nasin musi pi jan lawa

ma esun la tomo pi pali len li lon. tomo ni la jan li pali e len mute tawa sijelo jan. insa tomo la ko walo mute pi pali len li lon. jan li pali lon ko ni la ko li kama linja. linja ni mute a li kama wan la len li kama lon.

suno wan pi esun ala la jan li lanpan e ko walo tan tomo ni. ni la jan jo li pana e toki pi weka ko tawa jan lawa. taso jan jo li sona pona ala e ni: jan seme li lanpan e ko? taso ona li pana e nimi pi jan mute tawa jan lawa. ken suli la jan wan pi kulupu ni li jan lanpan.

jan lawa li wile la kulupu li kama lon poka ona. jan ale kulupu li toki e ni: mi lanpan ala. ni la jan lawa li toki pi nasin pona tawa kulupu e ni:

o sona. mi sona pona e jan lanpan a. ona li lon kulupu ni a. taso ona li nasa tawa mi: mi lukin tawa ona la mi ken lukin e kipisi ko lili lon linja pi anpa sinpin. tan seme la ona li ken lon poka mi li toki e ni: mi lanpan ala e ko. pilin ona pi monsuta ala li nasa mute a.

jan lawa li toki e ni la jan wan kulupu li pana e luka tawa linja pi anpa sinpin li alasa e ko.

jan lawa li lukin e ni li toki:

o lanpan e jan ni. jan pi lanpan ala li pali ala e ni. ni la jan ni li jan lanpan a.