telo suli pi ma tomo Otopa

ma tomo Otopa. ma Maja.
(Hortobágy, Hungary)

tenpo ni la, mi toki e telo suli pi ma tomo Otopa:
ma ni li lon ma Maja. ma tomo Otopa li jo e telo suli pi kala mute. tenpo pi kasi sin la, waso mute li kama tawa ma ni. ona mute li wile pali e tomo waso lon poka pi telo suli ni. waso telo mute li musi. ona li alasa e kala. waso lili pi tawa wawa li kama kin tawa ma ni. waso ni li pali e tomo waso kepeken ko ma. ona li kalama pi uta ona lon poka mi li pana e pipi tawa waso lili ona. mi kute e mu waso la, mi pilin pona.

soweli suli pi telo suli li lon ma ni. soweli ni li tawa insa telo tan seli suno. ona li wile e lete telo tawa sijelo ona. lukin la, soweli ni li pona mute.

ma tomo Otopa li ma supa suli li pona lukin. ilo tawa suli li tawa poka telo. jan tawa li ken kama tawa ma pi waso mute kepeken ilo ni. mi la, ma tomo Otopa li ma pi pona mute. o kama tawa ma ni, o lukin e waso en soweli. mi wile e ni: tenpo kama la, mi mute o lukin e ma ante kin.

tenpo ni la, mi tawa. pona tawa sina!