suli jan. ona li jo e len awen sijelo pi kiwen walo mani e len kiwen awen lawa pi jan utala lawa tan ma Samola. ilo utala palisa en sike kiwen awen li lon poka ona. ona li lukin lon tenpo lili taso. taso ona li kama sona e ni: jan ni li kama moli tan weka kon. jan wawa utala li lukin poka tan pilin monsuta ona. ona li sona e ni: ni li jan utala lawa pi kute ona tan awen ona pi poka ante sinpin. tenpo lili taso li weka tan ni. taso tenpo lili ni la luka pi nimi ala li kama tan pimeja. ona li luka wawa e anpa lawa pi jan utala ni li moli e ona.\n\nona li lukin wawa lon pimeja. ona li kama lukin lili e tawa lon insa kasi pi poka sinpin. ona li tawa lili tawa ona li luka e ilo utala ona. ona li kalama lili sama soweli alasa pi tenpo pimeja. taso jan ni li kute e ona. jan pi ma Kimelija li kama lukin e sijelo suli lon poka sinpin. ona li pilin pona lili tan ni: sijelo li jan. ona li tawa sike wawa li mu lili. kute la ona li tan pilin monsuta. ona li tawa lon tenpo nanpa wan li tawa wawa tawa jan Konen. ona li alasa luka. taso ona li lukin e suno lon ilo utala pi jan Konen la ona li kama awen. ona tu li toki ala li awen lon tenpo lili monsuta. \n\npini la jan ante li kama toki kepeken kalama lili pi uta pini. “sina jan utala ala li jan lanpan sama mi.”\n\njan pi ma Kimelija li alasa sona kepeken toki lili. “sina seme?”\n\n“jan Talu pi ma Nemesija.”\n\njan pi ma Kimelija li anpa e ilo utala ona.\n\n“mi sona e sina. jan li toki e ni: sina jan lawa pi jan lanpan.”\n\njan ni li mu musi lili. sewi pi jan Talu li sama jan pi ma Kimelija. taso ona li suli tawa ona. ona li jo e sijelo suli. tawa ale ona li wawa pi suli lili. sama ni la lukin ona li suno sama kon sewi lon suno mun kin. ona li jo e len noka ala e sike pi linja wawa. ona li toki kepeken kalama lili. “sina seme?”\n\n“jan Konen pi ma Kimelija. mi kama tawa ni: mi alasa lanpan e kiwen mani pi jan sewi Jawa. jan li toki e ni: ona li pilin pi soweli nena.”\n\njan Konen li pilin e ni: sijelo suli jan li kama tawa lili tan mu musi ona. taso ona li wile ala apeja e ona.\n\njan Talu li toki e ni pi uta pini: “sewi Pe pi jan lanpan o! mi pilin e ni: mi taso li jo e pilin wawa tawa lanpan suli ni. jan ni pi ma Samola li alasa lanpan a! jan Konen o. wawa sina li pona tawa mi. tenpo ala la mi kama kulupu lon alasa lanpan mi. taso sewi Pe o! sina wile la mi tu o alasa lanpan ni.”\n\n“sina kin li alasa e kiwen mani anu seme?”\n\n“seme ante? mi pali e alasa lanpan mi lon tenpo mun mute. taso pilin mi la sina kama tan pilin wawa pi tenpo poka.”\n\n“sina moli e jan utala anu seme?”\n\n“lon a. ona li lon poka ante pi ma kasi la mi kama tan sinpin. mi awen lon kasi. ona li kute e mi anu ona li pilin e ni: ona li kute e ijo. ona li kama mi la mi tawa monsi ona li luka e anpa lawa ona li moli e ona kepeken pali lili. ona li sama jan mute li ken lukin lili taso lon pimeja. jan lanpan pona o jo e lukin sama soweli alasa.”\n\njan Konen li toki e ni: “sina pali e pakala wan.”\n\nlukin pi jan Talu li suno pi pilin utala.\n\n“mi anu seme? mi pakala anu seme? ni li ken ala a!”\n\n“sina o tawa kasi e sijelo moli.”\n\n“sina jan sin li toki tawa jan pi pana sona. jan utala sin li kama lon insa taso pi tenpo pimeja. jan li kama alasa e ona li kama lukin e ona la ona li tawa jan sewi Jawa li toki e ni tawa ona. ni la mi kama jo e tenpo tawa weka. ona li kama ala lukin e ona la ona li open pakala e kasi li kama lukin e mi sama soweli pipi lon poki awen.”\n\njan Konen li toki e ni: “ni li lon.”\n\n“pona. ni la o kute. toki ike ni la mi weka taso e tenpo. jan utala lawa ala li lon ma kasi insa. jan utala ala. ijo utala ante li lon li moli tawa jan. ona li monsuta tawa mi lon tenpo mute. taso pini la mi kama sona e nasin.”\n\n“mi o pali e seme tan jan utala lawa pi anpa tomo?”\n\n“jan sewi majuna Jawa li lon tomo sewi. wile mi la mi kama ni li tawa tan ni. o alasa ala sona e nasin tan mi. mi pali e nasin. mi kama anpa tan sewi tomo li moli e jan majuna Jawa sama jan utala ona. ni la ona li ken ala pana e usawi monsuta ona. mi o alasa ni. ken wan la mi kama pipi anu akesi. ken ante la mi kama jo e wawa e mani ale. jan lanpan pona ale o sona alasa e ken lili.”\n\njan Konen li toki e ni li weka e len noka ona: “mi alasa sama jan ante ale.”\n\n“o kama lon monsi mi.” jan Talu li tawa sewi li luka e sewi sinpin. ona li tawa sewi e sijelo ona. tawa ona li wawa tawa suli ona. ona li tawa sewi sinpin la ona li sama waso. jan Konen li lon monsi ona li awen anpa lon sewi sinpin. ona tu li toki kepeken kalama lili pi pilin monsuta.\n\njan Konen li toki e ni: “mi lukin e suno ala.” anpa pi tomo suli li sama ona tan poka ante sinpin. ona li sike pona pi kiwen suno. lukin la lupa ala li lon ona.\n\njan Talu li toki e ni: “lupa pi pali wawa sona li lon. taso ona ale li pini. jan utala li jo e kon tan sewi tomo taso.”\n\nma kasi li poki nasa pi kon pimeja. ona la kasi lili en kasi suli anpa li tawa sama telo pimeja pi suno mun. kon pi jan Konen li pilin e ni: kon monsuta kama li awen lon sewi ona. ona li pilin e lukin pi nimi ala lon monsi pi lawa ona. ona li kama pilin e kon lili nasa monsuta la linja lili pi monsi lawa ona li kama awen. soweli alasa li kama pilin e kon soweli majuna pi wile ona la ona li sama. jan Talu li toki e ni: “o kama. sina wila awen lon la o awen lon monsi mi.”\n\njan pi ma Nemesija li kama jo e palisa pi kiwen loje tan linja len ona la ona li tawa kasi anpa pi insa sinpin. jan Konen li lon monsi ona li jo e ilo utala ona. taso jan Talu li luka e ona tawa sinpin li wile ala tawa. ale ona li awen. lukin ona li sama ona pi jan Konen li awen lukin e kasi lili pimeja pi poka ona. kasi lili ni li kama tawa. taso kon tawa li pini. lukin tu suli li seli tan kon pimeja tawa. monsi ona la seli ante li suno lon pimeja.\n\njan Konen li toki e ni kepeken kalama lili: “soweli alasa suli a!”\n\n“a. tenpo suno la ona li lon lupa kiwen lon anpa pi tomo suli. jan utala lawa ala li lon ma kasi ni tan ni.” jan Konen li alasa nanpa e lukin kepeken tenpo lili.\n\n“mi ken lukin e soweli luka. ken la ante li lon insa kasi. tenpo poka la ona li alasa utala.”\n\njan Talu li toki e ni kepeken kalama lili pi uta pini: “o kalama ala!” ona li tawa tan sinpin li kama jo e palisa ona. tawa ona li sama ni: ona li alasa tawa lon lipu pi ilo kipisi. kalama lili en lukin seli li kama tan kon pimeja. jan Konen li ken lukin e uta suli pi wile moku e linja monsi e sijelo pi kule ma lon pilin ona. ona li luka wawa e ilo utala li awen tawa kama wawa pi sijelo suli. ni la jan Talu li pana e palisa tawa uta ona li pana wawa e kon tan ona. ko jelo li kama tan pini ante palisa. ona li kama kon laso jelo li awen lon sewi kasi. ona li len e lukin seli. \n\njan Talu li tawa wawa tawa sinpin. jan Konen li lukin pi sona ala. kon suli li len e kasi. kalama ala li kama tan ona.\n\njan pi ma Kimelija li alasa sona pi pilin monsuta e ni: “kon ni li seme?”\n\njan pi ma Nemesija li toki e ni: “moli! kon li open tawa la ona li kama mi la mi o tawa weka kepeken sinpin. taso ni li lon ala. kon li awen li open weka. o awen tawa pini pi weka ona. sina moku e ona la sina kama moli.”\n\nni la kipisi jelo lili taso li awen lon kon. ona li weka. ni la jan Talu li toki luka e ni tawa jan poka ona: o kama. ona li tawa kasi. jan Konen li open e uta ona. pimeja la sijelo suli luka li awen. seli pi lukin ona li kama pimeja lon tenpo ale. kon nasa suwi li lon.\n\njan Konen li toki e ni: “ona li moli la ona li kalama ala. jan Talu o. ko ni li seme?”\n\n“ona li tan kasi kule pimeja tan ma kasi majuna pi ma Kita. jan sewi Jun taso pi lawa jelo li lon ni. jan li moku e kon pi kasi ni la ona li kama moli.”\n\njan Konen li awen anpa lon poka pi sijelo suli. ona li sona e ni: lon la ona li ken ala ike tawa ona. ona li tawa e lawa ona. usawi pi ma nasa li monsuta li ike tawa jan wawa utala pi ma lete.\n\nona li alasa sona e ni: “sina ken ala moli e jan utala lawa pi tomo suli kepeken ko sama tan seme?”\n\n“mi kepeken e ko ale mi lon ni. lanpan ona mi li suli ni: ona li pana sona e nimi mi tawa jan lanpan ale. mi lanpan e ona tan kulupu esun pi ma Sikija. mi lanpan e ona e poki len jelo ona tan awen anpa pi akesi linja suli li pakala ala e lape ona. taso o kama! sewi Pe o! mi wile kepeken e tenpo ale mi pi tenpo pimeja lon toki anu seme a?”\n\nona li tawa anpa pi tomo suli lon ma kasi. ni la jan Talu li toki luka e ni: o kalama ala. ona li open e linja ona. linja li jo e kiwen luka wawa lon pini wan ona. jan pi ma Nemesija li luka e pini linja li open tawa sike e ona lon poka pi lawa ona la jan Konen li kama sona e wile ona li alasa sona ala. jan Konen li alasa kute lon sinpin pi tomo suli. taso ona li kute e kalama ala. ken suli la jan utala insa li sona ala e kama pi jan lanpan. kalama lili pi ona tu li lili tawa kalama pi kon tawa lon tenpo pimeja lon kasi suli. taso jan wawa utala li pilin monsuta nasa. ken la ona li tan ni: kon nasa pi soweli alasa li lon ale.\n\njan Talu li tawa e linja kepeken tawa wawa pi luka suli ona. kiwen luka ona li tawa sike insa kepeken nasin nasa pi ken ala toki li kama lon sewi tomo pi kiwen mani. lukin la ona li luka wawa e tomo. tawa wawa luka li ken ala lili e ona.\n\njan Talu li toki e ni: “ken pona pi linja nanpa wan. mi…”\n\npilin wawa pi jan Konen li tawa sike e ona. moli li lon poka li kalama ala. jan pi ma Kimelija li lukin e sijelo suli pi tawa sewi lon suno mun. ona li alasa moli e jan Konen. jan ala pi nasin kulupu li ken tawa wawa sama jan wawa utala. ilo utala ona li suno lon pimeja. ona li kepeken e wawa ale ona tawa tawa ni. jan en soweli li kama anpa lon poka.\n\njan Talu li toki ike kepeken kalama lili li awen anpa lon sewi sijelo. ona li lukin e ni: ona li alasa kama sewi tan anpa sijelo pi tawa ala la luka ona li alasa tawa. lukin lili li pana sona e ni tawa jan pi ma Nemesija: soweli alasa li moli. lawa ona li kama kipisi. jan Talu li kama jo e sijelo moli ona. ni la jan Konen li ken tawa e ona li kama sewi. ona li awen luka wawa e ilo utala ona pi telo sijelo loje.\n\njan Talu li toki e ni kepeken kalama pi wawa ala: “jan pona o. sina pona ala pona?” ona li pilin nasa tan wawa utala pi pakala wan taso.\n\njan wawa utala li toki e ni: “sewi Kon a! pona! taso tenpo ale mi pi ike mute la ni li tenpo mi pi ken ike nanpa wan. soweli monsuta ni li utala la ona li kalama ala tan seme?”\n\njan Talu li toki e ni: “ijo ale li nasa lon ma kasi ni. soweli alasa li utala la ona li kalama ala. ijo moli ante li sama. taso o kama. kalama lili li kama tan moli ni. taso jan utala li lape ala anu moku ala e telo nasa la ona li ken kute e sina. soweli ni li lon ma ante la ona li moli ala tan kon kasi. taso soweli ante ala li lon. mi o tawa lon linja ni. mi sona e ni: mi o alasa ala sona e ken ni sina tan jan pi ma Kimelija.”\n\njan Konen li toki pi pilin utala lili e ni: “ona li ken jo e suli mi la…” ona li weka e jaki tan ilo utala ona kepeken kasi.\n\njan Talu li toki e ni: “ona li ken jo e suli mi tu wan. ona li tan linja lawa pi jan meli moli. mi lanpan e ona tan tomo moli ona lon tenpo pimeja li pana e ona tawa telo nasa moli pi kasi suli Upa. ni la ona li kama wawa suli. mi tawa lon tenpo nanpa wan. o awen lon monsi mi.”\n\njan pi ma Nemesija li luka e linja li open tawa sewi kepeken noka. lukin la ona li suli mute tawa ni. taso ona li tawa wawa tawa sewi sama soweli alasa lili. jan pi ma Kimelija li awen lon monsi ona. linja li tawa li tawa sike. taso jan pi tawa sewi li pini ala. tenpo pini la ona tu li tawa sewi lon linja ike mute. sewi tomo pi kiwen mani li suno lon sewi ona li weka tan sinpin. ni la tawa sewi li kama pona tawa jan lanpan.\n\nkalama ala la ona li tawa sewi li awen tawa sewi. ona li kama sewi la suno pi ma tomo li kama weka tawa lukin ona. suno mun sewi li kama lili tan suno tomo pi kiwen mani. ni la jan Talu li sewi e luka ona li pilin e sewi tomo. ona li sewi e sijelo ona. jan Konen li awen lili lon sewi li lukin e kiwen mani lete suli pi suno wawa. kiwen mani walo en kiwen mani loje en kiwen mani laso en kiwen mani mun li lon kiwen walo mani suno. mute ona li sama mute mun pi sewi pimeja. jan li weka la suno mute ante ona li kama suno wawa walo wan tawa lukin. taso jan li lon poka ona la suno ona li kule ale. suno ona li pana e pilin wawa tawa jan Konen.\n\nona li toki e ni: “jan Talu o! mani wawa li lon ni.” taso jan pi ma Nemesija li toki pi wile awen ala e ni tawa ona: “o kama! mi kama jo e pilin pi soweli nena la ni en ijo ante ale li kama ijo mi.”\n\njan Konen kin li tawa sewi e sijelo ona. supa anpa pi sewi tomo li lon anpa tawa selo ona pi kiwen mani. ona li ijo pi kule laso pimeja. kiwen jelo mani ona li jasima e suno mun. ni la ale ni li sama kiwen mani laso suli pi ko kiwen jelo mani suno. poka ante tan poka pi kama ona la tomo lili li lon. ona li kiwen walo mani sama sinpin pi tomo suli. sitelen mute pi kiwen mani kule lili li lon ona. lupa wan ona li kiwen jelo mani kipisi. kiwen mani mute li lon ona li suno sama telo lete kiwen.\n\njan Konen li lukin lili e mute suno lon anpa ona li lukin e jan Talu. jan pi ma Nemesija li kama jo e linja li sike e ona. ona li pana lukin e kama pi luka ona. insa selo pi sewi tomo la lupa lili li lon anpa kiwen mani pi suno seli tan ona.\n\nona li toki e ni: “tenpo sin la ken pona li awen e mi. pilin jan la suli pi mi tu li weka e kiwen ni tan sinpin. o kama. ike lon pi lanpan ni li kama lon ni. mi lon tomo pi akesi linja. mi sona ala e awen len ona.”\n\nona li tawa lupa suno lon sewi pimeja pi tomo suli sama soweli alasa. jan Talu li alasa open e ona kepeken luka pi wawa lili. ona li kama open. jan tu li lukin insa li awen tawa ken ale. jan Konen li lukin e insa suno tomo e sinpin e anpa e sewi lon monsi jan pi ma Nemesija. ale ni li jo e kiwen mani walo suli mute. ona li suno wawa li suno taso pi insa tomo. lukin la jan ala li lon insa.\n\njan Talu li toki e ni: “ni li ken pini mi pi tawa weka. o tawa selo pi sewi tomo o lukin e poka ale. sina lukin e jan utala pi ma kasi anu ijo nasa ante la o kama o toki tawa mi. mi awen lon tomo ni.”\n\njan Konen li pilin ala e tan ni. ona li kama pilin e ken kama ike pi jan poka ona. taso ona li pali sama toki pi jan Talu. ona li open tawa la jan pi ma Nemesija li tawa insa li pini e lupa lon monsi ona. jan Konen li tawa lon selo pi sewi tomo li kama sike la ona li lukin ala e tawa nasa lon kasi mute anpa. ona li tawa lupa. taso tan insa tomo la kalama wawa pi kon lili li kama.\n\njan Konen li kama tawa wawa. lupa suno li open. jan Talu li lon suno lete lon monsi ona. ona li alasa tawa. uta ona li kama open. taso kalama lili taso pi wawa ala li kama tan uta ona. ona li luka e lupa pi kiwen jelo mani tawa awen li alasa tawa. taso ona li kama anpa li luka e uta ona. lupa li kama pini lon monsi ona.\n\njan Konen li awen anpa sama soweli alasa suli. lupa li open lili lon tenpo lili la ona li lukin e ijo ala lon insa tomo lon monsi jan pi ma Nemesija. ken la suno nasa li pali e sitelen ni: pimeja li tawa lon lupa supa. ala li kama jan Talu tan ona tawa sewi tomo. ni la jan Konen li tawa anpa lon sewi jan.\n\njan pi ma Nemesija li lukin sewi kepeken lukin suli suno. lukin ni li pana sona e pilin nasa ona. ona li luka e anpa lawa ona. uta ona li pana e telo moku. ona li kalama nasa pi wawa ala. ona li kama awen sama palisa. ni la jan pi ma Kimelija li sona e ni: ona li moli. ona li sona e ni kin: jan Talu li kama ala sona e tan pi moli ona. jan Konen li lukin pi alasa sona e lupa suno pi sona len. tomo ni pi ijo ala lon insa sinpin ona pi kiwen mani la moli li kama tawa jan lawa pi jan lanpan. moli ona li wawa li nasa. tenpo pini la ona li moli e soweli suli lon ma kasi anpa kepeken wawa sama.\n\njan wawa utala li tawa e luka ona lon sijelo pi len lili li alasa e pakala. taso pakala taso tan utala li lon sewi pi monsi ona lon anpa pi lawa ona. pakala lili tu wan li lon. lukin la ona li tan ni: ijo li pana e palisa lili tu wan tawa insa pi sijelo ni li kama weka tan ni. selo li kama pimeja li pana e kon jaki pi sijelo moli lon poka pi pakala ni. jan Konen li pilin e ni: ni li tan palisa pana pi telo moli anu seme? taso ni li lon la palisa li awen ala lon insa pakala tan seme?\n\nona li tawa lupa pi kiwen jelo mani li open e ona li lukin insa. tomo li jo e ijo ala. suno lete ona pi kiwen mani mute li awen kama ante lon tenpo sike. insa pi sewi tomo ni la ona li kama lukin e ijo nasa. ijo pimeja pi selo leko li lon ni. kiwen mani loje tu tu li lon ona li pana e suno loje seli sama ala suno wawa walo pi kiwen mani ante. lupa ante li lon poka ante tomo. ona li sama lupa ni. taso kiwen jelo mani ona li kipisi ala. moli li kama ala kama tan lupa ni? ona li moli e jan la ona li tawa weka kepeken nasin sama anu seme?\n\nona li pini e lupa lon monsi ona la jan pi ma Kimelija li tawa insa tomo. noka ona pi len ala li kalama ala lon anpa kiwen. supa monsi anu supa moku ala li lon tomo. supa lape len tu wan taso pi sitelen nasa kiwen jelo akesi en poki kiwen walo mani pi kasi kiwen Mawakoni li lon. poki mute li pini kepeken ilo pini suli pi kiwen jelo mani. poki ante li open li jo e sewi ona lon monsi. ni la jan pi ma Kimelija li ken lukin e nena jaki pi kiwen mani mute. jan Konen li toki ike lili kepeken kalama lili. tenpo ni la ona li lukin e mani mute. tenpo pini la ona li pilin e ni: mani pi ale ma li lili tawa mani ale pi tenpo ni. ona li alasa pilin e mani kiwen pi wile lanpan ona la ona li pilin nasa.\n\ntenpo ni la ona li lon insa tomo li lon anpa. ona li tawa e lawa li jo e ilo utala ona. ni la moli li kama pi kalama ala tawa ona lon tenpo sin. pimeja tawa lon sinpin tomo li sitelen taso tawa ona. ona li tawa wawa taso tawa poka tan pilin wawa ona la ona li awen lon. ona li kama lukin e monsuta pimeja pi linja suli. ona li tawa wawa lon poka ona. ko nasa li kama tan uta suli monsuta. ko li kama lon sijelo ona pi len ala li pakala seli sama seli telo. ona li sewi e ilo utala ona li tawa wawa tawa monsi. ona li lukin e ni: monsuta li anpa li tawa sike. pipi suli pimeja li open tawa wawa tawa ona. jan li lukin e pipi pi suli ni lon sitelen lape ona taso.\n\nsuli ona li sama soweli mani. noka suli luka tu wan ona pi linja sijelo li tawa wawa e sijelo ona lon anpa tomo. lukin tu tu ona li suno pi sona monsuta. uta ona li pana e ko moli. ona lili taso li kama lon sijelo pi jan Konen li pakala seli e ona la jan Konen li sona e ni: ko ni li pana e moli wawa. moli ni li kama tan sewi tomo lon linja ona tawa anpa lawa pi jan Talu. ona tu li jan pi sona ala a tan pilin ni ona: awen ala li lon sewi pi tomo suli sama anpa tomo! \n\nmonsuta li tawa wawa la pilin ni li kama lon lawa pi jan Konen lon tenpo lili. ona li tawa wawa sewi. monsuta li awen tawa lon anpa ona li tawa sike li kama tawa wawa lon tenpo sin. tenpo ni la ona li awen tan tawa wawa monsuta kepeken tawa wawa poka li pakala tawa poka monsi ona sama soweli alasa lili. ilo utala ona li pakala e noka wan pi linja sijelo. monsuta li alasa luka e ona li kalama monsuta e uta tu ona la jan Konen li awen lili taso lon tenpo sin. taso ijo li alasa ala tawa ona. monsuta li tawa sike li tawa wawa sewi tomo pi kiwen walo. ni la ona li awen lon tenpo lili li lukin wawa e anpa kepeken lukin loje monsuta ona. ona li pana e sitelen ala. taso ona li open tawa wawa anpa li pana e linja pi ijo ko walo.\n\njan Konen li tawa monsi tan sijelo pi kama anpa. ona li tawa wawa tawa anpa tawa ni: ona li kama ala poki lon linja ko pi tawa waso. ona li sona e wile monsuta li tawa wawa tawa lupa. taso tawa monsuta li wawa tawa ona. pipi li pana e linja ko wan tawa lupa la jan Konen li kama jan poki. ona li alasa ala kipisi e ona kepeken ilo utala. ona li sona e ni: ona li alasa ni la ijo li kama lon ilo utala. ona li alasa weka e jaki tan ilo la monsuta li pana e uta moli ona tawa insa pi sijelo ona.\n\nni la musi wawa li open. sona en wawa jan li utala e wawa monsuta e suli pi pipi suli. ona li pini tawa wawa jan lon anpa tomo li pini tawa waso lon kon. ona li tawa wawa lon sinpin lon sewi li alasa poki e jan kepeken sike suli pi linja ko walo. ona li pana e ni kepeken wawa monsuta. linja ni li suli sama linja tawa pi jan Talu. jan Konen li sona e ni: linja li poki e ona la ona li alasa pakala e linja kepeken wawa ale ona la monsuta li moli e ona.\n\nmusi ni li awen lon ale pi tomo lili ni. kalama taso li pana wawa kon jan li tawa pi noka ona li kalama pi uta pipi. linja walo li sike lon anpa lon sewi. ona li len e poki pi kiwen mani e supa lape pi len pona li kama anpa tan sewi pi kiwen mani. wawa suli pi lukin ona en wawa pi sijelo ona li awen e jan Konen. taso sike jaki li tawa lon poka ona la linja li ken luka e sijelo ona pi len ala. ona li sona e ni: ona li ken ala awen tan ona. ona li alasa lukin e sike tawa sewi taso ala li alasa lukin e anpa kin. ona li lukin ala la sike anpa li ken anpa e ona. tenpo ni anu tenpo kama la sike ko li poki e ona sama akesi linja. ni la ona li kama lon poki linja pipi. ni la pilin pona monsuta taso li ken awen e ona.\n\npipi li tawa wawa lon anpa pi tomo lili. linja walo li tawa lon monsi ona. jan pi ma Kimelija li tawa wawa tawa sewi lon sewi pi supa lape. monsuta li tawa wawa sike li tawa lon sinpin. linja li kama tan anpa sama akesi linja li kama tawa lon poka noka pi jan Konen. ona li kama anpa la ona li kama lon luka ona. ona li tawa wawa tawa linja pi poki ona. ona li sama poki ko anu poki sike sijelo pi akesi linja. monsuta pi linja sijelo li tawa wawa tan sinpin li alasa pini e poki linja. jan Konen li kama pilin utala wawa li pana wawa e poki wan pi kiwen mani kepeken wawa ale ona. monsuta li pilin ala e ni lon tenpo pini. ijo pana suli li kama lon insa pi noka pimeja mute. ona li kama lon sinpin la kalama lili jaki li lon. telo sijelo loje en ko laso li kama. sijelo suli pakala li kama anpa lon poka pi poki open. sijelo pimeja moli li awen lon insa mute seli pi kiwen mani. noka pi linja sijelo li tawa tan ala wile. lukin moli li suno loje lon poka pi kiwen mani suno.\n\njan pi ma Kimelija li lukin e poka ale ona. taso monsuta ante ala li kama. ni la ona li open kama tan poki linja. ijo li wile awen lon noka lon luka ona. taso pini la ona li kama tan ona li kama jo e ilo utala ona. lon poka pi sike walo la ona li tawa lupa insa. ona li sona ala monsuta pi insa ona. telo sijelo loje pi jan Konen li wawa. ona li kama ni li anpa e moli mute la ona li wile kama lon pini nasa pi lanpan ni. pini ni li ken ale. ona li pilin e ni: kiwen mani pi wile lanpan ona li sama ala kiwen mani ante pi tomo lili ni.\n\nona li weka e sike pi pini lupa tan lupa insa la ona li kama sona e ni: lupa ni li pini ala sama lupa ante. ona li pilin e ni: jan utala anpa li sona ala sona e kama ona? ona li lon sewi pi jan utala. toki musi li lon la jan utala ni li kute e kalama nasa mute tan sewi pi tomo suli. kalama monsuta en kalama wawa pi pilin pakala.\n\nona li pilin e jan sewi Jawa. ona li open e lupa pi kiwen jelo mani la ona li pilin monsuta lili. taso ona li lukin e nasin leko taso pi kiwen walo mani tawa anpa. suno lili li kama tan ijo pi sona ona ala. ni la ona li tawa anpa pi kalama ala li luka wawa e ilo utala ona. ona li kute ala e kalama li kama lon poka lupa. lupa ni li kiwen uta pi soweli nena li jo e kiwen mani pi telo sijelo loje. ona li kute. taso kalama ala li kama tan insa. kon lili taso li kama tan anpa lupa. jan pi ma Kimelija li sona ala e kon nasa ni. anpa ona la nasin leko pi kiwen walo mani li tawa pimeja. kalama ala li kama tan anpa ni. pilin monsuta ni li kama lon lawa ona: ona li taso lon tomo suli pi kon monsuta taso.\n\n## KIPISI LIPU NANPA TU WAN\n\nkalama ala la ona li tawa insa e poka pi lupa suli li open e ona kepeken tenpo mute. lupa suno la jan Konen li awen. soweli kulupu li awen sama ni lon ma nasa. ona li ken utala li ken tawa weka kepeken tenpo lili. ona li lukin e insa tomo pi sewi sike jelo. sinpin li kiwen laso mani. anpa li kiwen uta pi soweli nena li jo e len anpa suli mute. kon nasa pi ilo kon li kama tan poki pi kiwen seli lon supa palisa pi kiwen jelo mani. sitelen kiwen pi jan sewi li awen lon monsi ona lon supa pi kiwen walo. jan Konen li lukin wawa. sitelen li jo e sijelo jan pi len ala li laso. taso lawa li monsuta li nasa. ona li suli tawa sijelo jan. ona li ijo jan ala. jan Konen li lukin wawa e kute suli lipu e nena linja pi sinpin ona. kiwen uta palisa walo li lon poka tu pi nena linja li jo e sike pi kiwen jelo mani lon pini ona. sama lape la lukin ona li pini.\n\nni li tan pi nimi “tomo pi soweli nena”. toki tan jan pi ma Semi la soweli monsuta li sama lawa pi ijo ni. ni li sewi pi jan sewi Jawa. nimi pi kiwen mani li “pilin pi soweli nena” la ona li lon insa pi sitelen jan anu seme?\n\njan Konen li kama tawa la lukin ona li kama awen lon sitelen awen. ni la lukin pi ijo ni li kama open! jan pi ma Kimelija li pini tawa. ni li sitelen kiwen ala. ona li ijo lon. jan Konen li kama poki lon tomo ona!\n\nona li kama ala wawa suli pi pilin moli wawa la pilin monsuta ona li suli li awen e ona. jan pi nasin kulupu li lon tenpo ona la ona li alasa awen kepeken pilin ni: lawa ona li kama pakala. jan pi ma Kimelija li pilin ala e sona ala pi lukin ona. ona li sona e ni: monsuta pi tenpo majuna li lon sinpin ona. pilin ni li lanpan e ken ale ona. lukin ona taso li awen.\n\nnena linja monsuta li sewi li alasa luka. lukin laso li lukin pi sona ala. jan Konen li sona e ni: monsuta li ken ala lukin. pilin ni la sijelo awen ona li kama ken tawa lon tenpo sin. ona li open tawa lupa monsi. taso monsuta li kute e ona. nena linja pi pilin wawa li tawa ona. ijo li open toki kepeken kalama nasa pi wawa ala kepeken kalama pi awen sama la pilin monsuta pi jan Konen li awen e sijelo ona lon tenpo sin. jan pi ma Kimelija li sona e ni: uta monsuta li kama ala tawa toki jan.\n\n“seme li lon ni? jan Jawa o. sina kama pakala e mi lon tenpo sin anu seme? sina pini ala pini? jan Jakosa o! ike li pini ala anu seme a?”\n\ntelo li kama tan lukin pi ken lukin ala. lukin pi jan Konen li tawa sijelo awen lon supa pi kiwen walo. ona li sona e ni: monsuta li kama ala utala e ona tan supa. ona li sona e selo pi supa ilo pi pana pakala e selo pi pakala seli. kon ona li wawa. taso ona li pilin ike tan sijelo pakala. ona li sona e ni: tenpo pini la sijelo ni li pona sama sijelo ona. jan Konen li sona ala e monsuta ni. taso selo ona li pana sona e pakala ona. ni li ike li pana e pilin anpa tawa jan pi ma Kimelija la ona li kama pilin ike wawa nasa li sona ala e tan ona. ona li sona e ni taso: ona li lukin e ike mun. ona li kama anpa tan pilin apeja sama ni: apeja suli pi pali ike ale jan li lon ona.\n\nona li toki e ni: “mi jan Jawa ala. mi jan lanpan taso. mi pakala ala e sina.”\n\nijo li toki e ni kepeken kalama pi pini mute: “o kama lon poka. ni la mi ken pilin e sina.” jan Konen li kama lon poka ona li pilin monsuta ala. ilo utala ona li awen lon luka anpa ona tan ni: jan Konen li weka sona e ona. nena linja pi pilin wawa li kama li luka e sinpin e sijelo ona. ona li luka e ona sama jan pi lukin ala. luka ona li wawa lili sama luka pi jan meli lili.\n\nijo li pana e kon. “sina tan ala kulupu ike a pi jan Jawa. wawa pona pi ma open li lon sina. mi sona e jan sina tan majuna. ale ante li pana e tomo suli pi kiwen mani tawa sewi la mi sona e ona kepeken nimi ante. telo sijelo loje li lon luka sina.”\n\njan Konen li toki e ni: “pipi suli wan lon tomo sewi en soweli alasa suli wan lon ma kasi”\n\n“sina moli e jan ante kin lon tenpo pimeja ni. moli li lon tomo sewi kin. mi pilin. mi sona.”\n\njan Konen li toki e ni: “a. jan lawa pi jan lanpan li awen moli lon ni tan pakala uta pipi.”\n\n“ni en ni a!” kalama pi jan ala li kama sewi lon nasin kalama anpa. “moli wan lon tomo moku. moli wan lon nasin. mi sona. mi pilin. nanpa tu wan li pali e usawi. jan Jawa li ken ala pilin e ona. a! usawi kama a. sewi laso pi mun Ka o!”\n\nsijelo pakala li tawa tan monsi tawa sinpin lon luka wawa pi pilin mute la telo lukin li kama lon tenpo sin. jan Konen li lukin li pilin nasa.\n\ntawa li pini. lukin pona pi ken lukin ala li lukin e jan pi ma Kimelija. nena linja li toki luka.\n\nijo nasa li toki e ni: “jan o. o kute. mi jaki li monsuta tawa sina anu seme? ala. o toki ala. mi sona. taso mi ken lukin e sina la sina nasa sama tawa mi. mun mute ante li lon. mun ma li taso ala. jan li ken ijo mute. mi sewi ala li monsuta ala. mi sijelo li telo sijelo loje sama sina. taso ijo mi li ante lili tawa sina li lon selo ante.”\n\n“mi majuna mute. jan pi ma open o. tenpo majuna la… tenpo majuna la mi kama mun ni lon poka pi kulupu mi tan mun laso Ja. mun ni li awen tawa sike lon selo weka ale. mi tawa lon ale kepeken luka waso wawa. ni la tawa mi li wawa tawa wawa suno. mi kama tan ni: mi utala e jan lawa pi mun Ja li kama anpa li tawa weka. taso mi ken ala tawa mun lon tenpo sin tan ni: luka waso mi li kama pakala tan sijelo mi lon mun ma. mi awen lon weka tan jan pi mun ma. tenpo ni la mi utala e ijo nasa monsuta pi mun ma. ni la jan li pilin monsuta tan mi li utala ala e mi lon ma kasi pimeja lon poka ma pi open suno. mi awen lon ni.”\n\n“mi lukin e ni: jan li kama tan soweli li pali e ma tomo Walusija e ma tomo Kamelija e ma tomo Komowija e ma tomo sama. mi lukin e ni: ona li kama anpa tan kulupu pi nasin sewi ante. kulupu pi ma Alansi en kulupu pi ma Pi en kulupu pi ma Lemuwija. mi lukin e ni: telo li kama sewi li anpa e ma Alansi e ma Lemuwija e ma telo Pi e ma tomo suno pi nasin kulupu. mi lukin e ni: jan awen tan kulupu pi ma Pi tan kulupu pi ma Alansi li pali e nasin kulupu sin pi kepeken kiwen li kama anpa tan utala moli awen. mi lukin e ni: kulupu pi ma Pi li kama nasin ala. kulupu pi ma Alansi li kama sama soweli lon tenpo sin. mi lukin e ni: kulupu jan sin pi nasin kulupu ala li kama lon kulupu utala tan ma lete li pali e nasin kulupu sin. ona li pali e ma sin. ma Nemesija en ma Ko en ma Akilonija en ma sama. mi lukin e ni: jan li kama lon tenpo sin kepeken nimi sin tan ma kasi suli pi soweli jan. tenpo pini la ona li jan pi ma Alansi. mi lukin e ni: jan sin tan mama pi ma Lemuwija li awen tan telo la ona li kama lon tenpo sin tan nasin kulupu ala li tawa poka tawa ma pi pini suno tawa ma Ikanija. mi lukin e ni: jan ike ni li tan kulupu majuna. kulupu ni li majuna tawa kama anpa telo pi ma Alansi. ona li kama wawa lon tenpo sin li kama ma ike a ni Samola.”\n\n“mi lukin e ale ni. mi pakala ala li pona ala e lawa ale awen. tenpo li tawa la mi kama moli. tenpo mi li suli sama tenpo mun. taso mi kin pi mun Ja li ken moli. pini la mi taso li awen lon. mi pilin e tenpo majuna lon tomo sewi pakala lon ma kasi Kita. ni la kulupu jan majuna pi selo jelo li anpa tawa mi. ona la mi sewi. ni la jan Jawa li kama. ona li sona e sona pimeja. jan li pana sona e ni lon tenpo pi nasin kulupu ala. sona ni li majuna tawa kama anpa pi ma Alansi.”\n\n“open la ona li awen lon anpa mi li kama sona. taso ona li pilin pona ala tan sona pi pana mi tan ni: ona li usawi walo taso. ona li wile e sona ike tawa ni: ona li alasa anpa e jan lawa li alasa pini e wile ike ona. mi pana sona e sona len pimeja ala pi sona mi tawa ona. mi kama sona e ni tan wile ala mi lon tenpo suli mute.”\n\n“taso sona ona li suli tawa pilin mi. ona li kama jo e wawa tan tomo moli pakala pi ma pimeja Sikija la ona li pali e ni: mi wile ala toki e sona len. taso mi toki e ona. ona li anpa e mi kepeken wawa mi. a! sewi a pi mun Ja o! ale mi li ike tan tenpo ni.”\n\n“ma kasi len pi ma Kita la soweli walo li tawa musi tan palisa kalama pi jan sewi jelo. pana kili en telo nasa li kama nena lon sinpin pi supa sewi pakala mi. taso ona li lanpan e mi tan ni. mi kama sewi ala tawa kulupu pona pi ma kasi. mi kama jan pali anpa tawa ike pi selo jan.”\n\ntenpo sin la telo li kama tan lukin pi lukin ala.\n\n“mi pali e tomo suli ni tawa ona tan toki lawa ona lon tenpo pimeja wan taso. ona li poki e mi lon ni. ona li anpa e mi kepeken supa ilo pi pana pakala kepeken seli kepeken pakala ante nasa pi sona sina ala. mi ken la mi alasa moli e mi tan pilin pakala. mi pakala li ken lukin ala. taso ona li awen e mi tawa ni: mi pali e wile ike ona. tenpo sike tu wan ale la mi pali e wile ona tan supa ni pi kiwen walo. mi pimeja e lawa mi li jaki e sona mi kepeken pali ike ale. taso mi ken ala pali e ijo ante. taso ona li kama ala sona e sona len ale mi. pana pini mi o usawi kiwen pi telo sijelo loje.”\n\n“mi pilin e kama poka pi pini tenpo. sina luka pi wile ale. mi wile a. o kama jo e kiwen tan supa sewi ni.”\n\njan Konen li tawa sike tawa supa sewi walo pi kiwen jelo mani. supa li kiwen uta pi soweli nena. ona li kama jo e kiwen sike suli sama kiwen mani loje. ona li sona e ni: ni li “pilin pi soweli nena”.\n\n“ni la usawi o kama. usawi suli. usawi wawa. tenpo ale la jan li lukin ala e usawi sama ni li lukin ala e ona lon tenpo sin. mi pali e ona kepeken telo sijelo loje pi kon mi kepeken telo sijelo tan mun laso mama Ja tan weka open laso ale.”\n\n“jan o. o kama jo e ilo utala sina o kipisi e pilin mi tan sijelo mi. o luka wawa e ona tawa ni: telo sijelo loje ale ona li kama lon kiwen loje. ni la o tawa anpa lon nasin kiwen ni o tomo pimeja. jan Jawa li awen lon ni li pilin e wile ike ona pi kasi kule lon ni. o toki e nimi ona. ni la ona li kama tan lape. o pana e kiwen ni lon sinpin ona o toki e ni: »ni li pana pini li usawi pini pi jan Jakosa.« o tawa wawa weka tan tomo suli. o pilin monsuta ala. ala o pakala e nasin sina. kon jan li kon ala pi mun Ja. kin moli jan li moli ala pi mun Ja. o pana e ni: mi ken kama tan poki sijelo pakala ni pi lukin ala. ni la mi kama jan sona Joka pi mun Ja lon tenpo sin. mi suno li jo e len lawa suno. mi jo e luka waso tawa kon e noka tawa musi e lukin tawa sona e luka tawa pakala.”\n\njan Konen li kama poka ona li pilin monsuta lili. lukin la jan Jakosa anu jan Joka li pilin e ni li toki luka e ni: jan Konen o kipisi lon seme? jan Konen li pini wawa e uta ona li pana insa e ilo utala ona. telo sijelo loje li kama lon ilo utala lon luka ona. monsuta li tawa lili wawa tan pilin pakala li kama awen lon anpa. kon anu kon pi sona ona li weka tan ona. jan Konen li open e pali monsuta li kama jo e ijo tan sijelo. lukin la ona li pilin pi ijo nasa ni. taso ona li sama ala pilin ante ale pi lukin ona. ona li jo e pilin pi tawa lili lon sewi pi kiwen selo. ona li luka wawa e ona kepeken luka tu. telo sijelo loje mute li kama tan ona tawa kiwen. nasa la ona li awen ala lon selo kiwen li kama lon insa ona sama telo lon ko pi moku telo.\n\nona li jo e kiwen li tawa weka tan tomo usawi li kama lon nasin leko pi kiwen walo mani. ona li lukin ala tawa monsi ona. ona li sona e ni tan pilin ona: monsi ona la insa sijelo li kama ante lon supa pi kiwen walo. ona li pilin e ni kin: kama ante ni li tawa ala lukin jan. \n\nona li pini e lupa pi kiwen uta lon monsi ona. ona li awen ala li tawa anpa lon nasin leko pi kiwen walo mani. ona li pilin ala e ni: ona li pali ala e toki pi pana ona. ona li kama awen lon lupa pimeja pi kasi kiwen li open e ona. kiwen lawa walo pi sinpin musi li lon lupa. ona li lukin e tomo pi kiwen pimeja e kiwen uta pi soweli nena li kama lukin e selo jan awen lon supa pi len pimeja. jan sewi usawi Jawa li lon sinpin ona. lukin ona li open li suli tan kon nasa pi kasi kule jelo. ona li lukin wawa tawa weka sama ni: ona li awen lon telo lon ma lupa pimeja pi sona jan ala.\n\njan Konen li toki sama jan lawa pi toki pini. “jan Jawa o! o kama!”\n\ntenpo ni la lukin ona li kama wawa li kama ike lete sama waso pi moku moli. ona pi len pona li kama sewi li awen lon sewi lon sinpin jan pi ma Kimelija\n\n“soweli!” pana kon ona li sama kalama pi akesi linja. “sina seme lon ni?”\n\njan Konen li pana e kiwen tawa supa pi kasi kiwen.\n\n“jan pi pana kiwen mi li toki e ni kepeken mi: »ni li pana pini li usawi pini pi jan Jakosa.«”\n\njan Jawa li kama tawa monsi. sinpin pimeja ona li kama walo. kiwen li awen ala sama kiwen lukin. insa ona li kama wawa li kama tawa. kon nasa li tawa lon selo ona. kule kon li awen kama ante. jan Jawa li anpa tawa supa li kama jo e kiwen lon luka ona sama ni: usawi pilin li lawa e ona. ona li lukin e insa pimeja ona sama ni: kiwen li lanpan e kon ona pi pilin monsuta tan sijelo ona. jan Konen li lukin la ona li pilin e ni: lukin ona li pana e sitelen pi lon ala. jan Jawa li kama sewi tan supa ona la ona li sewi mute tawa lukin. taso tenpo ni la ona li lukin e ni: lawa pi jan lawa li sewi sama sijelo ona. ona li pini e lukin ona tan pilin nasa ona pi sona ala. tenpo nanpa wan pi tenpo pimeja ni la ona li pilin e ni: pilin ona li pana e sona pi lon ala tawa ona. ni la ona li awen li kama sona e ni: sijelo pi jan sewi li kama lili lon sinpin pi lukin ona.\n\nona li lukin la ona li pilin weka sama jan lukin musi. ona li kama pilin wawa e lon ala wawa pi tenpo ni. jan pi ma Kimelija li kama pilin e ni: ona li sona ala e lon ona. ona li sona e ni taso: ona li lukin e sitelen selo pi pana sona tan pali len pi wawa weka suli li ken ala sona.\n\ntenpo ni la jan Jawa li suli ala tawa jan lili. tenpo ni la ona li lon supa li awen luka e kiwen. jan usawi li kama sona e pini ona la ona li kama sewi li pana e kiwen. taso ona li awen kama lili. jan Konen li lukin e jan lili pi tawa wawa lon sewi supa pi kasi kiwen. ona li tawa wawa e luka li toki kepeken kalama lili sama kalama wawa pipi.\n\ntenpo ni la kama lili ona la kiwen suli li sewi tawa ona sama nena. jan Konen li lukin e ni: ona li len e lukin ona kepeken luka ona li sama ni: ona li alasa awen tan suno wawa. ona li tawa nasa sama jan pi lawa pakala. jan Konen li pilin e ni: wawa nasa len li tawa kiwen e jan Jawa. tenpo tu wan la ona li tawa wawa lon sike pi kama lili lon poka kiwen. tenpo tu wan la ona li alasa weka tawa supa. pini la jan sewi li tawa wawa tawa kiwen sike seli. kalama wawa ona li jasima lon kute pi jan lukin. \n\njan Konen li kama anpa la ona li lukin e ni: jan Jawa li tawa sewi lon sinpin kepeken wawa suli sama jan pi tawa sewi lon nena pi kiwen lukin. ni la jan sewi li kama lon sewi li awen tawa wawa e luka ona. ona li toki e nimi ike pi sona sewi taso. ona li kama anpa tawa insa pi kiwen mani sama jan pi telo open. jan Konen li lukin e ni: kon li pini lon sewi pi lawa ona. jan Konen li lukin e ona lon insa loje kiwen. kiwen li kama sama kiwen lukin lon tenpo sin. lukin la ona li sama lukin pi pali lili tan weka suli. jan laso ante pi lawa soweli li tawa waso tawa insa kiwen. ona li ken lukin li wawa. jan Jawa li tawa wawa weka sama jan pi lawa pakala. jan pi kama sin li awen lon monsi ona. ni la kiwen suli li kama ala sama sike telo kon lon kule wawa suno. ala li lon sewi pi supa pimeja. jan Konen li sona e ni: ni li sama supa pi kiwen walo lon tomo sewi. tenpo pini taso la sijelo ijo mun pi nimi Jakosa anu Joka li lon ona.\n\njan pi ma Kimelija li tawa sike li weka tan tomo lon nasin leko pi kiwen walo mani. ona li nasa lili tan tenpo ni la ona li pilin ala e ni: ona o weka kepeken nasin sama pi kama ona. ona li tawa anpa lon nasin leko pimeja pi kiwen walo mani li kama lon tomo suli lon anpa pi nasin kiwen suno. tenpo ni la ona li awen lon tenpo lili. ona li lon tomo pi jan utala. jan Konen li lukin e len awen kiwen suno ona e kiwen mani lon anpa pi ilo utala ona. ona li lape lon supa moku suli. selo waso ona li tawa lon sewi pi lawa awen ona. kiwen musi li lon poka ona. poki telo moku li awen lon anpa laso tomo pi telo nasa. jan Konen li sona e ni: ona li moli. toki moli li kama li lon. jan Konen li ken ala sona e ni: usawi anu kon pi luka waso laso suli li pini e musi. taso ala li pakala e nasin ona. lupa pi kiwen walo mani li open lon walo pi kama suno.\n\njan pi ma Kimelija li kama lon insa laso pi ma kasi. kon tawa pi kama suno li pana e kon lete pi kasi nasa tawa ona la ona li kama sama kama pi jan lape. ona li tawa sike tawa monsi. ona li lukin e tomo suli nasa pi kama ona. ona li kama usawi anu seme? ona li lukin e sitelen lape taso pi tenpo ale ni anu seme? ona li lukin la tomo suli suno li tawa lon sewi loje pi kama suno. sewi suno ona pi kiwen mani lon suno pi kama wawa li kama pakala tawa kipisi suno mute.","filePath":"poki/plaintext/2025/10/jan-wawa-utala-konen.md","digest":"c7dacf6d0cbcdaae","rendered":{"html":"<h1 id=\"jan-wawa-utala-konen\">jan wawa utala Konen</h1>\n<h2 id=\"kipisi-lipu-nanpa-wan\">KIPISI LIPU NANPA WAN</h2>\nkipisi Mo pi ma tomo la palisa suno li suno lili lon tenpo musi. ni la jan lanpan tan ma pi open suno li musi lon tenpo pimeja. kipisi Mo pi ma tomo la ona li ken musi li ken kalama tan ni: jan pona li tawa weka tan kipisi ni pi ma tomo. jan lawa li kama jo e mani mute lanpan pi jan ni la ona li pakala ala e musi. nasin nasa pi nena jaki mute la jan nasa pi kalama wawa li alasa tawa. kiwen li suno lon pimeja. ni la jan li alasa e jan ante. pimeja la mu musi wawa pi jan meli en kalama utala li lon. suno monsuta pi palisa seli li kama tan lupa open anu pakala. kon jaki pi telo nasa en kon jaki pi telo sijelo kin li kama tan ni. kin kalama pi utala lili en kipisi lili pi kalama musi ike li kama sama kama sinpin pi luka wawa utala.\ntomo wan ni pi sinpin sewi pimeja la musi mute li lon. ni la jan ike pi len lili anu jaki li kama kulupu. jan lanpan pi lawa wawa en jan lanpan jan pi pilin musi en jan lanpan pi luka wawa en jan utala len en jan meli ona en jan meli ante pi kalama wawa li lon ni. ona li jo e len pona pi mani lili. jan lanpan pi ma ni Samola li mute nanpa wan. ona li jo e selo e lukin pimeja. ilo utala li lon insa pi poki ona. wile ike wawa li lon insa pi pilin ona. taso jan mute kin pi ma ante li lon. jan suli utala wan pi ma Ipepoleja li lon. ona li taso li toki lili taso. ilo utala suli li lon sijelo suli ona kepeken linja. kipisi Mo pi ma tomo la jan li len ala e ilo utala ona. jan pali mani ike pi ma Semi li lon. ona li jo e nena sinpin suli e linja sinpin pimeja. jan wan pi ma Pitunija li lon. ona li jo e lukin wawa li lon poka pi jan ante. ona li tan ma Kunte. ona pi linja lawa jelo pimeja li jan utala weka tan kulupu utala wan pi kama anpa. musi ale li tan toki musi pi jan lanpan suli jaki wan. ona li tan ma weka Ko li kama tawa ni: ona li alasa pana sona e nasin pi lanpan jan meli tawa jan pi ma Samola. taso jan pi ma Samola li kama lon la sona ona ni li suli tawa sona ale pi jan lanpan jaki.\njan ni li pini toki e wawa pona meli pi wile lanpan ona li anpa e sinpin ona tawa insa poki pi telo nasa. ona li pana e telo ni tan uta ona li toki e ni: “sewi Pe pi jan lanpan o! mi pana lukin a e nasin pi lanpan jan meli. suno li tawa anpa la mi jo e ona lon poka ante pi ma Samola li pana e ona tawa kulupu mi. jan lawa pi ma Opi li toki e ni tawa mi: mi esun e jan meli pona pi ma Pitunija tawa ona la ona li pana e mani tu wan ale pi kiwen walo mani tawa mi. tenpo mute a la mi tawa lon ma tomo pi selo ma sama jan pi wile mani. taso pini la mi alasa e jan meli wan pi wile ona. ona li pona a kin tawa lukin!”\nona li uta olin e kon tawa jan meli ni.\nona li toki e ni li kama moku e telo ona lon tenpo sin: “lon la jan lawa pi ma Semi li esun e sona len tan tomo suli pi soweli nena tawa ona.”\nkama pi luka wan lon len pi luka ona la ona li tawa sike e lawa ona li kalama lili pi pilin utala. ona li lukin e jan suli wawa lon poka ona. jan ni li nasa tawa jan pi tomo ni sama ni: soweli wawa li nasa lon kulupu pipi pi tomo jaki. len ona pi mani lili li len ala e sijelo suli ona. luka en sijelo ona li suli. selo ona li kama pimeja lili tan suno weka. lukin ona li laso li seli. linja lawa pimeja li lon sinpin suli ona. ilo utala li lon linja ona lon insa poki pi pakala lili.\njan pi ma Ko li wile ala. taso ona li tawa monsi tan ni: jan ni li tan kulupu jan ala pi sona ona.\nona li toki e ni kepeken toki Samola pi kalama nasa: “sina toki e tomo suli pi soweli nena. mi kute e ijo mute pi tomo ni. sona len ona li seme?”\nona li wile ala utala. taso pilin wawa jan pi ma Ko li kama wawa tan telo nasa tan toki pona pi kulupu ona. ona li pilin suli wawa.\nona li toki wawa e ni: “sona len pi tomo suli soweli a! jan ale li sona e ni: jan sewi Jawa li lon insa ona li jo e kiwen mani suli. jan li pana e nimi »pilin pi soweli nena« tawa kiwen. ni li tan len pi usawi ona.”\njan wawa utala li pilin e toki ni lon tenpo lili.\nona li toki e ni: “mi lukin e tomo suli ni. ona li lon ma kasi lon sewi pi ma tomo. sinpin suli li lon selo ona. mi lukin ala e jan utala lawa. jan li ken tawa sewi lon sinpin kepeken pali lili. jan li lanpan ala e kiwen len ni tan seme?”\njan pi ma Ko li lukin wawa e nasin pilin pi jan ante li kama mu musi apeja. kulupu ona kin li kama sama.\nona li toki wawa e ni: “o kute a e jan ni pi nasin sewi ike! ona li alasa a lanpan e kiwen pi jan sewi Jawa! jan pona o. o kute!” ni la ona li tawa sike pi pilin ike tawa sinpin pi jan ante. “sina jan wawa utala pi ma lete anu seme?”\njan nasa li toki e ni kepeken kalama pi pilin pona ala: “mi jan pi ma Kimelija.” toki ni en nasin toki ona li pana e sona lili taso tawa jan pi ma Ko. ona li lon selo pi ma seli Semi la ona li sona lili taso e ma e kulupu pi ma lete.\nona li toki e ni li sewi e poki ona pi telo nasa tawa jan ni: “ni la o kute o kama sona. o sona e ni: ma ni Samola la ma tomo ni la mute pi jan lanpan wawa li suli tawa mute ona pi ma ante ale. ona li suli tawa mute ona pi ma Ko kin. jan pi ken moli li ken lanpan e kiwen ni la ona li lanpan e ona lon tenpo pini weka. sina toki e tawa sewi sinpin. taso sina lon insa la sina wile ala lon insa. tenpo pimeja la jan utala lawa ala li lon ma kasi. ni li jo e tan pona. ona li jan ala. taso tomo awen pi anpa tomo la jan pi ilo utala li lon. sina ken anpa e ona la jan utala ante kin li lon. kiwen li lon tomo wan sewi.”\njan pi ma Kimelija li toki e ni:“jan li ken tawa lon ma kasi la ona li ken ala tawa kiwen tan sewi tomo tan seme? ni la ona li ken utala ala e jan utala.”\njan pi ma Ko li kama lukin wawa e ona lon tenpo sin.\nona li toki wawa apeja e ni: “o kute e ona! jan ni li waso li ken tawa sewi tomo pi kiwen mani. ni li lon sewi a tan ma! kin sewi tomo li sama telo ko. jan li ken ala luka e ona li ken ala tawa lon ona.”\njan pi ma Kimelija li lukin li pilin apeja tan mu musi mute pi toki ona. ona li sona ala e musi ona li sin tawa kulupu ni. ni la ona li sona ala e ike toki ona. toki jan pi nasin kulupu li ike tawa jan pi nasin kulupu ala tan ni: jan pi nasin kulupu li sona e ni: ona li toki ike la tenpo mute la jan ala li pakala e lawa ona. ona li pilin utala lili li pilin ike pi sona ala. ken suli la ona li alasa tawa weka. taso jan pi ma Ko li awen apeja e ona.\nona li toki wawa e ni: “o kama! o kama! o toki e nasin sina pi lanpan kiwen tawa jan pona ni a! sina kama lon tan mama sina la ona li jan lanpan lon tenpo ni kin.”\njan pi ma Kimelija li toki e ni li pilin utala: “jan li wile li wawa la tenpo ale la ona li ken.”\njan pi ma Ko li pilin e ni: ni li toki utala tawa ona. sinpin ona li kama loje laso tan pilin wawa ona.\nona li toki wawa e ni: “seme a?! sina toki e pali mi. sina toki e ni kin anu seme: mi jan pi wawa ala? o tawa a! o weka a tan mi!” ona li luka tawa e jan pi ma Kimelija kepeken luka wawa.\njan wawa utala li toki wawa e ni: “sina apeja e mi li alasa luka e mi anu seme?” pilin utala ona li kama wawa lon tenpo lili li pakala suli e jan pi wile apeja ona kepeken luka open tawa supa monsi. telo nasa li kama tan poki ona. jan pi ma Ko li kalama wawa pi pilin utala li kama jo e ilo utala ona.\nona li toki wawa e ni: “jan pi nasin sewi ike o! mi pakala a e pilin sina tan ni!” kiwen li suno. kulupu li tawa weka wawa tan utala ona. tawa ona la ona li pakala e ilo suno taso tomo. ni la tomo li kama pimeja. kalama pi pakala supa en kalama tawa pi noka mute en toki ike en kalama wawa pi pilin pakala li pakala e pimeja sama ilo kipisi. ilo suno li kama suno lon tenpo sin la jan mute li tawa weka kepeken lupa open anu pakala. jan pi mute lili li awen lon monsi poki pi telo nasa lon anpa supa. jan wawa utala li lon ala. ala li lon insa tomo. sijelo kipisi jan taso pi ma Ko li lon. nasin ala pimeja la jan pi ma Kimelija li moli e ona kepeken nasin lon pi jan wawa utala.\n<h2 id=\"kipisi-lipu-nanpa-tu\">KIPISI LIPU NANPA TU</h2>\nsuno wawa en musi tomo li kama weka lon monsi jan pi ma Kimelija. ona li weka e len pakala ona li jo e len pi anpa sijelo e len noka taso pi linja sewi. ona li tawa sama wawa pi soweli suli. insa wawa ona li tawa lon anpa pi selo pimeja ona.\nona li kama lon kipisi sewi pi ma tomo. poka ale ona la palisa suli pi kiwen walo en tomo pi kiwen jelo mani en lupa suli pi kiwen walo li suno tan suno mun. tomo sewi mute kin li lon tawa sewi nasa mute pi ma Samola. taso ona li pilin ala tan ni. ona li sona e ni: nasin sewi pi ma Samola li ike li jo e lawa nasin mute li kama weka tan sewi lon ona tan nasin lawa ona tan nasin ona pi toki sewi. tenpo pini la ona li awen lon ma kasi pi jan sona lon tenpo mute li kute e toki pi jan sona e toki pi jan sewi. ona li tawa weka la ona li kama sona e ijo sin wan ni taso: lawa pi jan ale ni li pakala.\nsewi ona li pona li jo e lawa lili. sewi Kon li sewi lawa ona. ona li lon nena suli li pana e kon e moli tan ni. toki jan tawa sewi Kon li tawa ala tan ni: ona li wawa li nasin ala. ona li pilin utala tawa jan ale pi wawa ala. taso ona li pana e wawa e ken utala moli tawa jan lon kama ona. jan pi ma Kimelija la ni li ale pi wile ona tan sewi.\nnoka ona pi len noka li pali e kalama ala lon nasin kiwen. jan lawa ala li lon tan ni: jan lanpan kin pi kipisi ma tomo Mo li pilin ike tawa tomo sewi. ona li sona e ni: ni la pini nasa li kama tawa jan lanpan. jan Konen li lukin e tomo suli pi soweli nena lon sinpin ona. ona li pilin e ni: ona li jo e nimi ni tan seme? lukin la jan ala li sona e ni. tenpo ala la ona li lukin e soweli nena. taso ona li sona e ni: soweli suli ni li jo e linja lon monsi lon sinpin ona kin. jan esun pi ma Semi li toki e ni tawa ona li toki e ni kin: ona li lukin e kulupu suli pi soweli ni mute lon ma Ikanija. taso jan ale li sona e ni: jan pi ma Semi li toki e lon ala. taso soweli nena ala li lon ma Samola.\ntomo suli li sama palisa pi suno lete lon sewi pimeja. tenpo suno la jan mute li ken ala lukin e ona tan suno wawa ona li toki e ni: ona li kiwen walo mani. tomo suli li sike lili li sewi suli. sewi ona li suno tan kiwen mani mute ona. tomo suli li lon ma kasi lili pi kasi suli nasa li lon sewi tawa nasin pi ma tomo. sinpin suli li selo e ma kasi ni. sinpin ante li lon anpa pi sinpin ni li selo e ona kin. suno ala li lon. lukin la lupa ala li lon tomo suli. anu lupa ala li lon sewi pi sinpin insa. kiwen mani taso pi sewi tomo li suno lete tan suno mun.\nkasi mute li lon poka pi sinpin anpa. jan pi ma Kimelija li kama lon poka pi sinpin selo li lukin e suli ona. sinpin li suli. taso ona li ken tawa wawa tawa ona li ken luka e sewi ona. ni la ona li ken sewi e sijelo ona li ken tawa anpa kepeken pali lili. ona li pilin e ni: ona li ken tawa sewi lon sinpin insa kin kepeken nasin ni. taso ona li awen lili tan ni: ona li pilin monsuta lili tan ike nasa ken pi insa tomo. jan ni li nasa tawa ona. ona li sama ala ona. ona li sama ala jan pi ma Pitunija li sama ala jan pi ma Nemesija li sama ala jan pi ma Ko li sama ala jan pi ma Akilonija. ona li pilin e wawa kulupu pi jan ni lon tenpo pini. kulupu pi ma Samola li majuna li ike mute tawa ona.\nona li pilin e jan sewi Jawa. ona li pali tawa wile nasa tan tomo suli ni pi kiwen mani. linja lawa li kama sewi lon jan pi ma Kimelija tan pilin monsuta ona. ona li sona e toki musi pi jan toki wan. ona la jan sewi Jawa li mu musi lon sinpin pi jan lawa ike li pana e kiwen mani pi suno ike lon sinpin ona. suno ni li kama tan kiwen la ona li pakala e lukin. ona li kama selo e jan lawa. ona li mu monsuta li kama anpa. sijelo ona li kama ko pimeja lili li kama pipi pimeja lili. ona li tawa wawa lon anpa. jan sewi Jawa li pakala e ona kepeken noka.\ntenpo lili taso la jan sewi Jawa li kama tan tomo suli usawi ona. tenpo ni ale la ona li pali ike tawa jan anu ma wan. jan lawa pi ma Samola li pilin monsuta tan ona. pilin monsuta ona tan jan sewi Jawa li suli tawa pilin monsuta ona tan moli. ona li moku e telo nasa lon tenpo ale tan ni: lawa ona li pona la ona li ken ala awen tan pilin monsuta ona. jan sewi Jawa li majuna mute. jan mute li toki e ni: ona li ken ala moli tan kiwen usawi ona. jan mute li pana e nimi “pilin pi soweli nena” tawa kiwen ni. tan pi nimi ni li sama tan nimi pi tomo suli ona.\njan pi ma Kimelija li pilin e ni la ona li kama lon poka sinpin. insa sinpin la jan li tawa. jan kute li kute e kalama kiwen. pini la ona li sona e ni: jan utala lawa li lon ma kasi ni. jan pi ma Kimelija li awen tawa ni: jan utala lawa li kama lon tenpo sin lon tawa sike sin. taso kalama ala li awen lon ma kasi nasa.\npini la pilin pi wile sona li kama wawa lon ona li anpa e pilin monsuta. ona li tawa wawa lili li luka e sewi sinpin. ona li sewi e sijelo ona kepeken luka wan. ona li awen lili lon sewi sinpin la ona li lukin e ma lili lon insa pi sinpin tu. kasi ala li lon poka ona. taso ona li lukin e kasi lili pi selo kipisi lon sinpin anpa. suno mun li kama anpa lon ma kasi. kalama tan poki kiwen pi telo tawa li lon.\njan pi ma Kimelija li tawa anpa tawa insa. ona li kama jo e ilo utala ona li lukin. ona li kama pilin monsuta nasa tan awen open ona lon suno mun li tawa sike lon poka pi sinpin tomo. ona li lon sinpin kasi pi lukin ona pini la ona li awen. ona li open tawa wawa tawa ona li awen lon anpa. tawa ona li pakala lili tan ni: sijelo anpa awen li lon poka pi selo kasi.\nlukin wawa ona tawa poka tu li pana sona e ni: jan utala ala li lon poka. ni la ona li tawa sijelo moli anpa li lukin e ona. ona li lukin wawa lon suno lili mun kin la ona li ken lukin e sijelo suli jan. ona li jo e len awen sijelo pi kiwen walo mani e len kiwen awen lawa pi jan utala lawa tan ma Samola. ilo utala palisa en sike kiwen awen li lon poka ona. ona li lukin lon tenpo lili taso. taso ona li kama sona e ni: jan ni li kama moli tan weka kon. jan wawa utala li lukin poka tan pilin monsuta ona. ona li sona e ni: ni li jan utala lawa pi kute ona tan awen ona pi poka ante sinpin. tenpo lili taso li weka tan ni. taso tenpo lili ni la luka pi nimi ala li kama tan pimeja. ona li luka wawa e anpa lawa pi jan utala ni li moli e ona.\nona li lukin wawa lon pimeja. ona li kama lukin lili e tawa lon insa kasi pi poka sinpin. ona li tawa lili tawa ona li luka e ilo utala ona. ona li kalama lili sama soweli alasa pi tenpo pimeja. taso jan ni li kute e ona. jan pi ma Kimelija li kama lukin e sijelo suli lon poka sinpin. ona li pilin pona lili tan ni: sijelo li jan. ona li tawa sike wawa li mu lili. kute la ona li tan pilin monsuta. ona li tawa lon tenpo nanpa wan li tawa wawa tawa jan Konen. ona li alasa luka. taso ona li lukin e suno lon ilo utala pi jan Konen la ona li kama awen. ona tu li toki ala li awen lon tenpo lili monsuta.\npini la jan ante li kama toki kepeken kalama lili pi uta pini. “sina jan utala ala li jan lanpan sama mi.”\njan pi ma Kimelija li alasa sona kepeken toki lili. “sina seme?”\n“jan Talu pi ma Nemesija.”\njan pi ma Kimelija li anpa e ilo utala ona.\n“mi sona e sina. jan li toki e ni: sina jan lawa pi jan lanpan.”\njan ni li mu musi lili. sewi pi jan Talu li sama jan pi ma Kimelija. taso ona li suli tawa ona. ona li jo e sijelo suli. tawa ale ona li wawa pi suli lili. sama ni la lukin ona li suno sama kon sewi lon suno mun kin. ona li jo e len noka ala e sike pi linja wawa. ona li toki kepeken kalama lili. “sina seme?”\n“jan Konen pi ma Kimelija. mi kama tawa ni: mi alasa lanpan e kiwen mani pi jan sewi Jawa. jan li toki e ni: ona li pilin pi soweli nena.”\njan Konen li pilin e ni: sijelo suli jan li kama tawa lili tan mu musi ona. taso ona li wile ala apeja e ona.\njan Talu li toki e ni pi uta pini: “sewi Pe pi jan lanpan o! mi pilin e ni: mi taso li jo e pilin wawa tawa lanpan suli ni. jan ni pi ma Samola li alasa lanpan a! jan Konen o. wawa sina li pona tawa mi. tenpo ala la mi kama kulupu lon alasa lanpan mi. taso sewi Pe o! sina wile la mi tu o alasa lanpan ni.”\n“sina kin li alasa e kiwen mani anu seme?”\n“seme ante? mi pali e alasa lanpan mi lon tenpo mun mute. taso pilin mi la sina kama tan pilin wawa pi tenpo poka.”\n“sina moli e jan utala anu seme?”\n“lon a. ona li lon poka ante pi ma kasi la mi kama tan sinpin. mi awen lon kasi. ona li kute e mi anu ona li pilin e ni: ona li kute e ijo. ona li kama mi la mi tawa monsi ona li luka e anpa lawa ona li moli e ona kepeken pali lili. ona li sama jan mute li ken lukin lili taso lon pimeja. jan lanpan pona o jo e lukin sama soweli alasa.”\njan Konen li toki e ni: “sina pali e pakala wan.”\nlukin pi jan Talu li suno pi pilin utala.\n“mi anu seme? mi pakala anu seme? ni li ken ala a!”\n“sina o tawa kasi e sijelo moli.”\n“sina jan sin li toki tawa jan pi pana sona. jan utala sin li kama lon insa taso pi tenpo pimeja. jan li kama alasa e ona li kama lukin e ona la ona li tawa jan sewi Jawa li toki e ni tawa ona. ni la mi kama jo e tenpo tawa weka. ona li kama ala lukin e ona la ona li open pakala e kasi li kama lukin e mi sama soweli pipi lon poki awen.”\njan Konen li toki e ni: “ni li lon.”\n“pona. ni la o kute. toki ike ni la mi weka taso e tenpo. jan utala lawa ala li lon ma kasi insa. jan utala ala. ijo utala ante li lon li moli tawa jan. ona li monsuta tawa mi lon tenpo mute. taso pini la mi kama sona e nasin.”\n“mi o pali e seme tan jan utala lawa pi anpa tomo?”\n“jan sewi majuna Jawa li lon tomo sewi. wile mi la mi kama ni li tawa tan ni. o alasa ala sona e nasin tan mi. mi pali e nasin. mi kama anpa tan sewi tomo li moli e jan majuna Jawa sama jan utala ona. ni la ona li ken ala pana e usawi monsuta ona. mi o alasa ni. ken wan la mi kama pipi anu akesi. ken ante la mi kama jo e wawa e mani ale. jan lanpan pona ale o sona alasa e ken lili.”\njan Konen li toki e ni li weka e len noka ona: “mi alasa sama jan ante ale.”\n“o kama lon monsi mi.” jan Talu li tawa sewi li luka e sewi sinpin. ona li tawa sewi e sijelo ona. tawa ona li wawa tawa suli ona. ona li tawa sewi sinpin la ona li sama waso. jan Konen li lon monsi ona li awen anpa lon sewi sinpin. ona tu li toki kepeken kalama lili pi pilin monsuta.\njan Konen li toki e ni: “mi lukin e suno ala.” anpa pi tomo suli li sama ona tan poka ante sinpin. ona li sike pona pi kiwen suno. lukin la lupa ala li lon ona.\njan Talu li toki e ni: “lupa pi pali wawa sona li lon. taso ona ale li pini. jan utala li jo e kon tan sewi tomo taso.”\nma kasi li poki nasa pi kon pimeja. ona la kasi lili en kasi suli anpa li tawa sama telo pimeja pi suno mun. kon pi jan Konen li pilin e ni: kon monsuta kama li awen lon sewi ona. ona li pilin e lukin pi nimi ala lon monsi pi lawa ona. ona li kama pilin e kon lili nasa monsuta la linja lili pi monsi lawa ona li kama awen. soweli alasa li kama pilin e kon soweli majuna pi wile ona la ona li sama. jan Talu li toki e ni: “o kama. sina wila awen lon la o awen lon monsi mi.”\njan pi ma Nemesija li kama jo e palisa pi kiwen loje tan linja len ona la ona li tawa kasi anpa pi insa sinpin. jan Konen li lon monsi ona li jo e ilo utala ona. taso jan Talu li luka e ona tawa sinpin li wile ala tawa. ale ona li awen. lukin ona li sama ona pi jan Konen li awen lukin e kasi lili pimeja pi poka ona. kasi lili ni li kama tawa. taso kon tawa li pini. lukin tu suli li seli tan kon pimeja tawa. monsi ona la seli ante li suno lon pimeja.\njan Konen li toki e ni kepeken kalama lili: “soweli alasa suli a!”\n“a. tenpo suno la ona li lon lupa kiwen lon anpa pi tomo suli. jan utala lawa ala li lon ma kasi ni tan ni.” jan Konen li alasa nanpa e lukin kepeken tenpo lili.\n“mi ken lukin e soweli luka. ken la ante li lon insa kasi. tenpo poka la ona li alasa utala.”\njan Talu li toki e ni kepeken kalama lili pi uta pini: “o kalama ala!” ona li tawa tan sinpin li kama jo e palisa ona. tawa ona li sama ni: ona li alasa tawa lon lipu pi ilo kipisi. kalama lili en lukin seli li kama tan kon pimeja. jan Konen li ken lukin e uta suli pi wile moku e linja monsi e sijelo pi kule ma lon pilin ona. ona li luka wawa e ilo utala li awen tawa kama wawa pi sijelo suli. ni la jan Talu li pana e palisa tawa uta ona li pana wawa e kon tan ona. ko jelo li kama tan pini ante palisa. ona li kama kon laso jelo li awen lon sewi kasi. ona li len e lukin seli.\njan Talu li tawa wawa tawa sinpin. jan Konen li lukin pi sona ala. kon suli li len e kasi. kalama ala li kama tan ona.\njan pi ma Kimelija li alasa sona pi pilin monsuta e ni: “kon ni li seme?”\njan pi ma Nemesija li toki e ni: “moli! kon li open tawa la ona li kama mi la mi o tawa weka kepeken sinpin. taso ni li lon ala. kon li awen li open weka. o awen tawa pini pi weka ona. sina moku e ona la sina kama moli.”\nni la kipisi jelo lili taso li awen lon kon. ona li weka. ni la jan Talu li toki luka e ni tawa jan poka ona: o kama. ona li tawa kasi. jan Konen li open e uta ona. pimeja la sijelo suli luka li awen. seli pi lukin ona li kama pimeja lon tenpo ale. kon nasa suwi li lon.\njan Konen li toki e ni: “ona li moli la ona li kalama ala. jan Talu o. ko ni li seme?”\n“ona li tan kasi kule pimeja tan ma kasi majuna pi ma Kita. jan sewi Jun taso pi lawa jelo li lon ni. jan li moku e kon pi kasi ni la ona li kama moli.”\njan Konen li awen anpa lon poka pi sijelo suli. ona li sona e ni: lon la ona li ken ala ike tawa ona. ona li tawa e lawa ona. usawi pi ma nasa li monsuta li ike tawa jan wawa utala pi ma lete.\nona li alasa sona e ni: “sina ken ala moli e jan utala lawa pi tomo suli kepeken ko sama tan seme?”\n“mi kepeken e ko ale mi lon ni. lanpan ona mi li suli ni: ona li pana sona e nimi mi tawa jan lanpan ale. mi lanpan e ona tan kulupu esun pi ma Sikija. mi lanpan e ona e poki len jelo ona tan awen anpa pi akesi linja suli li pakala ala e lape ona. taso o kama! sewi Pe o! mi wile kepeken e tenpo ale mi pi tenpo pimeja lon toki anu seme a?”\nona li tawa anpa pi tomo suli lon ma kasi. ni la jan Talu li toki luka e ni: o kalama ala. ona li open e linja ona. linja li jo e kiwen luka wawa lon pini wan ona. jan pi ma Nemesija li luka e pini linja li open tawa sike e ona lon poka pi lawa ona la jan Konen li kama sona e wile ona li alasa sona ala. jan Konen li alasa kute lon sinpin pi tomo suli. taso ona li kute e kalama ala. ken suli la jan utala insa li sona ala e kama pi jan lanpan. kalama lili pi ona tu li lili tawa kalama pi kon tawa lon tenpo pimeja lon kasi suli. taso jan wawa utala li pilin monsuta nasa. ken la ona li tan ni: kon nasa pi soweli alasa li lon ale.\njan Talu li tawa e linja kepeken tawa wawa pi luka suli ona. kiwen luka ona li tawa sike insa kepeken nasin nasa pi ken ala toki li kama lon sewi tomo pi kiwen mani. lukin la ona li luka wawa e tomo. tawa wawa luka li ken ala lili e ona.\njan Talu li toki e ni: “ken pona pi linja nanpa wan. mi…”\npilin wawa pi jan Konen li tawa sike e ona. moli li lon poka li kalama ala. jan pi ma Kimelija li lukin e sijelo suli pi tawa sewi lon suno mun. ona li alasa moli e jan Konen. jan ala pi nasin kulupu li ken tawa wawa sama jan wawa utala. ilo utala ona li suno lon pimeja. ona li kepeken e wawa ale ona tawa tawa ni. jan en soweli li kama anpa lon poka.\njan Talu li toki ike kepeken kalama lili li awen anpa lon sewi sijelo. ona li lukin e ni: ona li alasa kama sewi tan anpa sijelo pi tawa ala la luka ona li alasa tawa. lukin lili li pana sona e ni tawa jan pi ma Nemesija: soweli alasa li moli. lawa ona li kama kipisi. jan Talu li kama jo e sijelo moli ona. ni la jan Konen li ken tawa e ona li kama sewi. ona li awen luka wawa e ilo utala ona pi telo sijelo loje.\njan Talu li toki e ni kepeken kalama pi wawa ala: “jan pona o. sina pona ala pona?” ona li pilin nasa tan wawa utala pi pakala wan taso.\njan wawa utala li toki e ni: “sewi Kon a! pona! taso tenpo ale mi pi ike mute la ni li tenpo mi pi ken ike nanpa wan. soweli monsuta ni li utala la ona li kalama ala tan seme?”\njan Talu li toki e ni: “ijo ale li nasa lon ma kasi ni. soweli alasa li utala la ona li kalama ala. ijo moli ante li sama. taso o kama. kalama lili li kama tan moli ni. taso jan utala li lape ala anu moku ala e telo nasa la ona li ken kute e sina. soweli ni li lon ma ante la ona li moli ala tan kon kasi. taso soweli ante ala li lon. mi o tawa lon linja ni. mi sona e ni: mi o alasa ala sona e ken ni sina tan jan pi ma Kimelija.”\njan Konen li toki pi pilin utala lili e ni: “ona li ken jo e suli mi la…” ona li weka e jaki tan ilo utala ona kepeken kasi.\njan Talu li toki e ni: “ona li ken jo e suli mi tu wan. ona li tan linja lawa pi jan meli moli. mi lanpan e ona tan tomo moli ona lon tenpo pimeja li pana e ona tawa telo nasa moli pi kasi suli Upa. ni la ona li kama wawa suli. mi tawa lon tenpo nanpa wan. o awen lon monsi mi.”\njan pi ma Nemesija li luka e linja li open tawa sewi kepeken noka. lukin la ona li suli mute tawa ni. taso ona li tawa wawa tawa sewi sama soweli alasa lili. jan pi ma Kimelija li awen lon monsi ona. linja li tawa li tawa sike. taso jan pi tawa sewi li pini ala. tenpo pini la ona tu li tawa sewi lon linja ike mute. sewi tomo pi kiwen mani li suno lon sewi ona li weka tan sinpin. ni la tawa sewi li kama pona tawa jan lanpan.\nkalama ala la ona li tawa sewi li awen tawa sewi. ona li kama sewi la suno pi ma tomo li kama weka tawa lukin ona. suno mun sewi li kama lili tan suno tomo pi kiwen mani. ni la jan Talu li sewi e luka ona li pilin e sewi tomo. ona li sewi e sijelo ona. jan Konen li awen lili lon sewi li lukin e kiwen mani lete suli pi suno wawa. kiwen mani walo en kiwen mani loje en kiwen mani laso en kiwen mani mun li lon kiwen walo mani suno. mute ona li sama mute mun pi sewi pimeja. jan li weka la suno mute ante ona li kama suno wawa walo wan tawa lukin. taso jan li lon poka ona la suno ona li kule ale. suno ona li pana e pilin wawa tawa jan Konen.\nona li toki e ni: “jan Talu o! mani wawa li lon ni.” taso jan pi ma Nemesija li toki pi wile awen ala e ni tawa ona: “o kama! mi kama jo e pilin pi soweli nena la ni en ijo ante ale li kama ijo mi.”\njan Konen kin li tawa sewi e sijelo ona. supa anpa pi sewi tomo li lon anpa tawa selo ona pi kiwen mani. ona li ijo pi kule laso pimeja. kiwen jelo mani ona li jasima e suno mun. ni la ale ni li sama kiwen mani laso suli pi ko kiwen jelo mani suno. poka ante tan poka pi kama ona la tomo lili li lon. ona li kiwen walo mani sama sinpin pi tomo suli. sitelen mute pi kiwen mani kule lili li lon ona. lupa wan ona li kiwen jelo mani kipisi. kiwen mani mute li lon ona li suno sama telo lete kiwen.\njan Konen li lukin lili e mute suno lon anpa ona li lukin e jan Talu. jan pi ma Nemesija li kama jo e linja li sike e ona. ona li pana lukin e kama pi luka ona. insa selo pi sewi tomo la lupa lili li lon anpa kiwen mani pi suno seli tan ona.\nona li toki e ni: “tenpo sin la ken pona li awen e mi. pilin jan la suli pi mi tu li weka e kiwen ni tan sinpin. o kama. ike lon pi lanpan ni li kama lon ni. mi lon tomo pi akesi linja. mi sona ala e awen len ona.”\nona li tawa lupa suno lon sewi pimeja pi tomo suli sama soweli alasa. jan Talu li alasa open e ona kepeken luka pi wawa lili. ona li kama open. jan tu li lukin insa li awen tawa ken ale. jan Konen li lukin e insa suno tomo e sinpin e anpa e sewi lon monsi jan pi ma Nemesija. ale ni li jo e kiwen mani walo suli mute. ona li suno wawa li suno taso pi insa tomo. lukin la jan ala li lon insa.\njan Talu li toki e ni: “ni li ken pini mi pi tawa weka. o tawa selo pi sewi tomo o lukin e poka ale. sina lukin e jan utala pi ma kasi anu ijo nasa ante la o kama o toki tawa mi. mi awen lon tomo ni.”\njan Konen li pilin ala e tan ni. ona li kama pilin e ken kama ike pi jan poka ona. taso ona li pali sama toki pi jan Talu. ona li open tawa la jan pi ma Nemesija li tawa insa li pini e lupa lon monsi ona. jan Konen li tawa lon selo pi sewi tomo li kama sike la ona li lukin ala e tawa nasa lon kasi mute anpa. ona li tawa lupa. taso tan insa tomo la kalama wawa pi kon lili li kama.\njan Konen li kama tawa wawa. lupa suno li open. jan Talu li lon suno lete lon monsi ona. ona li alasa tawa. uta ona li kama open. taso kalama lili taso pi wawa ala li kama tan uta ona. ona li luka e lupa pi kiwen jelo mani tawa awen li alasa tawa. taso ona li kama anpa li luka e uta ona. lupa li kama pini lon monsi ona.\njan Konen li awen anpa sama soweli alasa suli. lupa li open lili lon tenpo lili la ona li lukin e ijo ala lon insa tomo lon monsi jan pi ma Nemesija. ken la suno nasa li pali e sitelen ni: pimeja li tawa lon lupa supa. ala li kama jan Talu tan ona tawa sewi tomo. ni la jan Konen li tawa anpa lon sewi jan.\njan pi ma Nemesija li lukin sewi kepeken lukin suli suno. lukin ni li pana sona e pilin nasa ona. ona li luka e anpa lawa ona. uta ona li pana e telo moku. ona li kalama nasa pi wawa ala. ona li kama awen sama palisa. ni la jan pi ma Kimelija li sona e ni: ona li moli. ona li sona e ni kin: jan Talu li kama ala sona e tan pi moli ona. jan Konen li lukin pi alasa sona e lupa suno pi sona len. tomo ni pi ijo ala lon insa sinpin ona pi kiwen mani la moli li kama tawa jan lawa pi jan lanpan. moli ona li wawa li nasa. tenpo pini la ona li moli e soweli suli lon ma kasi anpa kepeken wawa sama.\njan wawa utala li tawa e luka ona lon sijelo pi len lili li alasa e pakala. taso pakala taso tan utala li lon sewi pi monsi ona lon anpa pi lawa ona. pakala lili tu wan li lon. lukin la ona li tan ni: ijo li pana e palisa lili tu wan tawa insa pi sijelo ni li kama weka tan ni. selo li kama pimeja li pana e kon jaki pi sijelo moli lon poka pi pakala ni. jan Konen li pilin e ni: ni li tan palisa pana pi telo moli anu seme? taso ni li lon la palisa li awen ala lon insa pakala tan seme?\nona li tawa lupa pi kiwen jelo mani li open e ona li lukin insa. tomo li jo e ijo ala. suno lete ona pi kiwen mani mute li awen kama ante lon tenpo sike. insa pi sewi tomo ni la ona li kama lukin e ijo nasa. ijo pimeja pi selo leko li lon ni. kiwen mani loje tu tu li lon ona li pana e suno loje seli sama ala suno wawa walo pi kiwen mani ante. lupa ante li lon poka ante tomo. ona li sama lupa ni. taso kiwen jelo mani ona li kipisi ala. moli li kama ala kama tan lupa ni? ona li moli e jan la ona li tawa weka kepeken nasin sama anu seme?\nona li pini e lupa lon monsi ona la jan pi ma Kimelija li tawa insa tomo. noka ona pi len ala li kalama ala lon anpa kiwen. supa monsi anu supa moku ala li lon tomo. supa lape len tu wan taso pi sitelen nasa kiwen jelo akesi en poki kiwen walo mani pi kasi kiwen Mawakoni li lon. poki mute li pini kepeken ilo pini suli pi kiwen jelo mani. poki ante li open li jo e sewi ona lon monsi. ni la jan pi ma Kimelija li ken lukin e nena jaki pi kiwen mani mute. jan Konen li toki ike lili kepeken kalama lili. tenpo ni la ona li lukin e mani mute. tenpo pini la ona li pilin e ni: mani pi ale ma li lili tawa mani ale pi tenpo ni. ona li alasa pilin e mani kiwen pi wile lanpan ona la ona li pilin nasa.\ntenpo ni la ona li lon insa tomo li lon anpa. ona li tawa e lawa li jo e ilo utala ona. ni la moli li kama pi kalama ala tawa ona lon tenpo sin. pimeja tawa lon sinpin tomo li sitelen taso tawa ona. ona li tawa wawa taso tawa poka tan pilin wawa ona la ona li awen lon. ona li kama lukin e monsuta pimeja pi linja suli. ona li tawa wawa lon poka ona. ko nasa li kama tan uta suli monsuta. ko li kama lon sijelo ona pi len ala li pakala seli sama seli telo. ona li sewi e ilo utala ona li tawa wawa tawa monsi. ona li lukin e ni: monsuta li anpa li tawa sike. pipi suli pimeja li open tawa wawa tawa ona. jan li lukin e pipi pi suli ni lon sitelen lape ona taso.\nsuli ona li sama soweli mani. noka suli luka tu wan ona pi linja sijelo li tawa wawa e sijelo ona lon anpa tomo. lukin tu tu ona li suno pi sona monsuta. uta ona li pana e ko moli. ona lili taso li kama lon sijelo pi jan Konen li pakala seli e ona la jan Konen li sona e ni: ko ni li pana e moli wawa. moli ni li kama tan sewi tomo lon linja ona tawa anpa lawa pi jan Talu. ona tu li jan pi sona ala a tan pilin ni ona: awen ala li lon sewi pi tomo suli sama anpa tomo!\nmonsuta li tawa wawa la pilin ni li kama lon lawa pi jan Konen lon tenpo lili. ona li tawa wawa sewi. monsuta li awen tawa lon anpa ona li tawa sike li kama tawa wawa lon tenpo sin. tenpo ni la ona li awen tan tawa wawa monsuta kepeken tawa wawa poka li pakala tawa poka monsi ona sama soweli alasa lili. ilo utala ona li pakala e noka wan pi linja sijelo. monsuta li alasa luka e ona li kalama monsuta e uta tu ona la jan Konen li awen lili taso lon tenpo sin. taso ijo li alasa ala tawa ona. monsuta li tawa sike li tawa wawa sewi tomo pi kiwen walo. ni la ona li awen lon tenpo lili li lukin wawa e anpa kepeken lukin loje monsuta ona. ona li pana e sitelen ala. taso ona li open tawa wawa anpa li pana e linja pi ijo ko walo.\njan Konen li tawa monsi tan sijelo pi kama anpa. ona li tawa wawa tawa anpa tawa ni: ona li kama ala poki lon linja ko pi tawa waso. ona li sona e wile monsuta li tawa wawa tawa lupa. taso tawa monsuta li wawa tawa ona. pipi li pana e linja ko wan tawa lupa la jan Konen li kama jan poki. ona li alasa ala kipisi e ona kepeken ilo utala. ona li sona e ni: ona li alasa ni la ijo li kama lon ilo utala. ona li alasa weka e jaki tan ilo la monsuta li pana e uta moli ona tawa insa pi sijelo ona.\nni la musi wawa li open. sona en wawa jan li utala e wawa monsuta e suli pi pipi suli. ona li pini tawa wawa jan lon anpa tomo li pini tawa waso lon kon. ona li tawa wawa lon sinpin lon sewi li alasa poki e jan kepeken sike suli pi linja ko walo. ona li pana e ni kepeken wawa monsuta. linja ni li suli sama linja tawa pi jan Talu. jan Konen li sona e ni: linja li poki e ona la ona li alasa pakala e linja kepeken wawa ale ona la monsuta li moli e ona.\nmusi ni li awen lon ale pi tomo lili ni. kalama taso li pana wawa kon jan li tawa pi noka ona li kalama pi uta pipi. linja walo li sike lon anpa lon sewi. ona li len e poki pi kiwen mani e supa lape pi len pona li kama anpa tan sewi pi kiwen mani. wawa suli pi lukin ona en wawa pi sijelo ona li awen e jan Konen. taso sike jaki li tawa lon poka ona la linja li ken luka e sijelo ona pi len ala. ona li sona e ni: ona li ken ala awen tan ona. ona li alasa lukin e sike tawa sewi taso ala li alasa lukin e anpa kin. ona li lukin ala la sike anpa li ken anpa e ona. tenpo ni anu tenpo kama la sike ko li poki e ona sama akesi linja. ni la ona li kama lon poki linja pipi. ni la pilin pona monsuta taso li ken awen e ona.\npipi li tawa wawa lon anpa pi tomo lili. linja walo li tawa lon monsi ona. jan pi ma Kimelija li tawa wawa tawa sewi lon sewi pi supa lape. monsuta li tawa wawa sike li tawa lon sinpin. linja li kama tan anpa sama akesi linja li kama tawa lon poka noka pi jan Konen. ona li kama anpa la ona li kama lon luka ona. ona li tawa wawa tawa linja pi poki ona. ona li sama poki ko anu poki sike sijelo pi akesi linja. monsuta pi linja sijelo li tawa wawa tan sinpin li alasa pini e poki linja. jan Konen li kama pilin utala wawa li pana wawa e poki wan pi kiwen mani kepeken wawa ale ona. monsuta li pilin ala e ni lon tenpo pini. ijo pana suli li kama lon insa pi noka pimeja mute. ona li kama lon sinpin la kalama lili jaki li lon. telo sijelo loje en ko laso li kama. sijelo suli pakala li kama anpa lon poka pi poki open. sijelo pimeja moli li awen lon insa mute seli pi kiwen mani. noka pi linja sijelo li tawa tan ala wile. lukin moli li suno loje lon poka pi kiwen mani suno.\njan pi ma Kimelija li lukin e poka ale ona. taso monsuta ante ala li kama. ni la ona li open kama tan poki linja. ijo li wile awen lon noka lon luka ona. taso pini la ona li kama tan ona li kama jo e ilo utala ona. lon poka pi sike walo la ona li tawa lupa insa. ona li sona ala monsuta pi insa ona. telo sijelo loje pi jan Konen li wawa. ona li kama ni li anpa e moli mute la ona li wile kama lon pini nasa pi lanpan ni. pini ni li ken ale. ona li pilin e ni: kiwen mani pi wile lanpan ona li sama ala kiwen mani ante pi tomo lili ni.\nona li weka e sike pi pini lupa tan lupa insa la ona li kama sona e ni: lupa ni li pini ala sama lupa ante. ona li pilin e ni: jan utala anpa li sona ala sona e kama ona? ona li lon sewi pi jan utala. toki musi li lon la jan utala ni li kute e kalama nasa mute tan sewi pi tomo suli. kalama monsuta en kalama wawa pi pilin pakala.\nona li pilin e jan sewi Jawa. ona li open e lupa pi kiwen jelo mani la ona li pilin monsuta lili. taso ona li lukin e nasin leko taso pi kiwen walo mani tawa anpa. suno lili li kama tan ijo pi sona ona ala. ni la ona li tawa anpa pi kalama ala li luka wawa e ilo utala ona. ona li kute ala e kalama li kama lon poka lupa. lupa ni li kiwen uta pi soweli nena li jo e kiwen mani pi telo sijelo loje. ona li kute. taso kalama ala li kama tan insa. kon lili taso li kama tan anpa lupa. jan pi ma Kimelija li sona ala e kon nasa ni. anpa ona la nasin leko pi kiwen walo mani li tawa pimeja. kalama ala li kama tan anpa ni. pilin monsuta ni li kama lon lawa ona: ona li taso lon tomo suli pi kon monsuta taso.\n<h2 id=\"kipisi-lipu-nanpa-tu-wan\">KIPISI LIPU NANPA TU WAN</h2>\nkalama ala la ona li tawa insa e poka pi lupa suli li open e ona kepeken tenpo mute. lupa suno la jan Konen li awen. soweli kulupu li awen sama ni lon ma nasa. ona li ken utala li ken tawa weka kepeken tenpo lili. ona li lukin e insa tomo pi sewi sike jelo. sinpin li kiwen laso mani. anpa li kiwen uta pi soweli nena li jo e len anpa suli mute. kon nasa pi ilo kon li kama tan poki pi kiwen seli lon supa palisa pi kiwen jelo mani. sitelen kiwen pi jan sewi li awen lon monsi ona lon supa pi kiwen walo. jan Konen li lukin wawa. sitelen li jo e sijelo jan pi len ala li laso. taso lawa li monsuta li nasa. ona li suli tawa sijelo jan. ona li ijo jan ala. jan Konen li lukin wawa e kute suli lipu e nena linja pi sinpin ona. kiwen uta palisa walo li lon poka tu pi nena linja li jo e sike pi kiwen jelo mani lon pini ona. sama lape la lukin ona li pini.\nni li tan pi nimi “tomo pi soweli nena”. toki tan jan pi ma Semi la soweli monsuta li sama lawa pi ijo ni. ni li sewi pi jan sewi Jawa. nimi pi kiwen mani li “pilin pi soweli nena” la ona li lon insa pi sitelen jan anu seme?\njan Konen li kama tawa la lukin ona li kama awen lon sitelen awen. ni la lukin pi ijo ni li kama open! jan pi ma Kimelija li pini tawa. ni li sitelen kiwen ala. ona li ijo lon. jan Konen li kama poki lon tomo ona!\nona li kama ala wawa suli pi pilin moli wawa la pilin monsuta ona li suli li awen e ona. jan pi nasin kulupu li lon tenpo ona la ona li alasa awen kepeken pilin ni: lawa ona li kama pakala. jan pi ma Kimelija li pilin ala e sona ala pi lukin ona. ona li sona e ni: monsuta pi tenpo majuna li lon sinpin ona. pilin ni li lanpan e ken ale ona. lukin ona taso li awen.\nnena linja monsuta li sewi li alasa luka. lukin laso li lukin pi sona ala. jan Konen li sona e ni: monsuta li ken ala lukin. pilin ni la sijelo awen ona li kama ken tawa lon tenpo sin. ona li open tawa lupa monsi. taso monsuta li kute e ona. nena linja pi pilin wawa li tawa ona. ijo li open toki kepeken kalama nasa pi wawa ala kepeken kalama pi awen sama la pilin monsuta pi jan Konen li awen e sijelo ona lon tenpo sin. jan pi ma Kimelija li sona e ni: uta monsuta li kama ala tawa toki jan.\n“seme li lon ni? jan Jawa o. sina kama pakala e mi lon tenpo sin anu seme? sina pini ala pini? jan Jakosa o! ike li pini ala anu seme a?”\ntelo li kama tan lukin pi ken lukin ala. lukin pi jan Konen li tawa sijelo awen lon supa pi kiwen walo. ona li sona e ni: monsuta li kama ala utala e ona tan supa. ona li sona e selo pi supa ilo pi pana pakala e selo pi pakala seli. kon ona li wawa. taso ona li pilin ike tan sijelo pakala. ona li sona e ni: tenpo pini la sijelo ni li pona sama sijelo ona. jan Konen li sona ala e monsuta ni. taso selo ona li pana sona e pakala ona. ni li ike li pana e pilin anpa tawa jan pi ma Kimelija la ona li kama pilin ike wawa nasa li sona ala e tan ona. ona li sona e ni taso: ona li lukin e ike mun. ona li kama anpa tan pilin apeja sama ni: apeja suli pi pali ike ale jan li lon ona.\nona li toki e ni: “mi jan Jawa ala. mi jan lanpan taso. mi pakala ala e sina.”\nijo li toki e ni kepeken kalama pi pini mute: “o kama lon poka. ni la mi ken pilin e sina.” jan Konen li kama lon poka ona li pilin monsuta ala. ilo utala ona li awen lon luka anpa ona tan ni: jan Konen li weka sona e ona. nena linja pi pilin wawa li kama li luka e sinpin e sijelo ona. ona li luka e ona sama jan pi lukin ala. luka ona li wawa lili sama luka pi jan meli lili.\nijo li pana e kon. “sina tan ala kulupu ike a pi jan Jawa. wawa pona pi ma open li lon sina. mi sona e jan sina tan majuna. ale ante li pana e tomo suli pi kiwen mani tawa sewi la mi sona e ona kepeken nimi ante. telo sijelo loje li lon luka sina.”\njan Konen li toki e ni: “pipi suli wan lon tomo sewi en soweli alasa suli wan lon ma kasi”\n“sina moli e jan ante kin lon tenpo pimeja ni. moli li lon tomo sewi kin. mi pilin. mi sona.”\njan Konen li toki e ni: “a. jan lawa pi jan lanpan li awen moli lon ni tan pakala uta pipi.”\n“ni en ni a!” kalama pi jan ala li kama sewi lon nasin kalama anpa. “moli wan lon tomo moku. moli wan lon nasin. mi sona. mi pilin. nanpa tu wan li pali e usawi. jan Jawa li ken ala pilin e ona. a! usawi kama a. sewi laso pi mun Ka o!”\nsijelo pakala li tawa tan monsi tawa sinpin lon luka wawa pi pilin mute la telo lukin li kama lon tenpo sin. jan Konen li lukin li pilin nasa.\ntawa li pini. lukin pona pi ken lukin ala li lukin e jan pi ma Kimelija. nena linja li toki luka.\nijo nasa li toki e ni: “jan o. o kute. mi jaki li monsuta tawa sina anu seme? ala. o toki ala. mi sona. taso mi ken lukin e sina la sina nasa sama tawa mi. mun mute ante li lon. mun ma li taso ala. jan li ken ijo mute. mi sewi ala li monsuta ala. mi sijelo li telo sijelo loje sama sina. taso ijo mi li ante lili tawa sina li lon selo ante.”\n“mi majuna mute. jan pi ma open o. tenpo majuna la… tenpo majuna la mi kama mun ni lon poka pi kulupu mi tan mun laso Ja. mun ni li awen tawa sike lon selo weka ale. mi tawa lon ale kepeken luka waso wawa. ni la tawa mi li wawa tawa wawa suno. mi kama tan ni: mi utala e jan lawa pi mun Ja li kama anpa li tawa weka. taso mi ken ala tawa mun lon tenpo sin tan ni: luka waso mi li kama pakala tan sijelo mi lon mun ma. mi awen lon weka tan jan pi mun ma. tenpo ni la mi utala e ijo nasa monsuta pi mun ma. ni la jan li pilin monsuta tan mi li utala ala e mi lon ma kasi pimeja lon poka ma pi open suno. mi awen lon ni.”\n“mi lukin e ni: jan li kama tan soweli li pali e ma tomo Walusija e ma tomo Kamelija e ma tomo Komowija e ma tomo sama. mi lukin e ni: ona li kama anpa tan kulupu pi nasin sewi ante. kulupu pi ma Alansi en kulupu pi ma Pi en kulupu pi ma Lemuwija. mi lukin e ni: telo li kama sewi li anpa e ma Alansi e ma Lemuwija e ma telo Pi e ma tomo suno pi nasin kulupu. mi lukin e ni: jan awen tan kulupu pi ma Pi tan kulupu pi ma Alansi li pali e nasin kulupu sin pi kepeken kiwen li kama anpa tan utala moli awen. mi lukin e ni: kulupu pi ma Pi li kama nasin ala. kulupu pi ma Alansi li kama sama soweli lon tenpo sin. mi lukin e ni: kulupu jan sin pi nasin kulupu ala li kama lon kulupu utala tan ma lete li pali e nasin kulupu sin. ona li pali e ma sin. ma Nemesija en ma Ko en ma Akilonija en ma sama. mi lukin e ni: jan li kama lon tenpo sin kepeken nimi sin tan ma kasi suli pi soweli jan. tenpo pini la ona li jan pi ma Alansi. mi lukin e ni: jan sin tan mama pi ma Lemuwija li awen tan telo la ona li kama lon tenpo sin tan nasin kulupu ala li tawa poka tawa ma pi pini suno tawa ma Ikanija. mi lukin e ni: jan ike ni li tan kulupu majuna. kulupu ni li majuna tawa kama anpa telo pi ma Alansi. ona li kama wawa lon tenpo sin li kama ma ike a ni Samola.”\n“mi lukin e ale ni. mi pakala ala li pona ala e lawa ale awen. tenpo li tawa la mi kama moli. tenpo mi li suli sama tenpo mun. taso mi kin pi mun Ja li ken moli. pini la mi taso li awen lon. mi pilin e tenpo majuna lon tomo sewi pakala lon ma kasi Kita. ni la kulupu jan majuna pi selo jelo li anpa tawa mi. ona la mi sewi. ni la jan Jawa li kama. ona li sona e sona pimeja. jan li pana sona e ni lon tenpo pi nasin kulupu ala. sona ni li majuna tawa kama anpa pi ma Alansi.”\n“open la ona li awen lon anpa mi li kama sona. taso ona li pilin pona ala tan sona pi pana mi tan ni: ona li usawi walo taso. ona li wile e sona ike tawa ni: ona li alasa anpa e jan lawa li alasa pini e wile ike ona. mi pana sona e sona len pimeja ala pi sona mi tawa ona. mi kama sona e ni tan wile ala mi lon tenpo suli mute.”\n“taso sona ona li suli tawa pilin mi. ona li kama jo e wawa tan tomo moli pakala pi ma pimeja Sikija la ona li pali e ni: mi wile ala toki e sona len. taso mi toki e ona. ona li anpa e mi kepeken wawa mi. a! sewi a pi mun Ja o! ale mi li ike tan tenpo ni.”\n“ma kasi len pi ma Kita la soweli walo li tawa musi tan palisa kalama pi jan sewi jelo. pana kili en telo nasa li kama nena lon sinpin pi supa sewi pakala mi. taso ona li lanpan e mi tan ni. mi kama sewi ala tawa kulupu pona pi ma kasi. mi kama jan pali anpa tawa ike pi selo jan.”\ntenpo sin la telo li kama tan lukin pi lukin ala.\n“mi pali e tomo suli ni tawa ona tan toki lawa ona lon tenpo pimeja wan taso. ona li poki e mi lon ni. ona li anpa e mi kepeken supa ilo pi pana pakala kepeken seli kepeken pakala ante nasa pi sona sina ala. mi ken la mi alasa moli e mi tan pilin pakala. mi pakala li ken lukin ala. taso ona li awen e mi tawa ni: mi pali e wile ike ona. tenpo sike tu wan ale la mi pali e wile ona tan supa ni pi kiwen walo. mi pimeja e lawa mi li jaki e sona mi kepeken pali ike ale. taso mi ken ala pali e ijo ante. taso ona li kama ala sona e sona len ale mi. pana pini mi o usawi kiwen pi telo sijelo loje.”\n“mi pilin e kama poka pi pini tenpo. sina luka pi wile ale. mi wile a. o kama jo e kiwen tan supa sewi ni.”\njan Konen li tawa sike tawa supa sewi walo pi kiwen jelo mani. supa li kiwen uta pi soweli nena. ona li kama jo e kiwen sike suli sama kiwen mani loje. ona li sona e ni: ni li “pilin pi soweli nena”.\n“ni la usawi o kama. usawi suli. usawi wawa. tenpo ale la jan li lukin ala e usawi sama ni li lukin ala e ona lon tenpo sin. mi pali e ona kepeken telo sijelo loje pi kon mi kepeken telo sijelo tan mun laso mama Ja tan weka open laso ale.”\n“jan o. o kama jo e ilo utala sina o kipisi e pilin mi tan sijelo mi. o luka wawa e ona tawa ni: telo sijelo loje ale ona li kama lon kiwen loje. ni la o tawa anpa lon nasin kiwen ni o tomo pimeja. jan Jawa li awen lon ni li pilin e wile ike ona pi kasi kule lon ni. o toki e nimi ona. ni la ona li kama tan lape. o pana e kiwen ni lon sinpin ona o toki e ni: »ni li pana pini li usawi pini pi jan Jakosa.« o tawa wawa weka tan tomo suli. o pilin monsuta ala. ala o pakala e nasin sina. kon jan li kon ala pi mun Ja. kin moli jan li moli ala pi mun Ja. o pana e ni: mi ken kama tan poki sijelo pakala ni pi lukin ala. ni la mi kama jan sona Joka pi mun Ja lon tenpo sin. mi suno li jo e len lawa suno. mi jo e luka waso tawa kon e noka tawa musi e lukin tawa sona e luka tawa pakala.”\njan Konen li kama poka ona li pilin monsuta lili. lukin la jan Jakosa anu jan Joka li pilin e ni li toki luka e ni: jan Konen o kipisi lon seme? jan Konen li pini wawa e uta ona li pana insa e ilo utala ona. telo sijelo loje li kama lon ilo utala lon luka ona. monsuta li tawa lili wawa tan pilin pakala li kama awen lon anpa. kon anu kon pi sona ona li weka tan ona. jan Konen li open e pali monsuta li kama jo e ijo tan sijelo. lukin la ona li pilin pi ijo nasa ni. taso ona li sama ala pilin ante ale pi lukin ona. ona li jo e pilin pi tawa lili lon sewi pi kiwen selo. ona li luka wawa e ona kepeken luka tu. telo sijelo loje mute li kama tan ona tawa kiwen. nasa la ona li awen ala lon selo kiwen li kama lon insa ona sama telo lon ko pi moku telo.\nona li jo e kiwen li tawa weka tan tomo usawi li kama lon nasin leko pi kiwen walo mani. ona li lukin ala tawa monsi ona. ona li sona e ni tan pilin ona: monsi ona la insa sijelo li kama ante lon supa pi kiwen walo. ona li pilin e ni kin: kama ante ni li tawa ala lukin jan.\nona li pini e lupa pi kiwen uta lon monsi ona. ona li awen ala li tawa anpa lon nasin leko pi kiwen walo mani. ona li pilin ala e ni: ona li pali ala e toki pi pana ona. ona li kama awen lon lupa pimeja pi kasi kiwen li open e ona. kiwen lawa walo pi sinpin musi li lon lupa. ona li lukin e tomo pi kiwen pimeja e kiwen uta pi soweli nena li kama lukin e selo jan awen lon supa pi len pimeja. jan sewi usawi Jawa li lon sinpin ona. lukin ona li open li suli tan kon nasa pi kasi kule jelo. ona li lukin wawa tawa weka sama ni: ona li awen lon telo lon ma lupa pimeja pi sona jan ala.\njan Konen li toki sama jan lawa pi toki pini. “jan Jawa o! o kama!”\ntenpo ni la lukin ona li kama wawa li kama ike lete sama waso pi moku moli. ona pi len pona li kama sewi li awen lon sewi lon sinpin jan pi ma Kimelija\n“soweli!” pana kon ona li sama kalama pi akesi linja. “sina seme lon ni?”\njan Konen li pana e kiwen tawa supa pi kasi kiwen.\n“jan pi pana kiwen mi li toki e ni kepeken mi: »ni li pana pini li usawi pini pi jan Jakosa.«”\njan Jawa li kama tawa monsi. sinpin pimeja ona li kama walo. kiwen li awen ala sama kiwen lukin. insa ona li kama wawa li kama tawa. kon nasa li tawa lon selo ona. kule kon li awen kama ante. jan Jawa li anpa tawa supa li kama jo e kiwen lon luka ona sama ni: usawi pilin li lawa e ona. ona li lukin e insa pimeja ona sama ni: kiwen li lanpan e kon ona pi pilin monsuta tan sijelo ona. jan Konen li lukin la ona li pilin e ni: lukin ona li pana e sitelen pi lon ala. jan Jawa li kama sewi tan supa ona la ona li sewi mute tawa lukin. taso tenpo ni la ona li lukin e ni: lawa pi jan lawa li sewi sama sijelo ona. ona li pini e lukin ona tan pilin nasa ona pi sona ala. tenpo nanpa wan pi tenpo pimeja ni la ona li pilin e ni: pilin ona li pana e sona pi lon ala tawa ona. ni la ona li awen li kama sona e ni: sijelo pi jan sewi li kama lili lon sinpin pi lukin ona.\nona li lukin la ona li pilin weka sama jan lukin musi. ona li kama pilin wawa e lon ala wawa pi tenpo ni. jan pi ma Kimelija li kama pilin e ni: ona li sona ala e lon ona. ona li sona e ni taso: ona li lukin e sitelen selo pi pana sona tan pali len pi wawa weka suli li ken ala sona.\ntenpo ni la jan Jawa li suli ala tawa jan lili. tenpo ni la ona li lon supa li awen luka e kiwen. jan usawi li kama sona e pini ona la ona li kama sewi li pana e kiwen. taso ona li awen kama lili. jan Konen li lukin e jan lili pi tawa wawa lon sewi supa pi kasi kiwen. ona li tawa wawa e luka li toki kepeken kalama lili sama kalama wawa pipi.\ntenpo ni la kama lili ona la kiwen suli li sewi tawa ona sama nena. jan Konen li lukin e ni: ona li len e lukin ona kepeken luka ona li sama ni: ona li alasa awen tan suno wawa. ona li tawa nasa sama jan pi lawa pakala. jan Konen li pilin e ni: wawa nasa len li tawa kiwen e jan Jawa. tenpo tu wan la ona li tawa wawa lon sike pi kama lili lon poka kiwen. tenpo tu wan la ona li alasa weka tawa supa. pini la jan sewi li tawa wawa tawa kiwen sike seli. kalama wawa ona li jasima lon kute pi jan lukin.\njan Konen li kama anpa la ona li lukin e ni: jan Jawa li tawa sewi lon sinpin kepeken wawa suli sama jan pi tawa sewi lon nena pi kiwen lukin. ni la jan sewi li kama lon sewi li awen tawa wawa e luka ona. ona li toki e nimi ike pi sona sewi taso. ona li kama anpa tawa insa pi kiwen mani sama jan pi telo open. jan Konen li lukin e ni: kon li pini lon sewi pi lawa ona. jan Konen li lukin e ona lon insa loje kiwen. kiwen li kama sama kiwen lukin lon tenpo sin. lukin la ona li sama lukin pi pali lili tan weka suli. jan laso ante pi lawa soweli li tawa waso tawa insa kiwen. ona li ken lukin li wawa. jan Jawa li tawa wawa weka sama jan pi lawa pakala. jan pi kama sin li awen lon monsi ona. ni la kiwen suli li kama ala sama sike telo kon lon kule wawa suno. ala li lon sewi pi supa pimeja. jan Konen li sona e ni: ni li sama supa pi kiwen walo lon tomo sewi. tenpo pini taso la sijelo ijo mun pi nimi Jakosa anu Joka li lon ona.\njan pi ma Kimelija li tawa sike li weka tan tomo lon nasin leko pi kiwen walo mani. ona li nasa lili tan tenpo ni la ona li pilin ala e ni: ona o weka kepeken nasin sama pi kama ona. ona li tawa anpa lon nasin leko pimeja pi kiwen walo mani li kama lon tomo suli lon anpa pi nasin kiwen suno. tenpo ni la ona li awen lon tenpo lili. ona li lon tomo pi jan utala. jan Konen li lukin e len awen kiwen suno ona e kiwen mani lon anpa pi ilo utala ona. ona li lape lon supa moku suli. selo waso ona li tawa lon sewi pi lawa awen ona. kiwen musi li lon poka ona. poki telo moku li awen lon anpa laso tomo pi telo nasa. jan Konen li sona e ni: ona li moli. toki moli li kama li lon. jan Konen li ken ala sona e ni: usawi anu kon pi luka waso laso suli li pini e musi. taso ala li pakala e nasin ona. lupa pi kiwen walo mani li open lon walo pi kama suno.\njan pi ma Kimelija li kama lon insa laso pi ma kasi. kon tawa pi kama suno li pana e kon lete pi kasi nasa tawa ona la ona li kama sama kama pi jan lape. ona li tawa sike tawa monsi. ona li lukin e tomo suli nasa pi kama ona. ona li kama usawi anu seme? ona li lukin e sitelen lape taso pi tenpo ale ni anu seme? ona li lukin la tomo suli suno li tawa lon sewi loje pi kama suno. sewi suno ona pi kiwen mani lon suno pi kama wawa li kama pakala tawa kipisi suno mute.","metadata":{"headings":[{"depth":1,"slug":"jan-wawa-utala-konen","text":"jan wawa utala Konen"},{"depth":2,"slug":"kipisi-lipu-nanpa-wan","text":"KIPISI LIPU NANPA WAN"},{"depth":2,"slug":"kipisi-lipu-nanpa-tu","text":"KIPISI LIPU NANPA TU"},{"depth":2,"slug":"kipisi-lipu-nanpa-tu-wan","text":"KIPISI LIPU NANPA TU WAN"}],"localImagePaths":[],"remoteImagePaths":[],"frontmatter":{"title":"jan wawa utala Konen","description":"A translation of Robert E. Howard's \"The Tower of the Elephant\"","authors":["jan Tene"],"proofreaders":null,"date":"2025-10-05","date-precision":"day","original":{"title":"The Tower of the Elephant","authors":["Robert Erwin Howard"]},"tags":["translation","prose","story","fantasy"],"license":"CC BY-NC 4.0","sources":["https://denesszanto.itch.io/jan-konen"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"}},"t/trans_poem":{},"a/jan_Kinen":{}}

mi jo e sijelo. taso, mi jo ala e sijelo mi. mi jo e pakala toki. taso, mi jo ala e pakala toki mi. mi jo e nimi. taso, mi jo ala e nimi mi.

mi wile e sijelo mi. mi wile e pakala toki mi. mi wile e nimi mi.

taso, mi jo ala e sijelo mi, e pakala toki mi, e nimi mi, a! m pilin e ike tan ni.

mi wile e mi.