sona pi lipu toki ni
sina ken pona e ona kepeken ilo poki Kita
sina wile kepeken ona la, o kute e nasin CC-BY-SA 4.0
sina ken lukin e ona lon lipu liputenpo.org lon lipu liputenpo.org lon lipu commons.wikimedia.org lon lipu commons.wikimedia.org lon lipu commons.wikimedia.org lon lipu commons.wikimedia.org
nimi sina pi sitelen pona li seme?
sina kepeken sitelen pona la nimi sina li kepeken sitelen mute. nasin sitelen pi nimi sina li ken mute. mi jan Tamalu. mi kepeken nimi [tenpo ante musi anu lili utala]. ni li pona tawa mi tan ni: mi lukin e ni la mi toki e ni: “tenpo ante musi mute o kama. sina kama ala la mi utala lili tawa sina.” sona ni li ni: mi wile pilin e pilin ante mute e tenpo ante musi mute. mi utala lili tawa alasa pi tenpo ni.
nimi sina li ken kepeken sitelen ante mute. mi jan Tamalu la kin la mi ken ke- peken ni (taso mi kepeken ala):
nimi [telo ala moku a lupa uta]. ni li suwi a. “telo ala moku” li ken ni: ijo moku pi telo ala. tawa mi la nasin nimi ni li toki e ni: telo ala li lon la o tawa lupa uta tawa insa pi sijelo mi. mi pilin moku mute a!
nimi [toki a mi ali li utala]. ni li pilin ike. ona li toki tawa jan wan. ona li pana e sona ni: mi ali li utala lon tomo ni.
nimi [tomo anpa mi ante li uta]. pilin mi la ona li toki e ni: mi jo e tomo anpa tu lon tomo suli mi. tomo anpa wan la mi sona ala. taso tomo anpa mi ante li uta. mi pana e ijo loje tawa ona e kiwen walo la ona li lukin sama uta a. musi. a a a.
nimi [taso ali mu a li unpa]. ona li nasa li pona ala tawa mi li pilin musi taso. pilin mi la ona li toki e ni: ijo ali pi kalama mu li ijo unpa.
nasin mute a! nasin li ken pona mute li ken ike mute. sina ken kepeken mute. nasin wan li ken pona mute tawa sina.