seme li sin

lipu pi sin mute li lon poki ni

sina wile pana e lipu la o pali e sijelo ilo lon ni

from telosuwi

ilo li toki esun! ni li ike lili. mi tawa esun sina ala tan ni: mi wile ala.

(mi sona e ni: ilo li lukin ala e ni. mi musi.)

 
Read more...

from jan Kita

#meta · ma ni li ilo WriteFreely tan ni → mi ken lon e ona kepeken pali lili · kin la jan mute li ken pana e lipu lon ona kepeken pali lili · · taso ijo lili nanpa tu wan li mute pi ken ona · suli la jan li ken pana e toki taso · ona li ken ala pana e pilin ona lon anpa lipu · mi kama sona e ni → jan mute li wile pana ni · · ken la mi o weka e ilo ni o lon e ilo Plume · taso mi kute e ni → jan li awen ala pona e ilo ni · (taso ilo WriteFreely la ni li lon kin) · · kin la mi pali e sijelo lon ona la pali li suli lili · · ilo Plume la mi o pana e nimi pi poki Email mi o tawa ona o luka e ijo o pana e nimi e nimi wawa o luka e ijo o pana sin e nimi e nimi wawa o pali e poki Blog li ken pali · · ilo WriteFreely la mi o pana e nimi e nimi wawa o luka e ijo li ken pali · · ken la pali ni li suli ala · mi sona ala a · · taso ken la ken ala toki li suli ala kin · jan li ken toki lon anpa lipu kepeken ilo toki.social · taso jan pali li wile lukin e ni la ona o lon ilo ni kin · nasin ni li nasa lili · taso ona li lon · (ante la jan li ken toki tawa jan pali taso kepeken ilo Discord kepeken ilo ante) · · pilin sina pi ijo ni li seme · o toki tawa mi lon ilo Discord (hecko#8977) anu tawa ale lon ilo ni · mi wile kute li wile sona ·

 
Read more...

from kulupu Mimuki

tenpo pini la, mi pali e len kule kepeken linja mute. linja ni li tan kasi Coton. ona li pona tawa luka mi a!

len kule mi

mi pali e len tan nasin pali ni. taso nasin mi li ante lili. pilin mi la, ante mi li... pona ala. taso ni li suli ala tawa mi. mi pali tan ni: mi wile kama sona e nasin pi pali len. pali ni li suli. len ni li suli ala a a a

pali open la, sijelo pi ilo palisa mi li ijo Pasi. esun la ona li mani lili a! sona mi la, ona li wile e mani $5AUD. (mani AUD li mani pi ma Oselija)

taso, ilo ni li ike tawa mi. ona li wile e pali mute, li ike lili tawa luka mi. taso, mi awen pali. len mi li kama suli. lupa ike li kama lon ona, taso mi pona e ona kepeken linja pimeja. lukin la ona li nasa, taso lupa ike li weka :)

mi pona e lupa ike mi kepeken linja pimeja o suli e sitelen ni

mi pali e len lon tenpo mute. taso... ilo mi li pakala a!!

ilo palisa mi li pakala! ona li kama tu o suli e sitelen ni

ni li ike mute tawa mi a! mi ken ala pali kepeken ona!! mi wile esun e ilo pona. ni la mi alasa e sona pi ilo mute. jan sona li toki e ni: ilo palisa sike li pona tawa pali pi ijo mute. ni la, mi esun e ni:

ilo sin mi o suli e sitelen ni

mi esun e ilo palisa pi sijelo kasi, e ilo palisa pi sijelo kiwen, e linja sike. linja ni li wan e ilo palisa tu. ona li kama ilo palisa sike. ilo ale ni li mani $38AUD. tenpo suno luka tu li kama la, ilo sin li kama.

mi awen pali kepeken ilo sin. len ni la mi kepeken ilo palisa pi sijelo kasi. ona li pona mute tawa mi!! pali mi li wile e tenpo lili. mi pakala ala e lupa mi. pali la luka mi li pilin pona.

mi pali... mi pali... mi pali...

len mi li pini a! len kule mi nanpa wanlen kule mi nanpa tu o suli e sitelen nanpa wan o suli e sitelen nanpa tu

pali ni li pona tawa sona mi. mi kama sona e ni: mi wile ala e len pi kule mute lon sijelo mi. ni la, pali mi nanpa tu li kule lili a a a

mi tawa~

-jan Natan tan kulupu Mimuki

 
Read more...

from waso Pin

o kama sona e mi

nimi linluwi la nimi mi li waso Pin lon la nimi mi li jan Pin (tan nimi “Finn” pi toki Kalike)

tenpo sike mun tu wan (?) li weka la mi open sona e toki pona sike luka luka luka la mi lon

toki mi sona e toki Inli e toki pona mi kama sona e toki Epelanto e toki Kinli mi wile sona e toki Nijon e toki Potuke

musi mi la musi ilo nanpa wan li musi “kulupu la o moku” (toki Inli la nimi li “Don’t Starve Together”) kalama musi Inli la jan Wilu (Will Wood) en jan Lemontimon (Lemon Demon) en kulupu Talipa (Tally Hall) li pona kalama musi pi toki pona la jan Usawi li kalama nanpa wan a

soweli mi mi jo e soweli tu wan soweli nanpa wan li loje li nasa li lukin sama soweli Kupitu (soweli Scooby-Doo) soweli nanpa tu li soweli sama soweli loje li pimeja li walo soweli nanpa tu wan li lukin sama soweli Kopi (soweli Guppy tan musi The Binding of Isaac)

kulupu mama jan tu li mama e mi nimi ona li Lijan li Ken sama mi wan li lon nimi ona li jan Ko

 
Read more...

from jan-tewan

toki kijetesantakalu kepeken nasin toki Limewike (toki Inli “Limerick”)

kijetesantakalu. ona li sona e pu. wile mi li sama ni: ona li sona e ku!

 
Read more...

from jan Kita

#meta · jan Nami o · kama pona · · sina wile sona e ni → ma ni la lipu o toki pona taso anu seme · · mi pali e ma ni tawa ni → jan li ken pana e lipu sin pi toki pona kepeken pali lili · · taso · sina wile pana e toki ante lon poka la ni li pona · · (mi o toki e ni lon lipu lawa anu seme a a) · · ante la · sina kama tan seme · mi lukin ala e sina lon ma pona pi toki pona pi ilo Discord ·

 
Read more...

from jan-tewan

mi jan Tewanololi, taso sina ken kepeken nimi “jan Tewan” tan lili pi nimi ni. sitelen en kalama musi en sona toki li pona li musi a tawa mi. ma ni li pona kin! tenpo mute la mi sitelen lon ona. wile mi la ni o pona tawa sina! ni li sitelen lili, taso lon tenpo kama la mi pali e sitelen suli.

o awen pona, mi tawa!

 
Read more...

from jan Silan

ijo ni li poka pi telo kasi ni li tan ma Juta tenpo open pi ilo sitelen kon la jan Newell li pali e poki Juta tan ni:

  • sama sike
  • jo e lupa e nena
  • ken pali e pimeja lon ni
  • wile ala e sinpin kule
  • jan Newell li jo e poki Juta lon kon lon
jan Newell li pali e poki Juta kepeken linja sike taso ni li tenpo nanpa wan la jan li pali e ijo kepeken linja sike taso ona li pana mute e poki Juta la jan ale li kepeken ni tenpo ni la poka Juta li pona tawa jan mute

nimi musi:

  • nimi nanpa wan pi poki Juta li Haushaltsteekanne
  • poki Juta pi kon lon li suli poki Juta pi ilo sitelen li lili
  • ona li pali e ni: poki Juta ante! poki Juta ante li:
    • lukin kon
    • jasima
    • linja
    • nena mute
  • sina wile ala mani la sina ken kepeken poki Juta
  • ilo sitelen li kepeken poki Juta tan kama sona e ni: ilo sitelen pali ala pali?
  • poki Juta li musi ni li lon sitelen musi mute

 
Read more...

from soweli-mokapen

mi jan pi sike suno tu wan la mi kama sona e nasin sitelen li sitelen e lipu mute. mi kama jan pi lili ala la mi awen sitelen mute e lipu. taso tenpo pini poka la mi pali ala e lipu mute. mi toki insa e ni: “mi o sitelen sin e lipu. tan seme la mi pini?” taso mi awen pali ala. kin la, toki pona li pana e wile musi tawa mi. ona la mi wile pali e lipu musi e sitelen musi e kalama musi. taso tenpo ale la mi pali mute ala e ni. taso, ma sin ni la mi ken wan e wile tu ni li ken lon e ona a! mi ken sitelen e lipu musi sin kepeken toki pona. ni li pona mute tawa mi. tan ni la mi wile pana e sitelen mute tawa ma ni. o lukin lon tenpo kama. wile mi la mi pana e sitelen sin.

 
Read more...

from tuxysta

toki! mi jan Tukuta! mi toki e jan pi moku kasi taso.

jan pi moku kasi taso la ma ale li pona mute.

jan pi moku soweli la ma ale li ike.

jan ale li jan pi moku kasi taso la ma ale li awen.

 
Read more...