lipu.pona.la
lipu sona Wasona · poki Lapo pi lipu toki · sin kulupu · ma pona pi toki pona · ijo ante
toki ale · poki ale · kulupu ale · jan ale · tan ale · lipu ante · o pana e lipu
sona pi lipu toki ni

sina ken pona e ona kepeken ilo poki Kita

kulupu toki la ona li translation li music li lyrics li ballad li folk song li sea shanty

sina wile kepeken ona la, o kute e nasin CC BY 4.0

sina ken lukin e ona lon lipu janketami.wordpress.com lon lipu www.youtube.com

ona li tan toki ante. toki ante ni li Haul Away Joe li tan folk origin

ale o pali

tan jan Ke Tami
sike #2021 ) #8 ) #24

mi jan lili la mama li toki e ni tawa mi:
o pali, o pali, jan o pali
mi o uta e meli. ante la mi lon pakala
o pali, o pali, jan o pali

mi o! (a!) ale o! ale o pali kulupu
o pali, o pali, jan o pali
pali mi la pona li kama tawa mi ale
o pali, o pali, jan o pali

meli mi pi tenpo pini li kama ike lon mi
o pali, o pali, jan o pali
tenpo ni la meli olin sin li pona mute a
o pali, o pali, jan o pali

jan lawa pi ma Kanse li jan Luwi lon tenpo pini
o pali, o pali, jan o pali
taso ona li moli tan utala pi jan ma
o pali, o pali, jan o pali

mi o! (a!) ale o! ale o pali kulupu
o pali, o pali, jan o pali
pali mi la pona li kama tawa mi ale
o pali, o pali, jan o pali

jan moku li pali, li kama e moku pona a
o pali, o pali, jan o pali
tomo pi jan lawa la telo nasa mute li lon
o pali, o pali, jan o pali

mi o! (a!) ale o! ale o pali kulupu
o pali, o pali, jan o pali
pali mi la pona li kama tawa mi ale
o pali, o pali, jan o pali

sina wile lawa, taso pali sina li jaki
o pali, o pali, jan o pali
tomo mi li tawa la, sina kama anpa mute
o pali, o pali, jan o pali

mi o! (a!) ale o! ale o pali kulupu
o pali, o pali, jan o pali
pali mi la pona li kama tawa mi ale
o pali, o pali, jan o pali

sina lukin lon sewi la pimeja li kama
o pali, o pali jan o pali
lukin la, kon li kama wawa, li kama utala
o pali, o pali jan o pali

mi o! (a!) ale o! ale o pali kulupu
o pali, o pali, jan o pali
pali mi la pona li kama tawa mi ale
o pali, o pali, jan o pali