sona pi lipu toki ni
sina ken pona e ona kepeken ilo poki Kita
sina ken lukin e ona lon lipu github.com
ona li tan toki ante. toki ante ni li Where the Wild Things Are li tan Maurice Sendak
o sona e ni: mi weka e sitelen \" tan nimi ale tan ni: pilin mi la ona li lon ala lipu pi jan Pije li tan jan awen tasolipu tan li weka. ken la ni li ante lili tan toki open pi jan Pije.
soweli pi nena kiwen
ma pi soweli nasa.
ni li tan jan Maurice-Sendak.
tenpo pimeja wan la jan Max li jo e len soweli li pakala e ijo mute.
kin.
mama ona li toki e ni tawa jan Max: ‘sina soweli nasa!‘
jan Max: ‘mi moku e sina!‘
mama ona: ‘o tawa tomo sina! sina ken ala jo e moku!’
tenpo pimeja ni la kasi li suli lon tomo pi jan Max li suli li suli! palisa kasi li lon sewi. sinpin tomo li weka.
telo suli li lon. jan Max li tawa kepeken tomo-tawa-telo.
tenpo suli la jan Max li tawa lon telo. ona li kama tawa ma pi soweli nasa.
ona li lon ma pi soweli nasa la soweli nasa li mu ike li jo e kiwen uta walo ike li jo e oko ike li jo e noka ike.
jan Max li toki e ni: ‘o pona!’ ona li lukin wawa e oko jelo ali pi soweli nasa.
soweli nasa li pilin e ni: jan Max li wawa li nasa mute.
soweli nasa li wile e ni: jan Max li lawa e soweli nasa ali.
jan Max li toki e ni: ‘a! musi nasa o open!’
jan Max li toki e ni: ‘o pini! o tawa supa lape sina! sina ken ala jo e moku!’ jan Max li lawa e soweli nasa ali.
taso ona li pilin ike. ona li wile olin.
jan Max li pilin e kon pi moku pona tan ma weka.
ona li pini lawa e soweli nasa ali.
soweli nasa li toki e ni: ‘a! o weka ala! mi mute li moku e sina! mi mute li olin mute e sina!’
jan Max li toki e ni: ‘ala!’
soweli nasa li mu ike li jo e kiwen uta walo ike li jo e oko ike li jo e noka ike.
jan Max li tawa tomo-tawa-telo ona. ona li toki e ni: ‘mi tawa!’
tenpo suli la jan Max li tawa lon telo.
tenpo pimeja wan la ona li kama tawa tomo ona. moku li lon.
ona li seli kin.